ЭСТЕР

🎙🟡🎙🟡🎙🟡🎙🟡🎙 🚀Телеграм || 📷Инстаграм

🎶🎶🎶🎶🎶🎶🎶 ✈️Телеграм🌐Инстаграм✅TikTok

Ёвузликка қарши кураш Ва ниҳоят, Раббимиз Исо сизнинг қудрат манбаингиз бўлсин, Унинг буюк қудрати сизларни бақувват қилсин. Иблиснинг ҳийлаларига қарши тура олишингиз учун Худо берган барча қурол-аслаҳалар билан қуролланинг. Ахир, бизнинг курашимиз инсонларга қарши эмас, балки самовий оламдаги ёвуз руҳий кучларга, руҳий ҳокимият ва ҳукмронликка ҳамда бу қоронғи дунёни бошқараётган руҳий ҳукмронларга қаршидир. Шу сабабдан, Худонинг қурол-аслаҳалари билан қуролланинг, деб айтяпман. Шунда ёвузликка тўла кунларда маҳкам тура оласиз, қуролланиб тайёр турган бўласиз. Ҳушёр туринглар! Белингизга ҳақиқат камарини тақинглар, кўксингизга солиҳлик совутини кийинглар, тинчлик Хушхабарини ёйиш учун оёғингизга илдамлик пойабзалини кийинглар. Буларга қўшиб, имон қалқонини қўлга олинглар. Шу қалқон билан ёвуз шайтоннинг ҳамма алангали ўқларини кучдан қолдирасизлар. Шунингдек, бошингизга нажот дубулғасини кийинглар, Руҳ берадиган, Худонинг каломи бўлган қилични кўтаринглар. Эфесликлар 6.10-17 @uzManna

​ҒАЛАБА ОНГДА БОШЛАНАДИ Онг - кураш майдонидир. Онгда доимий равишда кураш бўлади. Икки танлов орасидаги кураш... Икки қараш устидаги кураш... Икки хил муносабат орасидаги кураш... Икки жавоб ўртасидаги кураш ва ҳ.к. Бундан ташқари, онг шайтон ва унинг шериклари учун энг яхши маскандир... У ўз қуролини онгда бор кучи билан ишга солади... Турли фикр, ёлғон, туҳматлар билан онгдаги курашни авж олдиради... Бу ҳақида Муқаддас Китобда қуйидагиларни ўқиймиз: "Азалданоқ иблис қотил эди. У ҳеч қачон ҳақиқат тарафдори бўлмаган, чунки унда ҳақиқат йўқ. У ёлғон сўзлаганда, ўзига хос сўзлайди. Чунки у ёлғончи, ёлғоннинг отасидир" (Юҳанно 8:44). Шайтон инсон онгида турли курашларни вужудга келтиришга устадир. Сиз шайтоннинг ёлғонларини қабул қилишга мажбур эмассиз! Буни бартараф қилиш учун Худо бизга керакли қурол-аслаҳаларни бериб қўйган. Биз қилишимиз керак бўлган иш - Калом ҳақиқатларига кўра онгимиздаги Худодан бўлмаган фикрларни йўқ қилиш, Каломда ёзилган ҳақиқатлар билан у фикрларга қарши чиқишдир. Агар онгимизни Исо Масиҳ фикрлари билан тубдан янгилаган бўлсак, онгдаги курашда доимо ғалаба қозонишимиз аниқ. Онгдаги саволларга, танловларга, муносабатларга доимо "Каломда ёзилган-ки...","Каломда ёзилгани бўйича..." деб жавоб берсак, ғалаба қозонамиз. Мисол учун, уйқудан уйғонишингиз билан фикр-ҳаёллар ишга тушади, ўша вақтда ҳушёрликни йўқотмаслик зарур, улар ҳужумга ўтмасидан аввал ибодат қилиб, бутун ўй-ҳаёлларимизни Муқаддас Руҳ бошқаруви ҳамда назоратига топшириб, Худодан бўлмаган ҳар қандай фикр-ҳаёлларни Масиҳга бўйсундириб, асир қилиш керак. Агар онгимизда ғалаба қозонсак, кундалик ҳаёт тарзимизда, ҳар кунги қиладиган ишларимизда ҳам, бошқалар билан муносабатимизда ғалаба қозонамиз. Аслида, Исо ғалабани бизга АЛЛАҚАЧОН бериб бўлган! Вазифамиз: буни амалда кўрсатиш! Онгдаги фикрлар йўналиши ЎЗ ҚЎЛИНГИЗДА! Бу ишни сизнинг ўрнингизга ҳеч ким бажариб бермайди, бу иш учун ўзингиз масъулсиз! Онгда мағлубиятга учраб, ҳаётда мағлуб бўлиб, ўзингиз ёки Худодан хафа бўлиш ўрнига ҒАЛАБАНИ ОНГИНГИЗДА БОШЛАНГ! @uzManna

Telegram | Facebook | Instagram | Website