د/ مريم عبد القادر

البنت بتقولكم انها لما جات السيشن الدكتورة قسمتلها الخطة لـ 3 حاجات وقالت لها دول أساس التعايش مع الفيبروميالجيا في كل العالم *1. تنظيم النوم والطاقة* ده أهم حاجة قالت لها تنام وتصحى في نفس المعاد كل يوم حتى في الإجازة. تبعد الموبايل قبل النوم وتعمل روتين هادي زى دش دافي أوضة ضلمة تنفس عميق لأن قلة النوم بتزود الألم 10 أضعاف *2. حركة خفيفة مش عنيفة* مش جيم تقيل. مشي خفيف 15-20 دقيقة، سباحة تمارين إطالة. في الأول هتوجع، بس بعد أسابيع الجسم بيبدأ يفك هيه كانت بتبدأ بـ 5 دقايق بس في اليوم *3. تهدئة الجهاز العصبي* التوتر هو الزرار اللي بيعلي الألم. سلمى اتعلمت حاجتين - تكتب مشاعرها كل يوم 10 دقايق بدل ما تكتمها - تعمل تمرين تنفس: شهيق 4 ثواني، حبس 4، زفير 6 والأهم من كل ده طلبت منها متابعة مع دكتور روماتيزم ومناعة + متعبة واستمرار على التأهيل النفسي علاج الألم نفسيا عشان المرض ده محتاج فريق مش دكتور واحد. وفيه علاجات دوائية وغير دوائية الدكتور بيختارها حسب حالتك فمهم جداً متاخديش أي دوا من تجربة حد تاني هيه النهاردة لسه بتتعب بس بقت عارفة تتعامل مع الموجة بدل ما الموجة تغرقها تمت قصة حقيقية فيبروماليجيا ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

٨اللي محدش بيقوله عن الفيبروميالجيا إنك بتحاربي على جبهتين في نفس الوقت *جبهة جسمك وجبهة الناس* هية وصلت لمرحلة كانت بتصحى الصبح مش عارفة هتلبس إزاي من كتر ما كتفها واجعها وفي نفس الوقت بتفكر هترد تقول إيه لما حد يقولها "انتي شكلك كويس أهو بطلي كسل" في يوم انهارت كانت في عزومة عيلة وكلهم بيضحكوا وهي قاعدة حاسة بدوخة وضباب في دماغها - اللي بنسميه "fibro fog" - مش قادرة تجمع جملة على بعضها طنط قالت ما تقومي تساعدينا بدل القعدة دي قامت دخلت المطبخ ووقعت طبق من إيدها من غير قصد من كتر ما إيدها منملة ساعتها عيطت مش عشان الطبق عشان حست إنها بقت عبء روحت بيتها وقررت تعمل وقفة كتبت ورقة وقسمتها نصين *على اليمين حاجات بتزود الوجع* - السهر - إني أقول "آه موافقة" وأنا تعبانة - القهوة الكتير والسكر - إني أفضل متكتفة طول اليوم - إني أفضل أفتح كلام الناس اللي بيوجع *على الشمال حاجات بتهدي الوجع شوية* - حمام دافي قبل النوم - إني أقول لجوزي أو ماما "أنا النهاردة طاقتي صفر محتاجة مساعدة" - المشي البطيء - إني أسامح نفسي لو اليوم باظ - صحاب بتصدقني من غير ما أثبت حاجة وبدأت رحلة التصالح روحت لدكتورتى وقلت لها: أنا تعبت من إحساس الذنب الدكتورة قالت لها جملة عمرها ما نسيتها > "الفيبروميالجيا مش بتاخد منك صحتك بس، بتاخد ثقتك في نفسك. علاجك مش دوا بس، علاجك إنك ترجعي تصدقي جسمك تاني." ساعتها عملت اتفاق جديد مع اللي حواليها بعتت رسالة واحدة لجروب العيلة والشغل "يا جماعة أنا عندي مرض مزمن اسمه فيبروميالجيا، بيعملي ألم في عضلاتي وتعب طول الوقت. مش معدي ومش خطير بس بيخليني أيام مش قادرة أعمل حاجات عادية. أنا مش بطلب شفقة، بطلب بس لما أقول إني تعبانة تصدقوني، ولما أعتذر عن خروجة تعرفوا إني فعلاً مش قادرة مش زعلانة منكم ناس كتير مردتش وناس قليلة جداً قالت "سلامتك احنا جنبك" ودول اللي كفاية النهاردة بقالى سنة ونص متشخصة ولسه بتوجع؟ آه لسه بتعب من كلام الناس؟ ساعات بس الفرق إنها بطلت تحارب الوجعين لوحدها بقت لما تتعب جسدياً تريح جسمها من غير ما تجلد نفسها نفسياً وعايزة أسيبلك 3 جُمل تثبتيهم على التلاجة 1. *أنا مش بتدلع أنا بتعايش* 2. *راحتي مش أنانية، دي علاج* 3. *اليوم الوحش مش معناه حياة وحشة دي موجة وهتعدي* قصة حقيقية فيبروماليجيا ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

بعد ما لفيت ع الدكاترة وخلاص عرفت اسم الل عندي، افتكرت إني هرتاح... طلع التعب الحقيقي لسه بيبدأ. كنت بشتغل في مكان والحمد لله المدير كان طيب بس مش فاهم. كنت بطلب أقوم أتمشى 5 دقايق كل ساعة عشان جسمي بيخشب، كان بيبصلي كأني بتهرب من الشغل. في يوم مقدرتش أرفع دراعي من الوجع، طلبت أروح بدري. زميلة قالت بصوت واطي بس سمعته: "ما كلنا تعبانين يعني، هي بتدلع". ساعتها فهمت إن الفيبروميالجيا مش بس وجع جسم، وجع إنك طول الوقت محتاجة تبرري إنك موجوعة. قررت اسمع كلام دكتورتى و أعمل 3 حاجات غيرت حياتي: بطلت أشرح لكل الناس تعبى مش كل الناس هتفهم، ومش مهم يفهموا. بقيت أقول جملة واحدة بس .. عندي حالة مزمنة بتعملي ألم عضلي وإرهاق، زي أي مرض مزمن. اللي يحب يفهم هيفهم، واللي مش عايز خلاص. اتفقت مع جسمي بدل ما أحاربه اروضه زمان كنت بعند، لو تعبانة أنزل وأخرج وأقول هبقى كويسة. دلوقتي بقيت أسمعه. يوم طاقتي 80% بعمل كل اللي ورايا. يوم طاقتي 20% بسمح لنفسي أرتاح من غير تأنيب ضمير. بقيت أعمل To-Do List صغيرة جداً 3 حاجات بس في اليوم. لو عملتهم ببقى بطلة. لقيت مجتمع صغير دخلت جروب بنات عندهم فيبروميالجيا على فيسبوك. أول مرة حسيت إني مش لوحدي. واحدة كاتبة: "حاسة إن جسمي مضروب بشاكوش" نفس الجملة اللي كنت بقولها لنفسي ومكسوفة أقولها. روتيني دلوقتي اللي الدكتورة ساعدتني فيه الصبح: دش دافي + تمارين إطالة 10 دقايق بس، مش جيم عنيف. الضهر: بمشي ربع ساعة في الشمس. بالليل: بمنع الموبايل قبل النوم بساعة، وبعمل تمارين تنفس عشان أنام. النوم هو العلاج رقم واحد عندنا. وفي أيام انتكاسة، بعيط وبتعب وبقول ليه أنا؟ بس بقيت عارفة إنها موجة وهتعدي. الانسانة اللي كانت بتستحمل عشان متقولش "لأ" لحد، اتعلمت تقول "لأ" عشان نفسها. لو انتي زيى، عايزة أقولك.. انتي مش كسولة. انتي مش بتدلعي. انتي بطلة عشان مستحملة وجع مش متشاف كل يوم وبتكملي. قصة حقيقية فيبروماليجيا ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

اسمي سلمى، عندي 31 سنة. صحيت في يوم عادي جداً، جسمي كله بيوجعني كأني كنت بجري طول الليل. قلت برد عادي وهيروح. مراحش. أسبوع، اتنين، شهر... كل يوم بصحى كأني مضروبة. رقبتي، ضهري، كتافي، حتى صوابع إيدي. ومعاه إرهاق فظيع، أنام 10 ساعات وأصحى تعبانة أكتر. لفيت على كل الدكاترة. تحاليل دم زي الفل. أشعة مفيهاش حاجة. دكتور يقولي: انتي بتدلعي. دكتور يقولي: ده اكتئاب. حد قالي: انتي محسودة. بدأت أشك في نفسي، هو أنا بجد بتخيل؟ هو أنا بقيت كسولة؟ لحد ما دكتورة مريم قالتلي كلمة أول مرة أسمعها: *فيبروميالجيا.* مرض مزمن بيخلي الجهاز العصبي يترجم أي إحساس عادي على إنه ألم مضاعف. مش التهاب، ومش بيبان في التحليل، عشان كده محدش بيصدقه. ملهوش علاج نهائي بيخفيه، بس ليه إدارة: نوم منتظم، حركة خفيفة زي المشي والسباحة، تقليل التوتر، وأكل صحي، وبعض الأدوية اللي الدكتور بيكتبها عشان تهدي إشارات الألم. أهم حاجة اتعلمتها؟ إن الوجع حتى لو مش متشاف، فهو حقيقي. وإني مش محتاجة أثبت لحد إني موجوعة عشان أستحق الراحة. أنا لسه بتعب، في أيام بقع خالص ومش بقدر أقوم من السرير، وفي أيام ببقى كويسة وبحاول أعيش عادي. لو انتي بتحسي بنفس الأعراض دي: وجع متنقل في الجسم كله بقاله أكتر من 3 شهور، إرهاق مستمر، نوم مش مريح، زغللة وعدم تركيز... متسكتيش وقولي "هتعدي". يتبع قصة حقيقية فيبروماليجيا ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

وحشتووووونى كتير وشكرا للناس الجميلة الل افتقدتنى وحسيت بغيابى وسألت عليا ♥️♥️♥️♥️♥️♥️♥️

يا امهات يا قمرات لخبطة النوم أثناء الأيام الاولى للمدرسة شييييييئ طبيعى كنا متعودين نسهر وننام متأخر مفيش مشكلة يناموا شوية فى وسط النهار ويصحوا ويناموا متأخر مفيش مشكلة خاااالص ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

دائما يأتى الامل من داخل الألم يتعجب الانسان من سريان الأحداث بشكل مخالف لأهواءه .. ولا يعلم أن هذا الترتيب هو سر نجاته دائما عُد الى الله استسلم لأمره انتظر عطاياه ف فيها الخير العظيم بحبكم فى الله د/مريم عبد القادر https://whatsapp.com/channel/0029Vb7aLHVGehEG6ehsIH2A

اقدار الله تأتي في الوقت المناسب دائما ما ندعو دعوات ودعوات ونترجى الله ان يؤتينا شيء في وقت معين وهيهات لا قبول ولا رساله ولا اي حاجه واحنا نقعد نستعجل المؤمن بقى بيبقى واثق في ربنا ان الفرج جاي وان الدعوه هتتقبل بس امتى مش عارفين فمضطر يبقى عنده تسليم وصبر وانتظار لأمر الله لحين حدوث الشيء المرغوب او الدعوه المطلوبه وقت ما تيجي بقى يااااه على فرحه الانسان بقبول دعوته ولانها مش هتجيله غير في وقت مناسب وفي وقت يكون في اعز الاحتياج لها فعلا وفي وقت مُحكم ومرتب للغايه ف بيفرح بيها ويتفاجئ ويشكر ربنا وينعم ويستمتع بالدعوه تقبل الله دعواتنا واياكم ورزقنا الله فرحه القبول في الوقت المناسب مع الرضا والتسليم لامر الله احبكم في الله وحشتوني كثير وانتظروا الجديد ساعة لقلبك للاستشارات والتدريب د/ مريم عبد القادر https://whatsapp.com/channel/0029Vb7aLHVGehEG6ehsIH2A

ربنا سبحانه وتعالى خلقنا مختلفين مفيش حد فينا بصمته زي الثاني ولا تفكيره زي الثاني ولا عقليته زي الثاني ولا ادراكه زي الثاني ولا استيعابه زي الثاني وعشان كده ممكن حد يحكي موقف قدامنا وكل واحد فينا ياخده بمعنى مختلف تماما تماما وبناء على اختلاف المعنى .. اذا بقى في فكر مختلف وتفسير مختلف واكيد اكيد اكيد رد فعل مختلف عشان كده بليز يا جماعه ادرسوا انماط شخصيه .. اقراوا عنها في ناس بتفهم بدماغها .. بودانها وناس بتفهم بعينيها وناس بتفهم بمشاعرها وبين هذا وذاك وتلك في ارواح بتروح ونفسيات بتدمر وحياه بتتهد وخلافات قائمه ليوم الدين الدراسه مش عيب والعلم مش عيب ان انا اتعلمه وابقى عارفه ان انا محتاج اقوي نفسي في الزاويه دي عشان اعرف اتعامل مع الاشكال المختلفه في حياتي اعتبارا من ان العائلات مختلفه ما هو احنا مش كلنا قالب واحد ومش كلنا بنفسر الكلام بنفس المعنى وده مش معناه ان انتى مش فاهماني اذا انت وحشه اطلاقا ولا انا مش فاهماكي فانا وحشه اطلاقا الموضوع مختلف تماما كله بيفهم بطريقته وكله بيحلل بمستوى فهمه وفي النهاية رد الفعل الل بيختلف لان في ناس بتبقى عادي ..ترجمه الجمل قدامها او الكلمات بتبقى سهله وبسيطه وفاهمه الانسان على حقيقته فمهما خرف قدامهم هما فاهمين وفي ناس بتبقى قاعده في وضع الاستعداد والهجوم لو قالت كلمه انا عارف قصدها السيئ وعارف نيتها السيئه وعارف قصدها القا.تل برده وهنا في الزاويه الايجابيه وفي الزاويه السلبيه كل واحد بقى مع فهمه وادراكه الدنيا بتبقى خربانه على الاخر بليز افهموا بعض افهموا كل واحد بيفهم الكلمه ازاي مفيش مشكله اني ابرر لك طالما انتى تهميني .. لو متهمنيش خلاص يلا مع السلامه باي باي شايفاني كده .. انا ابو كده ولا يهمني طالما انتى ما تهمينى بليز .. انا دايما اقول للناس متبرروش لكن العلاقات الل محتاجينها حاولوا مش بشكل كبير بس فهموا الل قدامكم مره واثنين وثلاثه بس .. انتم قصدكم ايه لو مفهموش بعد كده حاولوا تقللوا احتكاكات عشان نقل المشاكل ومع الوقت والمحاوله ومحاوله توضيح طريقه فهمك للطرف الاخر هتلاقي الدنيا بتفك شويه بشويه ف هنا جاية اقولك برري بعض الشيء للناس الل تهمك .. الل متهمكيش يلا بالسلامه وشد الباب وراك من واقع جلساتى ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

الناس عايزه تعيش في سلام وامان والدنيا تبقى لطيفه والراجل نفسه الدنيا تبقى حلوة وهادية ومراته مش نكديه خالص والست نفس الموضوع عايزة ولادها متربيين وهاديين ومؤدبين وبيسمعوا الكلام و الدنيا كلها تبقى بيييس وحلوه خالص كله عاااايز دا بدون اي مجهود يعني الست يا حاج الل نكديه ومش لطيفه وبتعمل دوشه انت فقدتها احتياج مهم من احتياجاتها الاساسيه فبقت مضطربه فبقت نكديه ومش عاجباك وانتى يا ست الناس ولادك الل مش مؤدبين ولا هاديين ولا بيسمعوا الكلام هما كمان ناقصهم احتياج مهم من احتياجاتهم الاساسية مش بياخدوه عشان كده هما متعفرتين ف ازاي كل واحد فينا حارم التانى من احتياجه الرئيسي الل هو مرتبط بيه في علاقه ايا ما كان نوعها حارمه من الاحتياج وعايز رد الفعل الحلو .. طب ما تبص على الل انت بتقدمه عمرك في حياتك ما تقدم خير وامان وتلاقي شر الا لو الشخص الل قدامك غير سوي .. وانا مش بتكلم عن الغير اسوياء .. انا بتكلم عن العادي وانتى يا ست الام العسل ولادك عمرهم ما هيبقوا شادين ومجننينك الا عشان مش بياخدوه فتعالوا كده نتكلم مع كل طرف في العلاقه الل احنا فيها و عايزينها تبقى هاديه انت محتاج ايه وانا محتاجه ايه ونحاول نتفق على حاجة واحده بس من الاحتياجات ونشوف النتيجه بعد اسبوع اتنين تلاته واوعدكم هتلاقوا الدنيا غير ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

سألتنى بتسجلى السيشن ؟ قولت لها لا بخط إيدها الكلمتين الل فى الصورة ودا طبعا من كتر الخذلان الل عاشته فى حياتها مفيش علاقة دخلت فيها كانت آمنه الشخصيات المريضة الل قابلتها علمتها اختياراتها كلها للأسف كانت غلط والنتايج كانت قاسية جداااا ف اتحولت لكائن تانى مشوه غريب كتوم مش فاهم نفسه مش شايف حاجة كويسة مش مصدق ان فى ناس كويسة لسه رفقا بقلوب الناس لان مستحيل تتخذل وهي مقدمتش خير لازم تكون اعطت كتير وحاوطت ودعمت وافنت حياتها للناس الل كانوا فى دايرتها احفظوا الجميل ارحموا مشاعر الناس وليها لازال الخير موجود بس لاااااازم تتغيرى وتواكبى تطورات الحياة ومتعطيش غير لما تاخدى ومتقدميش حد عليكى لأنه هيستقِل بيكى انتى جميلة وربنا خلق فطرتك دى عشان تحافظى عليها مش عشان تبعتريها للى يسوا والل مايسواش من واقع جلساتى ساعة لقلبك للاستشارات والتدريب د/ مريم عبد القادر https://whatsapp.com/channel/0029Vb7aLHVGehEG6ehsIH2A

سألتنى بتسجلى السيشن ؟ قولت لها لا بخط إيدها الكلمتين الل فى الصورة ودا طبعا من كتر الخذلان الل عاشته فى حياتها مفيش علاقة دخلت فيها كانت آمنه الشخصيات المريضة الل قابلتها علمتها اختياراتها كلها للأسف كانت غلط والنتايج كانت قاسية جداااا ف اتحولت لكائن تانى مشوه غريب كتوم مش فاهم نفسه مش شايف حاجة كويسة مش مصدق ان فى ناس كويسة لسه رفقا بقلوب الناس لان مستحيل تتخذل وهي مقدمتش خير لازم تكون اعطت كتير وحاوطت ودعمت وافنت حياتها للناس الل كانوا فى دايرتها احفظوا الجميل ارحموا مشاعر الناس وليها لازال الخير موجود بس لاااااازم تتغيرى وتواكبى تطورات الحياة ومتعطيش غير لما تاخدى ومتقدميش حد عليكى لأنه هيستقِل بيكى انتى جميلة وربنا خلق فطرتك دى عشان تحافظى عليها مش عشان تبعتريها للى يسوا والل مايسواش من واقع جلساتى ساعة لقلبك للاستشارات والتدريب د/ مريم عبد القادر https://whatsapp.com/channel/0029Vb7aLHVGehEG6ehsIH2A

‏صورة من توتو السندريلا

وحشتوني كتير عميلتي المتعلقه كانت بنوته صغيره لأب وأم منفصلين نشأت في بيئه عاطفيه جافه ودرست واتعلمت ووصلت لسن الزواج وجالها شخص ملتزم وهي كمان كانت شخصيه ملتزمه وحبته جدا جدا باعتباره اول ذكر يدخل حياتها ويكون قريب منها ويكون معاها ويعيشوا مع بعض في مكان واحد اتعلقت بيه جدا لدرجه غير طبيعيه ابرز حاجه في قصتها انها كانت من ذوات الشعر الكيرلي وكانت تقوم بالليل لما تقلق تدخل التواليت وتسرح شعرها وتحط ميك اب وتتذوق وترجع تنام في حضنه تاني طبعا عشان يبقى شايفها طول الوقت حلوه وميسيبهاش ويفضل معاها ومتتحرمش منه ويتعلق بيها ويحبها زي ما هي بتحبه وفضلت على الوضع ده فتره وربنا اكرمهم بطفله وتعلقها به زياده اكثر وبقى تحوط عليه اكثر واكثر لغايه ما اكتشفت بعد وقت كبير ان هو بيكلم حد تاني(أنثى غيرها) وباعتبار انه ملتزم فداخل في قصه زواج على طول على الرغم ان هما ماديا مش احسن حاجه ويدوب ممشيه البيت كفافا ولكنه اعجب بيها وخطبها و بالفعل كتب كتاب وبعد وقت اختلف معاها ولما اختلف معاها الامر بدا يتعرف وهنا هي عرفت وانهارت واتدمرت واتكسرت وحست ان حياتها كلها مكنتش كويسه وان كل الل عملته عشانه مكانش كافي ان هو يفضل معاها ويحبها اضافه الى ان الست الثانيه دي واهلها اختلفوا معاه وحصل بينهم أمور ولازم يتطلقوا المهم وهو بيطلق اختهم اختلفوا وهما بيتكلموا على الاتفاقات ومراسم الانفصال .. بهدلوه وضربوه وأصابوا راسه وتم نقله للمستشفى ودا حصل في مكان عام وبالكاد الناس لحقوا يخلصوه منهم وكان في حالة يرثى لها وطبعا هي(المتعلقة) بين انهيارها انه كان متجوز وهي متعرفش وانهيارها ان هي كانت متعلقه بيه وهو جرحها وانهيارها ان هو تعبان وممكن يموت منها وهو ده الشخص الوحيد الل في حياتها طبعا عاشت ثلاث صدمات جُداد خلاف الماضي خلاف الل فات خلاف الل عاشته وهي طفله خلاف الل مرت بيه في حياتها بشكل عام الثلاث صدمات دول وصلوها لحاله جلطه ووقف في اجزاء معينه في جسمها عن الحركه وتم تحويلها ليا من قبل احدى دكاتره المخ والاعصاب وبفضل الله تعالى تم التعامل مع الحاله نفسيا وجسديا بشكل جميل جدا بفضل ربنا وفي وقت قياسي مكنتش اتوقعه ومكنتش اتخيل ان الموضوع بفضل الله يعدي كده ولازالت بتتعافى نفسيا لكنها جسديا بقيت احسن وبتتحرك الحمد لله وربنا مَن عليها بالتعافي الجسدي ودعواتكم ليها ربنا يمنن عليها باكتمال التعافي النفسي النهائي ومتتعلقوش متتعلقوش متتعلقوش يا جماعه اسوء حاجه في الدنيا التعلق ساعة لقلبك للاستشارات والتدريب د/مريم عبد القادر https://whatsapp.com/channel/0029Vb7aLHVGehEG6ehsIH2A

وحشتونى خالص يا قمرات وجيالكم بخبر جميل جدا بفضل الله تم افتتاح فرع ؟؟ فرع اى؟ حذّروا فذّروا 🥰🥰 ساعة لقلبك جااااية لقمرات دمياط 🌟💥🌟💥🌟💥🌟💥 ساعة لقلبك للاستشارات والتدريب دمياط شربين المنصورة عقباااال ما الاسم يلف مصر كلها 💖💖💖💖💖💖💖💖 اللهم لك كل الحمد والشكر اللهم استعملنى ولا تستبدلنى محبتكم من كل قلبى د/ مريم عبد القادر

‏صورة من توتو السندريلا

خيانه XL الكورس الاول والفريد والوحيد على مستوى العالم الل هيتكلم عن الخيانه من الرجل ومن الست طول الوقت كنت بسمع خيانات كتير جدا جدا جدا من الراجل .. لغايه ما جيه الوقت اسمع خيانات كتير من الست وفي الغالب بيكونوا كانوا ناس بعيدين كل البعد عن الخيانه .. ولكن وقعوا فيها تفاصيل .. مُلابسات .. علاجات .. وقايات .. حكايات كل ده واكتر جاي في خبايا الكورس الفريد عشان كده بقول لاول مره اية الل هيتغير فى حياتى لما ادخل الكورس دا ؟؟ ترتيب افكارك بشكل جديد تعافي من خيانه من طرفك او من طرف حد تاني حمايه نفسيه تشتري بيها نفسك تاني تعيدي تقديرك تستردي ثقتك وتتعافى تماما من الصدمه هتعيشي حاله حريه عاطفيه هتفكى ارتباطك بالبني ادمين الل حواليكى هتحرري قلبك ومشاعرك من الالم والخذلان والانكسار والقهر هتبقي عارفه ازاى تحطي حدود ذكيه تحميكي انك تتخاني او تقعي في فخ خيانه مره ثانيه هتبقي فاهمه المخادع من اول نظره 〰️〰️〰️〰️〰️〰️〰️〰️ الحجز والتفاصيل 👇🏻👇🏻 https://wa.me/201069715474

"وان يوما عند ربك كالف سنه مما تعدون" كلنا بلا استثناء بنبقى عايزين لو عملنا تغيير نلاقي النتيجه فورا لو دعينا دعوه نلاقي الاستجابه فورا لو زرعنا زرعه نلاقي الثمره فورا لو ذاكرنا حاجه نلاقي نفسنا حفظناها فورا لو بنراجع قران نلاقيه يثبت فورا ف الل هو مبدا الاستعجال " ان الانسان كان عجولا " اتوصفنا بالاستعجال في القران لعِلم الله الاسبق ان احنا متسرعين وكل متسرع في سرعته بيجد الندامه وكل متأنى او متزن او منتظر بحسن ظن بيلاقي الصلاح والفلاح كل ما تلاقي نفسك مستعجله فكري نفسك بالايه دي .. متستعجليش ده اليوم بالف سنه عِدي بقى طبعا الاستجابه الل ربنا بيديها لنا بتكون اسرع من كده لكن احنا بنكون عايزين لو دعينا دلوقتي نلاقي الاستجابه بعد ساعه ف فين هنا الصبر وحسن الظن بالله وانتظار الخير من رب الخير حاولي تدربي نفسك كتير وكتير وكتير على الانتظار البطيء .. الانتظار والرضا صدقي ان ربنا هيعطيكِ وانتظري يديكي .. لكن امتى وازاي .. بقدرته سبحانه وتعالى.. مش بترتيبك .. مش بتفاصيلك .. مش بالخريطه الل انتى راسماها علشان تندهشي بعطائه وتفرحي بالحاجه لما تجيلك كان عندي اوراق مهمه كنت مستنياها بتاريخ معين وبعدين كان في يوم اجازه ففضلت متوتره ومتعصبه وازاي واليوم ده هيفرق وعايزة اروح قبل ما اروح مكان كذا وتواريخ وورق حكومي وقصص.. ف كنت عامله حسابي ان هي خلاص هتوصلني بكره بس الساعه 2:00 الظهر فمن كتر ما قاعده ادعي ادعي ادعي وطبعا عايزه الدعوه تيجي فورا .. ربنا كرمني وفاجئني بالمندوب جايبها الساعه 9:00 ص .. مندوب البريد فقعدت اشكر ربنا واتكسفت اوي من نفسي ان انتى يا مريومه مش صابره اعرفى ان طالما ربنا خلاكي تدعي بحاجه .. اكيد مش عشان يخليكي تتحرمي منها لا هتجيلك بس الصبر الكلام ده ليا وليكم .. ليا قوي وليكو انتو كمان ساعة لقلبك للاستشارات والتدريب د/ مريم عبد القادر https://whatsapp.com/channel/0029Vb7aLHVGehEG6ehsIH2A

"وان يوما عند ربك كالف سنه مما تعدون" كلنا بلا استثناء بنبقى عايزين لو عملنا تغيير نلاقي النتيجه فورا لو دعينا دعوه نلاقي الاستجابه فورا لو زرعنا زرعه نلاقي الثمره فورا لو ذاكرنا حاجه نلاقي نفسنا حفظناها فورا لو بنراجع قران نلاقيه يثبت فورا ف الل هو مبدا الاستعجال " ان الانسان كان عجولا " اتوصفنا بالاستعجال في القران لعِلم الله الاسبق ان احنا متسرعين وكل متسرع في سرعته بيجد الندامه وكل متأنى او متزن او منتظر بحسن ظن بيلاقي الصلاح والفلاح كل ما تلاقي نفسك مستعجله فكري نفسك بالايه دي .. متستعجليش ده اليوم بالف سنه عِدي بقى طبعا الاستجابه الل ربنا بيديها لنا بتكون اسرع من كده لكن احنا بنكون عايزين لو دعينا دلوقتي نلاقي الاستجابه بعد ساعه ف فين هنا الصبر وحسن الظن بالله وانتظار الخير من رب الخير حاولي تدربي نفسك كتير وكتير وكتير على الانتظار البطيء .. الانتظار والرضا صدقي ان ربنا هيعطيكِ وانتظري يديكي .. لكن امتى وازاي .. بقدرته سبحانه وتعالى.. مش بترتيبك .. مش بتفاصيلك .. مش بالخريطه الل انتى راسماها علشان تندهشي بعطائه وتفرحي بالحاجه لما تجيلك كان عندي اوراق مهمه كنت مستنياها بتاريخ معين وبعدين كان في يوم اجازه ففضلت متوتره ومتعصبه وازاي واليوم ده هيفرق وعايزة اروح قبل ما اروح مكان كذا وتواريخ وورق حكومي وقصص.. ف كنت عامله حسابي ان هي خلاص هتوصلني بكره بس الساعه 2:00 الظهر فمن كتر ما قاعده ادعي ادعي ادعي وطبعا عايزه الدعوه تيجي فورا .. ربنا كرمني وفاجئني بالمندوب جايبها الساعه 9:00 ص .. مندوب البريد فقعدت اشكر ربنا واتكسفت اوي من نفسي ان انتى يا مريومه مش صابره اعرفى ان طالما ربنا خلاكي تدعي بحاجه .. اكيد مش عشان يخليكي تتحرمي منها لا هتجيلك بس الصبر الكلام ده ليا وليكم .. ليا قوي وليكو انتو كمان ساعة لقلبك للاستشارات والتدريب د/ مريم عبد القادر https://whatsapp.com/channel/0029Vb7aLHVGehEG6ehsIH2A