The Legend Of Rosy Clouds(2026)
Ir al canal en Telegram
Mostrar más
El país no está especificadoLa categoría no está especificada
677
Suscriptores
+724 horas
+297 días
+10530 días
Archivo de publicaciones
+9
ရနံ့သင်းဖြာ သစ်ခွပန်းလွှာ (Against the current)
兰香如故
သစ္စာဖောက်မှု အငြိုးအတေးတွေကြားက မာနနဲ့ ဂုဏ်သိက္ခာကို လက်နက်အဖြစ်သုံးပြီး ကံကြမ္မာကို စိန်ခေါ်လှည့်ပြန်ပစ်မဲ့ အမျိုးသမီးတစ်ယောက်ရဲ့ မာကျောကြံ့ခိုင်လှတဲ့စိတ်ဓာတ်နဲ့အတူ ရှေးဟောင်း နန်းတွင်း အိမ်တွင်းရေး ဒရာမာဇာတ်လမ်းကောင်းလေးတွေကို လွမ်းနေသူတွေအတွက် ရနံ့သင်းဖြာ သစ်ခွပန်းလွှာ (Against the Current)ဆိုတဲ့ တရုတ်ဇာတ်လမ်းတွဲလေး ထွက်ရှိလာပါပြီ။
ဒီဇာတ်လမ်းမှာတော့ (Destined) ဇာတ်လမ်းတွဲထဲက ဆွဲဆောင်မှုရှိတဲ့ မင်းသားချောလေး Liu Xueyi (လျိုရွှယ်ယိ) က “လင်ကျင်ချီ” အဖြစ် ပါဝင်ထားပြီး (Go Ahead) နဲ့ (The Sword and The Brocade) စတဲ့ ဇာတ်ကားများစွာနဲ့ ပရိသတ်ရင်ထဲ အမြဲနေရာယူထားတဲ့ Tan Songyun (ထန်စုန်းယွင့်) က “ရှန်ကျားလန်၊ ရွှီလန်ရှန်း” အဖြစ် ပြောင်မြောက်စွာ သရုပ်ဆောင်ထားပါတယ် အဲဒါအပြင် Niu Junfeng(နျိုကျွင့်ဖုန်း) , Li Meng(လီမုန့်), Zheng Hehuizi(ကျန့်ဟယ်ဟွေ့ဇီ) နဲ့ Guo Keyu(ကောခဲယွီ) တို့အပြင် ဝါရင့်သရုပ်ဆောင်ပေါင်းများစွာကလည်း ပါဝင်အားဖြည့်ထားကြပါသေးတယ်။
ဇာတ်လမ်းအကျဉ်း
မင်းတိုင်ပင်ခံအမတ်ကြီးရဲ့ မြေးကြီးဖြစ်သူရှန်ကျားလန်နဲ့ အမတ်ချုပ်ကြီးမိသားစုမှ လင်ကျင်ချီတို့ဟာ ငယ်စဉ်ကတည်းက စေ့စပ်ထားကြတဲ့ ငယ်ချစ်ဦးတွေ ဖြစ်ကြပါတယ်။ သို့သော်လည်း ရှန်မိသားစုတစ်စုလုံး မတရားစွပ်စွဲခံရပြီး မျိုးရိုးပြုတ် သတ်ဖြတ်ခြင်းခံလိုက်ရတဲ့အခါမှာတော့ လင်မိသားစုဟာ မိမိတို့ အန္တရာယ်မှ လွတ်မြောက်ဖို့အတွက် စေ့စပ်ထားတာကို ရက်စက်စွာဖျက်သိမ်းလိုက်ပါတော့တယ်။ ဒီဆုံးဖြတ်ချက်ဟာ လင်ကျင်ချီအနေနဲ့ ရက်စက်တယ် ထင်ရပေမဲ့လည်း အမှန်မှာတော့ စည်းစနစ်ကြီးမားတဲ့ အထက်တန်းစားအသိုင်းအဝိုင်း၏ဖိအားနဲ့ မိသားစုတာဝန်ကို ဦးစားပေးခဲ့ရပြီး လုပ်နိုင်စွမ်းအကန့်အသတ်ရှိခဲ့တဲ့ လူပုဂ္ဂိုလ်တစ်ဦးရဲ့ လက်တွေ့ဆန်တဲ့ ဆုံးဖြတ်ချက်ဖြစ်ခဲ့တာပါ။
ဒီလိုနဲ့ ကံကြမ္မာရဲ့ အလှည့်အပြောင်းမှာ ရှန်ကျားလန်ဟာ ရှန်အိမ်က ကျေးဇူးရှိဖူးသူအစေခံဟောင်းတစ်ဦးရဲ့ကူညီမှုနဲ့ လွတ်မြောက်ခဲ့ပြီး ကွယ်လွန်သွားပြီဖြစ်တဲ့ ရွှီလန်ရှန်းဆိုတဲ့ အမျိုးသမီးရဲ့အထောက်အထားကို သုံးကာ လင်အိမ်တော်ဆီကို အစေခံအဖြစ် အသွင်ပြောင်းဝင်ရောက်ခဲ့ရပါတယ်။ ဘဝကို အစကနေ ပြန်စရင်း တတိယအဆင့်အစေခံအဖြစ် နှိမ့်ချနေထိုင်ခဲ့ရပေမဲ့ ရှန်ကျားလန်ကတော့ ဘယ်တော့မှ ဘဝကို အရှုံးမပေးခဲ့ပါဘူး။ သူမရဲ့ ပါးနပ်လိမ္မာမှု၊ ကြံ့ခိုင်မှုနဲ့ ကြင်နာတတ်တဲ့ စိတ်ထားတို့ကြောင့် လင်အိမ်တော်ထဲမှာ တဖြည်းဖြည်း ခြေကုတ်ယူနိုင်ခဲ့ရုံမက လင်ကျင်ချီရဲ့ ချစ်ခြင်းနဲ့ လေးစားမှုကိုပါ ပြန်လည်ရရှိလာခဲ့ပါတယ်။
ဒါပေမဲ့လည်း အိမ်တွင်းရေး အရှုပ်တော်ပုံတွေ၊ မကင်းနိုင်တဲ့ အငြိုးအတေးတွေနဲ့ အတန်းအစား ခွဲခြားမှုတွေကြားထဲမှာ သူမဟာ မိမိရဲ့ ကံကြမ္မာကို မိမိကိုယ်တိုင် ပြန်လည်ထိန်းချုပ်နိုင်ပါ့မလား။
သစ္စာဖောက်မှုတွေကြားကနေ မိသားစုရဲ့ မတရားစွပ်စွဲခံရမှုကို ပြန်လည်ခြေဖျက်ပြီး ဂုဏ်သိက္ခာကို သက်သေပြနိုင်ပါ့မလား။
ခါးသီးခဲ့ဖူးတဲ့ အတိတ်တွေကြားကနေ လင်ကျင်ချီနဲ့ အချစ်ရေးကိုရော ဘယ်လိုမျိုး အဆုံးသတ်သွားမလဲဆိုတာကိုတော့ GC Chinese Channel ကနေ ရနံ့သင်းဖြာ သစ်ခွပန်းလွှာ
(Against the Current)ဆိုတဲ့ ဇာတ်ကားလေးကို မကြာခင်တင်ဆက်ပေးတော့မှာဖြစ်လို့ စောင့်မျှော်ကြည့်ရှုပေးကြပါဦးနော်။
Reviewed by ပင်းပင်း
Translated by GC Chinese Team
Encoded by Wobushi
#againstthecurrent
#ရနံ့သင်းဖြာသစ်ခွပန်းလွှာ
#兰香如故
