Mix questions

الأهم من الانشغال بعلامات الساعة هو الإيمان بيها بغض النظر عن ڪيفية حصولها يعني ازاي الدابة هتڪلم البشر وازاي المسيح هينزل وازاي سيدنا عيسىٰ هينزل ويُقاتل وووو ڪل دا هيحصل ازاي، ملناش فيه، مش شغلتنا، القدس هتتحرر والأقصىٰ هيرجع .. بس المطلوب مننا نقوي إيمانا وعقيدتنا ويقينا باللّٰه تعالىٰ الإسلام دين الحق والحق سُبحانه وتعالىٰ قادر علىٰ حفظه إلىٰ نُبعث فيه هدانا اللّٰه وثبتنا وإيّاڪُم

معنديش عِلم بس في حاجات كدا التفكير والإنسغال بيها مش هيفيدنا بشيء ، المؤكد إن باب التوبة مفتوح حتى شروق الشمس من مغربها ف مطلوب مننا نتوب ونجدد التوبة طول ما فينا النفس وربنا عاطينا فرصة ، نعمل أعمال صالحة ونتقرب للّٰه تعالىٰ ، بلاش نسترتسل التفكير ونسرح بدماغنا لأن هتاخدنا لأماكن بعيدة والشيطان هيستغل دة أفضل إستغلال واللّٰه أعلم 💚

سلامتك من الزعل يا ربّ 🥺 ربنا يربط على قلبك يا ربّ يا أشطر شطورة 💚 بصي تعالي نتفق إتفاق دلوقتي هتقومي تغسلي وشك كدا وتهدي خالص ونبطّل عياط ماشي ؟ وبعدين إحنا دلوقتي ثانوية عامة يعني محتاجين نكبّر دماغنا من الحوارات دي خالص بس أنا عارفة إنك بتحبيها عشان كدا زعلانة طيب نلتمس ليها عذر ؟ جايز مثلًا حاصل معاها حاجة مغيراها ؟ سيبيها متجيببهاش من سكة ولا تقوليلها إتغيرتِ ولا حاجة إطمني عليها وكلميها عادي ولما هي تحس إنها حابة تبرر أفعالها تبرر غير كدا متزعليش نفسك خالص وبعدين مش يمكن خير ؟ أكيد خير يا عسّولة ربنا -سبحانه وتعالىٰ- مبيعملش شر أبدًا .. هو خير كبير جدًا ومش لازم نعرف إيه هو .. إصبري وركزي في مذاكرتك أهم شىء دلوقتي وأصلًا أصلًا هي الخسرانة 💚💚

جميل جميل ، عزة نفسك جميلة 💚 بس أرض الواقع وسوق العمل مش كدا عايز معلومة أو مصلحة ؟ بتدوس على نفسك لحد ما تاخدها زي بالظبط الكليات والدكاترة الإنسان بيتعامل مع نفوس مريضة لكن بنستعين باللّٰه في الأول والآخر ونصبّر نفسنا بإنها دنيا في الأخير .. ف هي الدنيا كدا لابد يبقا في تنازلات أينعم دة هييجي على جزء من صحتك النفسية بس طالما أنا إخترت أنزل وأتعامل يبقا أتعامل بقا مش مطلوب من كل الناس يفهموني ويفهموا دماغي عشان يتعاملوا معايا محدش فاضي لحد أنا ليا عندك خدمة؟ خلاص يا عم هاجي على نفسي لحد ما أخدها وأبقا أرجع أوضتي أبكي من بشاعة العالم 😅 وإلا نكبّر مخنا من كل دة ونقعد ف البيت و I'm just a girl وأتبّع فطرتي البسكوتة وكدا فُل 💅🏻 هي الدنيا كدا مفيهاش إختيارات كتيرة ربنا يحسن ختامنا أهم شىء 💚

عليكم السلام ورحمة اللّٰه وبركاته يا عسّولة 💚 ربنا يهدينا ويهديه يا ربّ كل بني آدم خطّاء مش معنى إني بصلي وبعمل كل الفروض إني كدا بقيت ملاك لاء عادي وارِد جدًا نغلط ونقع ونذنب دي طبيعة البني آدم سبحان اللّٰه ، ف أنتِ متبطليش تنصحيه أبدًا وإدعيله دايمًا ربنا يهديه ويصرف عنه الفتن يا ربّ ، والدنيا ديون بتترد النهاردة هيكلم بنات بكرا الدِيَن هيترد فيكِ أو ف بنته أو ف زوجته قوليله كدا إتقي اللّٰه ف بنات الناس عشان متتعاقبش ف أعز ما ليك .. ربنا يمُن علينا وعليه بالهدىٰ يا ربّ 💚

مش إحنا يا عسّولة قولنا منسألش ربنا هيكرمنا ولا لاء ؟ نسعى ونشتغل ونتوكل على ربنا وبس ؟ لقيتِ صعوبة إستعيني باللّٰه وإدعي يجعلك الصعب سهل ويذكرك باللي فاهماه ونبدأ تاني نغير طريقة المراجعة نغير الوقت المدرِس لكن منشككش في قدرة ربنا وكرمه يا عسّول 🤌🏻 نبدأ تاني ونحاول ومنستسلمش وناخد بالأسباب اللي قدامنا بدون كسل أو إحباط وصدقيني ربنا كريم لأوسع الحدود 💚

أنا مقدّرة زعلك بجد وعارفة قد إيه النقطة دي بتضايق ربنا يربط على قلبك يا ربّ 💚 محتاجين بس نبص لنفسنا بعين الرضا ونكبّر مخنا من كلامهم خالص ، ربنا -سبحانه وتعالىٰ - خالق الخلق في أحسن صورة رزق كل بني آدم بالخير والأصلح له ، ف إحنا نبص لنفسنا إننا أحسن صورة ربنا خلقها .. طولنا وجسمنا ولون بشرتنا وشكل شعرنا وكل حاجة ربنا خلقها جميلة ف منبصش بمعايير الناس المريضة نبص بنظرة رضا كدا هنلاقي كل حاجة جميلة حقيقي ، وربنا خلق جوا كل حد فينا جمال من نوع خاص متطلب مننا نركز مع نفسنا ونحبها ونثق فيها أنتِ جميلة وجواكِ جمال يمكن محدش يعرفه غيرك أنتِ حبي نفسك وثقي بيها ومتشغليش دماغك بكلامهم وقدمي لنفسك كل الحب ومتحتاجيش حاجة من حد 💚

الحمدُ للّٰه بخير في نِعم يا عسّولة 💚 لاء أنتِ صح الشغل شغل والهزار هزار ولو خلطنا بين الإتنين كدا الشغل هيخرب ، بس بصي أوقات كدا المواقف بتتطلب ذكائنا يعني أنا ممكن أبقا ممشيّة شغلي مظبوط وكل حاجة تمام بس ف نفس الوقت ولا بتعصب ولا بزعل حد مني ولا حاجة هي بتفرق بس ف الأسلوب نخلي أسلوبنا لطيف ولو منفعش اللطف مع الناس نرجع للوش الخشب بقا فهماني ؟

عليكم السلام ورحمة اللّٰه وبركاته يا عسّولة 💚 الحمدُ للّٰه بخير في نِعم ما هو مفيش حل غير تقولي لاء ، لكن لو فضلتي حاطة السبب دة حِجة ولاء مش هعرف أقول لاء هيفضل يستغلك ، وبردو أنا معرفش السبب إيه ربنا يصلح حالك 💚

أشعر بالخوف يا شيخ. ج / إن كان من الله، فضاعف هذا الخوف. وإن كان من العباد، فالله يملك رقابهم وبيده نواصيهم. وإن كان من المجهول، فالله سبحانه كتب ما هو كائن إلى يوم القيامة وهو معنا أينما كنّا. الشيخ سالار حسو