HAILE GEBRIEL - በማለዳ ንቁ

«ምጽዋት በአባቶች አንደበት» "አንተ ልትበላው ያልፈለግኸው እንጀራ የተራቡት ሰዎች እንጀራ ነው። በቁም ሳጥንህ ውስጥ ሰቅለህ የተውከው ልብስ ዕርቃኑን የሆነው ሰው ልብስ ነው። የማታደርጋቸው ጫማዎችህ ባዶ እግሩን የሚሔድ ሰው ጫማዎች ናቸው። የቆለፍክበት ገንዘብ የደሃው ገንዘብ ነው። የማትፈጽማቸው የቸርነት ሥራዎች ሁሉ ኢፍትሐዊ ድርጊቶችህ ናቸው።" #ቅዱስ_ባስልዮስ "አንድ ነዳይ አጥብቆ እየለመነህ በቸልታ ትተኸው ስትሔድ እግዚአብሔርን አጥብቀህ በምትለምን ጊዜ ቢተውህ የሚሰማህን አስብ።" #ቅዱስ_ዮሐንስ_አፈወርቅ "ክርስቶስን በቤተ ክርስቲያን ደጃፍ ወድቆ በሚለምነው ነዳይ ውስጥ ካላገኘኸው ውስጥ ገብተህ በመንበሩ ላይ ባለው ጽዋ ላይ አታገኘውም።" #ቅዱስ_ዮሐንስ_አፈወርቅ "ወንድምህ ዕርቃኑን ወድቆ እያለቀሰ ነው ፣ አንተ ግን የሚያምር የወለል ንጣፍ ለመምረጥ ተቸግረህ ቆመሃል።" #ቅዱስ_አምብሮስ "አባት ሆይ ወጪውን ሳናሰላ እንድንመጸውት አስተምረን።" #ቅዱስ_አግናጥዮስ #Subscribe #Like #Share    👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@walkinaddistv

ለ12 ዓመቱ ሕፃን የሕይወት አድን ጥሪ! "ለወገን ደራሽ ወገን ነው!" በአዋሽ ባንክ የኢምፔሪያል አካባቢ ቅርንጫፍ ሠራተኛ የሆኑት ወ/ሮ ጽጌ ገረመው የ12 ዓመት ልጃቸው በከባድ የአንጎል ዕጢ (Brain Tumor) በሽታ በመታመሙ ምክንያት አስቸኳይ ቀዶ ጥገና ያስፈልገዋል። ለዚህም ሕክምና በጠቅላላ 6,000,000 (ስድስት ሚሊዮን) ብር በከፍተኛ ሁኔታ ያስፈልጋቸዋል። ይህ መጠን ከቤተሰቡ አቅም በላይ በመሆኑ ሁላችንም በቻልነው አቅም በመርዳት የሕፃኑን ሕይወት እንታደጋለን። መርዳት ለምትፈልጉ፦ የባንክ አካውንት፦ 01347141556500 (አዋሽ ባንክ) የአካውንቱ ስም፦ ጽጌ ገረመው (Tsigye Geremew) ለተጨማሪ መረጃ ስልክ፦ +251 912 030431 "ትንሽ የምንላት ለእኛ ናት እንጂ ለተቸገረ ወገናችን ትልቅ ናት።" እባክዎ ይህን መረጃ ለሌሎች በማጋራት (Share በማድረግ) የበኩሎን ድርሻ ይወጡ። እግዚአብሔር ለሕፃኑ ምሕረቱን ይላክለት!

ታሕሳስ ፲፫ /13/ በዚችም ቀን ከላይኛው ግብጽ ቅዱስ አባት አብራኮስ አረፈ። ይህም ቅዱስ ዕድሜው ሃያ ዓመት ሲሆን መንኵሶ መልካም የሆነ ታላቅ ተጋድሎን ተጋደለ። ሰይጣንም ከእርሱ ጋር በመጣላት በተሸነፈና በደከመ ጊዜ በእርሱም ላይ ምንም ምን ማድረግ ባልተቻለው ጊዜ ፊት ለፊት ተገልጦ መጥቶ “እነሆ ከዚህ ዕድሜህ ሌላ ኀምሳ ዓመት ቀረህ አለው።” በዚህም ወደ ስንፍና ሊጥለው ወዶ ነው። ሽማግሌውም እንዲህ ብሎ መለሰለት “አሳዘንከኝ እኔ ሌላ መቶ ዓመት እኖር ዘንድ ስለ አሰብኩ ቸል ብያለሁ አንተ እንዳልከውም ከሆነ ከቀድሞው እጅግ አብዝቼ እጋደል ዘንድ ይገባኛል።” ከዚህም በኋላ ተጋድሎውንና በገድል መጸመዱን አበዛ ሰባ ዓመታትም ከተጋደለ በኋላ በዚያች ዓመት አረፈ። ለእግዚአብሔር ምስጋና ይሁን እኛንም በጸሎቱ ይማረን በረከቱም ከእኛ ጋር ትኑር ለዘላለሙ አሜን። ወስብሐት ለእግዚአብሔር ምንጭ፦  መጽሐፈ ስንክሳር #Subscribe #Like #Share    👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@walkinaddistv

«ጸሎትህ ወዲያውኑ መልስ ባያገኝ ተስፋ አትቁረጥ፤ አንተ ከምታውቀው በላይ እግዚአብሔር ላንተ የሚያስብበት የተሻለ ጊዜ አለው።» (አባ እንጦንስ)

«ያልተሰጠህን አትሻ» + የተሰጠህን ጸጋ እንዳታጣ ያልተሰጠህን አትሻ፡፡ ወደ ጸጋ ወደ ክብር ለመድረስ እግዚአብሔር ቢያበቃህ ያሳየህን እይ ያላሰየህን አያለሁ አትበል። አንድም ያልተሰጠህን ጸጋ አትሻ፣ በተሰጠህ ጸጋ ለእግዚአብሔር ተገዛ፡፡ ማር አብዝቶ መመገብ እንዳይመች እንደዚህም ሁሉ ያልተሰጠውን መሻት አይገባም አያስመስግንም፡፡ ነፍስ ያልተሰጣትን ጸጋ በመሻት እንዳትደክም ያልተሰጠህን ጸጋ አትሻ፡፡ የምታየው ማየት ቢኖር እውነተኛውን ምትሐት ሆኖ ታየዋለህ ፤ ሕሊና ያልሰጡትን ጸጋ በመሻት በማውጣት፣ በማውረድ የተሰጠውን ያጣል፡፡ + ሰሎሞን መልካም ነገር ተናገረ "በሰጡት ጸጋ የማይኖር ሰው ቅጽር የሌላትን አገር ይመስላል" ብሎ ያን ማንም እየገባ እንዲዘረፈው እሱም የተሰጠውን ጸጋ ያጣል ፤ አንተ ብሩህ አእምሮ ሰውነትህን ያልተሰጣትን ጸጋ እንዳትሻ ከልክላት፡፡ ከቁመተ ሥጋ የወጣ አብዝቶ መገበርን ከአንተ አርቅ ያልተሰጠህን መሻት ከአንተ አርቅ፡፡ ባልተሰጠህና በተሰጠህ ጸጋ መካከል ትሕትናህን፣ ንጽሕናህን መጋረጃ አርጋቸው:: አንድም በተሰጠህ ጸጋ ላይ ያልተሰጠህን ጋርደው፡፡ በንጽሕና፣ በትሕትና፣ በልቡናህ የምታስበውን መንፈሳዊ ክብር ታገኛለህ:: ምክር ወተግሣጽ ዘማር ይስሐቅ #Subscribe #Like #Share    👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@walkinaddistv