Rakhine သတင်းစုံ

🛡 ရွှေသောင်ယံနှင့် ဧရာဝတီ-ရခိုင် နယ်စပ်တစ်လျှောက် တပ်မတော်မှ စစ်သင်္ဘောများ၊ စစ်ကားများဖြင့် အင်အားအမြောက်အမြား ဖြန့်ကျက်ပြီး AA အကြမ်းဖက် သောင်းကျန်းသူများကို အမြစ်ပြတ် ချေမှုန်းရန် စစ်ဆင်ရေး ပြင်ဆင် ရွှေသောင်ယံ၊ ဩဂုတ် ၂၇ ဧရာဝတီတိုင်းဒေသကြီး၊ ရွှေသောင်ယံမြို့နယ်နှင့် ရခိုင်ပြည်နယ် ဂွမြို့နယ် ဆက်စပ်နေသည့် ကမ်းရိုးတန်း နယ်မြေများအတွင်း ခိုးဝင် တပ်စွဲထားသည့် AA အကြမ်းဖက် သောင်းကျန်းသူများကို ချေမှုန်းရန်နှင့် နယ်မြေစိုးမိုးရေးအတွက် တပ်မတော်မှ စစ်သင်္ဘောများ၊ ယာဉ်တန်းများနှင့် စစ်သည်အင်အား အမြောက်အမြားဖြင့် ပြတ်ပြတ်သားသား အပြည့်အဝ အင်အားဖြည့်တင်း၍ စစ်ဆင်ရေးများ တိုးမြှင့် ဆောင်ရွက်လျက်ရှိသည်။ ဩဂုတ်လ ၂၇ ရက် နံနက်ပိုင်းတွင် ရွှေသောင်ယံ ကမ်းခြေပတ်လမ်းအတိုင်း တပ်မတော် စစ်ကြောင်းများ၊ ယာဉ်တန်း အစီးရေ ၅၀ နီးပါးနှင့် ရွှေသောင်ယံ ကမ်းခြေတစ်လျှောက် စစ်သင်္ဘော ၁၀ စီးကျော်ဖြင့် ပင်လယ်ပြင်နှင့် ကုန်းလမ်း ပူးပေါင်းကာ စနစ်တကျ အင်အားဖြန့်ကျက် ရွှေ့ပြောင်းခဲ့သည်။ တပ်မတော်မှ မျိုးချစ် တပ်မတော်သားသစ်များ၊ သင်တန်းဆင်း စစ်သည်များသည် စိတ်ဓာတ်တက်ကြွစွာဖြင့် နယ်မြေစိုးမိုးရေးနှင့် လုံခြုံရေး တာဝန်များကို ဓိဋ္ဌာန်ပြု ထမ်းဆောင်လျက်ရှိသည်။ ထို့ပြင် ရေကြည်၊ သာပေါင်းနှင့် ဂွမြို့နယ် အစပ်နယ်မြေများအတွင်း သောင်းကျန်းသူများ ခိုအောင်းနေသည့် စစ်ရေးပစ်မှတ်များကို တပ်မတော်က ကြည်း၊ ရေ၊ လေ ပူးပေါင်း၍ လေကြောင်း ပစ်ကူများ၊ လက်နက်ကြီးများဖြင့် ပြတ်ပြတ်သားသား ဆက်တိုက် ဗုံးကြဲ ရှင်းလင်း လျက်ရှိရာ AA အကြမ်းဖက်သမားများမှာ အကြီးအကျယ် ထိခိုက်သေဆုံးမှု များပြားပြီး စစ်မြေပြင်တွင် အထိနာကာ တပ်ပျက် ဆုတ်ခွာနေကြရသည်။ 📍 ပြည်ဖျက် လော်ဘီ မီဒီယာများ၏ အပြစ်လွှဲချ သတင်းအတုများကို မယုံကြည်ကြရန် တပ်မတော်၏ ပြင်းထန်လှသော ကြည်း၊ ရေ၊ လေ စစ်ဆင်ရေးကြောင့် AA သောင်းကျန်းသူများ အတုံးအရုန်း သေဆုံး၍ စစ်ရှုံး တပ်ပျက်နေသည့် အခြေအနေမှန်ကို ဖုံးကွယ်ရန်အတွက် ပြည်ဖျက်လော်ဘီ မီဒီယာများနှင့် AA သတင်းအဖွဲ့များက တပ်မတော် စစ်သည်များကို မဟုတ်မမှန် စကားတိုက်ပေးခြင်း၊ စခန်းများ လက်လွတ်နေရသည်ဟု လိမ်လည် ရေးသားခြင်း၊ အရပ်သားများ ထိခိုက်နေသယောင် သတင်းအတု၊ သတင်းအမှားများကို လေလှိုင်းပေါ်တွင် လုပ်ကြံ ရေးသားကာ ပြည်သူများ စိုးရိမ်ထိတ်လန့်အောင် သွေးထိုး လှုံ့ဆော်နေခြင်းသာ ဖြစ်သည်။ 🔄 ဧရာဝတီ-ရခိုင် နယ်စပ် တည်ငြိမ်ရေးအတွက် အမြစ်ပြတ် ဆက်လက် ချေမှုန်းမည် တပ်မတော်အနေဖြင့် ဧရာဝတီတိုင်းဒေသကြီးနှင့် ရခိုင်ပြည်နယ် အစပ်ရှိ မိဘပြည်သူများ၏ လုံခြုံရေးကို အပြည့်အဝ တာဝန်ယူထားပြီး ခိုးဝင်ရန် ကြံစည်နေသည့် AA အကြမ်းဖက်စခန်း မှန်သမျှကို မည်သည့်နေရာတွင်မဆို "စစ်ရေးပစ်မှတ်" အဖြစ် သတ်မှတ်ကာ အမြစ်ပြတ်သည်အထိ မြေလှန်စနစ်ဖြင့် ဆက်လက် ချေမှုန်းသွားမည်ဖြစ်သည်။ မိဘပြည်သူများအနေဖြင့် အကြမ်းဖက် AA အဖွဲ့ဝင်များ ရှိရာနေရာများနှင့် ဝေးဝေးနေကြပါရန်နှင့် လိုင်းပေါ်ရှိ သတင်းအမှားများကို ပြတ်ပြတ်သားသား ဆန့်ကျင်ကြရန် နှိုးဆော်အပ်ပါသည်။ https://t.me/RakhineNewsUpdate