BMBA Farg‘ona viloyati bo‘limi

#Chet_tili_imtihoni 〰️〰️〰️

Chet tillidan sertifikat imtihonlari

📝 Chet tili (ingliz, nemis, fransuz, turk va arab tillari)ni bilish darajasini aniqlashning tinglab tushunish, o‘qish va yozish ko‘nikmalari bo‘yicha imtihonlar bo‘lib o‘tdi. 📆 Imtihonlar 2026-yil 13-14-sentyabr kunlari Bilim va malakalarni baholash agentligi tomonidan Qoraqalpog‘iston Respublikasi, viloyatlar va Toshkent shahrida tashkil etildi. 👥 Ularda salkam 18,5 ming nafardan ko‘p talabgor ishtirok etgan bo‘lsa, shulardan 46 nafari amaldagi tartib-qoidani buzgani uchun jarayondan chetlatildi. 🎶 Mazkur imtihonning gapirish ko‘nikmasini baholash bosqichi 15-sentyabrdan 25-sentyabrgacha (dam olish kunlaridan tashqari) o‘tkaziladi. 📝 Imtihon natijalari VMning 73-son qarorida belgilangan tartibga muvofiq e’lon qilinadi. ✅ Agentlikning rasmiy sahifalari: Telegram | Facebook | Instagram | YouTube

#Natija_chet_tili

Chet tillari bo‘yicha imtihon natijalari chiqdi

📆 2026-yil 24-avgustdan 4-sentabrgacha bo‘lib o‘tishi beigilangan chet tilini bilish darajasini aniqlash malaka imtihoni natijalari e’lon qilindi. 🆔 Imtihon natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin. 🧾 Imtihondan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab olishlari mumkin bo‘ladi. ‼️ O‘z natijasidan norozi bo‘lgan talabgorlar 3 kun mobaynida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi. ✅ Agentlikning rasmiy sahifalari: Telegram | Facebook | Instagram | YouTube

#Qonunchilikdagi_yangiliklar   “Intellektual mulk sohasini rivojlantirishga qo‘shgan hissasi uchun” ko‘krak nishoni bilan taqdirlash tartibi belgilandi   📆 2026-yil 5-sentyabrda Vazirlar Mahkamasining 471-son qarori  bilan “Intellektual mulk sohasini rivojlantirishga qo‘shgan hissasi uchun” ko‘krak nishoni to‘g‘risida nizom tasdiqlandi.   📝 Nizomda belgilangan tartibga ko‘ra, ko‘krak nishoni bilan mamlakatimizda intellektual mulk sohasini rivojlantirishga munosib hissa qo‘shgan davlat tashkilotlari va nodavlat tashkilotlar xodimlari, xalqaro tashkilotlar vakillari hamda tadbirkorlik subyektlari taqdirlanadi.   ✅ Ko‘krak nishoni bilan taqdirlashga oid takliflarni ko‘rib chiqish Komissiya tashkil etiladi va ular tomonidan nomzodlarni ko‘krak nishoni bilan taqdirlashda quyidagilar inobatga olinadi:  

intellektual mulk sohasini rivojlantirish bo‘yicha davlat dasturlarini, normativ-huquqiy hujjatlar loyihalarini ishlab chiqishda ishtirok etganligi;

 intellektual mulk obyektlari yaratilishini qo‘llab-quvvatlash borasidagi faoliyati;

 intellektual mulk obyektlarining huquqiy himoyasini ta’minlashda faol ishtirok etganligi;

 jamiyatda intellektual faoliyat natijalariga hurmat hissini shakllantirishga qo‘shgan hissasi;

 intellektual mulk sohasida xalqaro hamkorlikni rivojlantirishda, shu jumladan, intellektual mulk sohasida amalga oshirilayotgan islohotlar to‘g‘risida xalqaro hamjamiyatni xabardor qilishda ishtirok etganligi.

  ✍️ Ko‘krak nishoni har yili 26 aprel – Xalqaro intellektual mulk kuni arafasida tantanali ravishda topshiriladi. ✅ Agentlikning rasmiy sahifalari: Telegram | Facebook | Instagram | YouTube

🎓 Toshkent shahrida ilk bor — College Board SAT | AP Day xalqaro tadbiri! Bilim va malakalarni baholash agentligi huzuridagi Ilmiy-o‘quv amaliy markazi hamda College Board hamkorligida 2026-yil 12-oktabr kuni College Board SAT | AP Day xalqaro tadbiri bo‘lib o‘tadi. 🤝 Tadbir davomida: ✅ SAT va AP dasturlarining imkoniyatlari; ✅ xalqaro universitetlarga qabul jarayonidagi zamonaviy yondashuvlar; ✅ ta'lim sohasidagi ilg‘or tajribalar hamda xalqaro ekspertlar bilan professional muloqot masalalari muhokama qilinadi. 📅 Sana: 12-oktabr, 2026-yil 🕘 Vaqti: 09:00 📍 Manzil: Azimut Grand Hotel, Toshkent 📝 Ishtirok etish uchun oldindan ro‘yxatdan o‘ting:  https://shorturl.at/MFfKM 💪 Nufuzli xalqaro tadbirda ishtirok etish imkoniyatini qo‘ldan boy bermang! ✔️ Ilmiy-o‘quv amaliy markazning rasmiy sahifalari: Telegram | Instagram | YouTube

#OnlaynTest 〰️〰️〰️〰️〰️〰️〰️〰️

Diplomlarni nostrifikatsiya qilish bo‘yicha test sinovlari o‘tkazildi

📆 2026-yil 10-avgust kuni xorijiy davlatlarda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha test sinovlari bo‘lib o‘tdi. ⛳ Test sinovlari talabgorlarga qulaylik yaratish maqsadida ularning doimiy yashash joyiga yaqin bo‘lgan hududlarda - Qoraqalpog‘iston Respublikasi, viloyatlar va Toshkent shahrida tashkil etildi. 🧑‍💻 Test sinovi maxsus ishlab chiqilgan dastur orqali elektron shaklda o‘tkazildi va talabgorlar test yakunida o‘z natijalarini bilish imkoniyatiga ega bo‘ldilar. ✅ Test sinovida 480 nafar talabgor ishtirok etdi va test topshirganlardan 111 nafari belgilangan talabni bajardi. 🎧 Eslatma: xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) masalalari bo‘yicha Bilimni baholash agentligiga quyidagi havola orqali murojaat qilish mumkin: 🕊@NostrifikatsiyaBBA_bot https://t.me/NostrifikatsiyaBBA ✅ Agentlikning rasmiy sahifalari: Telegram | Facebook | Instagram | YouTube

Farg‘ona jamoat salomatligi institutiga o‘qishga qabul

📆 2026-yil 10-sentabr kuni Farg‘ona jamoat salomatligi institutining ikkinchi va undan keyingi oliy ta’lim uchun o‘qishga qabul qilish bo‘yicha kirish test sinovlari bo‘lib o‘tdi. 🇺🇿 Sinovlar O‘zbekiston Respublikasi Vazirlar Mahkamasining 2021-yil 24-sentabrdagi 606-son qarori bilan tasdiqlangan “O‘zbekiston Respublikasi oliy ta’lim muassasalarida ikkinchi va undan keyingi oliy ta’limni olish tartibi to‘g‘risida”gi nizom talablariga muvofiq tashkil etildi. ⛳ Test sinovlari Agentlikning Farg‘ona viloyati bo‘limi binosida o‘tkazildi va unda 32 nafar talabgor ishtirok etdi. 📝 Imtihon natijalari qaydnomalari rasmiylashtirilganidan so‘ng, belgilangan tartibda Farg‘ona jamoat salomatligi institutiga taqdim etiladi.

Farg‘ona viloyatida yoshlar bilan ochiq muloqot o‘tkazildi Bugun, 10-sentabr kuni Farg‘ona tumanidagi ixtisoslashtirilgan maktabda Bilim va malakalarni baholash agentligi direktori maslahatchisi Xayitov Abduvoxxob Tolliboyevich va BMBA Farg‘ona viloyati bo‘limi xodimlari ishtirokida yoshlar bilan ochiq muloqot tashkil etildi. 📝 Uchrashuv davomida yoshlarga Agentlik tomonidan o‘tkazilayotgan test sinovlari, milliy va xalqaro sertifikatlar, oliy ta’limga kirishdagi imtiyozlar, shuningdek, Vazirlar Mahkamasining 2026-yil 29-iyuldagi “Milliy sertifikat berish tizimini yanada takomillashtirish chora-tadbirlari to‘g‘risida”gi 411-son qarori mazmun-mohiyati haqida ma’lumotlar berildi. ⚖️ Shuningdek, test sinovlarini shaffof, xolis va adolatli tashkil etish, korrupsiyaning oldini olish hamda fuqarolarning bu boradagi mas’uliyati yuzasidan fikrlar bildirildi. 🎤 Muloqot davomida yoshlar va ota-onalarning savollari tinglanib, ularni qiziqtirgan masalalar yuzasidan batafsil javoblar berildi.

😎 Boshlang‘ich ta’lim o‘qituvchilarining bilim darajasi va kasbiy mahoratini aniqlash bo‘yicha milliy baholash tizimini takomillashtirish maqsadida test topshiriqlari va tashkiliy jarayonning ikkinchi marotaba aprobatsiyasi o‘tkazildi. 📆 O‘zbekiston Respublikasi Vazirlar Mahkamasining 2026-yil 29-iyuldagi 411-son qarorida belgilangan vazifalar ijrosini ta’minlash maqsadida 2026-yil 9-sentyabr kuni soat 14:00 da respublikaning barcha hududlarida aprobatsiya tashkil etildi. 📝 Ikkinchi marotaba o‘tkazilgan aprobatsiya jarayonida ishlab chiqilgan test topshiriqlarining mazmuni va sifati, test sinovlarini tashkil etish jarayoni, shuningdek, axborot tizimi va texnik vositalarning barqaror ishlashi amaliy jihatdan sinovdan o‘tkazildi. ‼️ Aprobatsiya natijalari asosida test topshiriqlari va tashkiliy jarayonlar tahlil qilinib, milliy baholash tizimini yanada takomillashtirish bo‘yicha tegishli choralar ko‘riladi. 👨‍💻 Mazkur jarayon boshlang‘ich ta’lim o‘qituvchilarining bilim va kasbiy mahoratini zamonaviy baholash mezonlari asosida obyektiv va ishonchli aniqlashga qaratilgan milliy baholash tizimini takomillashtirishda muhim bosqich hisoblanadi. ✔️ Ilmiy-o‘quv amaliy markazning rasmiy sahifalari: Telegram | Instagram | YouTube

📢 Chet tilini bilish darajasining yozish va gapirish ko‘nikmalarini baholash bo‘yicha malaka oshirish kursi 📚 Ilmiy-o‘quv amaliy markazi tomonidan chet tillarida Yozish va Gapirish ko‘nikmalarini baholash bo‘yicha 36 soatlik malaka oshirish kursi tashkil etiladi. 🌍 Tillar: 🇫🇷 Fransuz | 🇩🇪 Nemis | 🇸🇦 Arab | 🇯🇵 Yapon | 🇰🇷 Koreys | 🇮🇹 Italyan | 🇪🇸 Ispan | 🇹🇷 Turk | 🇮🇷 Fors | 🇵🇰 Urdu | 🇦🇫 Pushtu | Dari | 🇮🇳 Hind | 🇨🇳 Xitoy | Uyg‘ur 📅 Boshlanishi: 6-oktabr, 14:00 💻 Shakli: Masofaviy ⏱️ Davomiyligi: 36 soat 🗣 Tili: O‘zbek tili 📌 Kursda: baholash mezonlari, zamonaviy baholash yondashuvlari, shuningdek, yozish va gapirish ko‘nikmalarini baholashning nazariy asoslari hamda amaliy usullari o‘rgatiladi. 📝 Ro‘yxatdan o‘tish: 2-oktabr, 09:00 gacha 🔗 registration.ilmiymarkaz.uz 🎓 Muhim: Kursni muvaffaqiyatli tamomlagan, C1 sertifikat, tegishli diplom va portfolio talablariga javob beruvchi nomzodlar ekspert sifatida jalb etilishi mumkin. Ekspert sifatida jalb etilish kafolatlanmaydi. 📞 Murojaat uchun: 95 515-68-68 ✔️ Ilmiy-o‘quv amaliy markazning rasmiy sahifalari: Telegram | Instagram | YouTube

#OnlaynTest 🏢🏢🏢🏢🏢🏢🏢

Xo‘jalik sohalari mutaxassislari imtihondan o‘tdilar

🇺🇿 Ushbu toifadagi imtihonlar O‘zbekiston Respublikasi Vazirlar Mahkamasining “Shaharsozlik va uy-joy kommunal xo‘jaligi sohalari mutaxassislarini sertifikatlash tizimini joriy etish to‘g‘risida” 2023-yil 11-sentyabrdagi 460-son qarori asosida o‘tkazib kelinmoqda. 📆 Shaharsozlik va uy-joy kommunal xo‘jaligi sohalari mutaxassislari uchun navbatdagi test sinovlari 2026-yil 9-sentyabr kuni Qoraqalpog‘iston Respublikasi, viloyatlar va Toshkent shahrida tashkil etilib, ularda 400 nafardan ziyod talabgor ishtirok etdi. 💼 Test sinovlari Bilimni baholash agentligining “Onlayn test” axborot tizimi orqali o'tkazildi va talabgorlar shu vaqtning o‘zida imtihon natijalarini bilib oldilar. 📝 Imtihon natijalari belgilangan tartibda rasmiylashtirilgach, Qurilish va uy-joy kommunal xo‘jaligi vazirligi huzuridagi Kompetensiyani rivojlantirish institutiga taqdim etiladi. ✅ Agentlikning rasmiy sahifalari: Telegram | Facebook | Instagram | YouTube

Boshlang‘ich ta’lim o‘qituvchilari uchun seminar va aprobatsiya tashkil etildi 🇺🇿 Bilim va malakalarni baholash agentligi Farg‘ona viloyati bo‘limida boshlang‘ich ta’lim o‘qituvchilari uchun seminar hamda test topshiriqlarining elektron shakldagi aprobatsiyasi o‘tkazildi. Seminar davomida o‘qituvchilarga milliy sertifikat berish tizimining maqsad va vazifalari, baholash mezonlari hamda imtihon jarayonini tashkil etish tartibi yuzasidan tushuntirishlar berildi. 🖥 Aprobatsiya jarayonida esa boshlang‘ich ta’lim o‘qituvchilarining bilim va kasbiy mahorati sinovdan o‘tkazilib, test topshiriqlarining mazmuni va murakkablik darajasi amaliyotda baholandi. ♻️ Mazkur jarayon milliy sertifikat berish tizimini yanada takomillashtirishga xizmat qiladi.

〰️〰️〰️〰️〰️〰️

Nemis va fransuz tillaridan aprobatsiya boʻlib oʻtdi

📆 Joriy yilning 8-sentyabr sanasida elektron shaklda oʻtkazilishi belgilangan nemis va fransuz tillaridan sertifikat imtihonlari dasturlarining aprobatsiyasi oʻtkazildi. 📍 Aprobatsiya jarayonlari Qoraqalpogʻiston Respublikasi, viloyatlar va Toshkent shahrida tashkil etildi. 👨‍💻 Test sinovlari “Onlayn test” axborot tizimi orqali oʻtkazilib, ularda 100 nafarga yaqin talabgor ishtirok etdi. ✅ Agentlikning rasmiy sahifalari: Telegram | Facebook | Instagram | YouTube

#Sayyor_qabul #Yoshlar_bilan_muloqot 📣 Fargʻona viloyatida sayyor qabul va yoshlar bilan uchrashuv oʻtkaziladi 😎 Bilim va malakalarni baholash agentligi tomonidan hududlarda sayyor qabullar, ochiq muloqotlar tashkil etish an'anasi davom etmoqda. 📍 Navbatdagi sayyor qabul va yoshlar bilan uchrashuv Farg‘ona viloyatida Bilim va malakalarni baholash agentligi direktori maslahatchisi Xayitov Abduvoxxob Tolliboyevich ishtirokida Farg‘ona tumanidagi ixtisoslashtirilgan maktab binosida boʻlib oʻtadi. ✅ Tadbirda fuqarolarning murojaatlarini joyida koʻrib chiqish, muammolarini tahlil qilish va hal qilishda koʻmaklashish boʻyicha amaliy ishlar amalga oshirilib, yoshlar hamda ularning ota-onalarini qiziqtirgan savollarga batafsil javob beriladi. 📆 Sana: 10-sentyabr ⏳ Vaqt: 16:00 ⛳ Manzil: Farg‘ona viloyati, Farg‘ona tumani, “Dilkusho” MFY, Marg‘ilon ko‘chasi, 55-uy. 📍 Geolokatsiya: https://maps.app.goo.gl/QS1mknzBhsGmn9DP8 👥 Mazkur uchrashuv va ochiq muloqotga taklif etamiz! ✅ Agentlikning rasmiy sahifalari: Telegram | Facebook | Instagram | YouTube

#Korrupsiyaga_qarshi_kurash

KORRUPSIYA — KELAJAKKA QARSHI JINOYAT!

💰 Pora berish ham, pora olish ham qonun oldida javobgarlikka sabab bo‘ladi. 🖐 Tanlov o‘z qo‘lingizda: ❗ Bir lahzalik foyda va bir umrlik tavqi la’nat... Yoki halol mehnat va yorug‘ yuz! ✅ Agentlikning rasmiy sahifalari: Telegram | Facebook | Instagram | YouTube

📢 BOSHLANG‘ICH TA’LIM O‘QITUVCHILARI DIQQATIGA! Ilmiy-o‘quv amaliy markazi tomonidan boshlang‘ich ta’lim o‘qituvchilarining bilim darajasi va kasbiy mahoratini aniqlash bo‘yicha milliy baholash tizimi test topshiriqlari hamda tashkiliy jarayonini aprobatsiyadan o‘tkazish rejalashtirilmoqda. 📅 Sana: 2026-yil 9-sentyabr ⏰ Vaqti: 14:00 👩‍🏫 Kimlar ishtirok etishi mumkin: Faqat boshlang‘ich sinf o‘qituvchilari. 📝 RO‘YXATDAN O‘TISH: 🔗 registration.ilmiymarkaz.uz ⏳ Ro‘yxatdan o‘tish muddati: 2026-yil 8-sentyabr, soat 23:00 gacha. ⚠️ MUHIM! Aprobatsiyada ishtirok etish uchun joylar soni cheklangan. Shu sababli ro‘yxatdan o‘tish belgilangan muddatdan oldin yakunlanishi mumkin. 📌 Eslatma: Aprobatsiya sinovida ishtirok etish natijasida sertifikat yoki ma’lumotnoma taqdim etilmaydi. ☎️ Murojaat uchun: 🔹 (95) 515-68-68 ✔️ Ilmiy-o‘quv amaliy markazning rasmiy sahifalari: Telegram | Instagram | YouTube

Bank-moliya akademiyasining magistratura mutaxassisliklariga o‘qishga qabul qilish bo‘yicha test sinovlari Farg‘onada ham o‘tkazildi 📆 2026-yil 5-sentyabr kuni Bilim va malakalarni baholash agentligi tomonidan Bank-moliya akademiyasining magistratura mutaxassisliklariga nomzodlarni o‘qishga qabul qilish bo‘yicha test sinovlari o‘tkazildi. 📍 Mazkur test sinovlari respublikaning barcha hududlarida, jumladan, Bilim va malakalarni baholash agentligi Farg‘ona viloyati bo‘limida ham belgilangan tartib va talablarga muvofiq tashkil etildi. 👥 Farg‘ona shahrida o‘tkazilgan test sinovlarida nomzodlar ishtirok etib, imtihon jarayoni belgilangan tartibda va yuqori saviyada tashkil etildi.

#Qabul2026 #Vakant_joy #Tanlov

Vakant o‘rinlar uchun o‘tkazilgan qo‘shimcha tanlov natijalari e'lon qilindi

📝 Oliy ta’lim tashkilotlarining bakalavriat ta’lim yo‘nalishlariga kirish uchun vakant o‘rinlar mavjud bo‘lgan, fanlar majmuasi va ta’lim tili mos bakalavriat ta’lim yo‘nalishlariga qo‘shimcha tanlovda ishtirok etish uchun ro‘yxatdan o‘tgan abituriyentlar natijalari e'lon qilindi. 👨‍💻 Abituriyentlar natijalarini my.uzbmb.uz saytidan shaxsiy kabinetlari orqali bilishlari mumkin. 📝 Agentlik tomonidan belgilangan tartibda tayyorlangan yakuniy tanlov qaydnomalari tegishli oliy ta'lim tashkilotlariga taqdim etildi. ✅ Agentlikning rasmiy sahifalari: Telegram | Facebook | Instagram | YouTube