Ruslan Mahmudov

❗️RASMAN: Pedagoglarning farzandlari uchun kontrakt to‘loviga 30 foiz chegirma beriladi 2026/2027-o‘quv yilidan boshlab har yili pedagoglarning davlat oliy ta’lim tashkilotlariga bakalavriat bosqichida kunduzgi ta’lim shakliga o‘qishga kirgan hamda tahsil olayotgan farzandlari uchun to‘lov-kontrakt summasiga 30 foiz miqdorida chegirma joriy etiladi. Bu haqda tegishli Hukumat qarori (501-son, 17.09.2026-y.) qabul qilindi, 👥 Chegirma har bir farzand uchun alohida qo‘llanadi. Demak, bir necha farzand kontraktda o‘qisa, barchasi uchun alohida 30 foizlik chegirma beriladi. 📝 Chegirma olish uchun kontrakt.edu.uz orqali ariza yuborish kerak. Ariza 2 ish kunida ko‘rib chiqiladi va pedagogning farzandi ekanligi tasdiqlangach, chegirma avtomatik qo‘llanadi. ❌ Quyidagilarga chegirma berilmaydi: ➖ oliy harbiy va harbiylashtirilgan ta’lim tashkilotlari uchun; ➖ nodavlat oliy ta’lim tashkilotlari uchun; ➖ O‘zbekistonda faoliyat olib borayotgan xorijiy oliy ta’lim tashkilotlari va ularning filiallari uchun; ➖ qo‘shimcha va tabaqalashtirilgan to‘lov-kontrakt uchun; ➖ xorijiy hamkor OTMlarning qo‘shma ta’lim dasturlari asosida va fakultetlari uchun; ➖ kechki, masofaviy hamda sirtqi ta’lim shakli uchun. 🔁 Pedagog farzandlariga chegirma o‘quv yili uchun bir marotaba qo‘llaniladi. Demak, har yili qaytadan chegirma olish mumkin. ❗️Pedagog farzandlarining otasi yoki onasi pedagog toifasidan chiqarilgan taqdirda, keyingi o‘quv yilidan boshlab unga chegirma qo‘llash to‘xtatiladi.

Sahifalarimizga obuna bo'liing 💬Telegram 📹Instagram 🤎Facebook

Rasman: 🔴iOS 27 chiqdi!

✅ Kontraktingizni to'ladingizmi? 12% pulingizni qaytarib olishni unutmang! ✅@Ruslan_Mahmudov

🚆 Toshkent metro xaritasi. Hurmatli talabalar Saqlab oling, albatta foydasi tegadi. ✅@Ruslan_Mahmudov

1-kurslar uchun maxsus! 😅 Hammada boshida shunaqa bo’lgan a? Yaxshi kayfiyat xamrohingiz bo’lsin. ➖➖➖➖➖ ✅@Ruslan_Mahmudov

1-bosqich talabalarining universitetdagi birinchi kuni... (hazil tariqasida) Tan olinglar faqat😅...

Sizlarning yana bir katta ustunligingiz bor — 2026-yilda talaba bo‘lyapsiz. Bugun AI bor, YouTube bor, bepul kurslar bor, dunyoning eng kuchli mutaxassislarini internet orqali ko‘rish mumkin. Shuning uchun faqat universitet bergan bilim bilan cheklanib qolmang. Birinchi kursdan ingliz tilini boshlang. “Keyingi yil boshlayman” — talabalarning eng mashhur yolg‘onlaridan biri. Keyingi yil ham “hali vaqt bor” deysiz, 3-kursda “endi boshlash kerak” deysiz, 4-kursda esa “IELTSni tez olsa bo‘ladimi?” deb qidirib qolasiz. Universitetni tugatganingizda qo‘lingizda faqat diplom emas, til + kasb + tajriba + portfolio bo‘lsa, hayot ancha boshqacha boshlanadi. Dizayn bo‘ladimi, IT, marketing, video, SMM, analitika yoki AI — nimaga qiziqsangiz, bir yo‘nalishni topib asta-sekin chuqurlashing. Universitet sizga yo‘l ko‘rsatishi mumkin, lekin sizni kuchli mutaxassis qiladigan odam baribir o‘zingiz. Hujjat va bank kartalaringizga ham e’tiborli bo‘ling. ID-karta, talabalik guvohnomasi va muhim hujjatlarning elektron nusxasini telefoningizda saqlab qo‘ying. Bank kartangiz kodlarini hech kimga bermang, Telegramdagi har bir linkka kirib ma’lumotlaringizni yozmang. “Barcha talabalarga 1 500 000 so‘m yordam puli berilmoqda, kartangizni kiriting” degan xabar kelsa, birdan davlat sizni boy qilib yubormoqchi deb o‘ylamang. Biror jiddiy muammo bo‘lsa ham jim yuravermang. Guruhdagi masalami, yotoqxona, dars, hujjat yoki boshqa tushunmovchilikmi — tyutor, kurator, dekanat yoki tegishli mas’ulga ayting. Muammoni ichingizga yutib yurish uni avtomatik hal qilib qo‘ymaydi. Talabalikda sevib qolishingiz ham mumkin. ❤️😂 Normal holat, yoshligimiz. Faqat ikkinchi haftadayoq “sensiz yasholmayman” darajasiga chiqib ketishga shoshilmang — avval ism-familiyasini to‘liq bilib oling. Hazil bir tomonda, munosabat deb o‘qishingizni, do‘stlaringizni, maqsadlaringizni va eng muhimi o‘zingizni yo‘qotib qo‘ymang. O‘zingizni boshqalar bilan solishtirib ham kayfiyatingizni buzmang. Kimdir 18 yoshida mashina minib keladi, kimdir eng yangi telefon bilan yuradi, kimdir ingliz tilini allaqachon biladi, yana kimdir Instagramda juda boy ko‘rinadi. Mayli. Har kimning start nuqtasi boshqa. Siz uning hayotining 15 soniyalik Storiesini ko‘ryapsiz, xolos. O‘zingizni kechagi holatingiz bilan solishtiring. Har kuni qilgan kichik o‘zgarishlaringiz 4 yil oxirida juda katta farq beradi. Eng muhimi, talabalikni shunchaki o‘tib ketishi kerak bo‘lgan 4 yil deb yashamang. Ishoning, 4 yil juda tez o‘tadi. Bugun birinchi kurs bo‘lib universitet eshigidan kirib turasiz, bir qarasangiz diplom himoyasi. Shu yillarda yaxshi o‘qing, lekin faqat dars bilan yashamang. Do‘st orttiring, kitob o‘qing, sayohat qiling, sport bilan shug‘ullaning, yangi narsalarni sinab ko‘ring, odamlar bilan tanishing, qaysi sohada kuchli ekaningizni qidiring. Xato ham qiling — xato qilishdan qo‘rqmang. Faqat bir xil xatoni 15 marta qilib, “tajriba yig‘yapman” deb yurmang. Talabalikda pul ham tugaydi, darsga kech ham qolasiz, ba’zan Toshkent juda katta tuyuladi, bir kuni universitet joningizga tegadi, hatto “nega umuman o‘qishga kirdim?” deb o‘ylaydigan kuningiz ham bo‘ladi. Keyin esa yillar o‘tib aynan shu kunlarni sog‘inasiz. Men sizlarga bu yo‘llarni allaqachon bosib o‘tgan sobiq talaba sifatida bitta narsani aniq ayta olaman: universitet sizga tayyor kelajak berib qo‘ymaydi. U sizga vaqt, muhit, odamlar va imkoniyat beradi. Shu imkoniyatlardan nima yasashingiz esa o‘zingizga bog‘liq. Bugun universitetga birinchi marta kirayotgan 1-kurs talabasi 4 yildan keyin mutlaqo boshqa odam bo‘lib chiqishi mumkin — kuchli mutaxassis, tadbirkor, olim, dizayner, dasturchi, rahbar yoki shunchaki o‘z yo‘lini topgan baxtli inson. Hozir qayerdan kelganingiz, qanday telefon ishlatayotganingiz yoki kartangizda qancha pul borligi unchalik muhim emas. Muhimi — shu 4 yil ichida kim bo‘lib shakllanishingiz. Ota-onangizning ishonchini qadrlang, yaxshi odamlarni tanlang, sog‘lig‘ingizni ehtiyot qiling, o‘zingizni yo‘qotmang va oldingizdan chiqqan imkoniyatlarni qo‘ldan boy bermang. Talabalikni shunchaki diplom kutib o‘tkazib yubormang. Barcha 1-kurs talabalariga ilk o‘quv kuni yana bir bor muborak bo‘lsin! 🎓❤️ Omad sizlarga, talabalik boshlandi.

Agar oxirigacha o'qigan bo'lsangiz izohlarda albatta fikringizni qoldirib keting

⚡️ Faqat oxirigacha o'qing, o'qigan vaqtingizga afsuslanmaysiz! 1-kurs talabajonlarga shaxsiy maslahatlarimni aytmasam bo'lmasdi, chunki har yili bu man uchun an'anaga aylangan! Mana, nihoyat talaba ham bo‘ldingiz. Tabriklayman! 🎓 Bugun ko‘pchiligingiz universitetga ilk bor talaba sifatida kirib borasiz. Kimdir shaharning o‘zidan, kimdir boshqa viloyatdan, yana kimdir ota-onasidan birinchi marta uzoqqa chiqib kelgan. Hozir ichingizda “endi yangi hayot boshlanadi, universitet, yangi do‘stlar, Toshkent, erkinlik, mazza qilib yuramiz” degan kayfiyat bo‘lsa kerak. To‘g‘ri, yangi hayot boshlanadi. Faqat siz tasavvur qilgan serialning birinchi qismidayam hammasi chiroyli ketavermaydi. Orasida ertalab darsga uxlab qolish, auditoriyani topolmay boshqa fakultetga kirib ketish, pulni oyning yarmida tugatib qo‘yish, HEMIS bilan olishish, sessiya yaqinlashganda esa hayot mazmuni haqida chuqur o‘ylab qolish kabi bonuslari ham bor. 😂 Ayniqsa boshqa hududdan Toshkentga kelganlar uchun bu shunchaki universitetga kirish emas, katta hayotga birinchi jiddiy qadam. Endi qayerga borish, kim bilan yurish, pulni qanday sarflash, qachon o‘qish va qachon dam olish kabi ko‘p narsalarga asta-sekin o‘zingiz javob bera boshlaysiz. Men ham bir paytlar xuddi sizlardek universitet eshigidan birinchi marta kirganman. Keyin 4 yil bakalavr, 2 yil magistratura o‘qidik. Talabalikning yaxshi kunini ham, qiyin kunini ham, sessiyasini ham, “ertaga qilaman” deb topshiriqni oxirgi kechada boshlagan paytlarni ham ko‘rdik. Shuning uchun bugun kimlargadir aka, kimlargadir uka, kimlargadir shunchaki shu yo‘lni sizdan oldin bosib o‘tgan sobiq talaba sifatida bir nechta gapni aytib ketmoqchiman. Balki hozir ayrimlari oddiy gapdek tuyular, lekin vaqt o‘tib esingizga tushadi. Eng birinchi maslahat — do‘st tanlashda shoshilmang (asosan qizlar). Birinchi kuni yoningizga o‘tirgan odam bilan 4 yil yonma-yon yurishga majbur emassiz, birinchi haftada tanishgan odamni ham darrov “eng yaqin do‘stim” qilish shart emas. Birinchi kuni hamma yaxshi ko‘rinadi: kimdir gapdon, kimdir juda “krutoy”, yana bittasi universitetdagi hammani taniydigandek yuradi. Odamni qandayligini vaqt ko‘rsatadi. Talabalikda atrofingizdagi 3-4 ta odam keyingi 4 yilingizga juda katta ta’sir qiladi. Yaxshi odamlar bilan yursangiz — o‘sasiz, har kuni “bugun darsga kirmaymizmi?” deydiganlar bilan yuraversangiz, bir kuni qarasangiz universitetga faqat kontrakt to‘lashga keladigan bo‘lib qolgansiz. Hamma bilan do‘st bo‘lish shart emas, lekin hamma bilan normal munosabatda bo‘ling va o‘zingizga yaxshi muhit yarating. Bugun siz bilan bitta partada o‘tirayotgan odam 5-10 yildan keyin qayerda bo‘lishini hech kim bilmaydi. Universitetni ham boshidanoq o‘rganib oling. Dekanat qayerda, kafedra qayerda, kutubxona qayerda, tyutor yoki zamdekan kim, HEMISga qanday kiriladi, dars jadvali qayerdan olinadi — bularni birinchi haftada tushunib olgan yaxshi. Yo‘qsa oktabr kelganda ham “aka, 307-xona qayerda?” deb boshqa fakultetda yurishingiz mumkin. Dars jadvalining rasmini telefoningizda alohida saqlang, chunki talabaning telefonida 20 mingta rasm bo‘ladi-yu, aynan jadval kerak bo‘lgan paytda topilmaydi. Guruh chatini ham kuzatib boring, lekin u yerda yozilgan har bir gapga ko‘r-ko‘rona ishonmang. Har bir guruhda albatta bitta “bugun dars bo‘lmas ekan” degan xabarni qayerdandir topib keladigan odam chiqadi. O‘qituvchilarni ham boshidan dushman qilib olmang. Universitet maktab emas, bu yerda hech kim ortingizdan “bolam, daftarni och, yoz” deb yugurmaydi. Kelmasangiz — o‘zingiz bilasiz, o‘qimasangiz — o‘zingiz bilasiz, faqat sessiya kelganda birdan hamma domlalar juda jiddiy odam bo‘lib qoladi. Buni katta kurslar juda yaxshi bilishadi😄 Shuning uchun boshidan hurmat, intizom va normal munosabatni saqlab yuring. Sessiyani ham yanvardan bir kun oldin boshlamang — buni 6 yil universitet ko‘rgan odam sifatida alohida aytyapman. Dars vaqtida oz-ozdan tushunib borsangiz, sessiyada yashash davom etadi. Aks holda dekabrning oxiridan guruh chatida “kimda konspekt bor?”, “kimda javob bor?”, “domla nimani so‘raydi?” degan favqulodda vaziyat boshlanadi. Toshkentga boshqa hududdan kelganlar, birinchi kundanoq “hamma joyni bilaman” obraziga kirishga urinmang. Metro qanday ishlashini, Yandex Maps yoki navigatorda qanday foydalanishni, universitetdan uyga qanday qaytishni bilib oling. Manzilni bilmasangiz, odamdan so‘rang — so‘rash uyat emas. Toshkent katta shahar, bir bekatni adashtirib “hozir yetib boraman” deb 40 daqiqa boshqa tomonga ketib qolish juda oson. Har kuni taksida yurib, keyin “Toshkent juda qimmat ekan” deb ham nolimang. Bir qarashda 20-30 ming so‘mlik taksi arzondek ko‘rinadi, lekin kuniga ikki marta, bir oyga hisoblab ko‘rsangiz metro birdan juda chiroyli transportga aylanadi. Yo‘lda esa telefonga berilib ketmang. Ayniqsa katta chorrahalarda quloqchin taqib olib, Telegram ko‘rib yo‘ldan o‘tish “krutoylik” emas. Telegramdagi xabar kutadi, mashina kutmaydi. Hech qayerga hayotingizdan muhimroq shoshmayapsiz. Bu joyi hazil emas. Viloyatdan kelgan uka-singillarimga yana bitta alohida gap: o‘z shevangizdan uyalmang. Qashqadaryolik bo‘lsangiz — qashqadaryocha, Xorazmlik bo‘lsangiz — xorazmcha, Farg‘onalik bo‘lsangiz — farg‘onacha shevada bosavering, Toshkentga kelganingizdan uch kun o‘tib “oka, karoche, vapshe, uje…” deb o‘zingizga yangi personaj yasab olish shart emas. 😂 Shevangiz sizning kamchilikingiz emas. Boshqalar tushunmasa, oddiy adabiy o‘zbek tilida gapiring. O‘zligingizni yo‘qotmasdan ham zamonaviy bo‘lish mumkin. Toshkentchada gapiradigan toshkentliklar shaharda yetarlicha topiladi. Talabalikning yana bir katta darsi — pulni boshqarish. 💸 Talabaning kartasida juda g‘alati jarayon bo‘ladi: ertalab pul bor edi, kechqurun qarasangiz ancha qismi yo‘q, nima olganingizni so‘rashsa o‘zingiz ham aniq bilmaysiz. Kofe, taksi, lavash, “buni ham olay”, “bir marta-ku”, “ertaga tejayman”... keyin oy oxirida makaron bilan bir-biringizga qarab o‘tirasiz. Pulni boshidan yo‘l, ovqat, o‘qish, zarur xarajat va ozgina zaxiraga bo‘lib ishlating. Boshqalarga o‘xshash uchun ortiqcha xarajat qilmang. Kimdadir qimmat telefon, kimdadir mashina, kimdir sizdan yaxshi kiyinadi — mayli. Talabalikda kimning iPhone’i qimmat bo‘lganini 10 yildan keyin hech kim eslamaydi, kim vaqtini va imkoniyatini to‘g‘ri ishlatgani esa bilinadi. Yotoqxonada turadiganlarga esa alohida omad. U yerda universitet darslaridan tashqari hayotning boshqa darslarini ham o‘rganasiz. Masalan, muzlatgichga qo‘ygan narsangizga ortiqcha mehr qo‘ymaslikni. Bugun kolbasa sizniki bo‘lib muzlatgichga kirishi mumkin, ertalab esa u haqida faqat xotiralar qoladi. Birga yashayotgan odamlarni hurmat qiling, tozalikka qarang, birovning narsasini so‘ramasdan olmang, kechasi odamlar uxlayotganda telefonni karnayga qo‘yib gaplashmang. Oddiy narsalardek tuyuladi, lekin yotoqxonadagi urushlarning yarmi shulardan boshlanadi. Erkinlikni ham noto‘g‘ri tushunmang. Ayniqsa ota-onasidan birinchi marta uzoqda yashayotganlar. Endi yoningizda har kuni nima qilayotganingizni kuzatib turadigan odam bo‘lmasligi mumkin, lekin bu “endi xohlagan narsamni qilaman” degani emas. Talabalikda har xil odamlarni ko‘rdik: kimdir uyidan uzoqqa kelib til o‘rgandi, ishladi, yangi kasb o‘rgandi, o‘zini rivojlantirdi; yana kimdir “erkinlik” degan narsani noto‘g‘ri tushunib, vaqtini va sog‘ligini yo‘qotdi. Chekish, ichish yoki boshqa zararli narsalarni “hamma qilyapti-ku” deb boshlamang. Talabalikdagi eng xavfli gaplardan biri — “bir marta qilib ko‘rsang nima bo‘ladi?” Sizga yoqmaydigan narsaga yo‘q deyishni o‘rganing. Agar do‘stingiz sizning “yo‘q” deganingizni hurmat qilmasa, balki u siz o‘ylaganchalik yaxshi do‘st emasdir. Ota-onangiz sizni ilm olsin, kelajagini qursin deb ishonib yuboryapti — shu ishonchni qadrlang. Vaqti-vaqti bilan o‘zingiz qo‘ng‘iroq qiling. Siz uchun oddiy bo‘lgan “yetib keldim” degan ikki og‘iz gap ota-onangiz uchun katta xotirjamlik. Faqat pul tugaganda “Assalomu alaykum, dadajon, sog‘-salomat yuribsizmi…” deb birdan juda mehribon farzandga aylanib qolmang.

Bu stikerlarni ma'nosini yaqin daqiqalar ichida tushuntiraman, sizlar uchun foydali maslahatlar yozyapman...

🥳🎓📚😵‍💫⏰💸🤝🚇🚀

🦋Barcha 1-kurs talabalarga yangi oʻquv yili muborak boʻlsin…

⚡️ Toshkentga o’qishga kirganlarga yuborib qo’yamiz. 💬 @Ruslan_Mahmudov 📹 Instagram.com/MahmudovR_

🇺🇿Mustaqillik bayrami barchamizga muborak bo’lsin, aziz yurtdoshlar! Vatanimizni asrab-avaylashimiz va uni yanada rivojlantirishimiz barchamizning oliy burchimiz ekanligini unutmaylik!

⭕️⭕️⭕️⭕️⭕️⭕️⭕️ ❗️Maktablarda darslar 2-sentyabr (chorshanba) kunidan boshlanadi 💬@Ruslan_Mahmudov

Ko‘pchilik mendan: “Universitetda ishlaysizmi?”, “Qaysi bo‘limda ishlaysiz?”, “Shu masalada yordam bering”, “Rektorni dekanni nomeri kerak” deb yozishyapti. Shuni bir tushuntirib qo‘yay sizlarga, Men hozir universitetda ishlamayman. Umuman, axborot, media va matbuot sohasida bo‘lganim, ijtimoiy tarmoqlarda faol bo‘lganim uchun qo‘limdan kelganicha savollaringizga javob berib, bilganlarimni ulashishga harakat qilyapman. O‘zim Nizomiyda bakalavrda o‘qiganman. Talabalik paytimda ancha activ bo'lganman va universitetning matbuot bo‘limida ham ishlaganman. Shu sababli oliygohdagi ko‘p jarayonlar, tartiblar va kimga qanday murojaat qilish kerakligi bo‘yicha ozmi-ko‘pmi ma’lumotim bor. Hozir esa umuman boshqa tashkilotda ishlayman. Oliy ta'limda emas. Bundan 6–7 yil oldin men ham xuddi sizlardek 1-kursga yangi kirgan paytimda juda ko‘p savollarga duch kelganman. Kimdan so‘rashni bilmaganman, ayrim savollarimga javob topolmay qiynalganman. Shuning uchun hozir sizlarga maslahat berayotganimning sababi juda oddiy: men qiynalganman, sizlar qiynalmanglar. Bekorga erta kelib sarson bo‘lmanglar, bilmasdan xato qilib qo‘ymanglar, imkon qadar oldindan ma’lumotga ega bo‘linglar, degan niyat xolos. Qo‘limdan kelgan savollarga javob beraman, bilmagan narsamni esa “bilmayman” deyman 😊 Bor gap shu.

⭕️Instagram sahifalarimizga obuna bo'lib qo'yinglar siqilganingizda motivatsiya berib turaman😄 📹 Instagram.com/MahmudovR_ 📹 Instagram.com/ruslanmahmudoov

#rasmiy_xabar ⚡️Oliy ta’lim tashkilotlari, akademik litsey va texnikumlarda yangi o‘quv yili boshlanish sanasi belgilandi 2026/2027-o‘quv yilida akademik litsey va texnikumlarda o‘quv jarayonlari 2-sentyabrdan boshlanadi. Oliy ta’lim tashkilotlarida esa: ✅1-bosqich talabalari uchun — 7-sentyabrdan; ✅2-bosqich va undan yuqori bosqich talabalari uchun — 14-sentyabrdan o‘quv jarayonlari tashkil etiladi. 💬@Ruslan_Mahmudov

✅Savollar bo'lsa shu accountga murojaat qilsangiz bo'ladi: @ADS_mahalla