Youth focus

"ቃልህን መርሳት ነው ጎዶሎነት መጸለይ ማቆም ነው ድርቀት መንፈስህን መተው ነው ቅዥት ውሎ ማደር አንተ በሌለህበት አንተን ማጣት ነው ብቸኝነት ሳይሰሙህ መውጣት ነው ዙረት ያለድምጽህ መስራት ነው ክስረት ውሎ ማደር አንተ በሌለህበት" ዘማሪት አስቴር አበበ እስቲ እጅግ ከመገኛችን እየራቅን ብለን ለዚህ ዘመን ሰዎች ምን ያህል እየከሰርን እንዳለ የሚያሳይ ድንቅ ዝማሬ ነው። ኑሯችን ሁሉ ጠቢብ ሰለሞን እንዳለው ንፋስን መከተል ሆኖብናል ምንም ፋይዳ ለሌለው ነገር እንዲሁ መልፋት፣ ታች፣ እላይ ማለት ምን ለማትረፍ ይሆን? ማብቂያ የሌለው ፍለጋ፤ እርካታ የሌለው ጥማት፤ በቃኝ የማያውቅ ቀዳዳ......

መክብብ 3:14 NASV [14] እግዚአብሔር ያደረገው ሁሉ ለዘላለም እንደሚኖር ዐውቃለሁ፤ በእርሱ ላይ ምንም አይጨመርም፤ ከእርሱም ምንም አይቀነስም፤ ሰዎች ያከብሩት ዘንድ ይህን አደረገ።

ዕብራውያን 13:8 NASV [8] ኢየሱስ ክርስቶስ ትናንት፣ ዛሬም ለዘላለምም ያው ነው። https://bible.com/bible/1260/heb.13.8.NASV

ኢሳይያስ 53:5 NASV [5] ነገር ግን እርሱ ስለ መተላለፋችን ተወጋ፤ ስለ በደላችንም ደቀቀ፤ በእርሱ ላይ የወደቀው ቅጣት ለእኛ ሰላም አመጣልን፤ በእርሱም ቍስል እኛ ተፈወስን። https://bible.com/bible/1260/isa.53.5.NASV

ትላንት የበአል ለታ ማታ ወደ አስራአንድ ሰአት አካባቢ ለሆነ ጉዳይ ከቤት ወጣ ብዬ ስመለስ የሰፈር ልጆች በየፊናቸው እየተጫወቱ ተመለከትኩ ካሉት ልጆች መሐል የሁለት ልጆች ጨዋታ ቀልቤን ሳበው ቴኒስ እየተጫወቱ ነበር ህጉን እና አጨዋወቱን በወጉ ባያውቁበትም እንዲያው ሲደረግ እንዳዮት ኳሷን ወደላይ እየወረወሩ በራኬት ለመምታት መሞከሩን ተያይዘውት ነበር ከሚጫወቱት መካከል አንዱ በደንብ ሲመታ አንዱ ደግሞ ብዙም የመምታትም ሆነ የመከላከል አቅም የለውም እንዲሁ እንዱ አርቆ ሲመታ ሌላው አሳጥሮ ሲሰርብ ኳስ እና ራኬት ማገናኘት ትግል ሲሆን እንዲሁ ያለምንም ህግ እና ስርአት ሲጫወቱ ሜዳው ዳር ሆኜ እንደ ድንገት አንድ ሐሳብ ብልጭ አለ።  "unequally yoked" ያለአቻ መጣመር በሚል ግርድፍ ትርጉም መተርጎም ይቻላል ይቃል መጽሐፍ ቅዱስ 2ቆሮ6:14  ላይ የሚገኝ ሐሳብ ነው ሁለት ሰዎች አብረው በግንኙነት መጓዝ የሚገባቸው ከሆነ ከእነሱ ጋር እኩል ሊሄድ የሚችልን አጋር መምረጥ ይኖርባቸዋል በተለይ ትዳን በተመለከተ ችግር የለውም በሗላ ይስተካከላል ስንጋባ ይለወጣል በሚል ጥበብ በጎደለው ውሳኔ ብዙዎች ሕይወታቸውን በሙሉ ለእድሜ ዘመን ጸጸት አሳልፈው ሰተዋል፣ አብሮ ከማይሄድ ሰው ጋር መጣመር ለተፈጠርንበት አላማ እና ጥሪ ላለመኖር ዋነኛ ምክንያት ነው። ትክክለኛ አጋርን መምረጥ አለመቻል ለሕልም እና ጥሪ ጥሩ አጋርን አለማግኘት ከሕይወታችን አላማ መኮብለል ይሆንብናል።  እስቲ አካባቢያችን ያሉ ትዳሮችን ተመልከቱ ቀርባችሁ ስታዮ እና ስትሰሙ የሚሆናቸውን ሰው ሳይሆን እንዲሁ በቃ ከብዙ ጭቅጭቅ የተነሳ እንደማይሆናቸው እያወቁ የወሰኑት ውሳኔ ነው የአንድ ወገን ፍላጎት  ደግሞ መቼም ቀጣይነት ያለው ህብረትን አይፈጥርም።  እናማ ትዳር ውስጥ ተገብቶ፣ ከማይሆን ሰው ጋር ተጣምሮ በሗላ አስተካክላለሁ ማለት እንዲሁ ዘበት ነው። መፍትሄው የፍቅር ውሳኔን ስንወስን በመጀመሪያ ልናጣራው እና ልናውቀው የተገባን ነገር ነው።

ጌታ ወደ እኛ ሕይወት ከሚስባቸው በቀር ወደ እኛ ሕይወት የሚመጡ ትክክለኛ ሰዎችን ማግኘት እጅግ ከባድ ነው። ሳሙኤል ከበደ