Olmazor tuman tibbiyot birlashmasi

#Инфографика 🤱 Она сути чақалоқнинг ақлан ва жисмонан ривожланишида муҳим роль ўйнайди. Сабаби, унинг таркибида юздан зиёд фойдали микроэлементлар мавжуд. Қолаверса, у иммуноглобулинга бой. Болани эмизиш она саломатлигига ҳам ижобий таъсир кўрсатади. 📌 ССВ Матбуот хизмати томонидан тайёрланган юқоридаги инфографикада болани она сути билан парваришлашнинг афзалликлари ҳақида билиб олишингиз мумкин. Соғлиқни сақлаш вазирлиги Матбуот хизмати. @ssvuz | @ssvmatbuotkotibi |Facebook | Instagram

​​#Биласизми Сут йўлларида турғун қолиб кетган сут, нафақат шишни, кўкрак бези саратонини келтириб чиқариши мумкин Кўкрак сути билан озиқланиш бола учун табиий ва мўъжизавий жараён ҳисобланса, лекин бу қайсидир жиҳатдан қаралса она учун стресс. Биринчи навбатда, у болага кўникиши керак ва кўпинча эмизиш вақтида кўкракда шиш ёки кичик топ пайдо бўлиши мумкин.

Бола тўлиқ озиқланмаслиги оқибатида сут, сут йўлларида турғун қолиб кетади ва шиш пайдо бўлади. Натижада сут бези қаттиқлашади, қизаради ва тана ҳарорати кўтарилади. Шу билан бирга, бутун лактация даврида аёл кўкрагида шиш пайдо бўлиши мумкин.

Дастлабки уч ой давомида бу ҳолат деярли кузатилмайди. Сабаби, сут бези чақалоқнинг эҳтиёжларига мослашади ва болага қанча сут керак бўлса, организм шунча сут ишлаб чиқаради.

Бу борада сизга ёрдам бера оладиган ягона инсон бу жажжи фариштангиз. Фарзандингизни тез-тез эмизинг. Агар бунинг иложи бўлмаса, махсус мослама ёрдамида бола эмиб бўлгач, қолган сутни чиқариб ташланг. Ва шифокор билан маслаҳатлашинг. Сабаби бу шиш кўкрак бези саратонига олиб келиши мумкин.

❗️Шу ўринда, яна бир гап, эмизикли аёл учун спиртли ичимликлар, малҳамлар билан амалга ошириладиган муолажалар, сутни камайтирадиган дори воситаларини қабул қилиш, кўкракдаги шишни босиш, эзиш мумкин эмас. Энг муҳими, ўзингизга ғамхўрлик қилинг. Бахтли фарзандингиз учун бахтли ва соғлом она бўлинг. 📲Telegram |facebook|Faceboo

Энергетиклар кал қилади Энергетик ичимликлар сочни тўкилишига олиб келиши мумкин, деб айтмоқда Туркиялик соч кўчириш жарроҳлари. Энергетик ичимликларда соч ўсишига ёрдам берадиган кўп витаминлар бор, лекин улар ҳаддан ташқари кўп истеъмол қилинса, акс таъсир кўрсатиши мумкин. Кофеиннинг мўътадил миқдори соч ўсишини тезлаштириши мумкин, аммо уни ҳаддан ташқари кўп истеъмол қилиш стрессни кучайтириб, гормонал мувозанатни бузиши ва соч илдизларига зарар етказиши мумкин. Маълум қилинишича, энергетик ичимликлар бевосита соч тўкилишига сабаб бўлиши ва эркакларда соч тўкилишига олиб келадиган бошқа соғлиқ муаммоларини кучайтириши мумкин.

Axborot 24 | Sog`lom turmush tarzini targ`ib etuvchi festival #22june #uzbekiston24 mtrk.uz | Youtube | Facebook | Telegram | uztv.tv | TV-dastur

🇺🇿 O'zbekiston Respublikasi Davlat madhiyasi — — — 🇺🇿 Государственный гимн Республики Узбекистан Olmazorttb | Facebook | Instagram

Olmazor tuman 21-oilaviy poliklinika binosida aholiga ko‘rsatilayotgan tibbiy yordam samaradorligini hamda kadrlar salohiyatini oshirish maqsadida, tuman tibbiyot birlashmasi 21-oilaviy poliklinika bosh shifokori Z.Abdusattarovaning 2023-yil davomida amalga oshirilgan ishlar va muammolar yuzasidan yillik hisobot hamda 2024-yildagi ustuvor vazifalar bo‘yicha taqdimoti bo‘lib o‘tdi.

😎 Taqdimotda tuman tibbiyot birlashmasi boshlig‘i, tor soha shifokorlari, poliklinika tibbiy brigada shifokorlari, hamshiralar, bosh va katta hamshiralar hamda bo‘lim boshliqlari ishtirok etishdi. ⚡️ Taqdimot yakunida 2023-yil davomida amalga oshirilgan ishlar, yo‘l qo‘yilgan xato va kamchiliklar aytib o‘tilib, bosh shifokor o‘rinbosariga, bosh hamshiraga, tibbiy brigada shifokor va hamshiralariga xato va kamchiliklarni bartaraf etish yuzasidan choralar ko‘rish to‘g‘risida ko‘rsatmalar berildi va yakunda 2024-yildagi ustuvor vazifalar rejasi tasdiqlandi. Olmazorttb | Facebook | Instagram

🇺🇿 O'zbekiston Respublikasi Prezidentining 2022-yildagi "Aholiga ko'rsatilayotgan tibbiy yordam sifatini yanada yaxshilash chora-tadbirlari to'g'risida"gi PQ-5198-sonli qarorida 15-35 yoshdagi ayollarni "temir va foliy kislotasi" preparatlari bilan bepul ta'minlash topshiriq ijrosini bajarish maqsadida Respublika ixtisoslashtirilgan gematologiya ilmiy-amaliy tibbiyot markazi anemiya bo'Iimi mudiri professor D.N. Sulaymanova tomonidan temir va foliy kislotasi tanqisligi bo'yicha kamqonligi bor ilovadagi 15-35 yoshdagi ayollarni standart bo'yicha davolanishi, gemoglabin tekshirilishi, "Gema Tardeferon" preparatini berilishi bo'yicha Olmazor tuman tibbiyot birlashmasi tasaruffidagi barcha oilaviy poliklinika soha mutaxassislariga seminarlar tashkil etildi.

😎 Seminarda tuman tibbiyot birlashmasi tasarrufidagi barcha oilaviy poliklinika bosh shifokor o‘rinbosarlari, bo‘lim boshliqlari, bosh va katta xamshiralar, oilaviy shifokorlar hamda tuman tibbiyot birlashmasining mutassadi xodimlari ishtirok etishdi. Olmazorttb | Facebook | Instagram

❗️Мутахассис: Чўмилиш ҳавзаларидаги ифлосланган сув жиддий касалликларни келтириб чиқаради! 📅 Ёз фасли кириб келиши билан кўпчилик жазирамадан қочиш ва салқинланиш мақсадида чўмилиш учун очиқ сув ҳавзаларига талпинади. Сузишнинг организм учун фойдали жиҳатлари кўп, албатта. Аммо сув ҳавзаларида чўмилиш чоғида турли касалликларни юқтириб олиш хавфи мавжуд. ❓ Хўш, бунинг олдини олиш учун қандай қоидаларга амал қилиш лозим? 👨‍⚕️ Ушбу саволга Тошкент шаҳар 1-сон юқумли касалликлар клиник шифохонаси бош шифокори Гулноза Қурбонова жавоб берди.

💬 — Чўмилиш ҳавзаларидаги ифлосланган сувда учраши мумкин бўлган ичак таёқчаси ва энтеровируслар ўткир вирусли ичак инфекциялари, гепатит (А,Е), ичбуруғ, ичтерлама, лямблиоз, сальмонеллёз каби касалликларни келтириб чиқаради, — дейди мутахассис. — Бундай вирус ва бактериялар сувга инсоннинг ювилмаган қўллари, қусиқ моддалари, қуш ёки ҳайвонларнинг нажаси, ҳашоратларнинг личинкалари орқали тушади.

🦠 25-45 даража иссиқлик бактерия ва вирусларнинг кўпайиши ва узоқ яшаши учун оптимал ҳарорат ҳисобланади. Шу боис ёз фаслида касаллик қўзғатувчилари сувда бир неча кундан бир неча ойгача сақланиши мумкин. 🤢 Хасталик белгилари тахминан 12-48 соат оралиғида ҳолсизлик, кўнгил айниши, қусиш, тана ҳароратининг кўтарилиши, ич кетиши, қорин дам бўлиши каби аломатлар билан намоён бўлади. 🫳 Очиқ сув ҳавзаларида чўмилиш вақтида турли замбуруғли инфекциялар туфайли дерматит ва бошқа тери касалликларини ҳам юқтириб олиш мумкин. 👁 Ифлосланган сувдаги бактерия ва вирусларнинг кўз шиллиқ қаватига тушиши эса конъюнктивит ёки кератитга олиб келади. ‼️ Сув ҳавзаларида чўмилиш вақтида шу каби касалликларга чалиниш хавфини камайтириш учун бир қанча қоидаларга риоя қилиш керак. ❌ Аввало, чўмилиш тақиқланган, ифлосланган, текширилмаган ва нотаниш сув ҳавзаларига тушмаслик лозим. Рухсат этилган жойларда чўмилганда ҳам сувнинг кўз, бурун ва оғизга тушишидан сақланиш муҳим. Агар танада очиқ яралар бўлса, чўмилишдан тийилган маъқул. 🛁 Чўмилишдан олдин ва кейин совун билан яхшилаб ювиниш ва кийимларни алмаштириш зарур. ✅ Бундан ташқари, очиқ ҳавзаларда чўмилиш учун атмосфера ҳарорати +20...+25, сув илиқлиги эса +17...+19 даражадан кам бўлмаган шароит зарур. 🔆 Қуёш фаол бўлган паллада (12:00 дан 16:00 гача) офтоб тиғидан сақланиш керак. Чунки ультрабинафша нурларининг давомий таъсири катарактага ва кейинчалик кўз нури бутунлай йўқолишига сабаб бўлади. 🥵 Шунингдек, кучли ультрабинафша нурлари туфайли аллергик реакциялар, тери саратони юзага келиши хавфи ҳам мавжуд. 💧 Таъкидлаш жоиз, сунъий сузиш ҳавзалари ҳам турли инфекцияларни юқтириб олиш хавфидан холи эмас. Шу сабабли уларнинг тозалигига, суви ўз вақтида алмаштирилганига ишонч ҳосил қилиш лозим. Агар бундай ҳовуз кафеллари сирпанчиқ бўлса, сув эскирганидан далолат беради. Бассейн суви совуқ бўлмаслиги ҳам муҳим, чунки бундай ҳарорат томир тортишишига олиб келиши мумкин. ❗️Агар сизда чўмилиш пайтида ёки ундан кейин касаллик аломатлари кузатилса, дарҳол шифокорга мурожаат қилиш керак. Соғлиқни сақлаш вазирлиги Матбуот хизмати. @ssvuz | @ssvmatbuotkotibi |Facebook | Instagram