Тошкент шаҳар прокуратураси | Расмий канал!

Тошкент шаҳар прокурори Эркин Юлдашев бошчилигидаги ишчи гуруҳи томонидан Яшнобод туманида қурилишга оид давлат дастурлари ижроси, бюджет харажатларини оптималлаштириш ва бошқа йўналишларда амалга оширилаётган ишлар аҳволи навбатма навбат ўрганилмоқда. Дастлаб, 204 ва 244-сонли умумтаълим мактабларида  бўлиб, қурилиш ишлари ортда қолаётганлиги танқид қилиниб, масъулларга ишчи ва махсус техникалар сонини ишчиларни сонини кўпайтириш, объектни қисқа муддатда фойдаланишга топшириш бўйича тармоқ жадвали ишлаб чиқиб, ушбу муддатда объектни фойдаланишга топшириш чораларини кўриш ҳақида кўрсатма берилиб, ижроси назоратга олинди. Сўнгра, “Боғбон” маҳалласида ижтимоий ва иқтисодий муаммоларни ўз вақтида аниқлаш, уларни ҳал этиш, аҳоли турмуш фаровонлигини таъминлаш, атроф-табиий муҳитни муҳофаза қилиш борасида олиб борилаётган ишлар аҳволи ўрганилди.   Ўрганиш давомида, маҳаллада иқтисодий драйвер нуқталарини ташкил қилиш бўйича аниқ таклифлар берилди. Ўрганишлар давом этмоқда. 🌐 Бош прокуратуранинг ижтимоий тармоқлардаги саҳифаларига аъзо бўлинг! Telegram | Instagram | YouTube | Facebook | Veb-sayt

Яшнобод туман прокурори З.Р.Зиядуллаев ҳамда туман ИИО ва ФМБ бошлиғи О.А.Каюмходжаевлар ҳудудда амалга оширилаётган ишлар аҳволи навбатма-навбат ўрганилмоқда. Дастлаб, Миллий Гвардия Қуриқлаш хизматининг Яшнобод туман бўлимида тунги хизмат, жамоат тартибини сақлаш, жиноятчилик ва ҳуқуқбузарликларнинг олдини олиш борасида амалга оширилаётган ишлар ўрганилиб, масъулларга тегишли кўрсатмалар берилди. Тезкор гуруҳлар ва навбатчилик, тунги хизматдаги ходимлар фаолияти, бошқа органлар билан тезкор ахборот алмашинуви ва ҳамкорлик аҳволига эътибор қаратилиб, мавзуга оид масалаларда топшириқлар бериб ўтилди. Сунгра, туман электр тармоқларида Ўзбекистон Республикаси Президентининг 222-сонли Қарори ижросини таъминлаш мақсадида туманда 2024-йилда энергия тежаш самарадорлигини ошириш бўйича белгиланган чора-тадбирларнинг ижроси ўрганилди. Ўрганиш давомида соҳада йўл қўйилган камчиликлар муҳокама қилиниб уларни бартараф қилиш учун тегишли чора-тадбирлар режаси белгиланиб берилди ижроси назоратга олинди. Ўрганишлар давом этмокда.

Мирзо Улуғбек туман прокурори, 2-сектор раҳбари О.М.Маннанов томонидан сектор ҳудудидаги “Аҳиллик” маҳаллада "Обод хонадон-Обод кўча-Обод маҳалла" мезонларини ижроси бўйича олиб борилаётган ишлар, маҳалла инфратузилмасини, ижтимоий объектлари, маҳалладаги ободонлаштириш ишлари билан танишиб, аниқланган камчиликларни бартараф этилиши юзасидан мутассади ташкилот раҳбарларига кўрсатмалар берди

Тошкент шаҳар прокуратураси тармоқ бошлиғи А.Б.Турсунов хамда Яшнобод туман прокурори З.Р.Зиядуллаевлар тумандаги масъул ташкилотлар вакиллари иштирокида маҳаллаларда ободонлаштириш борасида амалга оширилаётган ишлар ҳамда ижтимоий-иқтисодий ҳолатни янада яхшилаш борасида мавжуд муаммолар ўрганилди. Шунингдек, тегишли масьулларга йуллар ҳолатини яхшилаш ва ҳудудда ободонлаштириш ишларини жадаллаштириш юзасидан топшириқлар берилди.

Тошкент шаҳар прокурори ўринбосари Х.Қ.Мирсоатов, Янгиҳаёт тумани прокурори Т.Б.Хусанов ва туман сектор раҳбарлари ҳамда тегишли мутасадди ташкилот раҳбарлари билан биргаликда Ўзбекистон Республикаси Президентининг 222-сонли Қарори ижросини таъминлаш мақсадида туманда 2024-йилда энергия тежаш самарадорлигини ошириш бўйича белгиланган чора-тадбирларнинг ижроси билан танишди. Йиғилиш давомида соҳада йўл қўйилган камчиликлар муҳокама қилиниб уларни бартараф қилиш учун тегишли чора-тадбирлар рэжаси белгиланиб берилди.

Тошкент шаҳар прокурори Э.Юлдашев шаҳар ҳокимининг ўринбосари Д.Раҳимова билан оталиққа олинган 20 нафар ёшлар билан учрашиб, уларни қийнаб келаётган муаммолар ва таклифлари эшитилиб, мутасаддиларга қисқа муддатларда ҳал этиш ҳақида кўрсатмалар берилди. Тадбир давомида ёшлар билан ишлашда ўз меҳнатини кўрсатган фидойиларга ташаккурнома ва эсдалик совғалари топширилди. 🌐 Бош прокуратуранинг ижтимоий тармоқлардаги саҳифаларига аъзо бўлинг! Telegram | Instagram | YouTube | Facebook | Veb-sayt

Инсон манфаати – олий қадрият! Аҳоли муаммоларини ечишнинг мутлақо янги, самарали тизимини яратиш мақсадида халқ орасига киришини таъминлайдиган оммавий сайёр қабуллар одамлар ҳаётида муҳим ўрин тутмоқда. Янгиҳаёт тумани прокурори Т.Б Хусанов томонидан 2-сектор ҳудудида жойлашган “Йўлдош” МФЙда истиқомат қилувчи фуқаролар учун навбатдаги оммавий сайёр қабул ўтказилиб, қабулда жами 10 нафар мурожаатчилар қабул қилиниб, улардан 3 нафарининг мурожаатилари жойида ҳал этилди, 3 нафар фуқароларнинг мурожаатларига ҳуқуқий тушунтиришлар берилди ва 4 нафар мурожаатларни ўрганиш талаб этилганлиги сабаб, мутасадди ташкилотларга юборилиб ижроси назоратга олинди.

Янгиҳаёт туман прокурори Т.Б Хусанов ва тегишли мутасадди ташкилот раҳбарлари билан биргаликда "Энергия тежовчи технологияларни жорий қилиш ва кичик қувватли қайта тикланувчи энергия манбаларини ривожлантириш бўйича қўшимча чора-тадбирлар тўғрисида" ги Ўзбекистон Республикаси Президентининг ПФ-220-сонли Фармони ижросини таъминлаш мақсадида 2024-йилда энергия тежаш самарадорлигини ошириш бўйича 2-сектор ҳудудида жойлашган "Йўлдош" МФЙ ҳудудидаги истеъмолчилар таҳлил қилинди. Йиғилиш давомида соҳада йўл қўйилган камчиликлар муҳокама қилиниб уларни бартараф қилиш учун тегишли чора-тадбирлар режаси белгиланиб берилди.