Yakkasaroy tuman hokimligi Matbuot xizmati

Yakkasaroy hokimi bunyodkorlarni e’tirof etdi Bugun Yakkasaroy tuman hokimligida O‘zbekiston Respublikasi Mustaqilligining 35 yilligi munosabati bilan tuman taraqqiyoti va obodligiga munosib hissa qo‘shib kelayotgan faol quruvchi va bunyodkorlarni e’tirof etish tadbiri bo‘lib o‘tdi. 🗣Tadbirda Yakkasaroy tumanida amalga oshirilayotgan qurilish, obodonlashtirish va bunyodkorlik ishlari, zamonaviy infratuzilmani shakllantirish, tumanning yanada ko‘rkam qiyofasini yaratish hamda uning ijtimoiy-iqtisodiy rivojiga hissa qo‘shayotgan fidoyi insonlarning mehnati alohida e’tirof etildi. 👉 Ana shunday mas’uliyatli va sharafli mehnat egalariga Yakkasaroy tuman hokimligining FAXRIY YORLIQlari tantanali ravishda topshirildi. 🗣️ Taqdirlash marosimida Yakkasaroy tumani hokimi Nilufar Allabergenova faol quruvchilarga Faxriy yorliqlarni topshirib, ularning mashaqqatli mehnati va bunyodkorlikdagi munosib hissasini alohida ta’kidladi. 📎 Har bir bunyod etilgan bino, obod ko‘cha va zamonaviy maskan ortida katta mehnat, mas’uliyat va fidoyilik mujassam. 🗣 Bugungi e’tirof – ana shu mehnatga hurmat, fidoyilikka munosib baho va yangi bunyodkorlik marralari sari yana bir rag‘batdir. ✍ Yakkasaroy tuman hokimligi Matbuot xizmati

Prezident Shavkat Mirziyoyev Mustaqillik bayrami arafasida davlat mukofotlarini tantanali ravishda topshirdi. — Президент Шавкат Мирзиёев торжественно вручил государственные награды в преддверии празднования Дня независимости. Prezident.uz|Facebook|Instagram|YouTube|X

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan yuksak davlat mukofotlariga sazovor boʻlgan bir guruh vatandoshlarimizni taqdirlash marosimi boʻlib oʻtdi. — С участием Президента Шавката Мирзиёева состоялась церемония награждения группы соотечественников, удостоенных высоких государственных наград в связи с 35-летием независимости нашей страны. #Mirziyoyev #marosim #mustaqillik35 #taqdirlash Prezident.uz|Facebook|Instagram|YouTube|X

Xitoy Kommunistik partiyasi Markaziy Qo‘mitasi Siyosiy byurosi Doimiy qo‘mitasi a’zosi, Butunxitoy xalq vakillari kengashi Doimiy qo‘mitasi raisi Chjao Letszi janoblari bilan uchrashuv o‘tkazdik. Samimiy ruhda kechgan suhbat chog‘ida davlatlarimiz rahbarlarining izchil va samarali muloqoti natijasida so‘nggi yillarda O‘zbekiston va Xitoy o‘rtasida mustahkamlanib borayotgan munosabatlarni muhokama qildik. Parlamentlararo muloqot ham yangi bosqichga ko‘tarilmoqda. Biz Xitoy tomonining qo‘llab-quvvatlashini hamda transport, savdo, ta’lim va madaniyat yo‘nalishlaridagi aniq loyihalarni birgalikda ro‘yobga chiqarishga bo‘lgan intilishini yuksak qadrlaymiz. Oldimizda mushtarak rejalar ko‘p, asosiy vazifa esa — ularni izchil hayotga tatbiq etishdir. Janob Chjao Letsziga ochiq va mazmunli muloqot uchun minnatdorlik izhor etaman. — Провели встречу с Чжао Лэцзи, членом Постоянного комитета Политбюро ЦК КПК, председателем Постоянного комитета Всекитайского собрания народных представителей. В ходе искренней беседы обсудили отношения между Узбекистаном и Китаем, которые в последние годы постоянно укрепляются благодаря тесному диалогу лидеров наших стран. Выходит на новый уровень и межпарламентский диалог. Ценим поддержку Китая и готовность вместе работать над конкретными проектами в области транспорта, торговли, образования и культуры. У наших стран много общих планов, и главное — последовательно их реализовывать. Спасибо господину Чжао Лэцзи за открытый и содержательный разговор.

Yakkasaroy – 90 yillik tarix, unutilmas xotiralar va buyuk kelajak! 👉 90 yil – bu shunchaki sana emas. Bu bir tuman tarixiga aylangan mehnat, bunyodkorlik, inson qadri va avlodlar davomiyligi timsolidir. 🎥 Yakkasaroy tumanining 90 yillik yubileyi munosabati bilan tayyorlangan ushbu videorolikda tumanning kechagi tarixi, bugungi qiyofasi va ertangi istiqbollari o‘ziga xos ruhda aks etadi. 🗣 Bir paytlar oddiy maskan bo‘lgan hudud bugun zamonaviy infratuzilma, obod mahallalar, yashil xiyobonlar, bunyodkorlik va yangilanishlar bilan yanada chiroy ochmoqda. 🗣 Ushbu qutlug‘ sana munosabati bilan tayyorlangan videorolikni tomosha qiling va Yakkasaroyning kechagi va bugungi qiyofasiga bir nazar tashlang. 👏 Yakkasaroy – tarixdan kuch olib, kelajak sari dadil qadam tashlayotgan tuman! #Yakkasaroy90

✔️🟦🟦🟦 Yakkasaroy tumani tashkil etilganligining 90 yilligi munosbati bilan TABRIK Hurmatli Yakkasaroy tumani hokimligi jamoasi! Sizlarni va Yakkasaroy tumanining barcha aholisini tuman tashkil etilganining 90 yilligi hamda mamlakatimiz Mustaqilligining 35 yilligi munosabati bilan Toshkent to‘qimachilik va yengil sanoat instituti jamoasi nomidan samimiy muborakbod etamiz. To‘qson yillik boy tarix va o‘ziga xos taraqqiyot yo‘liga ega Yakkasaroy tumani bugungi kunda poytaxtimizning eng nufuzli, obod va jadal rivojlanayotgan hududlaridan biriga aylandi. Ayniqsa, davlatimiz rahbarining tashabbuslari bilan olib borilayotgan islohotlar natijasida tuman qiyofasi tubdan o‘zgardi, zamonaviy infratuzilma, obodonlashtirish va bunyodkorlik ishlari, ijtimoiy loyihalar hamda yangi tashabbuslar natijasida hududning shaharsozlik qiyofasi yanada chiroy ochdi. Bu ulkan o‘zgarishlar, avvalo, inson qadrini ulug‘lash, xalqimiz uchun munosib turmush sharoitlarini yaratish va hududlar taraqqiyotini ta’minlashga qaratilgan izchil islohotlarning amaliy samarasidir. Bugungi kunda Yakkasaroy tumanida ta’lim sohasini rivojlantirish, yoshlarning sifatli ta’lim olishi, kasb-hunar egallashi, zamonaviy bilim va ko‘nikmalarni o‘zlashtirishi uchun qulay shart-sharoitlar yaratish borasida amalga oshirilayotgan ishlar alohida e’tirofga loyiq. Ayniqsa, yoshlarning tashabbus va iqtidorlarini qo‘llab-quvvatlash, ularning bandligini ta’minlash, bo‘sh vaqtini mazmunli tashkil etish hamda ta’lim muassasalari bilan samarali hamkorlikni yo‘lga qo‘yish borasidagi ezgu sa’y-harakatlar kelajak avlodning barkamol voyaga yetishiga xizmat qilmoqda. Yakkasaroy tumanida joylashgan Toshkent to‘qimachilik va yengil sanoat instituti uchun ham tuman bilan o‘zaro hamkorlik alohida ahamiyat kasb etadi. Ishonamizki, ta’lim, ilm-fan, yoshlar siyosati va ijtimoiy sohalardagi hamkorligimiz bundan buyon ham izchil rivojlanib, yangi tashabbus va istiqbolli loyihalar bilan boyib boradi. Fursatdan foydalanib, Yakkasaroy tumani hokimligi jamoasiga mamlakatimiz taraqqiyoti, xalqimiz farovonligi va hudud ravnaqi yo‘lidagi mas’uliyatli faoliyatida ulkan muvaffaqiyatlar, mustahkam sog‘lik, oilaviy farovonlik va yangi yutuqlar tilaymiz. Hurmat bilan, Toshkent to‘qimachilik va yengil sanoat instituti jamoasi #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

Prezidentimiz davlat mukofotini olgan har bir insonning mehnati va ko‘rsatgan jasorati alohida e’tirofga munosib ekanini ta’kidladi. Shu kunlarda joylarda unvon, orden va medallarni qabul qilib olayotgan yurtdoshlarimizga ham samimiy tabriklar aytildi. Mukofotlanganlar orasida islohotlarni qo‘llab-quvvatlab, yurtimizga katta-katta sarmoya va zamonaviy texnologiyalarni olib kelayotgan xorijlik hamkorlar borligi qayd etilib, ularga ham minnatdorlik bildirildi. Mamlakatimiz yetakchisi mukofotlarni o‘z egalariga tantanali ravishda topshirdi.

– Ko‘ksingizga yarashib turgan yuksak unvon, orden va medallarga odamlar havas bilan qaraydi, yoshlarimiz sizlarga o‘xshashga intiladi. Bu sizlarga kelgusi ishlaringizda yangi kuch-g‘ayrat va ilhom beradi deb ishonaman,

– dedi davlatimiz rahbari marosim yakunida. Facebook|Instagram|X

Surxondaryolik mehnat faxriysi Abdusattor Qurbonovning cho‘llarni o‘zlashtirib, dehqonchilikni rivojlantirishga qo‘shgan hissasi haqiqiy qahramonlik sifatida e’tirof etildi. Bekobod metallurgiya kombinatida uzoq yillardan buyon po‘lat erituvchi vazifasida ishlayotgan G‘ulomjon Turonovning “Xizmat ko‘rsatgan sanoat xodimi” faxriy unvoni bilan taqdirlangani butun metallurglar mehnatining e’tirofidir. Paxtachilik va g‘allachilikda yuksak natijaga erishib, o‘z maktabini yaratgan namanganlik Ilhom Ziyovuddinov, ipak qurtini bahor, yoz va kuz mavsumida parvarishlab, yuqori hosil olayotgan buxorolik pillakor Jamila Xudoyberdiyeva, chorvachilikda ilg‘or texnologiya va zamonaviy yondashuvlarni joriy qilayotgan qoraqalpog‘istonlik Esenbay Aytimuratov hamda suv yo‘qotishlarini kamaytirishga hissa qo‘shayotgan samarqandlik irrigator Aslanqul Karimqulovning xizmatlari ham munosib baholandi. O‘zbekistondagi Islom sivilizatsiyasi markazi va Samarqanddagi Imom Buxoriy majmuasini bezatgan usta-naqqosh Sattorxo‘ja To‘xtaxo‘jayevga “Xizmat ko‘rsatgan quruvchi” faxriy unvoni berildi. Facebook|Instagram|X

Prezidentimiz bugun Yangi O‘zbekistonning ovozi eng nufuzli minbarlarda ham baland yangrayotganini, davlatimizning xalqchil, tinchlikparvar siyosati dunyoda e’tirof etilayotganini ta’kidladi.

– Hech shubhasiz, yuqoridagi barcha o‘zgarishlar ko‘p millatli xalqimiz, siz kabi jonkuyar yurtdoshlarimiz mehnati bilan amalga oshmoqda,

– dedi davlatimiz rahbari. Qaysi soha yoki vazifada ishlamasin, o‘z mehnatining munosib e’tirofini ko‘rish har bir inson uchun katta baxt ekani ta’kidlandi. Mustaqillikning 35 yilligi munosabati bilan islohotlarga daxldorlik tuyg‘usi bilan yashab, sidqidildan mehnat qilayotgan 558 nafar fidoyi inson yuksak davlat mukofotlari bilan taqdirlandi. Prezidentimiz har bir mukofotlanganning mashaqqatli mehnat yo‘li, erishgan yutuqlari va yurt taraqqiyotiga qo‘shayotgan munosib hissasini yaxshi bilishini ta’kidladi. Mukofotlanganlar orasida butun umrini bunyodkorlikka bag‘ishlagan xorazmlik otaxon Rustam Sultonov ham bor. U kishi tabarruk yoshda bo‘lsalar-da, viloyat nuroniylariga boshchilik qilib, mahalla va qishloqlarni obod qilishda yoshlarga chinakam ibrat bo‘lib kelmoqda. Facebook|Instagram|X

So‘nggi o‘n yilda xalq bilan hamjihat bo‘lib amalga oshirilayotgan ishlar natijasida iqtisodiyot tez sur’atlarda barqaror o‘sib borayotgani qayd etildi. O‘tgan davrda mamlakatimizga 160 milliard dollardan ortiq xorijiy investitsiya kirdi. Iqtisodiyotimiz 2,5 barobardan ziyod ko‘paydi. Joriy yil yalpi ichki mahsulot hajmi 180 milliard dollardan oshishi kutilmoqda. Sanoat tarmoqlari, servis va qishloq xo‘jaligi sohalarida 5 million 700 ming doimiy ish o‘rni yaratildi. Davlat va xususiy sektor ishtirokida 1 million 200 ming o‘rinli zamonaviy maktab, 342 ming o‘rinli bog‘cha va 62 ming o‘rinli shifoxonalar ishga tushirildi. Odamlarning uzog‘ini yaqin qilish uchun 83 ming kilometr umumiy foydalanishdagi ichki yo‘llar qurildi va ta’mirlandi. Hududlarda 8 million aholi yashaydigan xonadonlarga ilk bor markazlashgan ichimlik suvi kirib bordi, yana 11,5 million aholining suv ta’minoti yaxshilandi. O‘tgan o‘n yilda 650 ming oila yangi zamonaviy uy-joyga ega bo‘ldi. Xalqimizda “Uyli bo‘lish – vatanli bo‘lish” degan naql bor. Shu ma’noda, kamida 2,5 million aholi vatanli bo‘ldi! Facebook|Instagram|X

Prezidentimiz mustaqillikning kuch-qudrati madaniyat, san’at va sportni rivojlantirish yo‘lida xizmat qilayotgan insonlarning mahoratida, islohotlar ijrosini har bir mahalla va har bir xonadonga yetkazayotgan davlat xizmatchilarining mehnatida ham namoyon bo‘lishini ta’kidladi. Joylarda odamlarni ezgu maqsadlar yo‘lida birlashtirayotgan nuroniylar va mahalla faollari, xalq osoyishtaligi hamda Vatan tinchligini ta’minlayotgan harbiylar va huquq-tartibot xodimlarining jasorati alohida qayd etildi.

– Bir so‘z bilan aytganda, Yangi O‘zbekistonning eng katta natijasi, bu o‘zgargan inson, o‘z kuchiga ishongan fuqaro, ertangi kunga daxldorligini his qilayotgan jamiyatdir!

– dedi mamlakatimiz yetakchisi. Fidoyi va bunyodkor vatandoshlarimiz, mustaqillikning eng katta kuchi va tayanchi bo‘lgan butun xalqimizga chuqur minnatdorchilik bildirildi. Prezidentimiz inson qadri ulug‘langan, adolat va taraqqiyotga tayangan Yangi O‘zbekistonni barpo etish yo‘lidan xalq bilan birgalikda dadil borilayotganini ta’kidladi. Facebook|Instagram|X

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan davlat mukofotlarini topshirish marosimi bo‘lib o‘tmoqda. Tadbirda davlatimiz rahbari yig‘ilganlarni O‘zbekiston Respublikasi davlat mustaqilligining 35 yilligi bilan samimiy tabrikladi.

– 35 yil – tarix uchun juda qisqa davr. Lekin ortda qolayotgan yillar o‘zining ko‘lami, yutuq va natijalari bilan asrga tatigulik davr bo‘ldi, desak, aslo mubolag‘a bo‘lmaydi,

– dedi Prezident. Ushbu o‘zgarishlarning haqiqiy muallifi mehnatkash va olijanob xalqimiz ekani ta’kidlandi. Davlatimiz rahbari mustaqillikning qadr-qimmati qishloqda rizq-ro‘z yaratayotgan fermer va dehqonlar, farzandlarga ta’lim-tarbiya berayotgan ustoz va murabbiylar, inson hayotini asrayotgan shifokorlar mehnatida namoyon bo‘lishini qayd etdi. Shuningdek, ilm-fan taraqqiyotiga yangi g‘oya va kashfiyotlar olib kirayotgan olimlar, zamonaviy korxonalar barpo etayotgan sanoatchi va tadbirkorlar, shahar va qishloqlarni obod qilayotgan quruvchi hamda arxitektorlarning hissasiga alohida to‘xtaldi. Facebook|Instagram|X

Bugun Prezident Shavkat Mirziyoyev Ko‘ksaroy qarorgohida mamlakatimiz mustaqilligining 35 yilligi munosabati bilan davlat mukofotlarini topshiradi. — Сегодня в резиденции «Куксарой» Президент Шавкат Мирзиёев вручит государственные награды по случаю 35-й годовщины независимости нашей страны. Facebook|Instagram|X

Yakkasaroy tumani tashkil topganining 90 yilligi munosabati bilan Mirobod tumani hokimi Anvar Sayfutdinov tabriknoma yo‘lladi Assalomu alaykum, hurmatli va aziz yakkasaroyliklar! Sizlarni Yakkasaroy tumani tashkil topganining 90 yilligi munosabati bilan Mirobod tumani hokimi va tumanimiz ahli nomidan samimiy muborakbod etaman. Tarix uchun 90 yil — salmoqli davr. Bu yillar davomida Yakkasaroy tumani poytaxtimizning ijtimoiy-iqtisodiy va madaniy hayotida munosib o‘rin egallagan, o‘zining taraqqiyot yo‘li va boy tajribasini shakllantirgan hudud sifatida kamol topdi. Tuman tarixi — bu faqat sanalar va voqealar silsilasi emas. Unda o‘z hayotini shu zamin bilan bog‘lagan insonlarning mehnati, orzu-umidlari, tashabbuslari va Vatan taraqqiyotiga qo‘shgan hissasi mujassam. Bugungi Yakkasaroyning qiyofasida ana shu avlodlar mehnatining munosib samarasini ko‘rish mumkin. Bugun mamlakatimizda inson qadrini ulug‘lash, aholi uchun munosib hayot sharoitlarini yaratish, shahar va tumanlarni kompleks rivojlantirishga qaratilgan keng ko‘lamli islohotlar izchil davom etmoqda. Ana shu jarayonlarda poytaxtimizning har bir tumani, jumladan, Yakkasaroyning ham o‘ziga xos o‘rni va mas’uliyati bor. Yakkasaroy bugun zamonaviy shahar infratuzilmasi, ishbilarmonlik muhiti, ta’lim, madaniyat va ijtimoiy sohalardagi salohiyati bilan poytaxtimizning muhim hududlaridan biri sifatida o‘z taraqqiyot yo‘lini davom ettirmoqda. Eng muhimi, bu o‘zgarishlarning markazida inson va uning manfaatlari turgani e’tiborga loyiq. Shu o‘rinda, tumanning bugungi taraqqiyotiga o‘zining halol mehnati va fidokorona faoliyati bilan hissa qo‘shgan nuroniylar, mehnat faxriylari, davlat va jamoat tashkilotlari vakillari, tadbirkorlar, ziyolilar, mahalla faollari, yoshlar va barcha yakkasaroyliklarga chuqur minnatdorlik bildiraman. Men uchun Yakkasaroy tumani alohida ahamiyatga ega. Bu zaminda mehnat qilgan inson sifatida tumanning kechagi kuni, bugungi taraqqiyoti va ertangi istiqboliga befarq bo‘lish mumkin emas. Yakkasaroyda orttirilgan tajriba, odamlar bilan muloqot va birgalikda amalga oshirilgan ezgu ishlar mening mehnat faoliyatimda ham alohida o‘rin tutadi. Ishonchim komil, tumanning boy tarixi va shakllangan salohiyati yangi marralar uchun mustahkam zamin bo‘lib xizmat qiladi. Yakkasaroyliklarning tashabbuskorligi, bilim va tajribasi, ayniqsa, yosh avlodning g‘ayrati bilan tuman kelgusida ham poytaxtimizning ilg‘or va zamonaviy hududlaridan biri sifatida rivojlanib boradi. 90 yillik yubiley — o‘tgan yo‘lni sarhisob qilish bilan birga, yangi maqsad va vazifalarni belgilab olish uchun ham muhim palladir. Bugungi yutuqlar bilan cheklanib qolmasdan, kelajak avlod uchun yanada qulay va farovon muhit yaratish, hududning iqtisodiy salohiyatini yuksaltirish, zamonaviy infratuzilmani rivojlantirish va insonlar uchun munosib turmush sharoitlarini ta’minlash bizning umumiy maqsadimizdir. Fursatdan foydalanib, barcha yakkasaroyliklarga mustahkam sog‘lik, oilaviy xotirjamlik, farovon hayot va yangi yutuqlar tilayman. Xonadoningizdan tinchlik va fayzu baraka, qalbingizdan ertangi kunga ishonch arimasin. Yakkasaroy tumani tashkil topganining 90 yillik qutlug‘ yubileyi muborak bo‘lsin! Tumanning taraqqiyoti, xalqining farovonligi va kelajagi yanada yuksak bo‘lsin!