O'zbekiston Ekologik partiyasi

DIQQAT E’LON “5-iyun - Butunjaxon atrof-muhit kuni” munosabati bilan O‘zbekiston Ekologik partiyasi “KO‘NGIL EKOLOGIYASI” nomli rasmlar tanlovini e’lon qiladi. Tanlov 1 bosqichda 2024-yil 3-iyun kuni soat 11:00 da Islom Karimov nomidagi Toshkent davlat texnika universiteti bosh binosi old tomonida bo‘lib o‘tadi. Tanlov yo‘nalishlari: - “Yashil makon” umummilliy loyihasi jarayonlari aks ettirgan surat; - Suv resurslaridan oqilona foydalanish va cho‘llanishga qarshi kurashishda aholi va yoshlarning munosabatlarini aks ettirgan surat; - Atrof-muhitning ifloslanishi va hududlarni chiqindilardan tozalash harakatlarini aks ettirgan surat. Tanlovda mamlakatimizning ekologiya va atrof-muhitiga befarq bo‘lmagan barcha yurtdoshlarimiz jumladan, jurnalist, bloger, talaba va o‘quvchi yoshlar, davlat va nodavlat-notijorat tashkilotlari vakillari ishtirok etishi mumkin. Tanlovning o‘tkazilish tartibi: Har bir ishtirokchi o‘zi tanlagan yo‘nalish bo‘yicha 80 foiz tayyor holatdagi o‘zi chizgan suratni olib keladi va qolgan qismini hakamlar guvohligida tamomlaydi. Suratlar A3 formatdagi (297x420 mm) bir dona oq qog‘ozga tushiriladi. Har bir yo‘nalish bo‘yicha g‘olib deb topilgan 1, 2, 3-o‘rin sohiblari O‘zbekiston Ekologik partiyasi Markaziy Kengashining diplom va esdalik sovg‘alari bilan taqdirlanadi. Hamkor: Islom Karimov nomidagi Toshkent davlat texnika universiteti. Qo‘shimcha ma’lumotlar uchun: +998933855551 ✅Facebook | 🌐Instagram |🌐 Web site | 📹You Tube

Partiya rahbari bo‘lajak siyosatchilar bilan uchrashdi Bugun O‘zbekiston Ekologik partiyasi Markaziy Kengashi Ijroiya qo‘mitasida O‘zbekiston Milliy universitetining Siyosatshunoslik yo‘nalishi talabalari amaliyot o‘tashni boshladi. Partiya rahbari Abdushukur Xamzayev bo‘lajak siyosatchilar bilan uchrashib, partiyalarning kelib chiqish tarixi, mamlakatimizdagi siyosiy partiyalar, bugungi kunda O‘zbekiston Ekologik partiyasi tomonidan atrof-muhitni muhofaza qilish borasida olib borilayotgan ishlar haqida atroflicha ma’lumot berib o‘tdi. — Hech birimizga sir emas, bugun suv bilan, qurg‘oqchilik bilan, chiqindi bilan bog‘liq ekologik muammolar kattalashib bormoqda. Partiyamizning asosiy maqsadi keng jamoatchilik va hukumatning e’tiborini mana shu ekologik muammolarga qaratgan holda ularga ijobiy yechim topishdir. Bu borada ekologiyamizga befarq bo‘lmagan siz kabi bo‘lajak siyosatchilarning bizga xayrixohligi juda muhimdir, — dedi A.Xamzayev. Tadbir so‘ngida talabalarga partiyaning 5 yilligi munosabati bilan chop etilgan kitob hamda esdalik sovg‘alari topshirildi. ✅Facebook | 🌐Instagram |🌐 Web site | 📹You Tube

Oliy Majlis Qonunchilik palatasi deputati, O‘zbekiston Ekologik partiyasi fraksiyasi a’zosi Shuxrat Abduxalimov Bulung‘ur tumanidagi Xalq qabulxonasida saylovchilar bilan uchrashdi. Uchrashuvda fuqarolar uy-joy, aliment, yer olish, uy-joy kadastri, elektr energiyasi, moddiy yordam, bandlik kabi masalalarda deputatga murojaat qildi. Murojaatlar qabul qilinib, ijro uchun mas’ul tashkilotlarga yo‘naltirildi. Shuningdek, deputat saylovchilar bilan uchrashuvlarda qonunchilikdagi o‘zgarishlar, ularning mazmun-mohiyati haqida ma’lumotlar ham berib o‘tdi. ✅Facebook | 🌐Instagram |🌐 Web site | 📹You Tube

Jamoatchilik nazorati — tabiatni asrashda muhim omil Bugun Toshkent davlat agrar universitetida Demokratiya va inson huquqlari instituti tomonidan “Jamoatchilik va ekologik nazoratni amalga oshirishda mahalla fuqarolar yig‘inlari raislarining roli va vazifalari” masalalariga bag‘ishlangan seminar tashkil etildi. Unda O‘zbekiston Ekologik partiyasi Toshkent viloyati partiya tashkiloti hamda bir qator tegishli vazirlik va idoralar vakillari, mahalla faollari ishtirok etdi. Seminarda bugun tabiatga bo‘ladigan tajovuzga har bir fuqaro, ayniqsa, mahalla faollari murosasiz bo‘lib, kuchli jamoatchilik nazoratini olib borishi zarurligi, shu yo‘l bilangina ekologik barqarorlikni saqlab qolish mumkinligi qayd etildi. Shuningdek, mahalla faollari tomonidan atrof-muhitga yetkaziladigan zararlarni oldini olish maqsadida jamoatchilik ekologik nazoratini olib borish ko‘nikmalarini oshirish, ularning ekologik bilimlarini boyitish bo‘yicha tushuntirishlar olib borildi. ✅Facebook | 🌐Instagram |🌐 Web site | 📹You Tube

Toshkent davlat yuridik universitetida “Biologik xilma-xillikni ta’minlashda ilm-fan yutuqlaridan foydalanishning huquqiy masalalari” mavzusida xalqaro ilmiy-amaliy konferensiya bo‘lib o‘tdi. Unda O‘zbekiston Ekologik partiyasi vakillari, partiyaning Oliy Majlis Qonunchilik palatasidagi fraksiyasi a’zolari ishtirok etdi. Konferensiyada O‘zbekiston Respublikasining biologik xilma-xillikka oid qonunchilik holati va takomillashtirish istiqbollari, Biologik xilma-xillikka oid xalqaro hujjatlar, Biologik xilma-xillikni saqlashda o‘rmonlarning ahamiyati, Muhofaza etiladigan tabiiy hududlarning huquqiy rejimi kabi qator masalalar muhokama qilindi. Shuningdek, sohaga oid qonun hujjatlarini takomillashtirish yuzasidan taklif va tavsiyalar ishlab chiqildi. ✅Facebook | 🌐Instagram |🌐 Web site | 📹You Tube

‼️OLIMDAN TO‘RTTA TAKLIF: TABIATNI ASRASHNI O‘ZIMIZDAN BOSHLASHIMIZ KERAKMI? Yurtimizda oldinlari laylak ko‘p bo‘lgan. Zahkashlarning noto‘g‘ri ko‘milishi sabab ular kamayib ketdi. Bugun laylaklar simyog‘ochlar ustiga uy qurib, makonli bo‘lgandi. Bilishimcha, bu uylarni buzish boshlangan, ehtimol simyog‘ochga ham zarari bordir. Ammo savol tug‘iladi: nega shu joylarda ularga qulay, simyog‘och kabi qurilmalarni simlarsiz o‘rnatib qo‘ya olmaymiz? Keragida bir kunlik tadbirlarga millionlar sarflanadi. Buni aniq hisob-kitob bilan, korrupsiyasiz, jiddiy o‘ylangan holda amalga oshirish shart. Bo‘lmasa, tabiatda muvozanat buziladi. Batafsil: 👇 https://www.ekogazeta.uz/xabarlar/7825 ✅Facebook | 🌐Instagram |🌐 Web site | 📹You Tube

🗣DIQQAT TANLOV! O‘zbekiston Ekologik partiyasi 5 iyun — "Butunjahon atrof-muhit kuni" munosabati bilan "Eng yaxshi ekovideorolik" tanlovini e’lon qiladi. Tanlov 3 ta nominatsiyada bo‘lib, ishtirokchilar - “Yashil makon” umummilliy loyihasi: - Suv resurslaridan oqilona foydalanish va cho‘llanishga qarshi kurashish: - Atrof-muhitni chiqindilar bilan ifloslanish holatlari va ularni oldini olishga oid yo‘nalishlari bo‘yicha kamida 1280x720 (16:9) formatdagi 1,5 daqiqadan oshmagan roliklar bilan qatnashishi mumkin. Roliklar 20-maydan 29-may sanasiga qadar partiyaning barcha hududlarida qabul qilinadi. Tanlovning birinchi bosqichi 30-may kuni respublikamizning barcha hududlarida tantanali ravishda e’lon qiladi. Ikkinchi bosqich, ya'ni respublika bosqichi g‘oliblari 5-iyun — "Butunjahon atrof muhit kuni" arafasida e’lon qilinadi. 🎁 G‘oliblar diplom va esdalik sovg‘alari bilan taqdirlanadi. Batafsil: 👉 https://ecouz.uz/news-page/view/309 ❓Qo‘shimcha ma’lumotlar uchun: 📞 +998933855551 va @ecopartyuzb_bot ✅Facebook | 🌐Instagram |🌐 Web site | 📹You Tube

Yakuniga yetgan hafta davomida O‘zbekiston Ekologik partiyasi tomonidan amalga oshirilgan ishlar haqida haftalik dayjest. ✅Facebook | 🌐Instagram |🌐 Web site | 📹You Tube

#Ekopartiya #Surxondaryo Bugun Surxondaryo viloyatida O‘zbekiston Ekologik partiyasi Markaziy Kengashi raisi Abdushukur Xamzayev boshchiligida viloyat partiya tashkilotining kengaytirilgan yig‘ilishi bo‘lib o‘tdi. Unda partiyaning tuman (shahar) Kengashi raislari ishtirok etdi. Tanqidiy va tahliliy ruhda o‘tgan yig‘ilishda partiyaning dasturiy g‘oya va maqsadlarini keng targ‘ib qilish, a'zolar safini kengaytirish, hududdagi ekologik muammolarga qarshi kurashish va ularni bartaraf etish borasidagi ishlar atroflicha muhokama qilindi. Shuningdek, aholi va yoshlarning ekologik madaniyatini oshirish, murojaatlari bilan ishlash tizimini yaxshilash va jamoatchilik nazoratini kuchaytirish bo‘yicha qator tavsiyalar berildi. ✅Facebook | 🌐Instagram |🌐 Web site | 📹You Tube

Ekologik madaniyat barcha sa’y-harakatlarimizning o‘ziga xos barometri bo‘lishi zarur Oddiygina kundalik turmushimizdan hosil bo‘ladigan chiqindi bilan bog‘liq muammolar zanjir bo‘lib, suv, tuproq, atmosfera kabi asosiy tiriklik unsurlariga ulkan zarar yetkazuvchi xavf manbaiga aylandi. Batafsil: 👉 https://ecouz.uz/news-page/view/316 Abdushukur Xamzayev, O‘zbekiston Ekologik partiyasi Markaziy Kengashi raisi ✅Facebook | 🌐Instagram |🌐 Web site | 📹You Tube