Зокиржон домла

ЖУМАНИНГ СУННАТЛАРИ: 🌷1. Жума учун ғусл қилиш. 🌷2. Хушбўй нарсалар суртиш. 🌷3. Чиройли кийимлар кийиш. 🌷4. Жумага виқор ва сакина билан эрта бориш. 🌷5. Жума куни баданни тозалаб, ҳайъатни гўзал қилиш. 🌷6. Жума куни Каҳф сурасини қироат қилиш. 🌷7. Жума куни ва кечаси дуони кўп қилиш. 🌷8. Жума куни ва кечаси Расулуллоҳ соллаллоҳу алайҳи васалламга кўп салавот айтиш. 🌷9. Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш. 🌷10. Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир. 🌷11. Жума намозининг фарзидан аввал ва кейин тўрт ракъатдан суннат намози ўқиш. 🌷12. Жумада мудраган одам бошқа ерга ўтиб олиши. Шайх Муҳаммад Содиқ Муҳаммад Юсуф: "Кифоя" китобидан.

Allohim.. Birodarlarimga yetgan, yoki endi yetadigan musibatlarni bilmayman, ularni qiynayotgan muammolardan xabarim yo'q, ammo Sen hammasini bilasan. Men ularning sukutini eshitsam, Sen ularning duolarini eshitasan. Men ularning kulgusini ko'rsam, Sen ko'z yoshlarini ko'rasan, men ularning amallarini ko'rsam, Sen qaysi birini qabul qilishni bilasan. Men ularning yuz go'zalligini bilaman, Sen qalbdagi yaralaridan xabardorsan. Ularning gunohlarini kechir Robbim, ularga ishlarida yordam ber, ularni xursand qil, ularga ikki dunyoda ham baxt ber!..

МАШҲУР БУЮК ИМОМЛАР ВА ОЛИМЛАРНИНГ СОЛИҲЛАРДАН БЎЛИШИДА ОНАЛАРИНИНГ ЎРНИ Аҳмад ибн Муҳаммад ибн Ҳанбал роҳимаҳуллоҳ ҳам жуда эрта етим қолган. Имом Аҳмад роҳимаҳуллоҳ ҳикоя қилади: «Олти ёшимда онам мени тонг саҳарда уйғотиб, ўзи таҳорат олдирар эди. Таҳорат олиб бўлганимдан сўнг чиройли кийимларни кийдириб, қўлимдан етаклаб масжидга олиб келарди. Мени хонақоҳга киритиб, ўзи масжиднинг пана жойига ўтиб оларди. Бир оздан кейин муаззин келиб бомдод намозига азон айтарди».

ТАБРИК АССАЛОМУ АЛАЙКУМ ВА РАҲМАТУЛЛОҲИ ВА БАРОКАТУҲ! Бугун 2024 йил 17 май, 1445 ҳижрий сананинг 09 Зулкаъда, жума куни: Устоз Зокиржон домла "Зулм ва зу‌равонлик - кайтарилган амаллардан” мавзусида маъруза киладилар. Зулм киëмат кунининг зимистонларидандир. Зулмдан сакланинглар! Аллох таоло: Мен у‌зимга зулмни харом килдим! Уни сизларга хам харом килдим, Бас у‌заро зулм килманглар!- деб огохлантиради. АЗИЗЛАР! Жамиятдан зулм ку‌тарилиши хонадон ва юртга раҳмат, барака ёғилиши омилидир. Эзгу умид ва армонларни руëбга чикишига боисдир. ИН ША АЛЛОҲ СИЗ УЧУН МАЪРУЗА ФОЙДАЛИ БЎЛАДИ! Жуманинг баракоти, файзи, нури хонадон аҳли ва ҳаётингизга ёғилсин. Барча ибодатларимизни Аллоҳ қабул этсин! Жума кунимиз хайр ва қувончга тўлсин! Пайғамбармиз Муҳаммад Мустафо соллаллоҳу алайҳи ва салламга чин муҳаббат билан салавотни кўп айтайлик! Аллоҳумма солли ва саллим ва барик ала саййидина ва набиййина Муҳаммад ва ала олиҳи ва асҳабиҳи ажмаин!

Жума айёмингиз муборак бўлсин. Пайғамбаримиз саллаллоҳу алайҳи васаллам айтадилар: "Жума куни кунларнинг саййидидир. Бу кунда Аллоҳ азза ва жалла савобларни бир неча баробар кўпайтириб беради. Гуноҳларни ўчиради. Даражотларни кўтаради. Дуоларни ижобат қилади. Ташвишларни кетказади. Ҳожатларни раво қилади. Бу кун зиёда қилиш кунидир. Бу кунда Аллоҳ таолонинг дўзахдан озод қиладиганлари бор. Бу кунда одамлардан қай бири дуо қилса, у куннинг ҳаққи ва ҳурматини билса, албатта Аллоҳнинг зиммасида у бандани дўзахдан озод этилган бандалари қаторида қилмоғи вожиб бўлади. Агар ўша куни ёки тунда вафот этса шаҳид ҳолида вафот этган бўлади ва қиёмат куни хавфу хатардан омонда тирилади. Аммо, бирор кимса жума кунининг ҳурматини менсимаса, ҳаққини зое қилса ва бундан тавба қилмаса, албатта Аллоҳ азза ва жалла уни жаҳаннам ўтига ташламоғи вожиб бўлади. Аллоҳумма солли ва саллим ва барик ала саййидина Муҳаммад.

ЗОКИРЖОН ДОМЛА. ЖУМА АЙЁМИНГИЗ МУБОРАК БЎЛСИН. https://t.me/Zokirjondomla https://instagram.com/zokirjondomla facebook.com/ZOKIRJONDOMLA http://www.youtube.com/c/ЗокиржонДомла

Рамазон каффоротдир. Рамазон ойи олдинги гуноҳларни ўчириб юборадиган ойдир. Имом Насоий Абу Ҳурайра розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам: «Ким иймон билан, савоб умидида Рамазон рўзасини тутса, унинг ўтган гуноҳлари мағфират қилинади. Ким иймон билан, савоб умидида Рамазон кечаларини ибодат билан ўтказса, ўтган гуноҳлари мағфират қилинади. Ким Қадр кечасини иймон билан, савоб умидида ибодат билан ўтказса, ўтган гуноҳлари мағфират қилинади», деганлар.

Муборак жума файзи, барака ва хайрларини тилаймиз! Жума ва хайит намозларини икки мукаддас шахар Маккаи мукаррама ва Мадина и мунавварада куп маротаба адо этиш насиб булсин!

Абдуллоҳ ибн Ғанном розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ким тонг отганида: اللهُمَّ مَا أَصْبَحَ بِي مِنْ نِعْمَةٍ، فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ «Аллоҳумма маа асбаҳа бий мин ниъматин фаминка ваҳдака лаа шарийка лак, фалакал ҳамду ва лакаш шукр», деса, кундузнинг шукрини адо қилибди. Ким шу дуони кеч кирганида айтса, кечанинг шукрини адо этибди», дедилар. (Маъноси: “Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин”). Абу Довуд ривоятлари. Ўзбекистон мусулмонлари идораси Матбуот хизмати

🕋 #РАСМАН: “ҲАЖ – 2024” МАВСУМИ 23 МАЙДАН БОШЛАНАДИ

🗣Ўзбекистонда ҳаж мавсуми 2024 йил 23 майдан бошланади. Республикамиздан Саудия Арабистони Подшоҳлигига шу йил 7 июнга қадар ҳар куни авиақатновлар амалга оширилади.

✈️ Мамлакатимизнинг 10 та ҳудудий аэропортидан тўғридан-тўғри Тошкент-Мадина, Бухоро-Мадина, Наманган-Мадина, Фарғона-Мадина, Самарқанд-Мадина, Қарши-Мадина, Термиз-Мадина, Урганч-Мадина, Нукус-Мадина ва Навоий-Мадина авиарейслари орқали зиёратчилар ҳаж сафарига кузатилади. Барча парвозлар "Uzbekistan Airways" АЖ авиакомпанияси томонидан амалга оширилади. 😄“Ҳаж” ва “Умра” тадбирларини ташкил этиш ва ўтказиш бўйича Республика жамоатчилик кенгаши жорий мавсумга тайёргарлик ишларини турли йўналишларда жадал давом эттирмоқда. Жумладан, зиёратчиларни тиббий кўрикдан ўтказиш, эмлаш, гуруҳ раҳбарларини бириктириш, сафар олди машғулотлар ўтказиш, шифокорлар ва ошпазлар гуруҳини жалб этиш ҳамда сафар ҳужжатларини расмийлаштириш ишлари якунига етказилмоқда. 🟢Шу кунларда гуруҳ раҳбарлари зиёратчилар билан Ҳаж арконлари ҳақида суҳбат қилмоқдалар. Ҳар бир зиёратчига “Ҳаж – буюк ибодатдир” номли қўлланма, сумка, нимча кабилар тақдим этилмоқда.

☪️ Ушбу мавсумга пухта тайёргарлик ишларини амалга ошириш мақсадида, дастлабки ишчи гуруҳ Саудия Арабистонига етиб бориб, айни кунларда барча ташкилий ишларни бажармоқда.

🖥 Ўзбекистон мусулмонлари идорасининг веб-сайти ва ижтимоий тармоқ саҳифаларида ҳаж амаллари ҳақидаги туркум суҳбатлар, тавсиялар, мақолалар, шаръий савол-жавоблар эълон қилинмоқда. Ўзбекистон мусулмонлари идораси Матбуот хизмати MUSLIM.UZ GA 😎 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook