Abdurahmon Meshayan

​​ТЎЙ ВА ЎЗБЕК Дунё ахли муттахам эмас- Сахий дея билар ўзбекни Хеч ким сўзинг ёлғондир демас Тўй камбағал қилар ўзбекни! Тушунмайман гохида бир дам Қиз узатмоқ байраммиё ғам? Ман-ман деган зўр бой бўлса хам Тўй камбағал қилур ўзбекни! Минг одамга едирмаса ош Гўё бўлур фақирлиги фош Кўз чиқарур қўяйин деб қош Тўй камбағал қилур ўзбекни! Дабдабаси эсдан оғдирар Кўз-кўз қилиб доллар ёғдирар Тўйдан кейин кўзи жовдирар Тўй камбағал қилур ўзбекни! Шаъриятда йўқдир "Чаллари" "Суннат туй" хам Исломдан нари Макрух, бидъат, хурофот, бари Тўй камбағал қилур ўзбекни! Андижонда асли қиз томон Қуда уйга тўй ўтган замон Қирқ кун ташир уч махал таом Тўй камбағал қилур ўзбекни! Тушунмайман зинхор ва зинхор Йўқми йигит томонда хеч ор Кулайму ё йиғлайму зор-зор Тўй камбағал қилур ўзбекни! Кўрдим тўй деб қарзга ботганни Қутулолмай ўзин осганни Сўкманг ушбу шеърни ёзганни Тўй камбағал қилур ўзбекни! Чақирмаса хофизлар зўин Ё бермаса зўрларга тўрин Гўё олар энг сўнгги ўрин Тўй камбағал қилур ўзбекни! Дейишади: Халқ нима дейди? Дейишмайди: Хақ нима дейди? Риёни деб бошини ейди! Тўй камбағал қилур ўзбекни! Хаттоки Лондонлик миллиардер Фарзандга камхарж қил тўйни дер Лек ўзбеклар... БИР КУН СОЧАР ҚИРҚ ЙИЛ ТЎКИБ ТЕР Тўй камбағал қилур ўзбекни! Увол қилиб нон-ошни хар он Исроф қилиб ту'й қил эй инсон- Дея ахир буюрмас ҚУРЪОН Тўй камбағал қилур ўзбекни! Дабдабани суй демас харгис Суйиб сўнгра куй демас харгиз Исроф қил деб буюрмас Хадис Тўй камбағал қилур ўзбекни! Шаъриятга амал қилса гар Киссасида тўла бўлгай зар Аммо бир хол юрагим эзар Тўй камбағал қилур ўзбекни! Ёмонликмас шеърдан муддао Бу аслида асрий муаммо Мехнат уни бой қилган. Аммо- Тўй камбағал қилур ўзбекни! Хасадданмас шоирнинг шеъри Ёзди оқиб манглайдан тери Минг афсуски юз йилдан бери Тўй камбағал қилур ўзбекни! @A_meshayan 13:42-14.11.2015 Абдурроҳман Мешаян

​​Вилоят ажратадиган разилларга Ўзбек-русни камситмас, Яҳудийга отмас тош. Ўтган замонни титмас, Арман билан ейди ош. Беҳудага немиснинг- Қонатмас у бурнини. Фақат ўз ўзбегига, Кўрсатар у ўрнини. Миллатчилик қилмайди, Хатто ғазаб онида. Аммо маҳаллийчилик, Бордир унинг қонида. Қашқадарёдан келса- Яшашгами ўқишга. "Ҳинду" деб Тошкентликлар, Бошлар уни чўқишга. Мен буларга қарасам, Миллий ғурур ўлгандир. Ахир Амир Темур ҳам, Шаҳрисабзлик бўлгандир. Бухорий-Бухородан, Бобур-Андижон ёқдан. Наҳот ажратолмаслар, Булар қорани оқдан? Қулагандир қачондир, Афсус Қўқон хонлиги. Аммо қуламагандир, Авомнинг нодонлиги. Ҳануз Фарғоналикнинг, Қўқонлик гўштин ейди: "Сен Қўқонликман дема, Бизлардан пастсан" дейди. Ўйламайди хонликнинг, Ўтмишда қолганини. Бу маҳаллийчиликдан, Мамлакат толганини. Ташқи душман керакмас, Ичдан ўзни ағдариб. Юрарлар бир-бировдан, Кир ва хато ахтариб. Дегим келар:"Ўзгага- Тиғ санчмасдан нимага. Ўз ўзбегинг эй ўзбек, Ер қиласан нимага? Тилинг азал-азалдан, Асал ёки қандмасми? Собиқ султонинг юрти, Гўзал Самарқандмасми? Ё бу юртбошингга ҳам, Гапинг борми дегани? Уял, ғашинг келтирса, У Жиззахдан экани. Бизлар кеча ёш эдик, Бугун жиндек қарибмиз. Пойтахт келиб панд едик, Келгиндию "харипмиз" Пойтахт ҳамманикидир, Чида шеърим заҳрига. Тошкент қолмаган ахир, Сенинг онанг маҳрига. @A_meshayan 17:19-27.06.2026 Абдураҳмон Мешаян

Вилоят ажратадиган разилларга Ўзбек-русни камситмас, Яҳудийга отмас тош. Ўтган замонни титмас, Арман билан ейди ош. Беҳудага немиснинг- Қонатмас у бурнини. Фақат ўз ўзбегига, Кўрсатар у ўрнини. Миллатчилик қилмайди, Хатто ғазаб онида. Аммо маҳаллийчилик, Бордир унинг қонида. Қашқадарёдан келса- Яшашгами ўқишга. "Ҳинду" деб Тошкентликлар, Бошлар уни чўқишга. Мен буларга қарасам, Миллий ғурур ўлгандир. Ахир Амир Темур ҳам, Шаҳрисабзлик бўлгандир. Бухорий-Бухородан, Бобур-Андижон ёқдан. Наҳот ажратолмаслар, Булар қорани оқдан? Қулагандир қачондир, Афсус Қўқон хонлиги. Аммо қуламагандир, Авомнинг нодонлиги. Ҳануз Фарғоналикнинг, Қўқонлик гўштин ейди: "Сен Қўқонликман дема, Бизлардан пастсан" дейди. Ўйламайди хонликнинг, Ўтмишда қолганини. Бу маҳаллийчиликдан, Мамлакат толганини. Ташқи душман керакмас, Ичдан ўзни ағдариб. Юрарлар бир-бировдан, Кир ва хато ахтариб. Дегим келар:"Ўзгага- Тиғ санчмасдан нимага. Ўз ўзбегинг эй ўзбек, Ер қиласан нимага? Тилинг азал-азалдан, Асал ёки қандмасми? Собиқ султонинг юрти, Гўзал Самарқандмасми? Ё бу юртбошингга ҳам, Гапинг борми дегани? Уял, ғашинг келтирса, У Жиззахдан экани. Бизлар кеча ёш эдик, Бугун жиндек қарибмиз. Пойтахт келиб панд едик, Келгиндию "харипмиз" Пойтахт ҳамманикидир, Чида шеърим заҳрига. Тошкент қолмаган ахир, Сенинг онанг маҳрига. @A_meshayan 17:19-27.06.2026 Абдураҳмон Мешаян

​​Ўтмишдаги антиқа солиқлар Султон дебди бир куни, Менга қара ҳой вазир. Ҳазинага қарасам, Бўшаб қолибди ҳозир. Бирор чора топмасанг, Уни тўлдирмоқликка. Фармон бергум жаллодга, Сени ўлдирмоқликка. Вазир дебди бир ажиб, Фикр келди ҳаёлга. Солиқ солайлик ҳар бир, Ўлган эркак-аёлга. Биласизми ҳар куни, Қанча одам ўлади. Солиқ солсак мурдага, Ҳазина ҳам тўлади. Чиндан ҳам урушларда, Анча одам ўлибди. Бу солиқнинг ортидан, Ҳазина ҳам тўлибди. Оз муддат ўтиб тағин, Султон чорлаб вазирни. Дебди: Агар емоқлик, Истамасанг таъзирни. Хазинани тўлдиргин, Тўлдирганинг бўшабди. Вазир шунда яна бир, Ғоясини тўшабди. Энди ҳар бир туғилган, Гўдакка солиқ солиб. Яйраймиз ҳазинани, Лиқ-лиқ тўлдириб олиб. Бизга не халқдан қарғиш, Ё раҳматми ёғилар. Ўйлаб кўринг ҳар куни, Қанча гўдак туғилар. Қанча одам ҳар куни, Ота-она бўлибди. Бунинг ортидан яна, Ҳазина ҳам тўлибди. Ҳар гал ҳазина такрор, Қолган чоғларда бўшаб. Ғоя тўқийверибди, Вазир шоирга ўхшаб. Қўшиқ тинглаб қўйганга, Бормиш наво солиғи. Касал бўлиб қолганга, Яна даво солиғи. Солиқ солингачгина, Дарахтлар гуллашибди. Бу иккови хаттоки, Ҳавони пуллашибди. Фақатгина маддоҳлар, Эмиш бундан розилар. Руҳий хаста бўлибди, Буни кўрган қозилар. Адолат Машраб билан, Ўзин осибди дорга. Дарвешлар буни кўриб, Кириб кетибди ғорга. Ёзмабли бирор шоир, Қалби тўлиб аламга. Солиқ солиб қўйишгач, Юз тиллодан қаламга. Пешонамдан ҳеч дарча- Очманг, бўлмадим воқиф. Шеърдаги барча-барча, Ўхшашликлар тасодиф. @A_meshayan 13:33-25.06.2026 Абдураҳмон Мешаян

​​Қимор рекламаси Қиморни реклама айладинг кейин, Чўнтакка жойладинг гонорарингни. Бир қара сабабли бу харом ўйин, Миллатга келтирган нахс зарарингни. Бир зумда кетарман деганда бойиб, Қиларман деганда шўрлик ғалаба. Кеча тунда эса ютқазиб қўйиб, Бугун тонгда ўзин осмиш талаба. Минг лаънат қиморга берганга руҳсат, Ва сендек реклама қилганларга ҳам. Ҳали кўп ёшларни ерга қўямиз, Бу иллатга тезда бермасак барҳам. Қиморни реклама қилдинг кирюрак, Чўнтакка жойладинг кейин соққани. Менимча яралган бўлса ҳам керак, Жаҳаннам сендайин итни ёққани. @A_meshayan 11:37-25.06.2026 Абдураҳмон Мешаян

1909-йилнинг27-апрелида Султон Абулҳамидхон ll ҳузурига тўрт кишидан иборат ҳайъат келиб “Турк халқи номидан сизнинг тахтдан туширилганлигингизни эълон қилгани” келдик дейишади. “Миллатим номидан келган бўлсангиз миллатим вакиллари қани” деб савол беради ўшанда Абдулҳамидхон. Чинданда ҳайъат ичида бирорта асл турк йўқ эди. Эмануэль Карассо (Эмануэль Карасу)-Яҳудий (Салоники шаҳридан сайланган мажлис аъзоси). Эсад Топтани (Асад пошо)-Албан (Драч шаҳридан сайланган мажлис аъзоси). Арам Эфенди — Армани (Аёнлар мажлиси, яъни Сенат аъзоси). Ориф Ҳикмат пошо — Гуржи (Аёнлар мажлиси аъзоси, собиқ ҳарбий денгизчи). ​​“Миллат номидан гапирган тўртлик” Аламдан мўминнинг ғижирлар тиши, Тарих қатларига боқсам агар ман. Турк халқин номидан келиб тўрт киши: Яҳудий, грузин, албан ва арман. Сизга сўйлади эй Абдулҳамидхон, Миллат сизни тахтдан туширганини. Ўқувдим бу тўрт ит эмасдир пинҳон, Роса ҳайратингиз оширганини. Жуда аламлидир грузин албан, Яҳудий ва арман туркни ағдарса. Аммо олам-олам маъно топилгай, Шоир иллат эмас ибрат ахтарса. Аллоҳнинг режаси ўта мукаммал, Ҳар кимга кўрсатиб қўядир жойин. Эй Абдулҳамидхон бу тўртлик ичра, Яхшиям йўқ эди бирор турк хоин. @A_meshayan Абдураҳмон Мешаян

​​Аламдан мўминнинг ғижирлар тиши, Тарих қатларига боқсам агар ман. Турк халқин номидан келиб тўрт киши: Яҳудий, грузин, албан ва арман. Сизга сўйлади эй Абдулҳамидхон, Миллат сизни тахтдан туширганини. Ўқувдим бу тўрт ит эмасдир пинҳон, Роса ҳайратингиз оширганини. Жуда аламлидир грузин албан, Яҳудий ва арман туркни ағдарса. Аммо олам-олам маъно топилгай, Шоир иллат эмас ибрат ахтарса. Аллоҳнинг режаси ўта мукаммал, Ҳар кимга кўрсатиб қўядир жойин. Эй Абдулҳамидхон бу тўртлик ичра, Яхшиям йўқ эди бирор турк хоин. @A_meshayan 11:19-23.06.2026 Абдурроҳман Мешаян

​​Ёш думалар қарз туфайли ўзин осган, Шўрлик ўғил онасининг яноғида. Судхўрларни семиртириб халқдир озган, Ўзбекистон кредитнинг ботқоғида. Илон мисол ўралди у бўйнимизга, Сўнг бўйиндан тушиб кирди қўйнимизга. Шайтон кулар бу кўнди деб ўйинимизга, Ўзбекистон кредитнинг ботқоғида. Кўзимиздан аччиқ ёшни тўкмоқдамиз, Айб ўздаю биз давлатни сўкмоқдамиз. Ишлар қалай? Жудаям зўр чўкмоқдамиз, Ўзбекистон кредитнинг ботқоғида. Тингламагач масжиддаги воизларни, Унутдикда ножоизу жоизларни. Тўлаймизда итдек туққан фоизларни, Ўзбекистон кредитнинг ботқоғида. Лол қоламан айтгил фаросатинг торми? Санинг харом амалингга Аллоҳ зорми? Кредитга Умра қилиб бало борми? Ўзбекистон кредитнинг ботқоғида. Эй биродар кредитга солма нигоҳ, Назар солсанг мен билан қил дейди никоҳ. Сўнг уч талоқ қилмоқ уни осонмас воҳ, Ўзбекистон кредитнинг ботқоғида. @A_meshayan 18:38-20.06.2026 Абдураҳмон Мешаян

Aziz yaxshilar, mana bu chiroyli natijani davom ettiraylik, bir oilaning qalbiga quvonch olib kirish siz-u bizning ozmi-koʻpmi qilgan himmatimizga bogʻliq. Agar moddiy koʻmakka qodir boʻlmasangiz, yaqinlaringizga, zakotga qodir kishilarga ulashing, dalolat qilgan xuddi amal qilgan kabidir, Alloh sizlarni ajrlantirsin, omin! Hozirgacha tushgan pul miqdori: 6.3 mln soʻmdan ortdi. Ehsoningiz uchun karta raqam: 5614681219098914 Parmanova Farida nomida @yakhshiqarz

​​Ватанда иш йўқ! Ўзбекка Ватанда ойлик етарми? Ойлик етса совуқ русга кетарми? "-Шоир дардим ёз" деб нидо этарми? Ёши қирқ. Сочи оқ. Оғзида тиш йўқ, Ватанга севгим бор, Ватанда иш йўқ. Чет-элда ўтади байрам ҳайити, Учоқда қайтади жонсиз маййити. Айниган амалдор хўжа, саййиди, Уй кўтарай деса текинга ғишт йўқ, Ватанга севгим бор, Ватанда иш йўқ. Мансабдорлар илон ёғин яламуш, Ўз халқин ўмармиш, итдек таламуш. Диндорга ташланур бир тўп каламуш, Динсиз мушугига юртимда пишт йўқ, Ватанга севгим бор, Ватанда иш йўқ. Ёшлик ўтиб кетди қозоқ чўлида, Қолдик Россиянинг селу дўлида. Гоҳ корейс, гоҳ хитой, гоҳ турк қўлида, Илондек заҳару аридек ниш йўқ, Қора ишчи бўлдик Ватанда иш йўқ. Овозин ўчириб ҳар норозини, Қишга айлантирур пастлар ёзини. Сўйсаларда юртнинг минг хўрозини, Келгинди товуққа бир оғиз пишт йўқ, Ватанга севгим бор, Ватанда иш йўқ. Халққа ростгўй ёқмас, ёқсада рости, Ими-жими иш кўп ва бости-бости. Рост ёздим кўкариб кўзларим ости, Ким кафолат берур посбондан мушт йўқ, Ватанга севгим бор, Ватанда иш йўқ. @A_meshayan 00:54-18.06.2026 Абдураҳмон Мешаян

Aziz yaxshilar, hozirgacha tushgan pul miqdori 1.3 mln soʻm boʻlibdi. Toʻgʻri, kerakli summa katta, lekin himmat qilsak, yaqinlarga ulashsak, saxiy insonlarga dalolat qilsak, kerakli pulning bir qismini boʻlsa-da yiqqan boʻlardik. Siz uchun bir lahzalik ish, kimningdir hayotini oʻzgarishiga yordam beradi, inshaalloh! Ehsoningiz uchun karta raqam: 5614681219098914 Parmanova Farida nomida @yakhshiqarz

Assalomu alaykum va rahmatullohi va barakotuh! Azizlar, anchadan buyon loyiha toʻxtab qolgandi, bugun sizlarga haqiqiy haqdorni topdik. Besh farzandning onasi, tarbiyachisi boʻlgan bu ayol 2008-yildan buyon farzandlarini oʻzi parvarishlab keladi. Turmush oʻrtogʻi Rossiyada bedarak yoʻqolgan. Uyda tomorqa ishlarini qilish bilan shu 5 nafar farzandni voyaga yetkazib, qizlarini uzatganlar. Asosan koʻchat yetishtirish bilan shugʻullanganlar, vaqtlarining asosiy qismi qishga, sovuq kunlarga toʻgʻri kelgani bois shamollash tufayli oyogʻi ogʻriy boshlagan, 2020-yil Covid19 ga qarshi ikki marta kurashgan. Lekin shu bemorlik ketidan oyoq ogʻrigʻi kuchayib ketgan, shamollash yemirilishga oʻtib ketgan, bir oyoqlari 4-bosqichda, yana biri 3-bosqichda, operatsiyasiz davolanish imkonsiz ekan. Oʻtgan yili 2 ta operatsiyani boshdan oʻtkazganlar, bittasida oʻt qoplarini oldirganlar, yana birida appenditsit (koʻrichak) operatsiyasini boshdan kechirganlar. Bugunga kelib yurishga qiynaladilar, oʻtirsalar turishga, tursalar oʻtirishga mashaqqat chekadilar, chunki bir oyoqlari ikkinchidan farq qila boshlagan. Operatsiya esa qimmat, 50-60 mln atrofida, oila ahllarining bunga imkonlari yetmaydi. Shuning uchun siz azizlardan ushbu oilaga yordam berishingizni soʻrab qolamiz. Qoʻshimcha maʼlumotlar zarur boʻlsa yoki oʻzlari bilan bogʻlab berish kerak boʻlsa, @yaxshiqarz_admin'ga yozishingiz mumkin. Ibn Abbos roziyallohu anhumodan rivoyat qilinadi, Rasululloh ﷺ: “Yaxshilik eshiklarining eng yaxshisi sadaqadir”, — deganlar. Ehsoningiz uchun karta raqam: 5614681219098914 Parmanova Farida nomida @yakhshiqarz