ИБРАТЛЫ СӨЗЛЕР...

#Рамазан_2026_тилек 🌙✨ РАМАЗАННЫҢ 27-КҮНИ ҲӘМ СИЙШЕМБИ ТАҢЫ МҮБӘРЕК БОЛСЫН! 🍃🌹🍃Қәлбиңиз Алланың үйи! Көксиңиз меҳирдиң кәни! Көзиңиз гәззаллық шайдасы! Қолларыңыз қайыр, сақаўат әскери! Аяқларыңыз жақсылық шабарманы! Сизлердиң усы турысыңыздың өзи күшли художниктиң шығармасыдур... Бүгин дүнья сиз ушын жаралды, күнлер болса кәсип, өнериңизге шын кеўилден хызметте. Алла таала жараттыма, демек ҳеш бири бийкарға емес! Рамазанның усындай және бир әжайып таңында қәлбиңизди ийесине ашың... Бар меҳриңизди шашың... Көзлер гөззаллық нурына, Қоллар дуўаның зорына, Аяқлар пәкликтиң дәргайына Сизди жеткермегенше ҳарып ,талмасын!🤲🤲🤲 Сизди излеп, гөзлеп келген бул таң қайырлы ислерге дәрўаза болсын!🤲🤲🤲 Каналымыздан узақласпаң қәдирданлар........ https://t.me/ibratli_sozler

#қәдир_түни    ҚӘДИР ТҮНИ ДУЎАСЫ    Айша разыяллаҳу анҳа: “Я Аллаҳтың Расулы, егер Қәдир түнин таўсам не деп дуўа қылайын?” деп сорады. Нәбий саллаллаҳу алайҳи ўа саллам: “Сен: “Аллооҳуммә иннәкә ъафуўўун, туҳиббул ъафўә фаъфу ъанний”, деп айт”,– деди”.    

Мәниси: “Я Аллаҳ! Әлбетте, Сен кешириўшисең, кешириўди жақсы көресең. Мени (гүналарымды) кешир!

БҮЛБИЛ ҚАЙДА, ҚАСҚЫР ҚАЙДА, ЎА, ЗАМАН                     .....1..... Сайра қәне сарайдағы бүлбилим, Гүлтүбекте әне өсип тур гүлиң... "Алтын қәпес" төри мәңги сеники, Тек ийеңе жақса болды ғой үниң.... Сайра, сайра, сарайдағы бүлбилим..! Той тойласа, сен арнаў айт қатырып, Ол қайғырса сен де жыла, аҳ урып... Жас бүлбилдиң бәрин жыйнап қасыңа, Сарайыңның мақтаўын бер асырып. Олар кирсин босағаға бас урып.... Сыйлық берсин, гүллер шашып үстиңнен, Мүддәҳәңиз сол емес пе "бес күн"нен?! Бостаның ҳәм гүлистаның сол сарай, Өлер жериң, қәбиристаның сол сарай, Уялма да, арсынба да ҳешкимнен... Бүлбил қайда, қасқыр қайда, ўа, заман! Енди кимге ийегимди созаман?!...                     .....2..... Улы қәне, Көкжал бөрим, Көкбөрим! Сени жоқлар бир бүлбилиң жоқ бүгин. Өз майыңа қуўырылып жата бер, Өз қаныңның өзиң дәмин тата бер, Билермедиң Жерде мәртлик жоқлығын? Билер едиң Жерде мәртлик жоқлығын... Бизлер деген бир елеспиз, жалғанбыз, Өзимизге басқаша жол салғанбыз. Бизлерден ҳеш үмит етпе сен енди, Ең соңғы рет "қоян жылы" келгенде, Барлығымыз "қоян" болып қалғанбыз... Талай "бүлбил" ушты соннан сарайға, Енди олар шеңгелзарға қарай ма..?! Тоғай ушын қурбан болған Көкжалым, Зарым жетсе, орыныңнан қозғалып, Шынжырыңды бир силкип қой қалай да... Бүлбил қайда, қасқыр қайда, ўа, заман! Аңламай-ақ бул өмирден озаман....                       ....3.... Бәс келгенде "аңшы" қурал-жарақлы, Кимге ренжип, шытасаң ал, қабақты?! Ўаҳ, Көкжалым, булар саған аз болса: Бир жылыңда төрт мәўсимиң бар болса, Енди соның алпыс төрти абахты... Қатып қалды, жел еспестен айдарым, Билмей қалдым, қайда күлки? қайда муң? Қараң қатқыр, сол қақпанның ийеси, Берермеди сени маған қайтарып, Сонда мен де "Көкжалым" деп мардыйып — — келип жүр-аў шеңгелзарда сайрағым... Сол тоғайда жабайының бири едим, Сарайға ҳеш жараспайды иреңим. Разымен мен, жүргенимнен қул болып, Шеп жақтағы қабырғамды сындырып— —суўырылып түсип қалса жүрегим, (Суўырылып түсип қалғай жүрегим...) Бүлбил қайда...? Қасқыр қайда, ўа, заман...? Мен тозсам да, зарлай-зарлай тозаман... ©️Баҳадыр Байназаров 2026-жыл https://t.me/baxadir_bainazarov

#Қарақалпақ_нақыллары 📜 Бөрик кийгенниң бәри батыр емес, Орамал таққанның бәри қатын емес. 🌾🌾🌾🌾🌾🌾🌾🌾🌾🌾🌾🌾🌾 Жаў жоғында ҳәмме батыр. 🌾🌾🌾🌾🌾🌾🌾🌾🌾🌾🌾🌾🌾 Даў жигити басқа, Жаў жигити басқа. 🌾🌾🌾🌾🌾🌾🌾🌾🌾🌾🌾🌾🌾 Ўатан күннен сулыў, Алтыннан қымбат. 🌾🌾🌾🌾🌾🌾🌾🌾🌾🌾🌾🌾🌾 Таўды, тасты жел бузар, Адамзатты сөз бузар. 🌾🌾🌾🌾🌾🌾🌾🌾🌾🌾🌾🌾🌾 Таўдан тиреги бардың, Тастан жүреги бар. 🌾🌾🌾🌾🌾🌾🌾🌾🌾🌾🌾🌾🌾 Өтирик деген душпан бар, Отқа сүйреп салады. 🌾🌾🌾🌾🌾🌾🌾🌾🌾🌾🌾🌾🌾 Нақылды бир айтпаса, Ақылсыз айтпайды. Ақыллы адам әңгимесин, Нақылсыз айтпайды. 🍃🍃🍃🍃🍃🍃🍃🍃🍃🍃 🍃 https://t.me/ibratli_sozler

Айырым хаялларға .... Шаш кесилип орамал түсти басларынан Қыл шығады жеп отырсаң асларынан Терип- терип сызық қалды қасларынан Минези қопал,көрки сулыу болды Хаял. Шүкир етпей АЛЛАНЫҢ бергенине Бояп таслап имкан, қурбы жеткенине Хеш ашынбас жүзинен уят кеткенине Минези қопал,көрки сулыу болды Хаял Арақ толы қадақ услады билеклери Кең сарайда ғамсыз жасау тилеклери Ер менсинбей қарайыпты жүреклери Минези қопал,көрки сулыу болды Хаял. Кирпик үстине кирпик қойып, исирди лəб Тырнағына лакти қуйды тырнақ қадап Пардозланып ерине емес, елге атап Минези қопал,көрки сулыу болды Хаял. Аналықтан кешти кетер қəуметим деп Қəумет кетсе тамам бахтым-əуметим деп Əси күлип , мөмин қарар пушайман жеп Минези қопал,көрки сулыу болды Хаял. Қылмай мөмин, муслиймалық хүрметин Шайтан менен қурды қыңыр сəубетин Таплап аяқ асты болған Жəннетин Минези қопал,көрки сулыу болды Хаял. https://t.me/ibratli_sozler

"ƏЖЕ "сөзи хаққында