📚 Ibratli Hikoyalar 📚

#Машаллоҳ 😍😍😍

Қани жим житку . Ўқимаяпсизми асарларни .

Берилаётган асарлар ва постларга қанча реаксия кўп билдирилса шунча кўп асар бериб борилади .

​#БЕДОР_ТУЙҒУЛАР - Ўхх- хўў ҳидиничи буни ? Кўза шўрвами бу таом ? Анис ўтирган жойида бўйнини чўзиб Мадина газ печининг ёнидаги столга қўяётган таомга қаради. Мадина унга жавобан ҳиёл жилмайди : - Аслида кўза шўрва эдику-я, аммо энди кўза жаркоб десак ҳам бўлади ... - Мадина , пиширган овқатимни номи ииииммм аааххх демадинг-да , ҳар доимгидек - деди Юсуф ака нон ушатар экан . Мадина кўз қири билан отага қараб "ҳааа" деб қарар экан , Аниснинг ранги қув ўчиб кетганлигини кўрди ва нигоҳларини дарров четга бурди. У Анис ўзига синчковлик билан тикилиб қолганини сезди. Аммо Мадина бу Мадина эди. У яна устоз ҳам эди. Шу сабаб вазиятни қўлга олишнинг уддасидан ҳеч бир қийналмай чиқа олар эди. У ҳозир ўзига билиб- билмай ёрдам берган Юсуф отадан жуда миннатдор эди. "Бир таъзирингизни енг , жаноби Анис, ажаб бўпти ! Бу кечаги чучвара учун ! Шошмай туринг, бу ҳали бошланиши". Мадина шундай деб ўйлар экан, буларнинг бари биргина Аниснинг кечаги қилмиши учун эмас , балки гап бутунлай бошқа тарафда эканлигини ҳам ўзи билиб турар эди. Аммо бунинг аниқ сабаби йигит ўзининг хаёлларини ўғирлай бошлаганини ва уларга эгалик даъвоси қилаётганини сира тан олгиси келмас эди. - Мадина , - дея яна ёрдамга келди Юсуф ота , - билмадим сен кетиб қолсанг пиширган овқатларингни соғиниб касал бўлиб қолсам керак . Очиғи пазандаликда Раҳбарнинг ёнига тушадигани йўқ , аммо сен пиширган таомлар ажабтовур- да . - Ҳа айтманг , дадаси, - Раҳбар ая шундай дея Анисни овқатланишга ундади ,- қани сен ҳам бир баҳо бер- чи ? - Ҳаа , хаа, хўп ойи ,- Анис ҳамон довдирар эди, шу сабаб унинг тили тутилди ,- қани бисмиллоҳир роҳманир роҳийм. Анис ота ва онаси бошлаб бергандан ёнига қўйилган шўрвага қошиқ солди : - Ростдан ҳам жуда мазали ,- деди у онасига қараб , - гапингиз рост , ойи, - Анис шундай дея Мадинага қаради ,- раҳмат , қўлингиз дард кўрмасин ... - Ош бўлсин , - деди Мадина ва Юсуф отага чой қуйиб узатар экан, унга мурожаат қилди,- амакижон , бу ердан кетсам бемалол Тошкентга бориб меҳмон бўлишингиз мумкин . Нима таом десангиз , тайёрлаб берганим бўлсин ... - Мадина , нимага Раҳбарни аяжон , мени амаки дейсан , мени ҳам жуда бўлмаса ота дегин. Мадинанинг кўзлари жовдираб қолди. Унинг нигоҳларида "Бу мумкинми?" деган савол намоён бўлган эди, аммо кўп ўтмай унинг ўрнини майин жилмайиш эгаллади ,- хўп бўлади , отажон... - Ана бу бошқа гап, мениям қизим иккита бўлди, онаси - Юсуф ота мамнун кулимсиради ,- Азиза ва Мадина. - Отажон , яна чой қуйиб берайми ? - Мисини олиб ташлаб гапиравер ,қизим, ана энди чой ичганимиз бўлсин. Шу пайт ташқаридан Асалнинг овози эшитилди : - Ман теллим. Ҳа- ҳай тўйлагимни тийиб чиққим. Мадина чаққонлик билан эшикни очар экан , Асал унга отилди. - Асал тушмагур опам тикиб берган кўйлакни кийиб олиб , энди сизларникига чиқаман деб қилди тўпалон, қилди тўпалон. Розия салом бергандан сўнг вазиятга ойдинлик киритишга шошилди. - Жуда яхши қилибди- да , бўлмаса Асални соғиниб ўтираверардик, - деди Раҳбар ая. Анис эса бу сафар ростманасига ҳайрон қолган эди: - Мадина ... Сиз кийим ҳам тикасизми ? - Мадина-чи болам , чевар,- мақтанганномо лаб бурди Раҳбар ая ,- Чевар бўлгандаям анов- манов чевармас ... Мен сенга айтсам ... #давоми_бор /56 Муаллиф: Хазонрезги Каналга уланиш 👇: https://t.me/joinchat/AAAAAFB59SM9yhwXJGeW_g

👆👆👆👆аввалги қисмлар #БЕДОР_ТУЙҒУЛАР 20- ҚИСМ шахсийига "Бедор туйғулар" деб ёзиб қўйибди . Бу нимага ишора ?! Йўқ , буни тасодиф деб бўлмайди... Кимлар сени дея кечгай жонидан , Сени дея кимлар дунёдан тонар Бир бор дийдорингга интизор қанча , Сенинг қалбинг кимнинг ишқида ёнар ... Бу мисралар ким ҳақида ? "Сени дея дунёдан тонар , кечгай жонидан , бир бор дийдорингга интизор қанча" деб ким назарда тутиляпти ? Менмасмикинман? Аниснинг дили ўйнаб кетди. Унинг юраги гусур- гусури бутун дунёга эшитилгудек бежо уриб кетди. Комиланинг жойлаган шеъри йигит қалбининг тўрида кул босиб ётган ҳисларига чўғ ташлаган мисоли туйғулар жангини бошланишига сабаб бўлган эди. Анис Комиланинг ўзини телеграмм манзилига хабар ёза бошлаганини кўриб сергакланди . У қиздан келадиган хабарни интизор бўлиб кута бошлади. Комиланинг кайфияти бугун аъло эканлиги ёзган хабарларидан билиниб турар эди. - Тақ , тақ. Кирсам мумкинми ? Иссиққина кофега тоблари қалай ? Ҳа , ҳа кофеимиз албатта сутли . Унга икки қошиқ қуруқ сут , бир қошиқдан шакар , кофе ва бир олам меҳр солинган. А ? Муҳаббат ? Муҳаббат сўрамасингиздан аввал меҳрга пропорционал равишда қўшиб бўлинган . Сиз кофени ичсангиз бўлди . У ёғига "иммм ааааххх" деворасиз, аммо айтиб қўяй "добавка" йўқ . "Доставка" ҳам ... Комиланинг манзилидан буғи чиқиб турган кофенинг расми "учиб" келиб тушди. - Менга шу бир чашка ҳам етарли ... - Иии Анис ака , "уйғониб" қолдингизми ? Мен ҳали ухлаяпсиз деб бу ерда сюрпризга нонушта тайёрлаб кейин ўзим секин кетмоқчи эдим. Эҳ , режани буздингиз- да ? Сизни қаранг- у ... Хафа бўлдим энди. - Билмабман-да Комила ?! Бир қошиқ қонимдан кечинг. Илтимос мен нотавонни кечиринг ... - Майли , кечирсам кечирақолай, чунки мен гина - гудурат сақлайдиган ойимчалардан эмасман Энди эса кетдим. - Кетманг. Шу ерда қолинг ... - Нима кун бўйи интернетда ўтиришимни ҳоҳлайсизми ? Онлайн эканлигимни кўрганлар Коми жинни бўлиб қолибди , интернетомагия касаллигига чалиниб қолибди дейишмасин. - Коми ... Яқинларингиз сизни эркалаб шундай чақиришадими ? Лекин чиройли эшитилар экан ... Коми... - Ҳа яқинларим шундай чақиришади, эслаб қолинг я- қин- ла-рим ... - Комила , бугун бошқачароқсиз... У бу нарса бўлдими ? Илгари сизни сира бундай кайфиятда кўрмаган эдим... - Анис ака, сиз мени илгари ҳам кўрмагансиз , ҳозир ҳам кўрмаяпсиз . Ўқияпсиз халос ... - Ха хоп . Илгари сира бундай кайфиятда ёзмаган эдингиз... - Ҳааа . Бу сўзингиз айни ўрнида бўлди. Яқинда бир қатра ўқиб қолдим , шу менга қаттиқ таъсир қилди. Хуллас, ҳаёт - бу ўзинг нимани кўришни истасанг ўша нарса акс этувчи кўзгу эмиш . Шу сабаб мен унга яхши кайфият билан қараб кўрмоқчиман. Ҳаёт ҳам менга шундай кўринармикан деб. - Албатта , шундай кўринади ишонаверинг ... - Коми ... - Нима Коми ? - Сиз ҳам Коми деб чақиришингиз мумкин , мени ... - Йўғей , бунга журъатим етмасов ... - Ўзим руҳсат бердим-ку ... Ҳай майли , буни қўя турайлик . "Бедор туйғулар" билан қачон ошно бўламиз энди, яъни Тошкентга қачон қайтасиз ? - Насиб қилса эртага ... - Яхши ... Унгача хайр бўлмасам - Коми ... - Ҳооов ... - Ҳайр деманг , кўришгунча денг - Кўришгунчамас , Анис ака, ёзишгунча... Комила тармоқдан узилди. Анис қиз ҳудди ҳозир қайтиб келадигандек , бироз кутди, сўнг суҳбат таъсирида мамнун жилмайганча ўрнидан туриб ташқарига чиқди. Ҳовлида ҳеч ким кўринмас эди. Анис юз - қўлини чайиб ошхонага келганда, у ерда гурунглашиб ўтирган ота- онаси ва Мадинага кўзи тушди. - Турдингми , болам ? Ўзиям роса чарчабсан ?- деди уни саломига алик олганча Юсуф ота ,- вақт ҳам нақд пешинга яқинлашаёзди. Энди нонушта эмас , бир йўла тушлик қила қоласан . Мадина , қизим овқатингни сузақол. Мадина Анисга бош эгиб салом берганча ўрнидан туриб газ печига яқинлашди. Анис газда қозон йўқлигини кўриб ҳайрон бўлди , аммо хонада таомнинг ширин ҳиди сузиб юрар эди. Мадина қўлларига иссиққа чидамли қўлқоп кийиб олгач аста печь оташхонасини очди. У ердан таом милтиллаб қайнаб турган кичиккина кўзачаларни ола бошлади. @Xazon_Rezgi /55

ДАХШАТ😢 Қизнинг ахволи нима бўлди? Ота оналар фарзандларига озгина меҳр этибор беришса шу аҳволга фарзандларимиз тушишмайди........ 😢 Давоми қизиқ бўлса пастдаги ҳаволага киринг👇

Атала - Ҳар куни есангиз ҳам меъдага тегмайдиган ва фойдаси жуда катта бўлган таом Болаларнинг ақлий фаоилятига ва жисмоний ривожланишига ҳам керакли 🚀Яқинларга юбориб қўямиз @ibratli_xayotiy_xikoyalar 📚 Ibratli Hikoyalar 📚

Dunyodagi birinchi ishonchli bozorda Telegram kanalini sotib oling yoki oʻz kanalingizni soting! 📊Kanal tafsilotlarini koʻrish va xavfsiz pul oʻtkazmalarini amalga oshirishni istaysizmi? Yechim — Magfi Marketplace! 🤑Kanallarni ishonchli sotib oling, oʻz kanalingizni hoziroq joylashtiring va tezda soting! 🔗 Kanal Sotib Olish / Kanalni Sotish! #reklama · Marketplace

🌹 КЎНГЛИ ТОЗА      🌹 ЮРАГИ ТОЗА 🌹 ИНСОНИМ УЧУН ❤️ 🤲Аллохим шу сўзларимни ўқиётган инсонга шундай имконият бергинки, ўйлаган, орзу қилган барча яхши ниятларига эришсин 🤲Аллохим ! Уни шундай асрагинки, дунёдаги барча ёмонликлару, азоб уқубатлар унга зарар етказа олмасин . 🤲Аллохим ! Унга шундай бахт бергинки, дунёда энг бахтли инсони хам уни бахтига ҳаваси келсин . 🤲Аллохим ! Яратувчи ўзингсан. Олувчи ва берувчи хам ўзингсан. Биз бандаларинг сенинг, панохингдамиз! Борингга шукур АЛЛОХИМ. Яқинларга Улашинг.. 🌸 Каналимизга обуна бўлинг👇💖 📚 Ibratli Hikoyalar 📚

​#БЕДОР_ТУЙҒУЛАР Яна бошқа ўғлимиз бўлганда ҳам майли эди. Сени кўнглинг билан ўз ҳолингга қўйиб қўярмидик ,- Раҳбар ая чуқур оҳ тортди ,- болам, сен билмайсан ...( Аянинг кўзларида ёш ғилтиллади ). Оғзига кучи етмаганлар сен тўғрингда нималар деб ташлашаяпти . Ўйлайсан- ки , даданг ўз - ўзидан иссиқ ўрнини ташлаб ҳув ўша бир тупканинг тагида зарилга юрибдими ? Ҳамма гап пулда эмас , тўйса икковимизнинг қорнимиз бир бурда нонга тўйиб кетаверади ахир. Ҳамма гап одамларнинг гап- сўзларида . Эл оғзига элак тутиб бўлмаяпди, болам, бўлмаяпди. - Нима дейишаяпти одамлар ? Мен ҳам билай ?! - Аниснинг авзойи бузила бошлаганди ,- ҳар ҳолда ўзим ҳақимдаги гап- сўзлар менга ҳам қизиқ ... - Майли , айтаман ,- ҳиқиллаб жавоб қайтарди ая, - зора шу туфайли сенга инсоф кирса . Одамларнинг айтишича... сенга арпа уни баҳонамиш . "Дилёра бир баҳона , аслида Аниснинг ўзини тили қисиқ , уйланишдан шу сабаб қочиб юрибди" деганлар қанча. Тунов куни Қумри "каттаоғиз" оғзини тўлдириб бир уй хотинни ичида "Эгачи , Анисга болалик жувон олиб беринг , ҳам вақтдан ютасиз , ҳам таъна дашномлардан" деса бўладими . Ўша ерда нақд ерга кириб кетмадим. - Индамадингизми , ойи ?! Шартта - шартта гапириб ташлаш керак бундайларга ! Гап билан оғзига уриш керак ! - Ҳоооо ! Ўша гапни гапиришим учун нимагадир таянишим керакмиди ? Ё бўлар-бўлмас сўзларни айтиб бебурд номини ҳам олишим керакмиди ?! Мен "Мана кўрасиз ўғлим уйланади , ҳадемай айтган сўзингизга пушаймон бўласиз" десам- у, сен Тошкентда улоқиб юраверсанг ,- Раҳбар ая кўз ёшларини енггига артди ,- кўчада юргулигим қолмади , болам. Нима десам , кўнасан ?! Майли менга деса Тошкентда яшаб қол, аммо уйлансанг бўлгани. Ё сени кўндириш учун "Берган оқ сутимга розимасман" дейишгача боришимни кутяпсанми ? Анис муштдеккина бўлиб қолган онасига қараб ачинди. Онасининг сўзлари Анисни юрагига қаттиқ ҳанжар санчган , аммо ўша ҳанжар суғуриб олинмай санчилган жойида айлантириб - айлантириб азоб бераётган ҳолатга тушган эди . Бу ниҳоятда азобли ҳолат эди . Энг ёмон азоб бу номус азоби эканлигига Анис яна бир карра амин бўлди. Бояқиш онаси ва отаси ўзи туфайли ана шу азобда неча йиллардан буён қоврилишини ўйлаган Аниснинг кўзлари тиниб кетди . У илкис қаддини кўтарди : - Ойи , уйланаман ! Фақат , фақат ... Она ялт этиб Анисга қаради. Унинг нигоҳларида зумда бир олам умид шуъла ёқди : - Ростингми , ўғлим ?! Қачон ? - Тез орада. Фақат орада ҳал қилиб олишим керак бўлган бир масала бор . - Майли ,болам, майли, - Раҳбар ая бир неча йиллардан буён ўғлининг оғзидан "Хўп" сўзи чиққанига маст бўлди , - фақат ўша ишингни тезроқ ҳал қилсанг бўлгани ... Мен борай унда ,- ая шундай дея юзига фотиҳа тортиб ўрнидан турди . У Аниснинг розилик берганлиги сабабли "Шукр намози" ўқишни ихтиёр қилган эди ... Анис ҳам онасининг ортидан ўз хонасига йўл олди . Анис ётоғига ётар экан хаёлида ғужғон ўйнаётган саволларининг мазмуни бир хил эди : - Бу сафар адашишим мумкин эмас ... * * * Анис кун ёйилганда уйғонди. Ётган жойида одати бўйича телефонига қўл узатди. У тармоққа уланиши билан Комиланинг телеграмм манзилига кўз ташлади. Комила асосий фондаги расмини ўзгартирибди. Комила у ерда расм ўрнига шеър жойлаб қўйибди. Анис уни ўқишга тутинди : Кимлардир сен учун кечгай жонидан, Сени дея кимлар дунёдан тонар Бир бор дийдорингга интизор қанча , Сенинг қалбинг кимнинг ишқида ёнар ... Йўлларингга тўшар кимлар борини , Кимнинг оҳларидан кўкка ўт ўрлар Ким бахш этар сенга номус , орини Сен эса ким учун битасан шеърлар Ажаб қизиқ экан дунёнинг иши , Танҳо сен дегандан безорсан жуда Қалбингга озорлар санганча нишин, Кунларинг соврилар ким деб беҳуда... Кимларга минг жило ва лек ўзингга Бедор туйғуларинг оқ - қора рангда Мактублар битасан жойлаб сўзингга , Юз минг таваллолар қизғонмаганга ... Кимлардир сен учун кечгай жонидан, Сени дея кимлар дунёдан тонар ... Аниснинг пешонасидан совуқ тер чиқиб кетгандек бўлди : - Нима бу ?! Севги изҳорими ? Нега бўлмаса очиқ- ойдин ... #давоми_бор /54 Муаллиф: Хазонрезги Муаллиф номини ўчирманг ❗️ @Xazon_Rezgi

👆👆👆👆аввалги қисмлар #БЕДОР_ТУЙҒУЛАР 20-қисм - Яна ўша қилиғингни бошладингми , болам ? Ҳалиям ёш болалигинг қолмабди сенинг ? Ошхона эшиги ёнида Раҳбар ая жилмайиб турар эди. У Мадинага ҳайриҳоҳ назар ташлади : - Қизим қўрқма , Анис ўзи шунақа қаттиқ хазиллашади. Анис кулимсираб онасига эътироз билдирди : - Ойиии , бирпас жим турмадингиз-да , қизингизни довюраклик имтиҳонидан ўтказаётгандим - Имтиҳонинг бор бўлсин, болам. Қиз шўрликни ўтини ёрай дединг . Ярим кечада сенга пишириб - куйдириб егулик тутганига рахматингни бу ? Анис илжайди. Мадина Раҳбар аяга стул суриб жой берди - Аяжон , сиз учун индамадимда , агар бу киши ўғлингиз бўлмаганда , шу қилмишларига яраша яхшигина жавоб олар эдилар . - Ўх-хў , жасоратингизга қойил . Аммо таниш - билишчилик қилмай бемалол аламингизни олишингиз мумкин Аниснинг кўзларида ўт порлаб турар эди. Мадина унга боқиб , айёрона кулимсиради : - Ўзингизга қаранг, энди. Руҳсат бердингиз- а ? Бир куни жавоб келганда мендан ўпкалаш йўқ . Ваъда берасиз- а ? - Албатта , чин Анис сўзим,- Анис Мадинага "Қўлингдан нима ҳам кела оларди" деган беписанд назар ташлади . Раҳбар ая унинг бу қарашларидан керакли маънони ўқиб , эътирозга шошилди : - Анис , аёл киши билан эсини еган одам гаров бойлайди . - Ая, гаров бойлаганим йўқ- ку, аммо бу сўзларингиз менга зўр илҳом бағишлади ,- Анис энди Мадинага юзланди ,- агар мени чув тушира олсангиз истаган битта шартингизни бажараман . Фақат қўлимдан келадиган шарт айтасиз. Акс ҳолда сиз менинг шартимни бажарасиз . - Анис ! - Раҳбар аянинг овози қаттиқроқ чиқди - Бўпти , бўпти ,- сиз учун шарт йўқ . Бироқ шуни билиб қўйинг барибир мени чув тушира олмайсиз . - Кўрамиз , - дея кулимсиради Мадина , - бу ўйин мени ҳам қизиқтириб қўйди. Аммо мен сизни чув тушириш учун баҳоргача муҳлат сўрайман . Ўйин эсда қоларли бўлсин дейман- да . - Баҳоргача ? Ўўў, ўйин ҳақиқатда жуда қизиқ бўладиган кўринади. Розиман ,- Анис розилигини билдириб ўнг қўлини елкасигача букиб кўтарди. - Келишдик ,- деди Мадина унинг ҳаракатларини такрорлаб , сўнг Раҳбар аяга юзланди ,- аяжон , энди менга руҳсат . Яхши дам олинглар ... - Сен ҳам қизим ,- Раҳбар ая Мадинанинг ортидан меҳр билан тикилиб қолди . - Мадинангиз яхши қиз экан , ойи, кўнглида кири йўқ . Алдам - қалдамликни билмас экан ,- деди Анис ликобчадаги чучварага қўл узатар экан , - пиширган чучварасигаям гап йўқ. "Амаким яхши кўрган чучварани пишираман" деганиданоқ фаҳмлагандим қўли ширинлигини , ахир дадамларнинг таъбларни биламан- ку , овқатга ҳаддан зиёд талабчанлар. - Ҳа Мадинамиз қанча мақтасанг , шунча мақтовга арзигулик қиз . Анис ... - Раҳбар ая ўғлига ўтинчли боқди ,- болам... - Ҳаа , ойиии , эшитаман -Шу десанг , шундоқ яхши қиз қўлдан чиқиб кетмаса дегандим ... - Ойи , ахир ўзингиз ҳалигина нима дегандингиз ? - Анис жиддий тортиб, йиғиштирилиб ўтирди - Ҳа , нима дебман ? - ажабланди Раҳбар ая. - "Бу қиз бир йилгагина Розиянинг ўқишга кириши учун ёрдам бергани қишлоқда қолган. Ўқув йили тугаши билан кетади" демабмидингиз ? - Дегандим, болам, дегандим. Аслидаям шундай . Аммо нотавон кўнгил . Ундан кейин орзуга айб йўқ дейишади. Гапнинг индаллоси эса бандасини эмас, Аллоҳнинг айтгани бўлади. Ким билсин , Мадина Розия сабаб қишлоқда бир йил қолишга қарор қилган бўлса , сен учун бир умр қолишга ҳам кўнар. Ҳа нима ? Бировдан кам жойинг бўлмаса ?! Суқсурдек йигит бўлсанг ... - Ойиии, яна бошламанг ... Илтимос ... - Анис бошини эгди. - Болам , шунча юрганинг етар . Мени ва дадангни боғлаб бергани йўқ . "Кундан кунга кун баттар" деганларидек биз ҳам қариб бораяпмиз . Ҳарна тўйингни кўрганимиз. @Xazon_Rezgi / 53

АССАЛОМУ АЛАЙКУМ Узоооқ узооооқлардан мани дуо қилгувчиларим . Яхшимисиз , саломатмисиз , мароқли ҳордиқ олдингизми ? . Омон бўлинг меҳри дарёларим , бор бўлинг . Нега ишонч билан дуо қилгувчиларим деяпсиз , ким сизни йўқлаяпти деяпсизми 😳 ? Ишановринг мани эслайдиган , йўқлайдиганим кўўўп . Ҳа ёға дедизми 😳 . Мана ўзингиз ҳам шу сўзларимни ўқиб туриб ажойиба шу аёл деб битта кулиб қўйдингиз 😊. Борингизга шукура синглим , опам дедингиз 😊 . Сизларнинг ҳам борингизга шукур , саломат бўлинг азизларим . Ҳамма тинч , хотиржамликда юрсин . Синовдагиларга ўша машҳур донишманднинг сўзи ,, бу кунлар ҳам ўтади ,, . Яхши кунларга умид ва ишонч ўлмасин , иймонимиз басоломат бўлсин . ШАҲЗОДАнгиз яна сиз билан бирга 😘

🚀 Magfi endi O‘zbekistonda! Telegram kanalingiz orqali reklama olishni boshlang! 📣 Magfi ilovasini yuklab oling, kanalingizni ulang va brendlar bilan daromad toping. 💰 🔗 Ilovani yuklab oling → #reklama · Magfi Ads

#У‌ткинчи_дунё #No_198 #муаллиф_Қосимова_Нодира —Нега тинчликми? Нур, Содиқни елкасини силади. —Саратон касалига чалинибди, ахволи оғир экан. —Нима бўлган тақдирда хам, у сизни аёлингиз. Уни ёнида бўлинг, мендан хижолат бўлманг. —Йўқ, мен уни кечира олмайман, менга кўрсатган кунлари хали хамон ёдимда. Мунирани хам, бизни хам хаётимизни барбод қилди. Шунча айбига кўз юмдим, лекин у билмади. —Ўтган ишга саловат. Кечира олмасангиз хам, ўзингизни кечиргандек тутинг. Виждон азоби билан кетишини хохламайман. —Мени озроқ мазам бўлмаяпти, бироз дам олай ўтиб кетади. Содиқ ўрнидан турди —Майли кириб дамингизни олинг, мен аччиққина мастава қилиб бераман сизга. Нур, Содиқни ортидан гапириб, ўйланиб қолди. —Ё оллоҳим, энди буёғи нима бўлади? Энди бахтимни топдим деганимда, етдим деганимда еқитма оллоҳим. Нурни кўзларидан ёш оқарди. —Қизлар уйга олиб келишса, у бу уйда Содиқ акам билан бир уйда яшаса мен қандай чидайман. Нима бўлганда хам, бахтим учун курашишим керак. Нур ўзига ўзи гапириб қўйди. 💫💫💫💫 —Уйқучи, тур. Хозир Шайдо эшикни тақиллатади.. Аббос, қучоғида ширин бўлиб ухлаб ётган, Мунисани бурнини чимдилади. —Тинч қўйинг.. Муниса, бошқа томонга қараб ётиб олди. —Майли ухлайвер, дадамни йўқлигида. Дадам келса, соат учда туриб кетганингни билмай қоласан. Аббос хам индамай кўзини юмди. —Биз келин олмаганмиз, уйимизга Малика олганмиз.. Ташқаридан Шайдони бақириғини эшитган Муниса ирғиб ўрнидан турди. —Вой, қуёш пешонамизга келибди, уйғотиб хам қўймайсиз. Муниса шоша пиша кийинишга тушди. —Ўзингиз тезроқ келиб, режимга солмасангиз бўлмайди дадажон. —Оббо, тоза жонга тегди шу қиз Шайдони дадасига айтаётган, гапини эшитиб Муниса энса қотирди. —Нимадир дедингми? Аббос бошини кўтариб, Мунисага қаради. —Хеч нима. Уйда шипиёнлар хам бор эканда, шуни айтяпман. Муниса югуриб ташқарига чиқиб кетди

#У‌ткинчи_дунё #No_197 #муаллиф_Қосимова_Нодира —Қани набирамни онаси? Кечги овқат маҳали, Салим атрофга қаради —Дада ўша хақида сиз билан гаплашмоқчи эдим. —Гаплашадиган жойини қолдирмадингку? —Дада нега киритдингиз уни уйга? —Сен фарзандини кўчага ташлаб қўядиган, хотинчалиш бўлсанг, мен набирасини кўчада қолдирадиган эркак эмасман. —Дада, мен уни ўзимга раво кўрмайман. Мен у билан яшай олмайман. —Энди раво кўрмай қолдингми? Гўзал ва соғлом пайтида, эри бўлишига қарамай, бўз йигит ўзингга раво кўрган эдинг. Энди кўрмай қолдингми? —Дада, мен адашганман. Бола мендан эмас —Бас қил. Салим столга муштлаб урди Бир кўрган одам, кимни боласи эканини биладиган даражада ўхшайди сенга. Агар яшашни хохламасанг, бола ўн саккиз ёшга етгунча, бу уйга қадам босма. Набирам ўн саккизга кирганда, онаси билан янги уйга кўчиб кетади, унгача кўз олдимда яшайди. Кимга улар ёқмаса, ана дарвоза катта кўча. Эртага бомдод намозидан кейин, домла келади. Тайинлаб қўйганман, сенларга никоҳ ўқийди, ўзинг пиширган ош айланиб хам ўргилиб хам еяверасан. Хуморадан умид қилма, улар чет элга жўнаб кетишди. Салим юзига фотиха тортиб ўрнидан туриб кетди Каромат ва Сардор нима дейишини билмай, индамай ўтиришарди. —Ойи энди нима қиламиз? Сардор асабий Кароматга қаради. —Буни эртароқ ўйлаш керак эди. Энди билганингни қил. Яхши гапириб бу уйдан кетишга кўндир. —Ойи, у тулки кетади деб ўйлайсизми? —Йўлини қил. Мен билмайман, ўзи сени деб кўчага чиқа олмай қолдик. 💫💫💫💫 —Дадаси Мунира тинч эканми? Содиқ кириши билан, Нур кутиб олди. —Ха тинч экан. Содиқ, хафсаласиз гапирди —Нега кайфиятингиз йўқ? —Хаммаси жойида. Мунисани кўриб келдингми? —Йўқ, қуда онасини кўргани кетибди. Йўқлигида бориш, ноқулай. Эртага бориб келарман. —Нур, Мунира онасини топибди. Содиқ ўйчанг гапирди. Нур, нима дейишини билмай, секин Содиқни олдига ўтирди. —Қаерда экан? Зўрға гапирди —Касалхонада, ўлим тўшагида.

#У‌ткинчи_дунё #No_196 #муаллиф_Қосимова_Нодира —Дада, Нур опамга айтмай қўя қолинг. Ораларингизга совуқчилик тушишини хохламайман. Содиқни кузатишга чиқган Мунира, бошини эгди. —Нур ундай аёл эмас, кейин буни Нурга айтиш нийятим хам йўқ. Латофат мен учун шунчаки сизларни ойингиз холос. Бошқа хеч ким эмас —Дада, ойимни кечирмайсизми? —Кечирганман, мен ким бўлобманки? Кечирмасам. —Рахмат сизга дадажон. Мендан хафа эмасмисиз? —Хеч хам, сенга чеклов қўйганим учун мени сен кечир. Агар, шундай хато қилмаганимда, аввалроқ онангни топганингда эди. —Ўзингизни айбламанг. Сизни яхши кўраман дадажон. Мунира, Содиқни қучиб, йиғлаб олди. 💫💫💫💫 —Ойи... Ойижон... Тушликка яқин уйғонган Сардор, бақириб ошхона томон юрди. —Ха ўғлим.. бунча ховлиқмасанг? Каромат, бошини бойлаб ичкаридан чиқди. —Яхшимисиз ойи? Нега бошингизни бойлаб олдингиз? —Сардор, сочиққа юзини артиб Кароматга қаради. —Нега бўларди болам.. Кароматни гапи тугамай, ичкаридан чақалоқ овози эшитилди. —Ойи ким келди уйимизга? Сардор овоз келган хона, деразасига қаради. —Биз келдик дадажониси.. Розия болани кўтариб, ичкаридан чиқиб Сардорни олдига келди —Бу ерда сенга нима бор? Нега яна мени хаётимга кирдинг? Сардор сал кам бақирди. —Болангизни кўзингиз қиядими Сардор? —Ойи, нега киритдингиз буни уйга? —Мен эмас, даданг уйга киритди. —Нима, дадам? Сардор қотиб қолди. —Мени кўзимга кўринмасин, боласи хам ўзи хам. Кароматга қараб гапирди. —Сендан жирканаман. Ўзингни менга лойиқ деб ўйламаётгандирсан? Ойнага яхшилаб қараб ол. Оёғимни остида ўралашма, ўша хонадан чиқма. Мен дадам билан гаплашиб олганимдан кейин, бу уйдан кетасан тушундингми? Сардор қўлини бигиз қилиб гапирди. 💫💫💫💫 —Оппоғим, мен бориб ойимни олиб келай. Сен ўзингга ўхшаган ширингина қилиб овқат солиб қўй. Аббос, Мунисани юзидан ўпди. —Мен хам борай.. Муниса жилмайди. —Хечамда, кўчага чиқиш йўқ. Мени рашким ёмон. —Хўп, майли яхши бориб келинг. Муниса Аббосни қучиб қўйди. —Бундай қилсанг, хозир яна хонага киришимга тўғри келади. Аббос Мунисага қараб кўзини қисиб қўйди. —Борингге уяциз.. Муниса Аббосни юзига енгил уриб қўйди