Башҡорт донъяһы

HAZINA этно-проектының Республика көнөнә бүләге - "Ерем" ❤️‍🔥

Тыуған яҡтың, һөйгән йәрҙең, дуҫтарҙың ҡәҙерен беләйек 😉 Видео: Лилиә Ғибәҙәтова.

Яңы көндө йылмайып ҡаршылайыҡ! 🥰 Фото: Елена Перминова.

📌 Республикабыҙға дан йырлайбыҙ бөгөн - Башҡортостаныбыҙҙың һәр төбәгендә байрам саралары үтте. Бөрйән районы Иҫке Собханғол ауылында ошо айҡанлы матур концерт ойошторғандар.

Һеҙҙә нисек билдәләнеләр? Яҙығыҙ!

"Башҡорт моңо, башҡорт ҡурайына Алҡышламай бөгөн ҡай тараф?"

Рауил БИКБАЕВ, Башҡортостандың халыҡ шағиры. Видео: Нурсолтан Зарипов.

📌 Яңыртылған күпер асылды. Ағиҙел аша аркалы күпер ремонттан һуң сафҡа индерелде. Хәҙер Өфөнән сығыу яғына тағы ике һыҙат өҫтәлде.

Был аркалы күпер 1956 йылдың 3 ноябрендә асылған булған. Ул саҡта Ырымбур һыу аға сығыу урыны ябыла, ә 1808 йылдан төҙөлгән плашкоут күпер һүтелә.

✅ Яңыртылған күперҙең арҡаһы төп нөсхәне теүәл ҡабатлай. Уның ике янына ҡоролманы төҙөгән йылдар тураһында мәғлүмәт яҙылған таҡта ҡуйылған.

Республикабыҙҙы һәм башҡорт халҡын донъяға танытыусы йәштәребеҙҙең береһе - Зарина Исламова, тай боксы буйынса чемпион, Рәсәйҙең спорт мастеры. 🔥

📌 Балаларға - республикабыҙ киләсәгенә иғтибар булды һәм буласаҡ. Башҡортостандың халыҡ шағиры, "Аҡбуҙат" журналының баш мөхәррире Лариса Абдуллина республика халҡын байрам ҡотланы.

Алыҫ араларҙан күңелдәрҙе йылытыр видео - "Башҡортостан" мотоуҡсылар полкы яугирҙарынан ҡотлау һүҙҙәре. Республикабыҙ, халҡыбыҙ һәм оло илебеҙ именлеге һағында булған барлыҡ уландарыбыҙ, тормош иптәштәребеҙ, атай-олатайҙарыбыҙ имен-һау булһын! ❤️

📌 Башҡортостан халҡын Республика көнө менән Радий Хәбиров ҡотлаған.

"Миңә Башҡортостанда тыуыу бәхете тейҙе. Республикабыҙҙа үҫеү, йәшәү һәм эшләү. Башҡортостаныбыҙ - ул күп быуатлы тарих, үҙенсәлекле мәҙәниәт, уникаль тәбиғәт. Ул көслө сәнәғәт һәм ауыл хужалығы. Фән һәм инновациялар. Даими алға барыу һәм бейеклеккә ынтылыш. Әммә иң мөһим байлығыбыҙ - бында йәшәгән кешеләр. Ҡаһарман геройҙар, баҫалҡы хеҙмәтсәндәр, талантлы артистар, шағирҙар, рәссамдар, спортсылар, ғалимдар. Барлыҡ республика халҡына - уңыштар, һаулыҡ, изгелек һәм сәскә атыуҙы теләйем! Республика көнө менән, ҡәҙерле ватандаштар! Иң ҙур байлығыбыҙ – берҙәмлек. Бер төптән булһаҡ, бер һынау ҙа беҙҙе бөгә алмаҫ. Заман елдәренә бирешмәй, тағы ла көслөрәк була барырбыҙ. Байрам менән! Тыуған еребеҙгә, татыу халыҡтарыбыҙға яҡты өмөтлө киләсәк теләйем",

- тип яҙған сәхифәһендә Радий Фәрит улы.

Барығыҙҙы ла Республика көнө менән тәбрикләйбеҙ! Сәскә ат, Башҡортостан! 💙 🤍 💚

БАШҠОРТОСТАН РЕСПУБЛИКАҺЫ КӨНӨ МЕНӘН!❤️ Республика халҡы өсөн иң мөһим байрамдарҙың береһе бөгөн. 1990 йылда Башҡортостан Республикаһының дәүләт суверенитеты тураһында декларация ҡабул ителгән.

Әйткәндәй, был ваҡиғаға теүәл 35 йыл.

Күркәм байрам менән барыһын да тәбрикләйбеҙ һәм илгә именлек, аяҙ күк йөҙө, һәр кемебеҙгә һаулыҡ, бәхет теләйбеҙ! Башҡортостан, алға! 💙🤍💚

Мәңге йәшә, ҠУРАЙ❣️

Аяҡтар үҙенән-үҙе тыпырлай💃 Ҡурай көнөнә концерт башланырға тора...

Ҡурай моңондай оҙон ғүмер теләйбеҙ!

Бына шундай матур теләк менән Йәмил Баймырҙин һәм Динар Абдуллин "Хәйбулла маршы" башҡорт халыҡ көйөн уйнап ишеттергән.

📌Башҡортостан Башлығы Радий Хәбиров 2025 йылда Салауат Юлаев исемендәге дәүләт премияларын тапшырыу тураһындағы Указға ҡул ҡуйҙы. 💯Әҙәбиәт, сәнғәт һәм архитектура өлкәһендә премияға лайыҡ булыусылар: ✅Андрей Стариков, Башҡортостандың Инфраструктур һәм социаль проекттарҙы тормошҡа ашырыу фонды генераль директоры – “Көрәш һарайы” спорт әҙерлеге үҙәгенең архитектура проекты өсөн. ✅Әмир Мәжитов (Өфө сәнғәт институты деканы) һәм Йәлил Сөләймәнов (Өфө сәнғәт училищеһы уҡытыусыһы) – “Ер хәтере. Урал көсө” исемле сәнғәт әҫәрҙәре серияһы өсөн. ✅Айгиз Баймөхәмәтов, Башҡортостан Яҙыусылар союзы рәйесе – “Ҡош булып ҡайтырмын” повестар йыйынтығы өсөн. ✅Сулпан Асҡарова, Башҡорт дәүләт филармонияһы баш режиссеры – театрлаштырылған “Салауат тоҡомдары” тамашаһы өсөн.

Башҡортостан Башлығы Радий Хәбиров указына ярашлы, 2023 йылдан алып Салауат Юлаев исемендәге дәүләт премияһы йыл һайын тапшырыла. Һәр премияның күләме - 1 миллион һум.

❓Ҡурай тауышы ниндәй йышлыҡта тирбәлә, 432 герц һәм 440 герц төҙөлөшө нимәһе менән айырыла? Был турала Башҡортостандың халыҡ артисы Ринат Рамаҙанов һөйләй. Видео: Айгөл Вәлиева, БР Милли музейы хеҙмәткәре.

Әбйәлил районы ҡаһарман улын онотмай! 🔥

💯Бөгөн Әбйәлил районы үҙәге Асҡар ауылында Рәсәй Геройы Тамерлан Илһамовҡа бюст ҡуйылды.

🎖️Тамерлан Айсар улы Илһамов 1994 йылдың 22 июнендә Асҡар ауылында тыуған. Советтар Союзы Геройы Таһир Кусимов исемендәге гимназияла белем ала. 2022 йылдың февраленән үҙенең подразделениеһы составында Украинаның көнсығышында махсус хәрби операцияла ҡатнаша. Тамерлан Илһамов етәкселек иткән һалдаттар 2022 йылдың июлендә һауанан һөжүм иткән дошмандың туғыҙ ракетаһын юҡ итә. Әммә прапорщик позицияһын үҙгәртергә ниәтләгәндә, уларға ике ракета тейә. Тамерлан Айсар улы хәрби иптәштәре менән бергә һәләк була, әммә үҙ ғүмерен ҡорбан итеп, бөтә подразделениеның шәхси составын юғалтыуға юл ҡуймай. 🎖️Хәрби бурысын үтәгәндә күрһәткән батырлығы һәм ҡаһарманлығы өсөн Тамерлан Илһамовҡа үлгәндән һуң Рәсәй Геройы исеме бирелә. 2022 йылдың 1 авгусында Башҡортостан Башлығы Радий Хәбиров Геройҙың Алтын Йондоҙон әсәһенә тапшырҙы.

Махсус хәрби операцияла ҡатнашыусы ил һаҡсыларыбыҙ беҙҙе байрам менән тәбрикләй.

М. Ғөбәйҙуллин исемендәге 2-се мотоуҡсылар батальонынан "Сәләх" ҡушаматлы яугир Ҡурай көнө һәм Республика көнө уңайынан моңло бүләк юллаған.💙🤍💚