GSFGBC፡ ጎሮ ሰፈራ ሙሉ ወንጌል አማኞች ቤ/ክ

ሰላም ለእናንተ ይሁን ለአገልግሎት ዘርፎች በሙሉ የ2015/16 ዓም የእቅድ ሪፓርት እና የ2016/17 እቅድ እሰከ ሰኔ 15/2016ዓም ድረስ ሰርታችሁ አንድታሰገቡ በጌታ ፍቅር እንጠይቃለን ጌታ ይባርካችሁ ፣ተባርካችሁ ለበረከት ሁኑ

#ዸራቅሊጦስ_2016 #ሰኔ ወር የመንፈስ_ቅዱስ_ወር “…ለዘላለምም ከእናንተ ጋር እንዲኖር ሌላ አጽናኝ* ይሰጣችኋል፤ (* አጽናኝ ማለት በግሪክ ቋንቋ ጰራቅሊጦስ ማለት ነው) (ዮሐ14:15-16) ግንቦትን ለወንጌል ወይም በግንቦት ወር አንድ ሰው ለኢየሱስ በሚለው መሪ ሃሳብ መሠረት ወንጌል ተኮር ጸሎት ፣ወንጌል ተኮር ትምህርትና ሰበከት ፣፣ወንጌል ሰርጭት በጋራና በተናጥል በተቀናጀ መልኩ ሰናደርግ ቆይተን የወንጌል ሰርጭት ኮንፍረስ በማድረግ ዘግተናል በዚህም ወንጌልን ያልሰሙ ብዙ ሰዎች ወንጌል ሰምተዋል ብዙ ሰዎችም ጌታን ተቀብለዋል ክብር ሁሉ ለረዳንና ላገዘን ጌታ ይሁን አሁን ደግም በያዝነው ሰኔ  ወር  በመንፈሰ ቅዱስ ሃይል የመታደስ ወራችን ይሆናል መንፈሱን የላከልንን እግዚአብሔርን እናከብራለን፤ የመንፈስ ቅዱስን ማንነትና አሰራር ከቅዱስ ቃሉ እንማራለን፤ በተጠማ ልብ በመቅረብም በመንፈስ ቅዱስ እንሞላለን፤ እውነተኛ የመንፈስ ጉብኝት ምድራችንን እንዲሞላም እንቃትታለን። ወሩን ከአሁኑ ለዚሁ አላማ እንድትለዩና እናንተም እየተዘጋጃችሁ እንድትቆዩ አደራ እንላለን።

"ስሜን ለምትፈሩ ለእናንተ ግን የጽድቅ ፀሓይ በክንፎቿ ፈውስ ይዛ ትወጣለች፤ እናንተም እንደ ሠባ እንቦሳ እየቦረቃችሁ ትወጣላችሁ።" (ሚል 4፥2 አመት) ጽድቅ ሃይማኖታዊ ሸክም፣ ግዴታ ወይም ኀላፊነት ብቻ አይደለም። ለዐላማ መኖር፣ እውነተኛ መሆን፣ የሕሊናን ልዕልና—ንጽሕና—መጠበቅና የውስጥ ሰላምን መያዝ ነው። እውነታ እንጂ ጭማሪ አይደለም፤ የምንሆነው እንጂ የምንደርበውም አይደለም። የእግዚአብሔር ጽድቅም ለሁለመና ፈውስ ነው፤ የእግዚአብሔርን ስም ስንፈራ የፈውሱ ተካፋይ እንሆናለን፤ "ስሜን ለምትፈሩ ለእናንተ ግን የጽድቅ ፀሓይ በክንፎቿ ፈውስ ይዛ ትወጣለች፤ እናንተም እንደ ሠባ እንቦሳ እየቦረቃችሁ ትወጣላችሁ" (ሚል 4፥2)። ከጽድቅ የሚገኝ ፈውስ እንደ ብርሃን ብሩህነትንና እቅጣጫ ብቻ ሳይሆን አቅም ጭምር የሚሰጥ ነው። የጽድቅ ፀሐይም ስሙን ለሚፈሩ አትጠልቅም፤ በየትኛውም ድቅድቅ ጨለማናክፋት ላይም ትበረታለች።

የመሪነት መሠረታዊ ባህሪያት 1. ጨለምተኛ ያልሆነ ( optimist ) ፦ ነገን ማየት የሚችል፤ተስፍን አሻግሮ መቃኘት የሚችል ፤ ሁልጊዜ ቅንነትና አዎንታዊ አመለካከት ያለው። የሌላው እድገትና ከፍታ የሚያስደስተውና ለዚህም ስኬት ሁኔታዎችን የሚያመቻችና ዕድል የሚፈጥር። 2. ለመታመን መብቃት ያለበት። ፨. ይቅርታ የሚጠይቅ ደግሞም የሚያደርግ ። ፨. ባህሪው በሁኔታዎች የማይያዝና የማይቀያየር ። ፨. ተጠያቂነት የሚሰማው።( accountability ) ፨. ሚስጥር ጠባቂ ፨. ስሜቱን የሚገዛ 3. የመፍጠር ብቃት ያለው ።( creativity thinking ) ፨. ነገሮችን ከተለመደው ነገር ወጣ ብሎ ማየት የሚችል። ፨. የውጪውን ማህበረስብ ባህል ፣የአኗኗር ዘይቤ ፣ ፖሎቲካዊና ማህበራዊ እሴቶችን ማወቅ። ፨. አዳዲስ ነገሮችን መፍጠርና ለጠቀሜታቸውም ከወቅታዊ ሁኔታ ጋር ማዛመድ መቻል። ፨. የተቋሙን አካሄድ ከጠቅላላ ዕቅድ አንፃር መቃኘት ( pattern identificetion ) ፨. ችግር ፈቺ መሄን አለበት። ( problem solving ) 4. ለውጥ ለማምጣት ፣ለመሻሻል ፣ለማረም ፣ግብረ መልስ ይቀበላል ። (feed back ) 5. ሀላፊነት መውሰድ አለበት ።( Risponsibility ) ፨. ስህተትን መሸሽ የለበትም።ስህተትን መቀበል አለበት። ፨. ካለፈው ይማራል። 6. መሰጠት ።( commitement ) ፨. ሀላፊነት መውሰድ። ፨.ስራውን በፍቅር መውደድ። ፨. የማይታክት 7. ግትር ባህሪ የሌለው (flexibility ) ፨. መሰረታዊውን መርህ ሳይለቅ ፤ነገር ግን የሚመጣውን ነገር ማቻቻልና ማተካካት መቻል። 8. ሁሌ ለመማር ፣ለማወቅ ልቡ ዝግጁ የሆነ ። ፨.አውቄለሁ ብሎ ያልደመደመ ።ነገር ግን ሁል ጊዜ በነገር ሁሉ እራሱን ለማሳደግ አጋጣሚዎችን ሁሉ የሚጠቀም።

ሰላም ለእናንተ ይሁን ለአገልግሎት ዘርፎች በሙሉ የ2015/16 ዓም የእቅድ ሪፓርት እና የ2016/17 እቅድ እሰከ ሰኔ 15/2016ዓም ድረስ ሰርታችሁ አንድታሰገቡ በጌታ ፍቅር እንጠይቃለን ጌታ ይባርካችሁ ፣ተባርካችሁ ለበረከት ሁኑ

#ዸራቅሊጦስ_2016 #ሰኔ ወር የመንፈስ_ቅዱስ_ወር “…ለዘላለምም ከእናንተ ጋር እንዲኖር ሌላ አጽናኝ* ይሰጣችኋል፤ (* አጽናኝ ማለት በግሪክ ቋንቋ ጰራቅሊጦስ ማለት ነው) (ዮሐ14:15-16) ግንቦትን ለወንጌል ወይም በግንቦት ወር አንድ ሰው ለኢየሱስ በሚለው መሪ ሃሳብ መሠረት ወንጌል ተኮር ጸሎት ፣ወንጌል ተኮር ትምህርትና ሰበከት ፣፣ወንጌል ሰርጭት በጋራና በተናጥል በተቀናጀ መልኩ ሰናደርግ ቆይተን የወንጌል ሰርጭት ኮንፍረስ በማድረግ ዘግተናል በዚህም ወንጌልን ያልሰሙ ብዙ ሰዎች ወንጌል ሰምተዋል ብዙ ሰዎችም ጌታን ተቀብለዋል ክብር ሁሉ ለረዳንና ላገዘን ጌታ ይሁን አሁን ደግም በያዝነው ሰኔ  ወር  በመንፈሰ ቅዱስ ሃይል የመታደስ ወራችን ይሆናል መንፈሱን የላከልንን እግዚአብሔርን እናከብራለን፤ የመንፈስ ቅዱስን ማንነትና አሰራር ከቅዱስ ቃሉ እንማራለን፤ በተጠማ ልብ በመቅረብም በመንፈስ ቅዱስ እንሞላለን፤ እውነተኛ የመንፈስ ጉብኝት ምድራችንን እንዲሞላም እንቃትታለን። ወሩን ከአሁኑ ለዚሁ አላማ እንድትለዩና እናንተም እየተዘጋጃችሁ እንድትቆዩ አደራ እንላለን።

በምድር ስንኖር ከጌታ ተለይተን በስደት ብንኖርም በምድር ዘላቂ እንደሆንን ተሰምቶን እንዳንባክን፣ እንዳንባዝን፤ ደግሞም ተስፋ እንደሌለው ሰው ልባችን እንዳይዝል የተስፋ አምላክ የሆነው እግዚአብሔር በመንፈስ ቅዱስ ኀይል በተስፋ እንድንበዛ ያደርገናል፣ ለጌታ ታምነን መኖራችን ከንቱ እንዳልሆነ እያሳሰበ ደስታና ሰላምን ሁሉ ይሞላብናል። ደግሞ ዛሬ ላይ ሆነን ይህ ተስፋ አለን ብለን ተነቃቅተን ነገ ላይ ስንደርስ ልባችን ወርዶ እንዳንገኝ የተስፋ አምላክ በመንፈስ ቅዱስ ኀይል ይህን ተስፋ አትረፍርፎ ያፈስልናል!! የተባረከው ተስፋችን የሆነውን ኢየሱስን በጽናት ለመጠበቅ መንፈስ ቅዱስ እጅግ በጣም ያስፈልገናል። ምክንያቱም እርሱ የተስፋው መንፈስ ነው፤ የርስታችን መያዣ፣ ሊመጣ ላለው ዋስትናችን ነው፤ ተስፋንም አትረፍርፎ የሚያፈስልን እርሱ ነው፤ የእግዚአብሔር ልጆች፣ የእግዚአብሔር ወራሾች መሆናችንንም ያ መንፈስ ራሱ ከመንፈሳችን ጋር ሆኖ ይመሰክርልናል፤ ሙሽራይቱ ከሆነችው ከቤተክርስቲያን ጋርም "ና" የሚለው፣ የጌታን ዳግም ምጽአት የሚያስናፍቃት እርሱ መንፈስ ቅዱስ ነው። ስለዚህ መንፈስ ቅዱስን ከትላንት ይልቅ መጠጋቱ፣ እርሱን አብዝቶ መፈለጉ ለእኛ እጅግ አስፈላጊ ነው!! “በእርሱ በመታመናችሁ የተስፋ አምላክ ደስታንና ሰላምን ሁሉ ይሙላባችሁ፤ ይኸውም በመንፈስ ቅዱስ ኀይል ተስፋ ተትረፍርፎ እንዲፈስላችሁ ነው።”   — ሮሜ 15፥13 (አዲሱ መ.ት) 2ኛ ቆሮንቶስ 5 (አዲሱ መ.ት) ¯¯¯¯¯¯¯¯¯¯ ⁴ በዚህ ድንኳን እስካለን ድረስ ከብዶን እንቃትታለን፤ ምክንያቱም ሟች የሆነው በሕይወት እንዲዋጥ ሰማያዊውን መኖሪያችንን ልንለብስ እንጂ ልንገፈፍ አንፈልግም። ⁵ ለዚህ ዐላማ ያዘጋጀን እግዚአብሔር ነው፤ ሊመጣ ላለው ዋስትና እንዲሆነን መንፈሱን መያዣ አድርጎ የሰጠንም እርሱ ነው። “መንፈስና ሙሽራዪቱ፣ “ና” ይላሉ፤ የሚሰማም፣ “ና” ይበል፤ የተጠማም ሁሉ ይምጣ፤ የሚፈልግም ሁሉ የሕይወትን ውሃ በነጻ ይውሰድ።”   — ራእይ 22፥17 (አዲሱ መ.ት)