Isaaniis na argan na ilaalaan, wayyoota koo ofiif addaan hirataan, wandaaboo koo irraatti carraa darbatan> jechuun raajii dubbate. Faar. 21፥16-18.
Raajoota jaboota afran keessaa, tokko kan Raajichi Isaayaasis; < Inni garuu darbiinsa cubbuu keenyaaf madaa’e, badii keenyaaf daakkame, gorsi fayyinaa keenya isa irraa ture, madaa’uun isaa nuuf fayyina ta’ee> jechuun ilmi waaqayyoo ilmaan Addaam jecha harka diinattii joonja’uu raajii dubbate. Isa. 53፥5. Dhumni isaa. Yoh. 20፥25-30.
Ragaa 19 ffaa
Gonfoo Qoree, Mismaaroota fi eeboon akka waraanamu.
Lubni zakkaariyaas Kiristoos gonfoo qoree / akliila sook/ mismaaroota shanaan, Sadoor, Aladoor, Daanat, Adeera fi Roodaas, akkasuma eeboon waraanamuu isaa yoo dubbatu < Gara isaanii gara waraananii ni ilaaluu > jedhe. Zakk. 12፥20. Dhumni isaa. Maat. 27፥35-37
Ragaa 20 ffaa
Hattoota gidduutti fannifamuu fi Ayihudoonnii fannoorraatti qoosuu.
Raajichi Isaayaas gooftaa keenya Iyyaasuus Kiristoos badii tokko malee hattoota lamaan, Barbaan/ Dakaarsi/ fi faayitaawizeeymaa/ Xiixoos/ jidduutti fannimuu yoo dubbatu, < warroota hamoo waliin lakkaa’ameera, inni garuu cubbuu namoota hedduu baate > jedhe. Isa. 53፥12. Dhumni isaa. Maat. 27፥28, Maar. 15፥27-28.
Ilmi Isseey mootichi Daawwit Kiristoos Ayihudoota qoosamuu yoo dubbatu < Kan na argaan hunduu mallattoo natty mul’isu mataa isaanii hurgufaa hidhii isaaniin akkas naan jedhu ‘’ waaqayyootti amanee innis yaa fayyisu yoo jaalate yaa fayyisu ‘’ > jedhe. Faar. 21፥7-8. Dhumni isaa. Maat. 27፥31, Maar. 15፥20, Luq. 22፥63, 23፥36.
Ragaa 21 ffaa
Sa’aatii booda Aduun akka dukkanoofte.
Raajoota xixiqqoo kudha-lamaan keessa tokko kan ta’e Raajichi Amoots yeroo gooftaan fannoo irraa jirutti sa’aatii booda Aduun lixuu yoo raaju < Guyyaa waaqayyoo ifa osoo him taane dukkaana hin turree? Ifa gaarii kan hin qabne dukkana gurraacha hin turree? ----‘’Gaafa sana Aduun sa’aatii booda akka lixuun godha’’ jedhe gooftaan, waaqayyoon guyyaa ifaaniin dukkaneessa jedhe> jechun caafe. Amo. 8፥9, 5፥20. Dhumni isaa. Maat. 27፥35, Maar. 15፥33, Luq. 23፥44-45.
Ragaa 22 ffaa
Hadhaa’a / Homxaaxxee / Obaasuu fi Fannoorraatti lafee isaa akka Hin caccabne.
Faarsan Daawwit Kiristoosiif fannoo irraatti hadhooftuu ykn hamoot akka kennaniif, < Nyaata koof hadhooftuu naaf kennan, dheebuu koof hadhaa na obaasan > jechun faarfate. Faar. 66፥21. Dhumni isaa. Maat. 27፥34, Yoh. 19፥28-30.
Hayyuu Raajoota kan turee Muuseen , < Foon keessaa tokkooyyuu manaa gara badheetti hin baasinaa, lafee koos hin caccabsina > jechuun caafe. Macaafa seeroota irraatti caafe. Se. Bah. 12፥46. Dhumni isaa. Yoh. 19፥33-36.
Faarsan Daawwiitis, < Waaqayyoon lafeewwan keessan ni eega isaan keessa tokkooyyuu hin cabdu> jechuun faarfate. Faar. 33፥20
Dhumni isaa. Yoh. 19፥33-36.
Ragaa 23 ffaa
Awwaala haaraawatti awwaalamuu.
Raajichi dursee raajuun, < Warroota hamoo waliin awwaalcha godhan sooreessoota waliin du’aas ta’eera. hammeenyas hin raawwanne, afaan isaatii gowwoomsuun hin argamne > jedhe. Isa. 53፥9. Dhumni isaa. Maat. 27፥57-60.
Ragaa 24 ffaa
Guyyaa fi halkan sadii awwaala keessa oole buluun du’a moo’ee ka’uu.
Raajii xiqqaa kan ture Raajichi Hoose’i Kiristoos guyyaa fi halkan sadii awwaala keessa turuun ka’uu, < Guyyaa lama booda nu fayyisa sadii boodas nu kaasa fulduraatti jiruu ni jiraanna > jedhe. Hoos. 6፥1-2. Dhumni isaa. Maat. 12፥40.
Faarsan Daawwiitis gooftaan du’a moo’e ka’uu, < Lubbuu koo si’ooliitti hin dhiisu bosbosuu qulqulloota akka ilaaluuf hin dhiisu > jedhe. Faar. 15፥10. Dhumni isaa. Yoh. 2፥31
Faaruu 150 kan faarfate fi daa’imummaan waaqayyoon kan filate qulqulluun Daawwit ilma waaqayyoo duuti qabuu dadhabuu fi inni guyaa fi halkan sadii booda aangoo waaqummaa isaan du’a moo’e ka’uu yoo faarfatu, < Ani rafeera, hirriibnis nafudhateera waaqayyoonis na kaaseera, anis ol-jedheera, namoota kumaatama na marsaniis hin sodaadhu > jedhe. Faar. 3፥6. Dhumni isaa. Maat. 28፥2-7, Ho. Du. Bu. 2፥22-32.