Еўрарадыё | Еврорадио

"Любэ" выступіць 9 траўня ў Гродне. Любімы гурт Пуціна прыме ўдзел у канцэрце да Дня перамогі. Z-калектыў падтрымаў расійскае ўварванне ва Украіну. Яшчэ да пачатку вайны гурт выступаў у ЛДНР і акупаваным Крыме.

"Калі забыў, што сёння эфір". Намеснік кіраўніка НАУ Арцём Брухан паказаў, як часам даводзіцца даваць каментары СМІ. На мінулым тыдні былы чыноўнік наведаў і @euroradio. Стрым можна паглядзець тут.

Навошта Офісу Ціханоўскай свая фракцыя ў КР і ці пойдзе Коўшык з АПК — стрым з Аляксандрам Дабравольскім і Алінай Коўшык. Выбары ў КР пачаліся са скандалаў. Апошні з іх — выключэнне са спіса "Еўрапейскага выбару" Аліны Коўшык. Прычына — пададзеныя звесткі не супалі са звесткамі яе ж беларускага пашпарта. У абарону выступілі паплечнікі і чальцы іншых выбарчых спісаў. Што з сябе ўяўляе “Еўрапейскі выбар” і якія мэты ставіць перад сабой? Як узнікла сітуацыя з выключэннем Аліны Коўшык са спіса і на якім этапе працэс яе вяртання ў выбарчы марафон? Што чакае Дабравольскага і Коўшык у выпадку абрання? На гэтыя ды іншыя пытанні адказваюць дарадца Святланы Ціханоўскай па палітычных пытаннях, лідар выбарчага спіса “Еўрапейскі выбар” Аляксандр Дабравольскі і прадстаўніца Аб'яднанага пераходнага кабінета па нацыянальным адраджэнні Аліна Коўшык. https://www.youtube.com/watch?v=4DPoyBxpNrM

Памежны камітэт шкадуе, што еўрапейская "калючка" забіла 44 жывёлы. Столькі звяроў загінула на мяжы з Еўрасаюзам, пачынаючы з 2021 года. Дзіўна толькі, што ўлады не вядуць у сваіх тг-каналах падлік, колькі ўжо ахвяраў у "калючкі" беларускіх турмаў.

Краіны Балтыі абвінавацілі Расію ў падаўленні сігналаў GPS. На мінулым тыдні два самалёты авіякампаніі Finnair з Хельсінкі ў Тарту былі вымушаныя вярнуцца ў аэрапорт вылету. Эстонскі міністр Маргус Цахкна заявіў, што краіны Балтыі лічаць глушэнне GPS-сігналаў "гібрыднай атакай РФ". Паводле адной з версій, Расія можа глушыць сувязь, "каб абараніць Калінінград ад патэнцыйных нападаў украінскіх беспілотнікаў".

У Беларусі стартаваў і бейсбольны сезон. "Берасцейскія зубры" прымалі ў сябе каманду мінскай школы алімпійскага рэзерву і перамаглі яе два разы. А ці ведаюць нашыя чытачы, якія бейсбольныя каманды існуюць у Беларусі?

У долара і еўра добры панядзелак — яны падраслі. Патаннеў толькі расійскі рубель. Вынікі першых таргоў гэтага тыдня: 1 USD = 3,2542 1 EUR = 3,4759 100 RUB = 3,4893

У калоніі "Воўчыя норы" вязняў прымусілі рабіць рамонт у жылых секцыях двух атрадаў. Грошы, вядома, сабралі ў "добраахвотным парадку" — адміністрацыя турмы расказала пра гэта ў артыкуле "Утульна, зручна, прыгожа". Тэкст выйшаў у газеце "Трудавы шлях" Дэпартамента выканання пакаранняў. На яе старонках існуе спецыяльная рубрыка "Рамонт сваімі сіламі" пра тое, як са сваякоў зняволеных страсаюць грошы ў абмен на магчымае ўмоўна-датэрміновае вызваленне.

Навучанне праз Zoom перастала адпавядаць беларускаму заканадаўству. На думку Цэнтру абароны персанальных даных, звесткі могуць перадавацца ў краіны з недастатковым узроўнем іх абароны. Таму адукацыя ў інтэрнэце павінна перайсці на платформы, размешчаныя і зарэгістраваныя ў Беларусі.