👑بيتُكٍ مملكتُك مع أم البنين 👑

🔴اعلاااااااااااان 📢📢 #لكل_امرأة_تريد_الحصول_على_بيت_منظم 🌹 #دورة_الملكة_النشيطة (في دفعتها السادسة عشر 16)  👑 🏡 من تقديم  المدربة أم البنين السلفية صاحبة صفحة #بيتُكِ_مملكَتُكِ_مع_أم_البنين دورة تفاعلية 💯 غنية  بالمعلومات والتوجيهات لاكتساب مهارات منزلية بإذن الله. مكان الدورة: على التلغرام عبر تسجيلات صوتية. 🌹محاور الدورة: 🌸كلمة إفتتاحية والتعريف بالدورة وشرح طريقة التدريس والتدريب 🌸ركائز ومفاتيح تهم كل ملكة في مملكتها. 🌸من أين أبدأ⁉️ ( درس يخص التخلص من الفوضى بالتفصيل) 🌸تحدي السويعة ⏰( درس يخص برنامج شهري اسبوعي) 🌸روتيني اليومي مع جدول تنظيمي  📋🖋 🌸فن الترتيب  (كل مايخص ترتيب الاشياء) 🌸التنظيف مواد وأدوات🧴🚿🪣 🌸اخطاء في التنظيف تجعل بيتك اكثر اتساخا 🌸لاتضيعين أوقاتك في هذا .... 🌸 كيف حتى لاأعود للكركبة من جديد 🌸مشاكل شائعة في بيوتنا وكيفية معالجتها ✔️ 🌸عنايتُك بجمالك ✔️ 🌸الرٌَحلة ( افكار انتقال من بيت لآخر) ✔️ مدة الدورة :أسبوعين تبدأ الدورة يوم 12 جويلية 2026 ان شاء الله 🌸 #شهادات_المشتركات_سابقا⏬ https://t.me/Baytouki16/61?single ♦️لتفاصيل اكثر  راسلينا على الخاص📩⏬ @oum_elbanin

الطي الياباني #الجزء_الثاني 🪭📦 في المنشور السابق الجزء الأول شفنا كامل وش ماتحبش ماري كوندو واليوم جيتكم ببعض قواعدها 🌸بسم الله نبدأ🌸 كونماري تقولك للترتيب قواعد القاعدتين لي تمشي عليهم هي : 📌الرمي بالطريقة الصحيحة 📌التخزين بالطريقة الصحيحة لو طبقتي هاد القاعدتين راح تترتبي بإذن الله قواعدها هي فيها امورمخالفة للدين الإسلامي ماراحش نذكرها تفصيليا لكن انا نقولك اتخلصي من كل ماهو غير مستعمل و شادلك مساحة حتى لو جديد بالتيكي تاعو اتخلصي ( صدقيه او بيعيه) بمجرد ماتستعمليهش وشاد بلاصة وقاعد اتخلصي منو ✔️ وثانيا تقولك التخزين الصحيح له قواعد كذلك ومُلخصه انو كل حاجة تكون عندها مكانها وتقولك بمجرد خصصتي للأشياء أماكنها يعني خصصتيلها #وطن ✔️ يعني ماكانش شئ ماعندوش وطنه هي عندها وحد العفسة تديرها انها #تتخيل اي شي او اي ركن قبل ماتخزن فيه وهذا التمرين طبقتو على خزانتي تحديدا وراااائع رسمت خزانتي وبديت نتخيل يعني تتخيلي وين راح تحطي كل فئة وش لازم تزيدي فخزانتك وش لازم تعلقي ..ووين لازم تحطي منظمات ..الخ هايل ويوضح الامور ( ننصحكم تكون المنظمات مربعة او مستطيلة باش نستغلو المساحات جيدا افضل من الدائرية) ✅ بعد التخلص وفك التعلق بالاشياء رغم انو هي متعلقة بالاشياء وهاد شي محبيتوش فكتابها صراحة❌ لمهم نروحو للتخزين ناخذو الملابس على سبيل المثال : الملابس فيها #الطي_والتعلاق عندها قاعدة اساسية فالطي لي هي تطوي الحواف حتى ترجعيها شكل مستطيل تقسمي القطعة على النصف مع ترك فجوة في الاسفل يعني ماتلحقيش للاخير كامل ثم تقسميها على ثلاث او اربع قسمات وتوقفيها في وحدة التخزين ، هادي قاعدتها الاساسية نخليهالكم في صورة في التعليقات ان شاء الله،ثم فكتابها تتفرع في كل نوع من الملابس تديرلو حاجة خاصة تميزو لكن تبقى هادي القاعدة هي الأساس لي تخدمي عليه كل انواع ملابسك🌸 أما امور #التعلاق تقولك نعلقو الحوايج السميكة مثل لمعاطف وغير ذلك والرقيقة والحساسة لي تتكرفص و فهادي تااااني عندها قواعد تقولك علقي حسب النوع ثم الفئة ثم اللون مثلا الفئة =فساتين او سراول او معاطف النوع= قماش قطني او قماش ساتان او قماش كراب اللون= الفاتحة اولا ثم الداكنة وتقولك ديريها ترتفع نحو اليمين يعني تبدا من الطويل للقصير ترتفع نحو اليمين تقولك هكذا تريح النظر افضل. وتقولك انو الامور لي تشوفيها تتعلق و ماتلقايلهاش مكان للتعلاق اطويها في ادراج قرب لي تتعلق ( هنا اظن راهي تحكي بنسبة للناس لي عندهم ادراج داخل لخزاين لي يجو تحت المعلاق زعما تعلقي ملفوق وكي ميكفوكش او مايتعلقولكش تطوي تحطي تحتهم ) ، وكونماري تقولك اتعلمي تطوي كلش في حالة ما سافرتي تلقاي روحك 🔴 وانا نزيدلكم امر التعلاق او الطي يكون حسب الفرد كذلك يعني تاع الزوج وحدو الزوجة وحدها و الاولاد وحدهم تقولك تاني كي تكوني راح تخزني تخزري مليح فالمساحة لي راح تخزني فيها وتحدديها نمدلكم أنا مثال هي مامداتوش انا برك باش نقربلكم الصورة ، مثلا مساحة التخزين لي عندك 60سم تسما يجوك 3 صفوف الصف الواحد تخزني قطعته على شكل مربع 20سم للتريكو نخليلك صورة فالتعليقات ( اسمحولي وقيلا بديت نهبل معاها ^^ ) بصح صدقوني غير امر مهم وهايل ✅ لمهم ميكونش واحد مربع واحد مستطيل واحد رقيييق كي تجي تحطي تحصلي او مثلا كي تطويهم عموديا بسمك خشين وعالي كي تجي تحطي فلقجر ماتقدريش الارتفاع يكون قصير ، لذلك احسبي تقريبيا مساحات التخزين لي عندك بعينك برك 🔴بالنسبة للمنظمات حنا دينا نظرة خاطئة عليها في بالنا انو هي ترتب بالمنظمات لكن رانا غالطين هي تحب بزاف ترتب في مساحات التخزين لي تكون عندنا في بيتنا فقط مثل لخازااين ولقجور ، اما المنظمات تستعملهم غير للضرورة كي تضطر لتم تروح للمنظمات مثلا الملابس الصغيرة والرقيقة و لي تتكرفص تمتم، هي المنظمات تحب لخدمة بيدها مثلا تقولك جيبي بايط ليسارفيات و بايط تاع الاحذية وغلفيهم وستفي فيهم...الخ ،انا تان المنظمات نحبهم للضرورة فقط يكفي انو يكون عندك مساحات التخزين خزاين...بلاكارات...صناديق الأسرٌة هادو يكفو لكن عند الضرورة نحب منظمات أكيد لكن امر العلب لي قالاتو هي مانكدبش عليكم انا مانحبوش نحب منظمات باينة واضحة شابة مشرية واجدة نفس اللون ونفس المظهر تمد إشراقة للخزانة ، مام يسقامولنا لكن هي مرة واحدة وخلاص ماشي كل يوم نشروهم ولي تحب تخدم اشغال يدوية معليش هي حرة🌹 🌸إذن أخواتي الترتيب عالم كبير وأسلوب حياة رائع،راح تتفرغي و تلقاي وقت لعدة مجالات، و لايقتصر الترتيب على الملابس فقط بل على كل البيت، على العلاقات كذلك، على المواقع الصفحات المجموعات ...اتخلصي من لي ماعندوش فايدة ويكسرلك راسك واحتافظي بلي عندو فايدة ويعود عليك بالنفع + خزني ومدي موطن صحيح لكل أمر = ترتيب ممتاز ورؤية واضحة ✔️

السلام عليكم 🌸 #المناسبات كاين بزاف نساء غير ماتكون عندهم مناسبة...نجاح...ختان...عرس...عشاء عائلي عرضة مباشرة تبدأ تخمم وش تحط حلوى وش تطيب عشا وتنسى الأمور المهمة الأخرى، نجاح المناسبة لا يعتمد فقط على الطعام المليح، بل على كل ما يحيط بالضيوف من بيئة نظيفة وراحة ذلك. بالنسبة ليا عندنا 3 تحضيرات أساسية ⬇️ 📌أولا : التحضيرات التنظيمية والتنظيفية: لازم بيتنا يكون نظيف والحقيقة انو لازم يكون عندنا روتين تاع تنظيف وترتيب طيلة العام ماشي غير كي تسمعي ضيف جاي او مناسبة  ماتلقاي منين تبداي لازم تطبقي نظرية المزارع لي شرحتها لكم سابقا ^^ انو المزارع عام كامل هو يزرع ويعتني ويقلم ويصبر على الطوارئ و في وقت الحصاد يفرح 👍 لكن مع هذا اذا حصلتي نمدلك اساسيات لازم تبداي بيهم اول حاجة المدخل: لانو أول ما يراه الضيف فلازم يكون مسيق ، خزانة الأحذية والمرايات يشعلو تابي أمام البيت نقي غرفة المعيشة: الفراش والستائر والزربية مرتبين والطاولات ملمعين الحمام: منقي بالجافال جيدا مفرش بتابيات تاع الدوش المرايا ملمعين الصابون جديد ونقي المناشف نظيفة ومعلقة الملابس لي ماشي مغسولين دخليهم داخل الغسالة واغلقيها بيدما يروحو ، حطي دلو قمامة نظيف فيه كيس وحطي قارورة معطر لداخل في المرحاض اعزك الله المطبخ: لماعن مغسولين ، الثلاجة نظيفة وفارغة قدر المستطاع ، تنظيف فرن المطبخ من الاعلى منقي الأرضيات مسيقة دلو القمامة نظيف ومعطر ، الأواني كامل مخبية باش إعداد الطعام وتقديمه يكون سهل وماتكونيش متوترة. غرفتك فراش سريرك شباب مسڨم الغبار ممسوح لمرايات ملمعة ومعطرة 📌 ثانيا:التحضيرات الشخصية بلا مانفصل في هذا الجانب الشخصي الخاص  لكن توجدي كل الامور لي راح تتجملي بيها نتي واولادك في رف من ارفف الخزانة مع بعض كامل كذلك من العادات الجميلة انو كي يجوك ضياف عزاز توجديلهم هدايا كي يجو خارجين تمدوهالهم وجديهم كذلك ( ماتديريلهمش ريحة كي يجو خارجين لايجوز تعرفو حكم وضع عطر للنساء خارجا ) وماتمدوش أمور لي يقدرو يتبرجو بيها برا اشرولهم أمور يستعملوهم في المنزل اذا راح يباتو وجدي دراوات ووسائد نقيين ومعطرين مسبقا و بلايغ اعزكن الله يدورو بيهم 📌 ثالثا: التحضيرات المطبخية لازم تقرري وش لازم تطيبي ولاتقررين لوحدك وماتسقسيش فلفايس سقسي لي راح يصرف وش يقدر يجيب وش ميقدرش وعلى أساسه اطبخي ( المهم يكون تنوع بدون تبذير ) لازم تكتبي كلش كل الاطباق الرئيسية الثانوية المقبلات الأمور الحلوة وحتى واش تحطي من اواني وديكور في الطاولة واطبخي للناس وش يحبو هوما ياكلو ماشي نتي وش تحبي تاكلي، لازم تان تحضري معظم الأمور من قبل يومين او 3 مثلا تنظيف الحشاوش ، تتبيلة السلطة،حميس،تنظبف اللحوم وتتبيلها تحضير الحلويات تحضير السنيوة ودائما ديري حسابك للطوارئ في حالة ساحت حاجة طاحت حاجة تحرقت حاجة ولادك خسرولك أمر ضروري يكونو امور  اضافية مخبية فواكه إضافية، بريكي، طبق سريع في راسك مفكرة فيه وكذلك توسعي بالك وتعيشي لحظاتك بكل سرور ✅نختملكم بقصة مرة قريت منشور انو ام كانو جايينها ضيوف وجدت كلش دارت لقات ابنها فرش السلطة كامل فالارض طبعا تخلعت لكن سقساتو بهدوء وش راك دير ؟ قالها راني نوكل فالارانب تاوعي يعني المطبخ تخيلو مزرعة وفيه ارانب وبدا يوكل فيهم يعني هو رآه فالعالم البريئ تاعو ونتي راح يطلعلك السكر وقادرة تشديه تضربيه وهو ما فاهم والو مسكين لذلك كوني مرنة متقبلة للطوارئ وعيشي لحظاتك بسعادة 🌹 ❓قولولي كاش مناسبة راهي جايتكم ❓❓وفواش راكم حاصلين او وشراكم توجدو❓ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🛎نسيييم ياك قتلك ارفد لكراسا وينرااااهم❓ 🛎نصيرة جبتي الدلاعة؟ ياااا نسيتها فالثلاجة💧 🛎شللو رجليكم ملييبيح بالاكو توسخولي السيارة بالرمل 🛎ماااااماااااا اشريلي بالوووووون تاع لبحر علاش مجبتيليش ديااااليييي 🛎يااااااانسيت ندير البيض المغلي فالسلطة 🛎الام غاااااايسة في أمواج البحر ثم قالت:  سعاد علابالك وشراني نخمم؟ وشراكي تخممي؟ راني نخمم كي يدخلو للدار وش يفريها مع التنظيف الرمل للرقبة باااااينة وش هو موضوع اليوم ⏬^^ #رحلتي_الى_البحر باش ميصرالناش كيما العائلة هادي جيت نقولكم كيف نقضي يوما منظما في البحر ❓  🏖 كي تنوي تروحي للبحر لازم تخيري النهار لي تجيك فيه العين باش تنظفي آلاز من قبل ومن بعد او تعمري الماء و بعدها تنظفي بيتكيعني تسيقي تغسلي ماعنك، حبل النشير يكون فارغ ، الثلاجة مرتبة وفارغة نوعا ما، ترفدي ليتابي الزرابى وتخلي الدار فارغة ونقية علاش❓باش كي تولي كلش يكون سهل ماشي تزيد تتراكم الفوضى عليك 🏖 توجدي المناشف و ملابس اللي راح يلبسوهم كي يرجعو فليل ،  فوق فراش كل واحد او في مكان ما في البيت حطي كل واحد منشفته وبيجامتو، كي تولي متبقايش حاصلة وتجري تجبدي فحوايجهم بعد الدوش. 🏖تروحي تكتبي قائمة كل فرد وش تديلو كلش تاعو كل فرد  حوايجو لي يعوم بيهم و لي  يلبسهم بعد مايكمل يعوم ، منشفته،العابه ،الكريمة تاعو الشابو كلش هكذا مع كل فرد، واذا رضيع اكيد الحفاظات ولوازمه توجديهم وتخبيهم ، مادابيك يعومو فالحوايج لي مفيهمش جيوب حاولو تخيرو حاجة يعومو فيها مافيهاش جيوب تماما لانو هادوك الجيوب يتعمرو رمل مانجو نغسلوهم نشيبو 🏖لوازم البحر لي راح تفرشوهم اذا عندكم طقم نزهة تخبيه ، باراسول...الخ ( شفتو الحالة شحال صعيبة تقول راح ترحلي -___- بصح ممتعة ^^ بصح  كي ولينا امهات باش حسينالها 💧ربي يقدرنا جميعا ويحفظ الوالدين ويرحم لي ماتو برحمته الواسعة) 🏖بعدها تروحي لقائمة الاكل اذا راح تشرو برا او تدي من البيت توجدي وش راح تدي كامل من مأكولات واواني بلا ماتنساي (ملح وسكر ) ⛱ساشيات فارغين لي تحطي فيهم حوايجهم ليعامو فيهم وساشي للقمامة اكرمكن الله وساشي لعلب الاكل وكيس لالعابهم..الخ  +بابيي+لانجات. 🏖بوشات او صاك لي تحطو فيهم هواتفكم.. الشاحن..الاوراق المهمة 🏖حطي زوج باسينات قدام الباب لداخل وحدة يحطو كامل فيها الاحذية عند العودة والاخرى الاكياس لي معمرين هاد الحاجة تساعدك بزاف باش مينتشرش الرمل داخل الدار خاصة صحاب العمارات 🏖تحطي كلش قدام الباب تغلقي الغاز الماء النوافذ وتروحو بسلام 🏖كي تكوني في البحر احرصي فقط انو تكوني منظمة متبدايش تخلطي القمامة مع ماعن لي فرغتوهم او ملابس مع الالعاب ولماعن..الخ كل حاجة ديرولها كيس يالوكان ترفدو فيديكم خاطر هاد التنظيم يساعدك نتي في البيت عند العودة. نلتقي في الجزء الثاني ان شاء الله بعنوان : 🚘🏖 عند العودة من البحر ✅ #يُتبع... #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#حافظي_على_غسالتك 🚿🧺 🛑أولا : لازم ماتعمريهاش بلحوايج عندها حد وين يحبس القش ويكون ناشف طبعا، ماتشمخيهش وتبداي تعمري حتى يطرطق الموتور وإذا ماطرطقش ، القش يخرج فحالة كارثية من بعد نقولو ماتنقاش القش ولا نحصلوها فالمنظف. 🛑ثانيا : إذا غسلتي على مرات عديدة فنفس اليوم خلي على الاقل بين غسلة وغسلة 20 دقيقة ترتاح الغسالة. 🛑 ثالثا: استعملي المنظف الخاص بيها إذا كانت اوتوماتيكية عندها سائل أو بودرة خاصة بالاوتوماتيكية وإذا نصف اوتوماتيكية كذلك نفس الشي. ماتستعملوش منظفات عشوائية لانو الرغوة تقدر تخسر الغسالة 🛑رابعا: ديرولها غسل ذاتي ونظفو الفلتر وحتى الحوض وتحت الجوان ولقجر تاع المنظف والملين نقوهم 🛑خامسا: بعد الغسيل دايما خلو الباب مفتوح تتهوى وتنشف وامسحوها 🛑سادسا: كل نوع قماش عندو برنامجو فالغسالات يعني كي تكوني راح تغسلي قش الاطفال كاين برنامج للاطفال وكي تكوني راح تغسلي افرشة كاين برنامج ...الخ واذا تلفتلك كامل ديريه يغسل standard 🛑 سابعا: إذا القش ديالك يخرجلك فيه رائحة كريهة يعني كاين امر غير طبيعي لازم تتحل الماشينة وتشوفو وش حاصل فيها و يفتحها خدام يعرفلها فقط . 🛑ثامنا: بالنسبة لي عندهم الماء فيه الكالكار او يجي بالتراب ديرو فلتر لانو القش راح يخرجلكم في حالة كارثية خاصة وبالتوفيييييق عزيزات🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🍃قـال رسـول الله ﷺ : « منْ قرأَ سورةَ الْكهْفِ فِي يوْمِ الجُمعةِ، أَضاءَ لهُ منَ النّورِ مَا بينَ الجُمُعتَيْنِ. » 📚صحيح الْجـامع (6470)|.