عِـفَة مُـسـلِمـة

- صباح الخيرات .. الحقيقة اليوم مش عادي، اليوم هو بداية الثلاث أشهر الحرم اللي ورا بعض ( ذو القعدة، ذو الحجة، محرم ) المفروض كمسلم بتبقى عارف إنه ثواب العمل الصالح في هذه الأشهر بيكون عظيم ومضاعف = معناها 3 شهور كل تسبيحة، وكل ورد، وكل نافلة، وكل قيام، وكل صدقة الأجر بقا مضاعف أكتر فتتزود علشان بدل ما تبقى التسبيحة بحسنة مثلا تبقى بأضعفاها والشاطر اللي يستغل الفرص.. بس كمان ال 3 أشهر دول ربنا أمرنا بحاجه مهمة جدا فيهم ألا وهي ( فلا تظلموا فيهن أنفسكم) نهي صريح من ربنا جل وعلا ألا نظلم أنفسنا بالمعاصي في الأشهر دي تحديدا ظلم النفس يكون بفعل المعاصي وتحليل ما حرم الله يعني المفروض ال 3 شهور دول يبقوا بالنسبالك فرصة للتخلص من ذنوبك علشان عارف إنه الذنب دلوقت عظيم لو بتأخر صلاتك ابدأ اظبطها لو معندكش ورد قرآن فرصة وأجر مضاعف لو بتسمع أغاني احذفها وبطلها لو بتلبسي ضيق وبتحطي ميكب بطليه لو مش بتصوم نوافل فرصة اثنين وخميس وعموما بدايات الشهور بتكون فرصة عظيمة لإعادة ضبط البوصلة وإننا نحط خطط ونعمل إنجازات فتخيل بداية شهر جديد، وكمان من الأشهر الحرم بسم الله ، صل الفجر وحط خطتك هتطلع من ال 3 شهور دول بايه ( ولو حتى ذنب واحد هتبطله أو عبادة وحده تستمر عليها ) وربنا أكرم الأكرمين ويقبل توبة التائبين ويبسط يده بالليل ليتوب مسيء النهار.. فأر الله من نفسك خيرا، ولا تضيع عمرك فيما لا يفيد ومن أراد الآخرة سعى لها.. @⁨‏الكل⁩