ИБРАТЛЫ СӨЗЛЕР...

Бугин қағылмақта соңғы қоңыраў, Мине, питти бугин соңғы сабақлар. Жазда басыңызға туспесин қыраў, Шадлы өтсин бул айралық саатлар. Он жыл сизге тәлим-тәрбия берген, Он жыл әлпешлеген өз баласындай, Он жыл билим бақшасынан гул терген- Устазларды сезиң көз қарасындай! Олар машақатлы жоллардан өтти, Олар сизлер ушын бузды тынышын. Олар өзлерин де умытып кетти, Сизлерге бир ҳәрип уйретиў ушын! Кеше емес пе еди туңғыш қоңыраўдың Мектеп әтирапында шыңғырлағаны? Дем де шыңларына өрмелеп таўдың, Тәрк етпек боп турсыз мектеп-ананы. Енди жаңа жоллар сынайды сизди, Атлайсызлар жаслық босағасынан. Он жыл бойы алған билимиңизди Ядқа тусиресиз тағы басынан. Ертең ВУЗ лар күтер, күтер уллы өмир, Күтер жаңа устазлар, жаңа соқпақлар. Күтер қызғын гурес, машақат не бир.    Күтер сизлер ушын биймәлим жақлар. ✍️Кеңесбай Рахманов @Kengesbay_Raxmanov

Нақыл-мақаллардың жуўап- айтыс ҳәм ойын дәлкек түрлери. Ҳәр гелледе бир қыял, Соқыр таўыққа бәри тары. Өзим паспанда болсам да, Кеўилим әл-аспанда. Ғазға ерип, ғарғаның шаты айрылады. Майға ерип өпке де қалқады. Қолын жуўып бос қалғаннан сақла. Пискен астың күйиги жаман. Ертеңги қуйрықтан, Бүгинги өкпе артық. Көп қыдырған жолығар үзбентайға. Саған кимниң сөзи бар, Қосым палўан, Әкеңнин еки жүзли пышағы бар. Тышқанның әжели жетсе, Пышықтың қуйрығын тислейди. https://t.me/ibratli_sozlet

🔔 С О Ң Ғ Ы Қ О Ң Ы Р А Ў.      Мине мектепти питкергенимизгеде  48 жыл болып калыпты. Ўакыттың өтиўине қараң. Сол мектепти питкерген  күнимиз еле кешегидей ядымызда Ол  дәўирде питкериўши класс он жыллык еди.   Үстимизге әпиўайы қара юбка ақ кофта ҳәм қара жакет кийип - ақ шықтық. Ҳәттеки шашымызга ақ бантикти де тақтық. Көзлеримиз де жас. Ҳәр бир оқыўшы өзлериниң өнерин көрсетип, кими қосық айтып, кими мектеп ҳаққында муғаллим менен оқыўшылар арасында қарым - қатнас  туўралы сахна  қойып, устазларының кеўлин алатуғын еди. Мектепти питкергимиз келмейди. Хошлашқымыз келмейди. Сол мектепте оқып жүре берсек, оқыўшылық дәўир қандай бахытлы, балалық  жас өспирим дәўир еди. Соңғы қоныраў да қағылды. 1978 - жыл еди. Енди мәмлекетлик имтихан басланды. Ҳәр бир оқыўшы имтихан ға бар интасы менен таярланды. Мен де  имтиханға билимим ди, бар интамды салып,  таярландым. Ҳәм айрыкша баҳаларға тапсырып шығыўға миясар болдым.   Бүгин  25 - май  соңғы қоныраў.  Оқыўшылар да өзиниң таярлаған концерт бағдарламасын билим берген устазларына көрсететуғын еди.  Бирақ, Ҳәзирги мектеп питкериўшилериниң Соңғы қоңыраўы улыўма баскаша.  Соңғы қоңыраў тамамлаған  соң үстилерине баклашка менен суў қуяды Не ушын? Қандай мақсет пенен қуяды. Оның не пайдасы бар? Мен елеге шекем түсинбей - ақ қойдым. Мен түсинбеген менен жаслардың  өзи түсинетугын шығар. Соңғы қоңыраў ды жуўмақлаған соң, сол суў қуйыў деген   жаслар  ушын дәстүр болып кеткен болыў керек. Соңғы қоңыраўыңыз   оң болсын питкериўши класс оқыўшылары. Имтиханларыңызды ҳәммеңизге айрықша баҳаларға тапырыўыңызға тилеклеспен.   Үстилерине суў қуйыў дәстүрин шеклеўге болмаспа екен?. Я. Ямаса бул да тазадан шыккан дәстүрме екен. Мениң кымбатлы ыкласбент Заманласларым. Сизлер бул дәстүрди мақуллайсыз ба? Пикирлеринизди билдирсеңиз.     ✍ Гүлбәҳәр Қарабаева   25 - май. 2026 жыл. Шымбай. https://t.me/ibratli_sozler

Сыйқырлы қоңыраўдың сести сыңғырлап, Бир топ қарлығашлар бүгин ушажақ, Өмир гүзарыңыз рәўан болсын, Устазлар атына келтирмеңиз дақ. Өтти бийғам балалығың мектепте, Бүгин бир қайғылы нама шертпекте, Бийғәрез өмирге қоярсыз қәдем, Хошласыў самалы муңлы еспекте. Он бир жыл бурын толып ҳәм тасып, Қуўана келдиңиз қәдемиң басып, Өмир әлипбесин үйренип мине, Кетерсиз талай жол қырлардан асып. Ана Ўатаныңды сүйгил жаныңдай, Басқа жанашыр жоқ саған оныңдай, Патриот бол елиң ушын ет хызмет, Тасқынлы бол тамырдағы қаныңдай. Миллет ары қәлбиңизде жасасын, Гүллендир сен ана Жайҳун жағасын, Қаракеңниң нағыз азаматы деп, Журтлар таң қалысып берсин баҳасын. Ядқа билген Әжинияз,Бердақты, Қарақалпақ перзенти бол ардақлы, Билим берген устазларды умытпа, Қәлбиңизде сақлаң жаратқан Ҳақты. Тилеймен сизлерге ашық,айдын жол, Дослық ҳүрмет пенен берисиңлер қол, Дүньялық илимниң есигин ашып, Елимниң ел сүйер азаматы бол. ✍Перида Аллекеева 25-май 2023-ж https://t.me/ibratli_sozler

🌤 ҚАЙЫРЛЫ ТАҢ! 🌹 Ассалаўма алейкум! 🌹 Бүгин басланып атырған, жаңа күниңиз пайызлы ҳәм берекетли болсын! 🌹 Сизди ҳәм жақынларыңызды жақсы кейпият ҳеш қашан тәрк етпесин! https://t.me/ibratli_sozler

Гүбелек шырайлы болғаны менен ол бәрибир ширкей есапланады, ал кактус қаншама тикени болғаны менен ол бәрибир гүл есапланады.   Адамның да сыртқы көринисине қарап емес, ис-ҳәректине қарап билсе болады. https://t.me/ibratli_sozler

Нақыл-мақаллардың жуўап- айтыс ҳәм ойын дәлкек түрлери.

Ессиз ғана бийдайды, Тақан қылмай нан қылды. Ғарға ғарқылдап ғаз болмас, Кемпир сыңқылдап қыз болмас. Ғарры түйе бақыраўық, Ғарры қораз шақыраўық. Арбаның жаман жери, Жолдың жаман жерине келеди. Мурнымның пушығынан қабарым жоқ, Сәңкийип сала бериппен. Бир жилли менен бир саў қосылса, Жағаласқан жаўдай болады. Еки жилли қосылса, Ағайинли саўдай болады. Бир аўыз әңгимениң, Еки аўыз лийикини болады. Көлдиң қуты кетсе, Үш жыл бурын қутаны кетеди. Алып болсаң үсириңди, Аўлаққа сал дүсириңди. Ақ қуланды алсаң ары тур. Оң қолым, сол қолым, Бәри де өз қолым. Атаңда жоқ арғымақ, Енең де жоқ арғымақ. https://t.me/ibratli_sozler

#ИБРАТ Мойнақ районы Қазақдарья Мәҳәллеси Кеңес ағзалары менен ойласылған ҳалда, аўылымыздағы 14-15- мектепти 2006-жылы питирген 1988-жылы туўылған жигитлер, кызларымыз қәўендерлик етти ҳәм естелик иретинде аўылымыз аты түсирилген ески жазыўды ҳәзирги заман көринисине сай жаңалаўды мақулланып бугин усы бойынша қурылыс жумысларын баслап жиберилди. Бул бизиң Қазақдәрья аўылымыз ушын әжайып жаңалық ҳәм тарийхта аты қалатуғын мәңгилик естелик десек арзыйды. 13-14-мектепи питкергенине 20 жылда ушырасыў кешеси мүнәсибети менен жыйналып атырған жасларымыз туўылып өскен аўылын, оқып билим ҳәм тәрбия алған мектеп дәргайына устазларын еслеп келер екен қәдемлери оң болсын. Бул жердеги аўызбиршилик, инсанийлық пазийлетлерди өзлерине жақсы нийет ислери аўылымыз ушында айтарлықтай мақтаўға мүнәсип болды. Усындай жақсы пазийлетлери менен шөлкемлестириў ислерин алып барып атырған жигитлер саў болғай. Минекей Казакдарья аўылымыздың көркине көрик қосты, жасларымыз бахытлы болғай. ✍Сапура Сапарова https://t.me/ibratli_sozler

ҚӘЙТИП ЖАСАЙСАҢ ‎ ‎ ‎

Москва деген мәкан болмағанда, Парижде турып өлер едим. ‎ ‎В.Маяковский. ‎"хошласыў" қосығынан. ‎

Улларың үй болды, қызларың кетти, ‎Гүл киби жаслығың барлығы өтти, ‎Таўсылмас тәшўишлер бәршеси питти, ‎Енди өзиң менен өзиң жасайсаң. ‎ ‎Бир күни той дейсең, бир күн шақырық, ‎Ақлықты бағарсаң күнде бақырып, ‎Бир күни келмеске қалса шақырып, ‎Айт сен өзиң ушын қашан жасайсаң. ‎ ‎Балам деп, қызым деп бунша күйесең, ‎Өзиңнен сен кешип қәддиң ийесең, ‎Ғалма-ғал, тәшўишди бунша сүйесең, ‎Өзиң ушын өзиң қашан жасайсаң. ‎ ‎Өз үйиң, өз көшең соны билесең, ‎Көп жыллар усында жасап келесең, ‎Туўылдың усында, сонда өлесең, ‎Ҳәз етип, ел көрип қашан жасайсаң. ‎ ‎Усы деп ойлайсаң өмир мазмуны, ‎Маңлайға тәғдийрдиң питкен жазымы, ‎Не қалды өмирден кетти қызғыны, ‎Өзиңди сен өзиң қашан ойлайсаң. ‎ ‎Отырсаң ыңкылдап зорға турасаң, ‎Аяғың ақсаңлап жолда барасаң, ‎Күн-күннен керексиз адам боларсаң, ‎Сонда өзиң ушын қашан жасайсаң. ‎ ‎Әлемниң ҳәр мушын барып көрмесең, ‎Таўларда, теңизде өзиң жүрмесең, ‎Өмирдиң қызығы қайда билмесең, ‎Ҳәй, адам ҳәз етийп қашан жасайсаң. ‎ ‎Жасыл жайлаўларда жатсаң керилип, ‎Қар басқан шоққылар турса көринип, ‎Бүркит қанат қақса сонда еринип, ‎Оларды көрместен қалай жасайсаң. ‎ ‎Шыршалар теңселген тоғайлар жасыл, ‎Бағында мийўелер жерлери ҳасыл, ‎Бул әлем әжайып  сен барып қосыл, ‎Қашан  гөззаллықты сезип жасайсаң. ‎ ‎Үңилсем көп екен мениң өксигим, ‎Кеўлим жамаў-жамаў көпдур тигисим, ‎Мени кешире-гөр жаным Нөкисим, ‎Бул жерден ўаз кешип қәйтип жасайсаң...? ‎

‎23-май.2026-жыл. ‎ ‎Абат Крамов. ‎Каналымыз,: @Kramov_Abatbay_poeziya

https://t.me/ibratli_sozler