Finote Hiwot የቀጨኔ ደብረ ሰላም መድኀኔ ዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት

በመጨረሻም አዲሱ ዓመት ጠንካራ የዕርቅና የሰላም ሥራ ሠርተን ልጆቻችንን ከሥጋትና ከጥፋት የምንታደግበት ይሆን ዘንድ በርትተን እንድንሠራ ለቅዱስ ሲኖዶስ አባላት ሁሉ ልባዊ ጥሪያችንን በእግዚአብሔር ስም እያስተላለፍን፣ ዓመታዊውን የጥቅምቱ የቅዱስ ሲኖዶስ ጉባኤ በዛሬው ዕለት ባርከን በጸሎት የከፈትን መሆናችንን እናበሥራለን፤ ጉባኤያችንን ጉባኤ ሐዋርያት፣ ጉበኤ አበው ቅዱሳን ያድርግልን ። እግዚአብሔር ኢትዮጵያንና ሕዝቦቿን ይባርክ፤ ይቀድስ፤ ወስብሐት ለእግዚአብሔር አሜን!! #አባ_ማትያስ_ቀዳማዊ_ፓትርያርክ_ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም_ወዕጨጌ_ዘመንበረ_ተክለ_ሃይማኖት ጥቅምት 12 ,2013 ዓ.ም. አዲስ አበባ - ኢትዮጵያ ጥቅምት 14 , ዘገብነው https://www.facebook.com/FinoteHiwotSundaySchool

#በዓመት ሁለት ጌዜ የሚካሄደው የቅዱስ #ሲኖዶስ ስብሰባ (ጥቅምት 12 ኣና ትንሣኤ በዋለ በ25ኛው ቀን )፤ በጥቅምት 12 ቀን ተጀምራል ፡፡ ይህ ጉባኤ 22ኛ ዓመት 123ኛ መደበኛ ምልዕተ ጉበኤ ሲሆን ጥቅምት 12 በመንበረ ፓትርያሪክ ቅድስተ ቅዱሳን ማርያም ገዳም በቅዱስ ፓትርያልኩ ተካሂዷል፡፡ በዕለቱም #ቅዱስ_ፓትርያርኩ ያስተላለፉት መልእክት #መልእክተ ቅዱስ ፓትርያርክ!!! በስመ አብ ወወልድ ወመንፈስ ቅዱስ አሐዱ አምላክ አሜን #ብፁዕ ወቅዱስ አቡነ መርቆሬዎስ አራተኛው የኢትዮጵያ ፓትርያርክ #ብፁዕ አቡነ ያሬድ የጠቅላይ ቤተ ክህነት ዋና ሥራ አስኪያጅና የአርሲ ሀገረ ስብከት ሊቀ ጳጳስ #ብፁዕ አቡነ ዮሴፍ የቅዱስ ሲኖዶስ ዋና ጸሐፊና የምሥራቅ ጎጃም ሀገረ ስብከት ሊቀ ጳጳስ #ብፁዓን ሊቃነ ጳጳሳት የቅዱስ ሲኖዶስ አባላት በዚህ የቅዱስ ሲኖዶስ ምልአተ ጉባኤ መክፈቻ ሥነ ሥርዓት የተገኛችሁ ሁሉ፤ በማያልቅ ፍቅሩ እየጠበቀ አገልግሎታችንንም እየባረከ ሁሌ በቸርነቱ ከዘመን ወደ ዘመን የሚያሸጋግረን እግዚአብሔር አምላካችን እንኳን ለዓመታዊው የጥቅምት የቅዱስ ሲኖዶስ ምልአተ ጉባኤ ሁላችንንም በሰላም አደረሰን፤ አደረሳችሁ!!! “ ብፁዓን ገባርያነ ሰላም እስመ እሙንቱ ውሉደ እግዚአብሔር ይሰመዩ ”(“ የሚያስታርቁ ብፁዓን ናቸው፤ እነሱ የእግዚአብሔር ልጆች ይባላሉና ”) (ማቴ. 5፡9) ይህ ትምህርተ ብፅዕና ጌታችን ኢየሱስ ክርስቶስ ስለ ሰላም፣ ስለ አስታራቂዎችና ዋጋቸውን አስመልክቶ ያስተማረው የሕይወት ቃል ነው፤ በሁሉም ዘንድ እንደሚታወቀው የሰላም ነገር በሰማይም ሆነ በምድር በፈጣሪም ሆነ በፍጡራን ዘንድ ያለው ዋጋ ተመጣጣኝም ሆነ ተወዳዳሪ አይገኝለትም፤ በሰማይና በምድር ሰላም በጠፋ ጊዜ ሰላምን ለማምጣት ሲባል አምላክ ሰው ሆኖአል፤ ዕርቅን ለማስፈን ሲባል አምላክ በሥጋ በመስቀል ተሰቅሏል፤ በዚህም ሰማይንና ምድርን ወደ ልጁ ኅብረት አምጥቶአል፤ ዕርቁንና ሰላሙንም አረጋግጦአል፡፡ እንግዲህ ይህ ከኅሊና በላይ የሆነውን የአምላክ ሥራ ስናስተውል ሰላምና ዕርቅ፣ ስምምነትና አንድነት በአምላክ ዘንድ ያላቸው ዋጋ ምን ያህል ትልቅ እንደሆነ እንገነዘባለን ፡፡ በሕዝብና በሕዝብ መካከል እንዲሁም በግለሰቦች መካከል የዕርቅ ተግባር እያከናወኑ ሰላምን የሚያወርዱ ሰዎችም ዋጋቸው የእግዚአብሔር ልጅ መሆንን እንደሆነ ተናግሮ የማይከዳው አምላክ ማረጋገጫ ቃሉ ሰጥቶአል ፡፡ #ብፁዕ ወቅዱስ አቡነ መርቆሬዎስ # ብፁዓን አበው ሊቃነ ጳጳሳት የቅዱስ ሲኖዶስ አባላት፤ ሰላምና ዕርቅ የእግዚአብሔር ተቀዳሚ ተግባራት ናቸው፤ እነዚህ ተግባራት በየቀኑ መፈጸምና መከናወን ያለባቸው የእርሱ ሉዓላዊት መንግሥት በሆነችው በቅድስት ቤተ ክርስቲያን ነው፤ የመንግሥቱ ተጠሪ ደግሞ ይህ የቅዱስ ሲኖዶስ ጉባኤ ነው፤ ይህ ጉባኤ በእግዚአብሔር መንግሥት ውስጥ ሆኖ ስለዕርቅና ሰላም አበክሮ እንዲሠራ “ጠብቅ፣ አሠማራ” ተብሎ በጌታችን በኢየሱስ ክርስቶስ ሥልጣን የተሰጠው አካል ነው፤ ምክንያቱም በሰዎች መካከል ሰላም ከሌለ ቤተ ክርስቲያንም ተጎጂ ናትና ነው፤ ቤተ ክርስቲያን ልጆቿ ጠባቂ እንደሌላቸው በጎች በሰላም እጦት ሕይታቸውንና ንብረታቸውን ሲያጡ ከማየት የበለጠ የቤተ ክርስቲያን ጥቃት የለምና ፡፡ በመሆኑም ቅዱስ ሲኖዶስ ከምንም ጊዜ በላይ በጎቹን ለመጠበቅ የሚተጋበት ጊዜ ላይ መሆኑን በውል መገንዘብ ይገባል፤ ቅዱስ ሲኖዶስ የሁሉም በጎች እኩል ጠባቂ ነውና፤የገለልተኝነትና የማእከላዊነት አቋሙን ጠብቆ የሁሉም ወገን አባትነቱን ሳያዛንፍ ለልጆቹ ዕርቅና ሰላም መረጋገጥ ሁሉንም በአባታዊ ፍቅር እያቀፈ ማስታረቅ በዚህ ዓመት የመጀመሪያ ተግባሩ ማድረግ ይኖርበታል፡፡ # ብፁዕ ወቅዱስ አቡነ መርቆሬዎስ #ብፁዓን ሊቃነ ጳጳሳት የቅዱስ ሲኖዶስ አባላት ሁላችንም እንደምናየው በቃልም ይሁን በመሠረተ ሐሳብ ዕርቅንና ሰላምን የሚቃወም ወገን ፈጽሞ የለም፤ ነገር ግን በመጓጓዣ ሐዲዱ ላይ መግባባት እየጠፋ በሀገራችንም ሆነ በዓለማችን በአጠቃላይ ብዙ ጥፋት ተከሥቶአል፤ የሚያስገርመው ነገር ቢኖር ለውይይትና ለመቻቻል ሰፊ ዕድልና ጊዜ አለመስጠቱ ነው ፡፡ ጉዳዩ እጅግ ግዙፍ የሆነ የሀገር ኅልውና ጉዳይ ስለሆነ በጥልቀት፣ በስፋት፣ በሰከነ አእምሮና አስተሳሰብ በተረጋጋ መንፈስ ሊታይ የሚገባው ጉዳይ ነው ፡፡ አሁን እየተካሔዱ ያሉት የግጭቶች አቅጣጫዎች የሚመስሉ ትንኰሳዎች የኋላ ኋላ ምን ያህል ፀፀት እንደሚያስከትሉ ለእኛ ለኢትዮጵያውያን ድብቅ ምሥጢር አይደሉም ፡፡ ሳንግባባ ቀርተን ትናንትና ያጋጩን ነገሮች ብዙ አሳጥተውናል፤ ለማይመለስ ፀፀትም ዳርገውናል፤ አሁንም ተመሳሳይ ስሕተት ፈጽመን ፀፀት ላይ እንዳንወድቅ የፈለገውን ያህል ጊዜ ይውሰድ የፈለገውን ያህል ዋጋ ያስከፍል ያለአንዳች ግጭትና ደም መፍሰስ ሁሉም ነገር ወደዕርቅ፣ ወደሰላምና አንድነት ማምጣት አለብን፤ በነገሩ ላይ ሸማግሌ ከገባበት እግዚአብርሔርም ከተጋበዘበት የውይይት ጊዜና ትዕግሥትም ከታከለበት ሁሉም ነገር እየዋለ እያደረ የሰላም ጎህ እየፈነጠቀ መረጋጋት ሥር እየሰደደ፣ ጥላቻ እየተናደ እንደሚሄድ ጥርጥር የለውም፤ “ ዕለት ለዕለት ትጐሥዕ ነቢበ፤ ሌሊት ለሌሊት ታየድዕ ጥበበ፤ አንዷ ዕለት ለሌላኛዋ ዕለት መልካም ንግግርን፣ በጎ ሐሳብን ታመነጫለች፤ አንዷ ሌሊትም ለሌላኛዋ ሌሊት የበለጠ ጥበብና ማስተዋልን ትወልዳለች የሚለው የእግዚአብሔር ቃልም ይህንን ያረጋግጣልና ነው፡፡ በዚህ መንፈስ ጠንክረን ከሠራን ፍሬ እናጣለን ተብሎ አይገመትም፤ ስለሆነም ይህ ዓቢይ ጉባኤ እንደካሁን ቀደሙ ኮሚቴ አቋቁሞ መለያየት ሳይሆን የሀገር ሰላም ጉዳይ በቀጥታ ይመለከተናል በሚል ቅን መንፈስ፣ በተቃርኖ ያሉ ኃይሎችን በግንባር በማግኘትና በማነጋገር የአንድ ሰው ሕይወት እንኳ እንዳይጠፋ ሁሉም የበኩላቸውን እንዲወጡ ጠንክሮ መማፀን አለበት፡፡ የሁሉም ምርጫ ውይይትና ውይይት ብቻ እንዲሆንም በርትቶ በመሥራት ሁሉንም ማሳመን አለበት፤ ከዓቅሙ በላይ ከሆነም ልምዱና ጥበቡ ያላቸው ሀገር አቀፍና ዓለም አቀፍ ገለልተኛ ወገኖችን በማሳተፍ የዕርቁና የሰላሙ ተልእኮ ግብ እንዲመታ ማድረግ አለበት፤ ይህ ተግባር ወቅቱ ኃላፊነት የጣለበት የቅዱስ ሲኖዶስ ተቀዳሚ ተግባር ነው ፡፡ #ብፁዕ ወቅዱስ አቡነ መርቆሬዎስ! #ብፁዓን ሊቃነ ጳጳሳት የቅዱስ ሲኖዶስ አባላት! በአሁኑ ጊዜ ቤተ ክርስቲያናችንን ለከፋ አደጋ የዳረጋት መሠረታዊ ምክንያት የአክራሪዎችና የተቃራኒዎች እንቅስቃሴ መሆኑ በውል ማወቅ አለብን፤ ይሁን እንጂ የእኛ አያያዝም በክፍተት የተሞላ በመሆኑ ከተቃራኒ አካላት ባልተናነሰ ሁኔታ እያስጠቃን ነው፡፡ በቤተ ክርስቲያናችን የሚታዩ ልዩ ልዩ የአሠራር ጉድለቶች ማለትም የአስተዳደር ስልታችን የፋይናንስና የንብረት አያያዛችን ምእመናንን እያበሳጩብን እንደሆነ አንዘንጋ፤ በመሆኑም እነዚህንና ሌሎች ችግሮቻችንን ለአንዴና ለመጨረሻ ጊዜ ለማስተካከል ዕውቀቱ፣ ልምዱና ችሎታው ባላቸው ባለሙያዎች በጊዜያዊም ቢሆን መድበን በጥናት ላይ የተመሠረተ መሪ ዕቅድ ዘመናዊ አሠራርን አዘጋጅተው እንዲያቀርቡልን ማድረግ አለብን ፡፡ በሠላሳ ዘጠነኛው የሰበካ ጉባኤ ስብሰባ ላይ እንደተጠቀሰው ቤተ ክርስቲያናችን በከባድ ፈተና ላይ መሆኗ ተገልፆአል፤ ስለሆነም ይህ የጥፋት ድርጊት እንዲቆም ሁነኛ መፍትሔ ማስቀመጥ ይኖርብናል ፡፡

#ጥቅምት_14 #ሐዋርያው_ቅዱስ_ፊልጶስ_ ** በጋዛ ምድር ኢትዮጵያዊውን ጃንረባ ባኮስን ያጠመቀው ረድኡ ሐዋርያ ቅዱስ ፊልጶስ ዕረፍቱ ነው፡፡ ✤ ለእኛ ለኢትዮጵያውያን ባለውለታችን (በእግዚአብሔር ፈቃድ ሰማያዊውም ሆነ ምድራዊውን ውለታ የዋለልን) የኾነውና ለመጀመሪያ ጊዜ በሐዲስ ኪዳን የእግዚአብሔርን ቃል የተናገረን፤ የክርስትና ጥቀምት አባትና አጥማቂያችን ከ72ቱ አርድዕት አንዱ የኾነው ቅዱስ (ሐዋርያው) ፊልጶስ #በሀገራችን__ብቸኛ_በኾነውና በአ.አ ኮልፌ አጠና ተራ በሚገኘው ቤ.ክ. #ደብረ_ምጥማቅ-ቤ.ክ በዓለ ዕረፍቱ ይከበራል፡፡ " እነሆ በውሀ እንዳልጠመቅ የሚከለክለኝ ምንድነው? " የሐዋርያት ሥራ ፰÷፴፮ **በኢትዮጵያ ብቸኛ የሆነውና በአዲስ አበባ የሚገኘው ደብረ ምጥማቅ ቅዱስ ፊልጶስ ቤ.ክ የተመሠረተው በ3ኛው ፓትርያርክ በብፁዕ ወቅዱስ አቡነ ተክለ ሃይማኖት ሲሆን፤ የቅዱስ ፊልጶስ ክብረ በዓል በዓመት 2ት ጊዜ ነው፤ #ጥቅምት 14 በዓለ ዕረፍቱ #የካቲት 20 ቅዳሴ ቤቱ ነው ‹‹የእግዚአብሔርን ቃል የተናገሩአችሁን ዋኖቻችሁን አስቡ፥ የኑሮአቸውንም ፍሬ እየተመለከታችሁ በእምነታቸው ምሰሉአቸው።"ዕብ. 13፥7 ፠፠፠ ‹‹ደብሩሰ ለቅዱስ ፊልጶስ ትመስል ደብረ ሲና፤ ወሀደረ ላዕሌሃ እግዚአብሔር ሐፁር የዐውዳ ወጽጌረዳ በትምዕርተ መስቀል፡፡›› #አድራሻ_- ኮልፌ አጠና ተራ ወደ፡ሎሚ ሜዳ በሚወስደው መንገድ ኢንዱስትሪ መንደር ሳይደርሱ ፠1. ከመርካቶ በባስ ቁጥር 69 ጠሮ በሚወስደው መንገድ፣21 ልኳንዳ ወርደው ወደ ቀድሞ 04 ቀበሌ ፠2. ከአየር ጤና እና ዙሪያው በባስ ቁጥር 87 አጠና ተራ ወርደው የቀለበት መንገድ የእግረኛ መሻገሪያ ተሻግረው ባለው አስፋልት ቀጥታ በመሄድ ያገኙታል ፠3. ከቡራዩ አስኮ አካባቢ ለምትመጡ በባስ ቁጥር 28 አጠና ተራ ወርደው በቀኝ በኩል ባለው አስፋልት ቀጥታ በመሄድ ያገኙታል https://www.facebook.com/FinoteHiwotSundaySchool

#ዳሕምሞ_ #ደብረ_ዳሞ መላእክትም ለአረጋዊ እንደባልንጀራ አንደ ጓደኛ ሆኑት፤ እሳቸውን ለመጐብኘትና በረከት ለማግኘት አባቶች ብቻ ሳይሆኑ ንጉሡ አጼ ገብረመስቀልም ወደእሳቸው ይመጣ ነበር፡፡ እሱም እሰከዛሬ ምስክር ሁኖ የሚገኘውንና በእመቤታችን ስም የተሰየመውን ድንቅ ገዳም ሲያንጽ ለእንሳሳቱ መመላለሻ እንዲሆን ተራራን አሠራ፤ ሕንጻው ቅዱስ ያሬድ በተገኘበት ተመረቀች፤ ኋላ ግን ንጉሡ ከአረጋዊ ተባርኮ ሲመለስ ‹‹ተራራውን ላፍርሰው፤ ወይስ ልተወው?›› አለ፤ አቡነ አረጋዊም በግዕዙ ‹‹#ዳሕምሞ_›› አሉት፡፡ በአማርኛ ቋንቋ ‹‹የሰራኸውን ደረጃ ናደው ፥ አፍርሰው እንጂ አትተወው›› ማለት ነው፡፡ በዚህም ምክንያት አካባቢው ዳሞ ገዳሙ ደግሞ ደብረዳሞ ተባለ፡፡ አቡነ አረጋዊም ንጉሡን ‹‹ስለዘንዶው ጅራት ፈንታ ሰዎች ይወጡበት ዘንድ ገመድ አብጅ፡፡ ለልጅ ልጅ መታሰቢያ እንዲሆንና ይህን ድንቅ ሥራ እያየ በፍጥረቱ ሁሉ አንደበት እግዚአብሔር ይመሰገን ዘንድ፡፡›› አሉት፤ ለመወጣጫ ይሆን ዘንድ ገመድ ተሰራለት፡፡ ከዚያን ጊዜ ጀምሮ ገመዱ የታሠረበት ግንድ እስካሁን ከ1500 ዓመታት በላይ አለ፤ ኋላ በ13ኛው ክፍለ ዘመን ጻድቁ አቡነ ተክለ ሃይማኖት ለ12 ዓመታት በደብረ ዳሞ ቆይተው በዚሁ ገመድ ሲወርዱ ነው ሰይጣን ቀንቶ ገመዱን ቢበጥስባቸው እግዚአብሔር አምላክ ክንፍ የሰጣቸው፡፡ ደብረዳሞ ዙርያው ገደል ሆኖ የጠረጴዛ ቅርጽ ያለው ያለው አምባ ሲሆን 500*1000 ሜትር የሚሆን ስፋት አለው፡፡ ከባህር ወለልም በላይ 2216ሜ. ከፍ ይላል፡፡ ወደ ገዳሙ መውጣት አና መውረድ የሚቻለው 16ሜ. በሚረዝመው በአምሳለ ዘንዶ በተሰራው ገመድ ብቻ ነው፡፡ ንጉሡም ከተራራው እንደወረደ እንደታዘዘው አፈረሰ፡፡ አሁን የምናየው ዓይነት ገመድንም አዘጋጅቷል፤ የገመዱም ስመ ‹‹ዘንዶ›› ይባላል፡፡ በዚህ ገዳም ሴቶች በአፀደ ሥጋ እያሉ አይገቡም፤ ካረፉ በኋላ ግን እንደ አባ ጳኩሚስ ገዳምና ሥርዓት ከተከዜ ማዶ ከሚኖሩ የሴት መነኮሳት መካከል አንዲቱ የሞተች እንደሆነ ወደ ወንድሞች መነኰሳት አምጥተው በነሱ ዘንድ በሚገኘው የመቃብር ቦታ ይቀብሯቸው ነበር፡፡ በዚህም የተነሳ የአቡነ አረጋዊ እናት የነበረችው ልጂ በሕፃንነቱ ሳለ መመንኰሱን አውቃ ከልጇ ሕይወቱን ተምራ ገና ከመጀመሪያ ወደ አባ ጳኵሚስ ገዳም ሄዳ መንኵሳ ነበርና በቅድስና በትሕትና ደናግሉ በፍቅር ስታስተዳድር ኖራ መንፈሳዊ ግዳጇን በጐ አገልግሎቷን ፈጽማ ጥር 4 ቀን ስታርፍ ለመቀበሪያዋ ይሆን ዘንድ አባታችን አቡነ አረጋዊ ባሰራላት አዲስ መቃብር ተቀብራለች፡፡ /ከቀ.ደ.ሰ መድኀኔ ዓለም ወደ.ት.ቅ.ገብርኤል ቤ.ክ. ፍኖተ ሕይወት ሰሌዳ መጽሔት የተወሰደ::/ https://www.facebook.com/FinoteHiwotSundaySchool https://t.me/medihanaelem

ሥርዓተ ማኀሌት ዘውርኀ ጽጌ ፫ኛ ዙር ዓመት፤ ፫ ኛ ሳምንት ጥቅምት ፲፭ በዓለ ቅዱሰ ቂርቆስ፡፡ ሥርዓተ ማኀሌት ዘውርኀ ጽጌ ፫ኛ ዙር ዓመት፤ ፫ ኛ ሳምንት ጥቅምት ፲፭ በዓለ ቅዱሰ ቂርቆስ፡፡ #share

#የአቡነ_አረጋዊ_የበሶ_እምነት_፤ በዓመት አንድ ጊዜ ጥቅምት 14 በቅዱስ ገብረ ክርስቶስ አቡነ አረጋዊና ሙሴ ብእሴ እግዚአብሔር ክብረ በዓል በሚከበረርባቸው አብያተ ክርስቲያንት ላይ በሶ ይሰጣል፤ ይኸውም የበሶ እምነት ለብዙ ችግሮች ፈውስ ነው፡፡ በሶ የአቡነ አረጋዊ እምነት የኾነበት ምክንያትም በታላቁ ገዳም በደብረ ዳሞ የመናንያኑ ምግብና ወደዚሁ ቦታ ለሚሄዱ ምዕመናንም እንደ እምነት ተደርጎ የሚሰጥ በመኾኑ ነው፡፡ *** +++ #የቅዱስ ገብረ ክርስቶስ አቡነ አረጋዊና ሙሴ ብእሴ እግዚአብሔር ክብረ በዓል ከሚከበርባቸው ቦታዎች መካከል ዐበይቶቹ፤ ፠ በደብረ ዳሞ፣ ፠ በቀጨኔ ደብረ ሰላም መድኀኔ ዓለም፣ (የቅዱስ ገብረ ክርስቶስ፣ አቡነ አረጋዊና ቅዱስ ሙሴ ብእሴ እግዚአብሔር ታቦት ከጥንት ጀምሮ በድርብነት ይገኛል) (ደብራችን መጀመሪያ ሲመሠረት ይቀድሱና ያወድሱ የነበሩት የደብረ ዳሞ ገዳም መነኰሳት ናቸው፡፡ የቅዱስ ገብረ ክርስቶስ ክብረ በዓል በደብራችን ሲከበር 100 ዓመታት ሞልቶታል፤ እንኳን ክብረ በዓል የቅዱስ ገብረ ክርስቶስ ማኅበር እንኳን 100 አካባቢ አስቈጥሯል፡፡) ፠ በደብረ ከዋክብት አቡነ አረጋዊና ቅዱስ ገብረ ክርስቶስ (አለርት ሆስፒታል አጠገብ፤ ወደ አለም ባንክ መስመር) ፠ በመናገሻ ገነተ ጽጌ ቅዱስ ጊዮርጊስ (የአቡነ አረጋዊ ታቦት በድርብነት ይገኛል) ፠ በሽሮ ሜዳ መንበረ ስብሐት ቅድስት ሥላሴ ቤተክርስቲያን (የአቡነ አረጋዊ ታቦት በድርብነት ይገኛል) ፠ በደብረ ይባቤ ቅዱስ ያሬድ ቤ.ክ. (የአቡነ አረጋዊ ታቦት በድርብነት ይገኛል) ፠ በጎንደር አቡነ አረጋዊ ቤ.ክ. (ብሉኮ አካባቢ) ፠ ፠ ፠ ፠

እድሜውም ለትምህርት ሲደርስ የቤተክርስቲያንንና ሥጋዊ ትምህርትን አስተማሩት፤ አድጎም በጎለመሰ ጊዜ የሮሜውን ንጉስ ልጅ አጭተው እንደሥርዓቱ አጋቡት። እሱ ግን በምድራዊ ሕይወት ከመደሰት ይልቅ በሰማይ ስለሚያገኘው ነገር አብዝቶ ይናፍቅ ነበርና በጋብቻ ከመኖር ይልቅ ምንኵስናን ይወድ ነበርና በሰርጉ ዕለትም እኩለ ሌሊት በሆነ ጊዜ ሙሽራው ገብረክርስቶስ ተነስቶ ወደ ሙሽራይቱ ሔዶ እጇንም ይዞ ከእርሷ ጋር ቃልኪዳን አደረገ፤ ከዚያም የሃይማኖት ጸሎትን አድርሶ ለእርሷም ምን አይነት ሕይወት መኖር እንደሚፈልግ አስረድቷት የተሞሸረበትን ልብስ ከላዩ አውልቆ የግምጃ ልብስን ለብሶ ለመሄድ ተነሳ፡፡ ሙሽራይቱም ‹‹እኔን ለማን ትተወኛለህ?›› ብላ አልቅሳ ጠየቀችው፡፡ እርሱም ‹‹በእግዚአብሔር ዘንድ እተውሻለሁ፤ እኔም ጌታዬ ኢየሱስ ክርስቶስን ልከተለው እሄዳለሁ፤ የአባቴ መንግስት ኃላፊ ነውና፡፡ አንቺም መሀላሽን አስቢ፡፡›› አላት፡፡ ያን ጊዜ መሃላዋን አስባ ዝም አለች። ከቤቱ ተነስቶ ወጣ፤ በመርከብ ከሚጓዙ መንገደኞች ጋር ያመት መንገድም ወደሚሆን አርመንያም ተጓዘ። በነጋም ሰዓት አባትና እናቱ ሙሽራው ልጃቸውን ለማግኘት ወደ ሰርጉ አዳራሽ ገቡ፤ እንዳሰቡት ግን ሙሽራው ልጃቸውን አላገኙትም፤ ይልቁንም ሙሽሪቷን እያለቀሰች አገኟት እንጂ፡፡ እነሱም አጥብቀው በጠየቋት ሰዓት መሐላን አስምሏት በሌሊት እንደሄደ ነገረቻቸው፤ ታላቅ ለቅሶን አለቀሱ። ይፈልጉት ዘንድም ንጉሥ አባቱ አምስት መቶ አገልጋዮችን ላከ፡፡ ለድሆችና ለምስኪኖችም ምጽዋት ያደርጉ ዘንድ ብዙ ገንዘብን ሰጣቸው ገብረክርስቶስ ግን በእመቤታችን ቅድስት ድንግል ማርያም ስም በተሰራች አርመንያ ሀገር በምትገኝ በአንዲት ቤተክርስቲያን ደጅ መኖር ጀምሮ ነበር፡፡ አባቱ የላካቸው ሁለቱ አገልጋዮችም ከዚያ ደርሰው ስለርሱ መርምረው ነበር፤ ወሬውን ግን ማግኘት ተሳናቸው፡፡ ለድሆችም ምጽዋትን ተቀብሏል ግን እንደማንኛውም የኔቢጤ ስለመሰላቸው ማወቅ ተስኗቸው ነበር፡፡ በዚህችም ቦታ ማንም እሱ የንጉሥ ልጅ፤ ቅዱስ መሆኑን ሳያውቅ 15 ዓመት ኖረ፡፡ እመቤታችን ለአንድ ቄስ ተገልጻ ገብረ ክርስቶስን ወደ ቤ/ን ያስገባው ዘንድ አዘዘች፤ ገብረክ ርስቶስም ይህን ባወቀ ጊዜ በሌሊት ተነስቶ በእመቤታችን ስዕል ፊት ‹‹እመቤቴ ሆይ የተሰወረ ሥራዬን አንቺ ለምን ገለጥሽ አሁንም ወደ ሚሻለኝ ምሪኝ›› ብሎ ስዕሏን ተሳልሞ በሌሊት ወጥቶ ወደ ባህሩ ወደብ ደረሰ፡፡ ወደሌላ ሃገርም ሊሄድ ወዶ በመርከብ ተሳፈረ ግን በእግዚአብሔር ፈቃድ ከአባቱ አገር ደረሰ እሱም እናትና አባቴ ለኔ የፈለጉትን እየሰጡኝ ለነሱ ምጽዋት ይሆንላቸው ዘንድ በደጃቸው ልኑር ብሎ በፈቃዱ ወደ እነርሱ ሄደ፡፡ የእነርሱን መዳን ሽቷልና ፊቱ በጣም ተለውጧልና ከቤተሰቦቹም ይሁን ከገረዶቻቸው መሃል ማንም ያወቀው አልነበረም ከውሾቹ በቀር፡፡ ለአባቱም እኔ መጻተኛ ነኝና በቤተ መንገሥትህ ደጅ ፊት ለፊት እንዳትረሳኝ ጎጆ ሥራልኝና ልኑር አለው፤ አባቱም የልጁን ኹኔታ አስቦ እኔም ልጄ እንዲሁ አይደል ብሎ ፈቀደለትና መኖር ጀመረ፡፡ የቤተ መንግሥቱ ባለሟሎችና እንዲንከባከቡት የታዘዙት ሠራተኞች ግን ሲገቡና ሲወጡ ሽታው እንዳያስጨንቀን ይህን ምስኪን አስውግዱልን እያሉ ወጭትና ድስትም እያጠቡ በላዩ ይደፉበት ነበር፡፡ ውሾችም እንዲናከሱበትና እንዲበሉት የሥጋ ትርፍራፊ ይጥሉበት ነበር፡፡ ውሾች ግን ቁስሉን ይልሱለት ነበር፡፡ ቅዱስ አባ ገብረ ክርስቶስም ጊዜ እየረዘመ በሄደ ጊዜ የባሮቹ በደል እየበዛ ሲመጣ (መቋቋም ስላቃተው ሳይሆን ለእነሱ በደል እንዳይሆንባቸው ሲል) ወደ እግዚአብሔር ይወስደው ዘንድ ለመነ፡፡ ከዚያም ታሪኩን ከመጀመሪያ እስከመጨረሻው ጽፎ በእጁ ይዟት አረፈ፤ የነገሩትን የማይረሳ የለመኑትን የማይነሳ ፈጣሪም እንደፈለገ ነፍሱን ከሥጋው ለየለት፡፡ ለሱም ስሙን ለሚጠራ መታሰቢያውንም ለሚያደርግ ቃልኪዳን ሰጠው፡፡ የዕረፍት ቀኑም እሑድ ነበርና ሕዝቡ ሁሉና ካህናቱ ከሊቀጳጳሳቱ ጋር በቅዳሴ ጊዜ በቤተክርስቲያን ውስጥ ሳሉ ‹የእግዚአብሔርን ሰው በንጉሡ በቴዎዶስዮስ ቤት ፈልጉት› የሚል ቃል ከሰማይ ሰሙ በዚያን ጊዜ ሂደው በአረፈበት ቦታ አገኙት፡፡ በእጁም ውስጥ የተጨበጠ ክርታስን አዩ፡፡ ሊወስዷትም ሽተው መውሰድ ተሳናቸው በአንድነትም በጸለዩ ጊዜ እጁ ተፈትታ ወስደው አነበቧት፡፡ አባትና እናቱም ልጃቸው እንደሆነ አወቁ ታላቅ ጩኸትም ሆነ መሪር ልቅሶንም አለቀሱ አክብረውም በጥምቀት 14 በእረፍቱ ቀን ቀበሩት መቃብሩም በሽተኞችን ሁሉ በመፈወስ ድንቅ የሆኑ ብዙ ተዓምራቶችን የሚያደርግ ሆነ ከጻድቁ ረድኤት በረከት ያሳትፈን፡፡ /ከቀ.ደ.ሰ መድኀኔ ዓለም ወደ.ት.ቅ.ገብርኤል ቤ.ክ. ፍኖተ ሕይወት ሰሌዳ መጽሔት የተወሰደ::/

#እንኳን_አደረሳቹህ #ጥቅምት_14 አቡነ #አረጋዊ የተሠወሩበት፤ ቅዱስ #ገብረክርሰቶስ በዓለ እረፍት፤ በጋዛ ምድር ኢትዮጵያዊውን ጃንረባ ባኮስን ያጠመቀው ረድኡ ሐዋርያ ቅዱስ #ፊሊጶስ ዕረፍቱ ነው፡፡ ቅዱስ #ሙሴ_እግዚአብሔር በዓለ ዕረፍታቸው ነው፡፡ ጥቅምት 14፤፠፠ ፠ #አቡነ_አረጋዊ (#ዘሚካኤል)#ወቅዱስ_ሙሴ_ብእሴ_እግዚአብሔር #አቡነ_አረጋዊ (#ዘሚካኤል) ትውልዳቸው ሮም ሲሆን እግዚአብሔርን ከሚፈሩ ከአባታቸው ይስሐቅና ከእናቸው እድና የተገኙ የቅዱሳን ፍሬ ናቸው፤ ወንድሞቹም ቴዎድሮስ እና ገብረ አምላክ ይባላሉ፡፡ የቀድሞው ስማቸው ዘሚካኤል ነበር፡፡ “አረጋዊ” የተባሉት ኢትዮጵያ ከመጡ በኋላ ነው፡፡ በእድሜ ልጅ ሲሆኑ በመንፈሳዊ ሕይወታቸውና ሥራቸው አዋቂ ስለነበሩ አረጋዊ ብለዋቸዋል፡፡ ወላጆቻቸው ቅዱሳት መጻሕፍትን እያስተማሩ አሳደጉት፤ እሱም በመንፈስ ቅዱስ ኀይል እየጸናና እየበረታ ሄደ፡፡ ዕለት ዕለት ጧትና ማታም ወደቤተክርስቲያን እየሄደ ጸሎት ከመጸለይ አያቋርጥም ነበር፡፡ እድሜውም ለጋብቻ ሲደርስ አባትና አናቱ ያገባ ዘንድ ሚስት አጩለት፡፡ እሱ ግን ፈጽሞ እምቢ አለ፤ ከሕፃንነቱ ጀምሮ በመንፈስ ቅዱስ እየተቃኘ የምንኵስና ሕይወትን ለመኖር ፈልጓልና፡፡ ከብዙ ዘመንም በኋላ የምንኵንስና ሕይወትን ለመኖር ወደ አባ ጳኩሚስ ዘንድ ሄደ፤ ወደ ገዳሙም በገባ ጊዜ አንድ መነኵሴ አገኙትና ‹‹ልጄ ሆይ ከወዴት መጥተሃል እነሆ አንተ ሕፃን እንደሆንክ እመለከታለሁና›› አሉት፡፡ እሱም አመጣጡ ከሮም እንደሆነና ከአባ ጳኵሚስ ዘንድ የሚፈልገው ነገር እንዳለ ነገራቸው፡፡ እሳቸውም ነገሩን ከሰሙ በኋላ ወደ አባ ጳኩሚስ ዘንድ ወሰዱት፡፡ አባ ጳኩሚስም በአየው ጊዜ ከመንበሩ ተነስቶ በፍፁም ፍቅር አቅፎ ሳመው የእግዚአብሔር ጸጋ በእሱ ላይ አድሯልና፡፡ ከዚያም ቀጥሎ ስለምን ጉዳይ ወደ እሱ እንደመጣ ጠየቀው፡፡ አባ ዘሚካኤልም ‹‹እንደአንተ እንደ አባቴ መነኵሴ እሆን ዘንድ መጥቻለሁ›› አለው፡፡ አባ ጳኩሚስም ‹‹ልጄ ሆይ አንተ የንጉሥ ልጅ እንደመሆንህ መጠን የመንግሥቱ ወራሽ ነህና መንኵሰህ ለመኖር እንደምን ይቻልሃል?›› ሲል መለሰለት፡፡ አባ ዘሚካኤል ግን የምድር መንግሥት ኀላፊ ጠፊ እንደሆነ ያውቃልና ከዓለም ንግሥና ይልቅ ዘለዓለማዊ መንግሥትን ይወርስ ዘንድ እንደሚሻ ያመነኵሰውም ዘንድ አጥብቆ ጠየቀው፡፡ አባ ጳኩሚስም ፈተናን ፈትኖት መቋቋም የሚችል ከሆነ እንደሚያስገባው ነግሮ የተለያዩ ፈተናዎችን ፈትነው፡፡ አባ ዘሚካኤልም የተባለውን የታዘዘውን ሁሉ በትጋት ፈጸመ፡፡ አባ ጳኵሚስም ስለሃይማኖቱ ጽናት ስለጠባይና ስለቅንነቱ እጅግ አድርጐ ወደደው፡፡ ከዚያም አስኬማው ወይም ቆቡ ላይ ወደ እግዚአብሔር ጸልዮ አመነኰሰው፤ ስሙንም ዘሚካኤል ብሎ ጠራው፤ በዚህ ጊዜ እድሜው 14 ዓመት ነበር፡፡ አባ ዘሚካኤል አስኬማ ካደረገ በኋላም በታላቅ ትጋቱ በጸሎቱና በጾሙ አባ ጳኵሚስ ተደነቀ፡፡ ስለሱም ዝናው በየሀገሩ ሁሉ እስከ አባቱ አገር ሮም ድረስ ተሰማ፡፡ አባ ዘሚካኤል ገና በሕፃንነቱ የምንኵስና ማዕረግ መቀበሉን ከሰሙ በኋላ ወደ እሱም 8 ቅዱሳን የመጡ ነበሩ፡፡ እነሱም፦ አባ ሊቃኖስ ከቁስጥንጥንያ፣ አባ ይምዓታ ከሀገረ ቁስያ፣ አባ ገሪማ ከሮም፣ ከአንፆኪያ አባ ድሕማ፣ ከቂልቅያ አባ ጉባ፣ ከእስያ አባ አፍጼ፣ ከሮሚያ አባ ጴንጠሌዎን፣ ከቂሳርያ አባ አሌፍ ነበሩ፡፡ እነሱም አባ ጳኵሚስ የምንኵስናውን አፅፍ አጐናፀፏቸውና አመነኮሷቸው፡፡ ለእያንዳንዳቸውም ስማቸውን ሰየሟቸው፡፡ እኒህም አባቶች ስለትዕግስት፣ አርምሞ፣ ትህትና፣ ስለሥርዐተ ማኀበር አመሠራረት ከአባ ጳኵሚስ ዘንድ ተማሩ፡፡ ከዚህ በኋላ በዚያ ገዳም ለብዙ ዓመታት በፍቅር በአንድነት ከአባ ቴዎድሮስ ጋር ተቀመጡ፡፡ በዚህን ጊዜ ግን አባ ጳኩሚስ አርፈው አባ ቴዎድሮስ ተተክተው ነበር፡፡ እነዚህም አባቶች ወደየሃገራቸው ሄደው ማስተማርና ሃይማኖትን ማስፋፋት እንዳለባቸው ተስማምተው ወደየሀገራቸው ተመለሡ፡፡ አባ ዘሚካኤል ግን በዚያው ቆየ፡፡ እሱ ልቡን የነካችዉ ዜናዋንም የሰማላት ሃገር ነበረችና፡፡ ይህቺውም ሃገራችን ኢትዮጵያ ነበረች፡፡ እሱም ማንም ሰው ሳያውቅና ሳያየው ከሁለቱ ደቀመዛሙርቱ ጋር ቅዱስ ሚካኤል እየመራቸው መጥተው ጐብኝተዋታል፡፡ ያለመምህራንና ያለአስተማሪ ያመነች የዚህችን ሀገረ እምነቷንና ሥነስርዐቷን ተመልክቶ ተደነቀ፡፡ እነዚያን 8 መነኰሳትም ከያሉበት ስለሃገሪቷ እየነገረ ጠራቸው የሚገርመው ግን እነሱም ስለዚህች ሀገር እንደሰሙ ያለምንም ማመንታት መጥተዋል፡፡ እነሱም ሕዝቡን እንደሰሙት አገኙት፡፡ አባ ዘሚካኤል አቡነ አረጋዊ የሚለውን ስያሜ ያገኙት ኢትዮጵያ ከመጡ በኋላ ትህትናቸውና ታዛዥነታቸው እሳቸው ሲመነኩሱ ገና ሕፃን ነበሩ ስራቸው ግን የአረጋውያን ነበርና አንተስ ሐፃን አይደለህም የልጅ አዋቂ ነህ ሲሉ አረጋዊ አሏቸው፡፡ አቡነ አረጋዊ በኢትዮጵያ ሲኖሩ በሄዱበት ስፍራ ብቻቸውን የሚፀልዩበትን ቦታ ሁል ጊዜ ይፈልጉ ነበር፡፡ አንድ ቀንም በመንገድ እየሄዱ ሳሉ ትልቅ ተራራን (ደብረ ዳሞን) ተመለከቱ፤ ከሦስተኛው ቀን በኃላም የእግዚአብሔር መልአክ ቅዱስ ሚካኤል መጥቶ ‹‹አንተ እግዚአብሔር ያከበረህ ቅዱስ ሆይ ምን ያስጨንቀሃል›› አለው፡፡ አባታችንም አቡነ አረጋዊም ‹‹ከዚህች ተራራ ላይ ወጥቼ ስለኃጥያቴ እናዘዝና እለማመን ስለበደሌም ይቅርታን እጠይቅ ዘንድ እወዳለሁ›› አለው፡፡ ቅዱስ ሚካኤልም እንዲፀልይና ታላቅ ዘንዶም ወደርሱ እንደሚላክለት ነገረው፡፡ በሦስት ሰዓትም ዘንዶው መጣ፤ አባታችንም የዘንዶውን ጅራት ይዘው ወደላይ ወጡ ብቻቸውን አልነበሩም፡፡ ዘንዶው እንዳያስደነግጣቸውና እንዳይጐዳቸው ሰይፍን ይዞ ቅዱስ ሚካኤል ይጠብቃቸው ነበር እንጂ፡፡ አባታችን አቡነ አረጋዊም የእርጅና ዘመናቸው በደረሠ ጊዜ እግዚአብሔር ወደእርሱ በመንፈቀሌሊት ተገልጾ ቃልኪዳን ሰጣቸው፡፡ ይኸውም ‹‹መታሰቢያህን ያደርግ በጸሎትህም የተማመነውን ሁሉ እኔ በመላእክት ፊት ሞገስን ቧለሟልነትን እሰጠዋለሁ፤ በእውነተኛ ሀይማኖት ሁሉ የገድልህን መጽሐፍ የጻፈ፤ ያጻፈ፤ የተረጐመ እኔ ስሙን በሕይወት መጽሐፍ እጽፈዋለሁ፤ ይህ ሁሉ ላደረገም እስከ 14 ትውልድ ድረስ እምርልሀለሁ›› አላቸው፡፡ ከዚህም በኋላ አባታችን አልሞተም በዓመቱ "ሞትን የማይቀምሱ አሉ፡፡" ብሎ እንደተናገረው /ማቴ 16 ፥ 28/ ጥቅምት 14 ቀን 558 ዓ/ም ተሠወረዋል፡፡ ከጻድቁ አባት በረከት ይክፈለን፤ በቃልኪዳናቸው ይጠብቀን፤ አሜን፡፡ **#ቅዱስ_ሙሴ_ብእሴ_እግዚአብሔር_በዓለ_ዕረፍታቸው_፡፡ ታሪኩ ከሙሽራው ቅዱስ ገብረ ክርስቶስና ከቅዱስ ቶማስ ዘቶርማቅ ጋር ተመሳሳይ የሆነው የእግዚአብሔር ሰው የተባለ የቅዱስ ሙሴ ዕረፍቱ ነው፡፡ ፠፠ ፠፠፠ ፠፠፠ ፠ ጥቅምት 14፤ #ቅዱስ_ገብረክርሰቶስ_(#አብደል_መሲህ_) #በዓለ_እረፍቱ_፤ በጎ ሥራን ከሚሠሩ፤ እግዚአብሔርን ከሚፈሩ ከቊስጥንጥንያው ንጉሥ ቴዎዶስዮስና ከመርኬዛ ልጅ የላቸውም ነበርና ኢየሩሳሌም ድረስ ሂደው በስዕለት ያገኙት ታላቅ አባት ነው፡፡ ስሙንም ቤተሰቡ አብደል መሲህ ብለው ሰየሙት፤ (አብደል ማለት አገልጋይ ማለት ሲሆን መሲህ ማለት ክርስቶስ ማለት ነው፡፡ የስሙ ትርጓሜውም ገብረ ክርስቶስ (የክርስቶስ ሥራ) ማለት ነው፡፡

#የአዲስ_አበባ_ሰንበት_ት_ቤቶች_አንድነት ጠቅላላ ጉባኤውን አደረገ !!! ፨፨፨ የአዲስ አበባ ሰንበት ት/ቤቶች አንድነት በዛሬው ዕለት ጥቅምት 8/2013 ዓ.ም ጠቅላላ ጉባኤውን በአዲስ አበባ ሀገረ ስብከት የመሰብሰቢያ አዳራሽ ሲያከናውን ብጹዕ አቡነ ቀሌሜንጦስ የሰንበት ት/ቤቶች ማደራጃ መምሪያ ሊቀ ጳጳስ ፤ መልአከ ሕይወት አባ ኃይለ ገብርኤል ነጋሽ የአዲስ አበባ ሀገረ ስብከት ዋና ሥራ አስኪያጅ ፤ መምህር ዕንቁ ባሕርይ ተከስተ የሰንበት ት/ቤቶች ማደራጃ መምሪያ ዋና ኃላፊ እና የየክፍለ ከተማዎቹ የሰንበት ት/ቤቶች አንድነት የሥራ አመራር አባላት እና ሊቃነ መናብርት የጉባኤው ተሳታፊዎች ነበሩ። ይህን ጠቅላላ ጉባኤ ብጹዕ አቡነ ቀሌሜንጦስ የሰንበት ት/ቤቶች ማደራጃ መምሪያ ሊቀ ጳጳስ በጸሎት ባርከው ያስጀመሩት ሲሆን ከጸሎት መርሐግብሩ በመቀጠል የአራዳ እና ጉለሌ ክፍላተ ከተማ የሰንበት ት/ቤቶች አንድነት የሥራ አመራር አባል የሆነው ዲ/ን ዶ/ር ቴዎድሮስ በለጠ የዕለቱን ትምህርት ግሩም በሆነ አቀራረብ ሰጥተዋል። ከትምህርተ ወንጌል በመቀጠል ለሦስት ዓመታት የአዲስ አበባን የሰንበት ት/ቤቶች አንድነት ሲመራ የነበረው የሥራ አመራር በመምህር ምትኬነህ አማካኝነት የተሠሩ ሥራዎችን ሪፖርት እና ያጋጠሙ ችግሮችን ለጉባኤው በንባብ አቅርበዋል። ከሪፖርቱ በመቀጠል ቀሲስ ስንታየሁ ስለ ጉባኤው እና ስለ አንድነቱ ጠቅለል ያለ ገለጻ አድርገው መድረኩን ለቀሲስ ሔኖክ ያስረከቡ ሲሆን ቀሲስ ሔኖክም የአዲስ አበባን የሰንበት ት/ቤቶች አንድነት ሲመሩ የነበሩ የሥራ አመራሮች የአገልግሎት ጊዜያቸውን መጨረሳቸውን ለጉባኤው በመግለጽ ከየክፍለ ከተሞች ለቀጣይ ሦስት ዓመታት የአዲስ አበባውን የሰንበት ት/ቤቶች አንድነት በሥራ አመራርነት እንዲመሩ የተጠቆሙ 11 አባላትን አቅርበው በሙሉ ድምጽ ምልዓተ ጉባኤው አጽድቆ አስራ አንዱም ተመርጠዋል። ከተመረጡት 11 የሥራ አመራር አባላቶች መካከልም የአዲስ አበባን የሰንበት ት/ቤቶች አንድነት በዋና ሰብሳቢነት እንዲመራ ከአራዳ እና ጉለሌ ክፍላተ ከተማ የሰንበት ት/ቤቶች አንድነት የሥራ አመራር አባል እና የደብረ ሲና ቅዱስ እግዚአብሔር አብ ካቴድራል ዕፀ ጳጦስ ሰንበት ት/ቤት አባል የሆነው ወጣት መንክር ግርማ የተመረጠ ሲሆን በምክትል ሰብሳቢነት ከቦሌ ክፍለ ከተማ የሰንበት ት/ቤቶች አንድነት የሥራ አመራር አባል የሆነቸው እና የገርጂ ቅዱስ እግዚአብሔር አብ ሰንበት ት/ቤት አባል የሆነችው ሳምራዊት ስለሺ ስትመረጥ አንድነቱን በጸሐፊነት እንዲያገለግል ከአዲስ ከተማ ክፍለ ከተማ የሰንበት ት/ቤቶች አንድነት የሥራ አመራር አባል እና የመሳለሚያ ደብረ ገሊላ ቅዱስ አማኑኤል ካቴድራል እግዚአብሔር ምስሌነ ሰንበት ት/ቤት አባል የሆነው መምህር አንተነህ ምትኬ ተመርጠዋል። ከምርጫው መርሐግብር በማስከተል የሰንበት ት/ቤቶች ማደራጃ መምሪያ ዋና ኃላፊ መምህር ዕንቁ ባሕርይ ተከስተ አንድነቱ አሁን ያለበት ደረጃ ለመድረስ የተከፈለውን መስዋዕትነት ፤ የተኬደበትን ርቀት እና ለዚህ አንድነት መቋቋም ትልቅ አስተዋጽኦ ያደረጉትን አባቶች እና ወንድሞች በማመስገን ንግግር አድርገዋል። በማስቀጠልም ጉባኤው ላይ የተገኙት መልአከ ሕይወት አባ ኃይለ ገብርኤል ነጋሽ የአዲስ አበባ ሀገረ ስብከት ዋና ሥራ አስኪያጅ በሳል የሆነ ንግግር በግሩም አንበታቸው ያደረጉ ሲሆን በንግግራቸውም አንድነት ኃይል መሆኑን ጠቅሰው ከአንድነቱ ጋር በጋራ ለመሥራት ያላቸውን ፍላጎት በመጥቀስ አንድነቱ ያለበትን የበጀት ችግር ለመቅረፍም ከጎኑ እንደሚቆሙ ተናግረዋል በዚህም የጉባኤው ታዳሚ በእጅጉ አመስግኖል ። በንግግራቸው ፍጻሜ ላይም ሀገረ ስብከታቸው ሁልጊዜ ለአንድነቱ በሩ ክፍት መሆኑን ጠቅሰው አባታዊ የሥራ መመሪያ እና ምክር አስተላልፈዋል። በመጨረሻም ብጹዕ አቡነ ቀሌሜንጦስ የሰንበት ት/ቤቶች ማደራጃ መምሪያ ሊቀ ጳጳስ የቅዱስ ሲኖዶስ አባል ሰፋ ያለ ትምህርተ ወንጌል በማስተማር ፤ ለዚህ አንድነት አስተዋጽኦ ያደረጉትን በሙሉ በማመስገን (በተለይም መልአከ ሕይወት አባ ኃይለ ገብርኤል ነጋሽ የአዲስ አበባ ሀገረ ስብከት ዋና ሥራ አስኪያጅ ለአንድነቱ እያደረጉ ያሉትን ድጋፍ እና አስተዋጽኦ በማንሳት ያመሰገኑዋቸው ሲሆን የበጀት ጉዳይንም ትኩረት ሰጥተው እንዲያስቡበት ጠይቀዋል) ፤ በቀጣይም አንድነቱ ከዚህ በተሻለ መልኩ እንዲንቀሳቀስ አቅጣጫ እና ምክር በመስጠት ጉባኤውን በቃለ ምዕዳን እና ቡራኬ ዘግተውት የጉባኤው ፍጻሜ ተደርጓል። ፨፨፨ ለአዲስ አበባ ሰንበት ት/ቤቶች አንድነት ሥራ አመራር የተመረጣችሁ መልካም የአገልግሎት ዘመን እንዲሆንላችሁ እንመኛለን!!! "ለፍቅርና ለመልካም ሥራ እንድንነቃቃ እርስ በርሳችን እንተያይ በአንዳዶችም ዘንድ ልማድ እንደሆነው መሰብሰባችንን አንተው እርስ በርሳችን እንመካከር እንጂ ይልቁንም ቀኑ ሲቀርብ እያያችሁ አብልጣችሁ ይህን አድርጉ"። {ዕብ.፲ . ፳፬-፳፭} ፨፨፨