Ёсць пытанне

✅ Адзіны дзень галасавання і выбары ў Каардынацыйную раду. Ці сочаць за гэтымі падзеямі прадэмакратычныя беларусы? На мінулым тыдні мы запыталіся ў прадэмакратычных беларусаў і беларусак унутры краіны і за мяжой, ці сочаць яны за выбарамі ў Каардынацыйную раду і за "парламенцкімі выбарамі" і што плануюць рабіць у "адзіны дзень галасавання". 🔸 Рэспандэнты ў Беларусі больш сочаць за "парламенцкімі выбарамі" (61%), чым за выбарамі ў Каардынацыйную раду (23%). Пры гэтым 47% штосьці чулі пра выбары ў КР, а 30% увогуле не ведаюць пра гэтую падзею. 🔸 Дыяспара менш сочыць за "парламенцкімі выбарамі" (49%), але крыху больш, чым беларусы ўнутры краіны, цікавіцца выбарамі ў КР (36%). Аднак амаль палова беларусаў за мяжой адказалі, што не асабліва сочаць як за парламенцкімі (44%), так і за выбарамі ў КР (45%). 🔸 79% рэспандэнтаў унутры краіны дакладна ці хутчэй не пойдуць галасаваць на "парламенцкіх выбарах", палова з іх байкаціруе гэтыя выбары, 21% не галасуюць, бо абраныя дэпутаты ні на што не ўплываюць. 🔸 15% плануюць прыйсці на ўчасткі, бо заўжды галасуюць і так выказваюць сваю грамадзянскую пазіцыю ці хочуць пазбегчы фальсіфікацыі менавіта з іх бюлетэнем. 🔸 65% беларусаў унутры краіны кажуць, што пазіцыя дэмакратычных сілаў не ўплывае на іх стаўленне да "адзінага дня галасавання". 👉 Падрабязнасці ў графіках

🔥 Што вы думаеце пра выбары? Новае апытанне! Вяртаемся да вас з новым апытаннем! Раскажыце, ці сочыце вы за “парламенцкімі выбарамі” у Беларусі і выбарамі ў Каардынацыйную Раду? Да якіх палітычных актараў ёсць давер? Удзельнічайце ў апытанні на любой платформе 👉 Прайсці апытанне ў Telegram 👉 Прайсці апытанне ў Viber 📌 Спасылкі на Народнае апытанне прызналі “экстрэмісцкімі матэрыяламі”. Што мы прапануем для вашай бяспекі. 🙌 Сачыце за вынікамі апытанняў на нашых пляцоўках, якія не маюць “экстрэмісцкага” статусу - Instagram і сайт.

Вынікі году ад Народнага апытання 💜 За год адбылося шмат усяго і добрага, і ня вельмі. На жаль, спасылкі на Народнае апытанне прызналі экстрэмісцкімі, падрабязней пра новы статус і парады па бяспецы тут. ✨ З добрага - мы выпусцілі шмат апытанняў і даследаванняў разам з іншымі арганізацыямі, запусцілі новы сайт, ды і прынамсі добрая частка нашай аўдыторыі працягвае заставацца з намі. Якія даследаванні мы паспелі зрабіць: 🟠Нацыянальная ідэнтычнасць прадэмакратычных беларусаў 🟠Даследаванне медыяспажывання 🟠Як ацэньваюць сістэму адукацыі Беларусі прадэмакратычныя беларусы 📌 Маніторынг настрояў прадэмакратычных беларусаў і давер да палітыкаў, які мы аднаўляем тры гады можна паглядзець на сайце. Даследаванні ў партнёрстве: З Цэнтрам новых ідэй 🟠Трэнды лічбавай трансфармацыі беларускага дэмакратычнага супраціву 🟠Барометр беларускіх гарадоў 2023 З Асацыяцыяй беларускага бізнесу за мяжой (ABBA): 🟠Прадпрымальніцкая актыўнасць беларусаў у эміграцыі 🎄Мы віншуем нашых падпісчыкаў і падпісчыц з Калядамі і Новым годам! Спадзяемся, наступны год будзе лепшым, і добрых навінаў будзе больш! 🫶

📱 Лічбавізацыя беларускага супраціву. Глядзіце вынікі даследавання на новым сайце Народнага апытання Цэнтр новых ідэй зрабіў даследаванне пра лічбавізацыю беларускага супраціву. Значная частка даследавання пабудавана на выніках анлайн-апытання прадэмакратычных беларусаў, якое наш праект правёў у чэрвені 2023. Вынікі ў графіках тут. 📌 Самая вядомая лічбавая ініцыятыва — «Кіберпартызаны» (90%). Другое месца заняў ByPol (тады адзіны) з 87%. 📌 Найбольш карыснымі для Беларусі рэспандэнты лічаць працу «Кіберпартызанаў» і «Беларускага Гаюна» (81% і 66% адпаведна). А ў ByPol і плана «Перамога» розніца паміж тымі, хто ведае ініцыятывы і лічыць іх карыснымі, — больш за 30%. Верагодна, праз скандалы вакол праектаў. 📌 Пятая частка рэспандэнтаў удзельнічала ў кампаніях BySol. Столькі ж апытаных не гатовы казаць пра свой унёсак у пералічаныя праекты. Самай папулярнай актыўнасцю стала фінансавая падтрымка (34%), 28% дасылалі інфармацыю пра праекты сябрам. 📌 70% рэспандэнтаў згодны, што анлайн-платформы — добры канал сувязі беларусаў у краіне і эміграцыі. 43% лічаць, што дэмсілам трэба больш думаць пра афлайн-дзеянні ў Беларусі. На пытанне, ці могуць лічбавыя праекты паўплываць на сітуацыю ў РБ, 49% адказалі станоўча, 30% — негатыўна. 🔥 Мы таксама рады паведаміць, што ў нас з’явіўся новы сайт, дзе вы можаце бяспечна сачыць за даследаваннямі Народнага апытання https://narodnae-apytanne.info 👉 Спасылка на вынікі даследавання на сайце

Спасылкі на «Народнае апытанне» прызнаны экстрэмісцкімі, але ў нас ёсць рашэнне Магчыма, вы заўважылі, што мы змянілі спасылкі на нашыя сацыяльныя сеткі і назву. На жаль, у гэтага ёсць нагода 👇 Што здарылася? Спасылкі на сайт, Telegram-канал, Telegram і Viber-боты прызнаны судом Ленінскага раёну г. Мінска «экстрэмісцкімі матэрыяламі». Што гэта значыць? Гэта значыць, што захоўванне і распаўсюд матэрыялаў з сайта, Telegram-канала, Telegram і Viber-ботаў Народнага апытання можа пагражаць вам у Беларусі адміністратыўнай адказнасцю. Што трэба зрабіць для сваёй бяспекі зараз? Пакрокавыя інструкцыі: 📌 Viber-бот Калі вы знаходзіцеся ў Беларусі і праходзілі нашыя апытанні ў Viber-боце, мы прапануем: 1️⃣ Наладзіць двухфактарную аўтарызацыю. Як гэта зрабіць, чытайце тут 2️⃣ Выдаліць бот. Для гэтага трэба націснуць на карцінку бота ў спісе чатаў, і выбраць “Удаліць чат” сярод прапанованых дзеянняў. 3️⃣ Калі вы памятаеце, з кім дзяліліся спасылкай на бот, знайсці гэтыя паведамленні і выдаліць іх. 4️⃣ Падпісацца на новы бот! Мы стварылі новыя боты, дзе вы можаце бяспечна праходзіць апытанні! Вы можаце абраць, куды далучацца ў Viber ці ў Telegram 📌 Telegram-бот Калі вы наведваеце Беларусь і падпісаны на Telegram-бот, то прапануем: 1️⃣ Выдаліць бот і пачысціць гісторыю, каб не засталося слядоў. Інструкцыя 2️⃣ Калі вы дзяліліся з вашымі кантактамі спасылкай на бот, напішыце narodnae_apytanne_bot у радок пошука і выдаліце ўсе паведамленні 3️⃣ Падпісацца на новы бяспечны бот у Telegram! 📌 Telegram – канал Калі вы чытаеце нас з Беларусі ці наведваеце Беларусь: 1️⃣ Адпішыцеся ад канала, чытайце нас праз пошук 2️⃣ Калі вы дзяліліся з вашымі кантактамі спасылкай на наш канал, напішыце “Народнае апытанне” у радок пошука і выдаліце ўсе паведамленні. Паўтарыце пошук са словамі “Народный опрос” 3️⃣ Абавязкова чысціце кэш Telegram і радок пошуку. Як гэта зрабіць чытайце тут 4️⃣ Падпішыцеся на нас у Instagram. Наш акаўнт у Instagram не набыў «экстрэмісцкі» статус і застаецца бяспечнай крыніцай інфармацыі. 📌 І канешне, нагадваем, што мы не збіраем ніякія асабістыя дадзеныя. Усе ўдзельнікі апытанняў і падпісчыкі застаюцца ананімнымі. Падрабязней пра нашую бяспеку тут 🙌 Чаму вашая падтрымка вельмі важная? Народнае апытанне існуе дзякуючы ўдзельнікам апытанняў у Беларусі і за яе межамі! Для нас важны кожны рэспандэнт і рэспандэнтка, толькі з вамі мы можам працягваць нашыя даследванні! Калі вы таксама лічыце нашую працу карыснай, калі ласка, падтрымайце нас падпіскай на бот у Telegram ці Viber і на наш Instagram-акаунт! 🫶 Дзякуй, што вы з намі! І застаемся на сувязі!

Краіну пакідае супольнасць Генадзь Коршунаў аналізуе дадзеныя "Народнага апытання" з пункту гледжання сувязі рэпрэсій з міграцыйнымі ўстаноўкамі і паводзінамі беларусаў. ▪️ 61% рэспандэнтаў у Беларусі не маюць знаёмых, якія знаходзяцца ў месцах зняволення. У беларусаў за мяжой сітуацыя абсалютна супрацьлеглая – у 64% нехта "сядзіць". ▪️ У паловы апытаных у Беларусі з'ехала дзесьці да 10 знаёмых, у рэспандэнтаў за мяжой зноў адваротная сітуацыя – у ⅔ апытаных з’ехалі дзясяткі знаёмых. ▪️ Рэспандэнты ў Беларусі ўсё менш хочуць зʼязджаць. Калі год таму аб намеры выехаць з краіны казалі амаль 40%, то сёлета – 31%. 👉 Чытаць артыкул

Ці змянілася ў беларусаў стаўленне да пратэстаў 2020 года? Да гадавіны 9 жніўня запыталіся ў прадэмакратычных беларусаў і беларусак унутры і за межамі краіны пра іх стаўленне да падзеяў 2020 года. Агулам, беларусы захоўваюць станоўчае стаўленне да пратэсту і надзяляюць 2020 год пазітыўнымі сэнсамі: ▪️ Большасць рэспандэнтаў у 2023, які і ў мінулым годзе, не лічаць, што пратэсны рух прайграў. ▪️ Больш за 80% працягваюць сачыць кожны дзень за пратэсным рухам / сацыяльна-палітычнымі падзеямі ў Беларусі. ▪️ 70% (у мінулым годзе - 66%) лічаць, што менавіта пратэст 2020 года паўплываў на беларусаў як на нацыю. ▪️ Большасць рэспандэнтаў пазітыўна апісваюць 2020 год (“мы ўбачылі, што нас большасць”, “з’явілася надзея і вера ў змены”), аднак разам з гонарам і павагай рэспандэнты адчуваюць злосць, абурэнне, гора і боль. 👉 Вынікі ў графіках па спасылцы

Мы даўно не нагадвалі, што акрамя тэматычных апытанняў мы праводзім замеры па цэламу шэрагу паўтаральных пытанняў, і робім гэта з 2020 года. Тым самым мы захоўваем своеасаблівую храналогію развіцця сучаснага беларускага грамадства. Гэты пост – напамін пра гэтую нашу місію. Па-першае, ёсць манітор настрояў прадэмакратычных беларусаў. У 2020-2021 гадах па ўсім пытанням дынаміка была даволі інтэнсіўная (надзея на лепшае змагалася з песімізмам), але з пачаткам вайны ва Украіне амаль спынілася – з прыкметнай перавагай песімізму 😔 Па-другое, ёсць манітор успрымання дзейнасці апазіцыйных палітыкаў і грамадзянскіх ініцыятыў. Напрыклад, там можна пабачыць, што найбольшага даверу сёння заслугоўваюць С.Ціханоўская, П.Латушка і В.Сахашчык. А найбольшыя страты даверу ў апошнія паўгады здарыліся ў А.Азарава і Каардынацыйнай Рады. Акрамя таго, прадэмакратычныя беларусы высока ацэньваюць карыснасць разнастайных грамадзянскіх ініцыятываў, арганізацый і супольнасцяў. Найбольш заўважныя з іх (пра дзейнасць якіх ведаюць большасць беларусаў) – гэта полк імя Кастуся Каліноўскага, Кіберпартызаны, Праваабарончы цэнтр «Вясна» і ByPol. Унутры краіны, зразумела, толькі невялікая доля рэспандэнтаў працягвае прымаць удзел у гэтых і іншых ініцыятывах (і ў першую чаргу гаворка пра распаўсюджванне інфармацыі сярод знаёмых). У той час як беларусы за мяжой удзельнічаюць вельмі актыўна, а менавіта, тут лідаруе Bysol (42% рэспандэнтаў удзельнічалі). Карыстаючыся выпадкам, дзякуем усіх нашых рэспандэнтаў за тое, што дзяліцеся сваімі меркаваннямі! Гэта неверагодны скарб ❤️

Аб’яднаны Пераходны Кабінет: чаканні і рэальнасць Напярэдадні слуханняў, дзе прадстаўнікі Аб’яднанага Пераходнага Кабінета (АПК) агучаць справаздачы перад Каардынацыйнай Радай, мы апыталі прадэмакратычных беларусаў унутры краіны і за яе межамі пра іх стаўленне да АПК. ▪️ Толькі палова рэспандэнтаў унутры Беларусі ведаюць, чым займаецца АПК (49%). Сярод беларусаў замежжа доля дасведчаных крыху вышэй (58%). ▪️ Асноўнымі мэтамі працы АПК рэспандэнты называюць (тут і далей гаворка пра тых, хто ведае аб дзейнасці АПК): - змена бягучага палітычнага рэжыму (45% усіх каментароў), - прадстаўніцтва беларусаў на міжнароднай арэне (37%), - падрыхтоўка да перыяду пасля змены рэжыму (27%), - дапамога палітвязням, іх сем’ям і выехаўшым беларусам (18%), - аб’яднанне і каардынацыя дэмакратычных сіл і беларусаў (10%). ❗️ Але толькі палова рэспандэнтаў лічаць, што бягучая дзейнасць АПК адпавядае гэтым мэтам (50% беларусаў унутры Беларусі і 51% за межамі). 🟢 Найбольш станоўча ацэнена дзейнасць АПК у замежных справах (больш за 70% ацэнак "добра" ці "выдатна") і па нацыянальным адраджэнні (больш за 51% такіх ацэнак). 🟡 Супярэчлівыя ацэнкі атрымалі накірункі "Абарона і нацбяспека" і "Транзіт улады": беларусы ўнутры Беларусі ацэньваюць іх больш станоўча (46% і 46% пазітыўных ацэнак), чым беларусы замежжа (40% і 28%). 🔴 Па накірунку "Аднаўленне правапарадку" частата негатыўных ацэнак перавысіла станоўчыя (сярод беларусаў у Беларусі адказалі "дрэнна" ці "вельмі дрэнна" 32%, сярод беларусаў замежжа – 49%). ⚪️ Накірунак "Сацяльныя пытанні" пакуль застаецца найбольш невядомым для прадэмакратычных беларусаў, бо больш за 25% не змаглі даць ацэнку*. * Пры гэтым 96% адказаў на апытанне былі атрыманы да пачатка анлайн-марафона салідарнасці з палітзняволеннымі беларусамі "Нам не ўсё адно!", адной з арганізатарак якога з’яўляецца Вольга Гарбунова, прадстаўніца АПК па сацыяльным пытанням. 👉 Вынікі ў графіках

Каго можна лічыць беларусам і ці патрэбна палітыка беларусізацыі? Вынікі новага даследавання Мы разам з Цэнтрам новых ідэй у траўні-чэрвені 2023 правялі даследаванне таго, як прадэмакратычныя беларусы ўсведамляюць нацыянальную тоеснасць. У апытанні паўдзельнічалі 4000 чалавек, з якіх 2127 знаходзяцца ў Беларусі. Вось галоўныя высновы: 📌 Паводле апытаных, ў першую чаргу беларусам ці беларускай можна лічыць тых, хто так сябе вызначае самастойна. Таксама важнымі складнікамі беларускай ідэнтычнасці для рэспандэнтаў з’яўляюцца выхаванне на беларускай культуры і любоў да Беларусі. 📌 76% рэспандэнтаў кажуць пра важнасць адчування сваёй ідэнтычнасці. Высокую ступень усведамлення нацыянальнасці выказваюць не толькі прыхільнікі пратэсту, але і праціўнікі (у апытанне трапіла невялікая колькасць такіх рэспандэнтаў). Гэта адпаведна 82% і 77%. 📌 Пераважная большасць згодна: палітыка беларусізацыі мусіць быць. Пры гэтым 2/3 лічаць, што ў розных галінах грамадства яна павінна ісці рознымі тэмпамі. Найбольш папулярны варыянт папулярызацыі беларушчыны: выставы, канцэрты, тэатральныя пастаноўкі і г.д. (54%). 📌 95% рэспандэнтаў выказваюцца супраць саюза з Расіяй. 59% апытаных падтрымліваюць арыентацыю на Еўропу. 35% за тое, каб ажыццяўляць самастойную палітыку і ні на каго не арыентавацца. 👉 Артыкул пра даследаванне можна пачытаць на сайце Zerkalo. 👉 Цалкам вынікі даследавання па спасылцы. 👉 Дадзеныя ў графіках.

Супраць смяротнага пакарання, цэняць свабоду і бяспеку. Што вядома пра каштоўнасці пратэсных беларусаў? Пратэсных беларусаў часта называюць ліберальнымі і талерантнымі. Мы правялі апытанне ў траўні сярод беларусаў у Беларусі, каб даведацца больш пра каштоўнасці гэтай часткі грамадства. Вось некаторыя высновы: 📌 96% назвалі сябе людзьмі дэмакратычных поглядаў. Пры гэтым 73% згодныя, што рашэнні ў дзяржаве павінны прымацца прамой дэмакратыяй, амаль палова — прадстаўнічай дэмакратыяй. 📌 Абсалютная большасць (80%) падтрымлівае дазвол на аборты ва ўсіх ці большасці выпадкаў, 85% выступаюць супраць смяротнага пакарання. 📌 Ёсць пытанні, дзе ўсё не так адназначна. Так, дэкрыміналізацыю лёгкіх наркотыкаў падтрымлівае 49% апытаных (41% супраць), легалізацыю аднаполых шлюбаў — 45% (амаль столькі ж не падтрымліваюць). 21% не хацелі б жыць побач з аднаполымі парамі. 📌 Найбольш важнымі ў жыцці беларусаў у будучыні лічаць эканамічнае развіццё ды свабоду выказвання. Большасць згодна, што дзяржава не павінна абмяжоўваць магчымасці для самарэалізацыі, а ў краіне павінна стаць больш прыватнага бізнесу. 👉 Азнаёміцца з даследаваннем 👉 Вынікі ў графіках #каштоўнасці

❓Хто ты гэткі? Апытанне пра нацыянальную ідэнтычнасць Каго можна лічыць беларусам ці беларускай? Што больш за ўсё звязвае людзей адной нацыянальнасці? Ці патрэбна будзе праводзіць беларусізацыю? 🔥 Запрашаем усіх беларусаў (за мяжой і ўнутры краіны) далучыцца да апытання пра нацыянальную ідэнтычнасць. Нам вельмі важна пачуць голас, як мага больш колькасці беларусаў, таму дасылайце спасылку на боты сваякам і сябрам! 📌 Нашыя апытанні цалкам ананімныя. Мы не збіраем ніякія асабістыя дадзеныя. Падрабязней пра бяспеку тут. 👉 Апытанне для беларусаў унутры Беларусі 👉 Апытанне для беларусаў за мяжой #ідэнтычнасць

✨ Апытанне сярод жыхароў беларускіх рэгіёнаў Што вы любіце ў вашым горадзе, а з чым ёсць складанасці і праблемы? Што хацелася б палепшыць, і чаго не хапае для камфортнага жыцця? Мы запускаем новае даследаванне аб праблемах гарадоў у Беларусі. Запрашаем усіх, хто жыве ў Беларусі, далучыцца да апытання 🙌 ❗️Нашыя апытанні цалкам ананімныя, мы не збіраем ніякія асабістыя дадзеныя. 👉 Спасылка на апытанне

💸 Прадпрымальніцкая актыўнасць беларусаў у эміграцыі Мы сумесна з ЦНІ і Асацыяцыяй беларускага бізнесу за мяжой (ABBA) правялі даследаванне прадпрымальніцкай актыўнасці беларусаў замежжа. Апытанне праводзілася праз Telegram-бот Народнага апытання, у якім прынялі ўдзел 604 чалавека з 19 па 26 лютага 2023 года. Некаторыя вынікі з даследавання: 🔸 Сярод апытаных 18% з'яўляюцца прадпрымальнікамі (пры гэтым толькі 4% – валодаюць бізнесам з штатам супрацоўнікаў, 14 – гэта самазанятыя, фрылансеры і ІП), 53% – не плануюць адкрыць уласны бізнес; 🔸 У беларускім бізнесу за мяжой, як і ўнутры краіны, назіраецца гендарны дысбаланс: жанчын – прадпрымальніц – 12%, мужчын – 22%; 🔸 Прадпрымальнікі больш схільныя адаптавацца і застацца ў прымаючай краіне, чым астатнія эмігранты: сярод тых, хто з'ехаў у 2020 годзе і пазней, гатовы вярнуцца 35% дзеючых і 36% патэнцыяльных прадпрымальнікаў – пры 47% астатніх апытаных беларусаў замежжа. 👉 Спасылка на даследаванне

Пакуль у нас паўза ў апытаннях, вырашылі распавесці пра нас больш падрабязна і адказаць на ўсе важныя пытанні. Гартайце карткі, каб даведацца пра тое, хто мы і як робім нашыя даследаванні, чаму выбралі менавіта Viber і Telegram-боты для распаўсюду апытанняў. 🙌 Вы нам можаце нам дапамагчы падпіскай на бот у Viber (для беларусаў у Беларусі) ці Telegram (для беларусаў за мяжой). І таксама даслаць спасылку на боты сваім сябрам і знаёмым. Мы лічым, што вельмі важна, пачуць меркаванні як мага больш прыхільнікаў дэмакратычнага руху!

🎓 Запрашаем бацькоў абітурыентаў прайсці апытанне пра выбар універсітэта для свайго дзіцяці Нашы калегі праводзяць даследаванне, каб высветліць, якую ролю адыгрываюць бацькі ў выбары ўніверсітэта, якія ўніверсітэты/рэгіёны разглядаюць, якія грантавыя праграмы варта стварыць для студэнтаў. Мэта даследавання – зразумець, як зрабіць адукацыйныя праграмы прывабнымі, актуальнымі і даступнымі. Да апытання запрашаюцца бацькі абітурыентаў, якія разглядаюць для свайго дзіцяці навучанне ў замежным універсітэце (не ў Беларусі). ❗️Апытанне цалкам ананімнае 👉 Прайсці апытанне

🎓 Запрашаем бацькоў абітурыентаў прайсці апытанне пра выбар універсітэта для свайго дзіцяці Нашы калегі праводзяць даследаванне, каб высветліць, якую ролю адыгрываюць бацькі ў выбары ўніверсітэта, якія ўніверсітэты/рэгіёны разглядаюць, якія грантавыя праграмы варта стварыць для студэнтаў. Мэта даследавання – зразумець, як зрабіць адукацыйныя праграмы прывабнымі, актуальнымі і даступнымі. Да апытання запрашаюцца бацькі абітурыентаў, якія разглядаюць для свайго дзіцяці навучанне ў замежным універсітэце (не ў Беларусі). ❗️Апытанне цалкам ананімнае 👉 Прайсці апытанне

Ці трэба пачынаць перамовы з рэжымам пра вызваленне палітвязняў і хто можа гэта зрабіць — меркаванне пратэсных беларусаў У рамках даследавання Народнага Апытання, праведзенага з 14 па 15 сакавіка мы запыталіся ў прыхільнікаў пратэсту ўнутры Беларусі, ці трэба весці перамовы з рэжымам аб вызваленні палітзняволеных, ці робіцца дастаткова для дапамогі ім зараз і не толькі. Вось некаторыя высновы: 📌 43% рэспандэнтаў лічаць, што беларусы робяць недастаткова, каб дапамагчы палітзняволеным. 28% — што яны робяць усё магчымае для гэтага. Гэты паказчык трохі вышэй сярод тых, чые родныя ці сябры зараз знаходзяцца за кратамі (33%). 📌 Толькі 18% прыхільнікаў пратэсту падтрымліваюць прапановы пачаць дыялог з рэжымам пра вызваленне палітвязняў. 68% лічаць, што магчымасці шукаць не трэба ці бескарысна. Меркаванні родных і сяброў палітзняволеных і тых, у каго няма блізкіх за кратамі, тут амаль не адрозніваюцца. 📌 На думку рэспандэнтаў, найбольш эфектыўна перамовы з рэжымам пра вызваленне палітвязняў маглі б весці дыпламаты іншых краін (64%), міжнародныя праваабарончыя арганізацыі (57%), а таксама беларускія праваабарончыя арганізацыі (24%). 📌 Сярод праектаў па падтрымцы палітвязняў лепш за ўсё ведаюць ПЦ Вясна (83%), фонд BySol (67%) і платформу Politzek.me (35%). 85% апытаных цікавяцца навінамі пра палітзняволеных. 👉 Вынікі ў графіках

Святлана Ціханоўская — самая вядомая сярод палітычных актараў, аднак жанчын у Кабінеце ведаюць менш за мужчын Мы запыталі ў прыхільнікаў пратэсту ўнутры Беларусі, каго з палітычных актараў яны ведаюць і каму давяраюць. Вось некаторыя высновы: 📌 Больш за ўсё ведаюць пра дзейнасць Святланы Ціханоўскай (96%) Паўла Латушкі (91%) ды Валерыя Сахашчыка (75%). Сярод арганізацый: полк Каліноўскага (93%), Офіс Ціханоўскай (90%) ды ByPol (89%). 📌 Жанчын у Аб'яднаным Пераходным Кабінеце ведаюць менш за мужчын (за выключэннем Ціханоўскай). Так, пра дзейнасць Аліны Коўшык ды Вольгі Гарбуновай ведаюць толькі 16% і 10% пратэсных беларусаў адпаведна. Давяраюць ім таксама менш, чым астатнім чальцам Кабінета. 📌 82% апытаных давяраюць Святлане Ціханоўскай (у кастрычніку 2022 такіх было трохі больш — 86%). Варта адзначыць, што за некалькі месяцаў значна знізіўся давер да Пераходнага Кабінета: толькі 52% давяраюць яму зараз супраць 82% у кастрычніку. 👉 Дашборд маніторынгу #давердапалітыкаў