O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi tomonidan tadbirkorlar bilan o‘zaro aloqani yanada qulay va samarali tashkil etish maqsadida zamonaviy murojaat yuborish tizimi joriy etildi. 🟠Foydalanuvchilar murojaatni quyidagi usullar orqali yuborishlari mumkin: — rasmiy veb-sayt orqali — Telegram bot orqali 🟠Murojaat yuborish uchun elektron shaklni to‘ldirish zarur bo‘lib, unda asosiy ma’lumotlar (kompaniya haqida ma’lumot, aloqa ma’lumotlari, murojaat mazmuni) kiritiladi hamda zaruratga ko‘ra qo‘shimcha fayllar ilova qilinadi. 🟠Murojaat yuborilgandan so‘ng unga maxsus identifikatsiya raqami beriladi va ushbu raqam orqali murojaat holatini onlayn tarzda kuzatish mumkin. ⏳ Murojaatlarni ko‘rib chiqish muddati 14 ish kunigacha. ✅ Mazkur tizim murojaatlarni ko‘rib chiqish jarayonining shaffofligi, tezkorligi va qulayligini ta’minlaydi hamda mijozlar bilan samarali aloqani mustahkamlaydi. ———— 🇺🇿 Агентством по развитию легкой промышленности при Кабинете Министров Республики Узбекистан внедрена современная система подачи обращений с целью обеспечения более удобного и эффективного взаимодействия с клиентами. 🟠Пользователи могут направить обращение следующими способами: — через официальный сайт — через Telegram-бот 🟠Для отправки обращения необходимо заполнить электронную форму, указав основные данные (информация о компании, контактные данные, суть обращения), а при необходимости — прикрепить дополнительные материалы. 🟠После успешной отправки обращению присваивается уникальный номер, который позволяет отслеживать статус его рассмотрения в режиме онлайн. ⏳Срок рассмотрения обращения составляет до 14 рабочих дней. ✅ Данная система обеспечивает прозрачность, удобство и оперативность обработки обращений, а также повышает эффективность взаимодействия с клиентами. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat #Rivojlanish #Agentlik

Prezident Shavkat Mirziyoyev raisligida mahallalarga yangi muhit olib kirish hamda “mahalla yettiligi” faoliyatini yangicha tashkil qilish boʻyicha videoselektor yigʻilishi oʻtkazildi. — Под председательством Президента Шавката Мирзиёева состоялось видеоселекторное совещание по вопросам создания новой среды в махаллях и организации деятельности «махаллинской семерки» по-новому. #Mirziyoyev #videoselektor #mahalla #yettilik Prezident.uz|Facebook|Instagram|YouTube|X

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktorining o‘rinbosari Ruxullo Zikrillayev MSR (National Fabrics) kompaniyasi bosh direktori Iqbal Ebrahim bilan uchrashuv o‘tkazdi. 🟠MSR, National Fabrics nomi ostida faoliyat yurituvchi hamda Moosa's Sales Room brendi bilan tanilgan Janubiy Afrikaning 65 yildan ortiq tajribaga ega yirik ulgurji to‘qimachilik kompaniyalaridan biri hisoblanadi. Korxona asosan kiyim-kechak va boshqa to‘qimachilik mahsulotlari ishlab chiqarish uchun mo‘ljallangan gazlamalarni ulgurji yetkazib berishga ixtisoslashgan. 🟠Muzokaralar davomida kompaniya rahbariyati O‘zbekistonda ishlab chiqarilayotgan raqobatbardosh narxdagi va yil davomida talab yuqori bo‘lgan to‘qimachilik mahsulotlarini import qilishga qiziqish bildirdi. Ayniqsa, Janubiy Afrika iste'molchilari uchun maqbul narxlarda taklif etilishi mumkin bo‘lgan ommaviy segment mahsulotlariga alohida e'tibor qaratildi. 🟠Uchrashuv yakunida MSR va O‘zbekistonning uy tekstili hamda tayyor to‘qimachilik mahsulotlari ishlab chiqaruvchi korxonalari o‘rtasida to‘g‘ridan-to‘g‘ri hamkorlikni yo‘lga qo‘yish, mahalliy ishlab chiqaruvchilarning mahsulot kataloglari, namunalar, texnik tavsiflar va eksport narxlari bo‘yicha takliflarini Janubiy Afrika tomoniga taqdim etish yuzasidan kelishuvga erishildi. 🟠Shuningdek, Janubiy Afrika bozori talablariga mos keluvchi yil davomida xaridorgir bo‘lgan mahsulotlar ro‘yxatini shakllantirish, logistika, yetkazib berish va hisob-kitob shartlarini ishlab chiqish bo‘yicha hamkorlikni boshlashga kelishildi. 🟠Taqdim etiladigan mahsulotlar va namunalar o‘rganilgach, MSR kompaniyasi o‘z talablariga mos va raqobatbardosh mahsulotlarni tanlab olib, ular bo‘yicha tijorat buyurtmalarini shakllantirish imkoniyatini ko‘rib chiqadi. 🟠Mazkur uchrashuv yakunlari O‘zbekiston ishlab chiqaruvchilarining Janubiy Afrika ulgurji to‘qimachilik bozoriga kirib borishi, yangi eksport yo‘nalishlarini kengaytirishi hamda uzoq muddatli savdo hamkorligini yo‘lga qo‘yish uchun muhim asos yaratadi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktorining o‘rinbosari Ruxullo Zikrillayev Yoxannesburg shahrida Janubiy Afrika Savdo-sanoat palatasi (SACCI) prezidenti Mtho Xulu hamda tashkilot bosh direktori Alan Mukoki bilan uchrashuv o‘tkazdi. 🟠Uchrashuv davomida tomonlar O‘zbekiston va Janubiy Afrika Respublikasi o‘rtasida savdo-iqtisodiy hamkorlikni rivojlantirish, yengil sanoat sohasidagi aloqalarni kengaytirish hamda yangi investitsiyaviy va eksport yo‘nalishlarini muhokama qildilar. 🟠Ma'lumot uchun: SACCI Janubiy Afrika Respublikasining yetakchi biznes uyushmalaridan biri bo‘lib, hududiy savdo-sanoat palatalari tarmog‘i orqali qariyb 20 mingta korxona manfaatlarini birlashtiradi hamda xalqaro savdo-iqtisodiy hamkorlikni rivojlantirishda muhim o‘rin tutadi. 🟠SACCI rahbariyati O‘zbekistonda amalga oshirilayotgan iqtisodiy islohotlarni yuksak baholab, mamlakatimizning ishlab chiqarish va eksport salohiyatini alohida e'tirof etdi. Shuningdek, O‘zbekiston ishlab chiqaruvchilarining Afrikaning eng yirik sanoat ko‘rgazmalaridan biri — Manufacturing Indaba Expo ko‘rgazmasida ishtirok etishi taklif qilindi. 🟠Muzokaralar davomida o‘zaro savdo hajmini kengaytirish maqsadida O‘zbekiston va Janubiy Afrika Respublikasi o‘rtasida Preferensial savdo to‘g‘risidagi bitimni tuzish imkoniyatlarini birgalikda ishlab chiqish tashabbusi ilgari surildi. 🟠Shuningdek, O‘zbekiston yengil sanoati mahsulotlarining Janubiy Afrika bozoridagi raqobatbardoshligini baholash maqsadida ularni boshqa davlatlardan import qilinayotgan o‘xshash mahsulotlar bilan qiyosiy tahlil qilish bo‘yicha hamkorlikni yo‘lga qo‘yish yuzasidan fikr almashildi. 🟠Uchrashuv yakunida O‘zbekiston va Janubiy Afrika Respublikasi ishbilarmon doiralari ishtirokida qo‘shma davra suhbatini tashkil etish bo‘yicha kelishuvga erishildi. Mazkur tadbir tadbirkorlar o‘rtasida to‘g‘ridan-to‘g‘ri aloqalarni rivojlantirish, yangi savdo loyihalarini yo‘lga qo‘yish hamda sanoat kooperatsiyasini mustahkamlashga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 15-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Germaniyaning mashhur ERIMA sport kompaniyasi boshqaruvchi direktori Wolfram Mannherz bilan uchrashuv o‘tkazdi. 🟠Uchrashuv davomida O‘zbekiston to‘qimachilik va tikuv-trikotaj sanoatini rivojlantirish, mahalliy korxonalar salohiyatini xalqaro brendlar bilan hamkorlik orqali yanada oshirish hamda eksport hajmlarini kengaytirish masalalari atroflicha muhokama qilindi. 🟠Xususan, “Zelal Tekstil” korxonasi va ERIMA sport kompaniyasi o‘rtasida ERIMA brendi ostida sport kiyimlarini ishlab chiqarish va yetkazib berish bo‘yicha erishilgan kelishuvni amalga oshirishning amaliy jihatlariga alohida e'tibor qaratildi. 🟠Mazkur kelishuvga muvofiq: — 2026-yil yakuniga qadar 5 million yevro qiymatidagi sport kiyimlarini ishlab chiqarish va yetkazib berish; — keyingi yillarda esa hamkorlik hajmini 20 million yevrogacha kengaytirish rejalashtirilgan. 🟠Tomonlar ushbu loyiha O‘zbekiston yengil sanoatining eksport salohiyatini oshirish, xalqaro standartlar asosida mahsulot ishlab chiqarishni rivojlantirish, yangi ish o‘rinlarini yaratish hamda mahalliy ishlab chiqaruvchilarning global ta'minot zanjiridagi ishtirokini kengaytirishga xizmat qilishini ta'kidladilar. 🟠Shuningdek, uchrashuv yakunida o‘zaro manfaatli hamkorlikni izchil rivojlantirish, qo‘shma loyihalarni ko‘paytirish hamda ERIMA brendi bilan uzoq muddatli strategik sheriklikni mustahkamlash bo‘yicha kelgusidagi vazifalar belgilab olindi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Made in Uzbekistan Textile Outlet Center loyihasining rasmiy taqdimoti bo‘lib o‘tadi. 🟠Taqdimot davomida Toshkent shahrida tashkil etilishi rejalashtirilayotgan 450 ta doʻkondan iborat yirik Textile Outlet Center konsepsiyasi, loyiha imkoniyatlari va doʻkonlarni joylashtirish tartibi haqida batafsil maʼlumot beriladi.

Mazkur markazda mahalliy ishlab chiqaruvchilar o‘z mahsulotlarini xaridorlarga to‘g‘ridan-to‘g‘ri ishlab chiqaruvchi narxlarida taklif etish imkoniyatiga ega bo‘ladilar. Loyihada quyidagi yo‘nalishlar bo‘yicha mahsulotlar namoyish etilishi rejalashtirilgan: — Kiyim-kechak — Sumkalar — Poyabzallar

🟠Loyiha Toshkent va Oʻzbekistonning barcha hududlari bilan bir qatorda Qozogʻiston, Qirgʻiziston, Tojikiston, Turkmaniston hamda Afgʻonistondan minglab xaridorlarni jalb etishga qaratilgan. 🟠Agar omboringizda realizatsiya qilinishi lozim bo‘lgan mahsulotlar mavjud bo‘lsa, ushbu loyiha siz uchun yangi savdo imkoniyatlarini yaratishi mumkin. 📅 Sana: 25-iyul 🕙 Vaqt: 10:00 📍 Manzil: Uz-Kor Texnopark, Toshkent

❗️ Ishtirok faqat oldindan roʻyxatdan oʻtganlar uchun.

➡️ Roʻyxatdan oʻtish: https://forms.gle/ponSm5AiMJhTaecS6 📞 Aloqa uchun: +998 93 386-77-33

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktorining o‘rinbosari Ruxullo Zikrillayev Woolworths Holdings kompaniyasi vakili Lourens Pilley bilan uchrashuv o‘tkazdi. 🟠Muzokaralar davomida O‘zbekiston yengil sanoatining ishlab chiqarish va eksport salohiyati, shuningdek, mahalliy ishlab chiqaruvchilar mahsulotlarini Woolworths savdo tarmoqlari orqali realizatsiya qilish istiqbollari muhokama qilindi. 🟠Ma'lumot uchun, Woolworths Holdings Afrika qit'asining yirik chakana savdo xoldinglaridan biri bo‘lib, yillik aylanmasi 4,7 milliard AQSh dollariga yaqin. Kompaniya Janubiy Afrika va mintaqaning boshqa davlatlarida 1 400 dan ortiq savdo shoxobchasiga ega. Shuningdek, uning tarkibidagi Country Road Group orqali Avstraliya bozorida ham faoliyat yuritib, kiyim-kechak, uy tekstili va kundalik iste'mol mahsulotlarining yirik xaridorlaridan biri hisoblanadi. 🟠Shuningdek, bolalar kiyimlari, uy tekstili va denim mahsulotlarini o‘z ichiga olgan O‘zbekistonda ishlab chiqarilgan mahsulotlarning yirik partiyalarini xarid qilish yo‘nalishida hamkorlikni boshlash yuzasidan o‘zaro kelishuvga erishildi. 🟠O‘zbekiston ishlab chiqaruvchilari mahsulotlari taqdimoti yakunlariga ko‘ra, Woolworths Holdings kompaniyasi o‘z talablariga mos mahsulotlarni tanlab olish hamda ularni xarid qilish bo‘yicha amaliy jarayonlarni boshlashi rejalashtirilgan. 🟠Uchrashuv yakunida Lourens Pilleyning O‘zbekiston Respublikasiga tashrifini tashkil etish bo‘yicha kelishuvga erishildi. Tashrif davomida u mamlakatimiz yengil sanoat korxonalarining ishlab chiqarish quvvatlari va eksport salohiyati bilan yaqindan tanishadi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktorining o‘rinbosari Ruxullo Zikrillayev Janubiy Afrika Milliy kiyim-kechak chakana savdo federatsiyasi (NCRF) bosh direktori Maykl Lourens bilan uchrashuv o‘tkazdi. 🟠Muzokaralar davomida O‘zbekiston yengil sanoatining ishlab chiqarish va eksport salohiyati, shuningdek, Janubiy Afrika bozoriga mahalliy mahsulotlarni yetkazib berish istiqbollari muhokama qilindi. 🟠NCRF 2007-yilda tashkil etilgan bo‘lib, Janubiy Afrikaning kiyim-kechak, poyabzal, aksessuarlar va kosmetika mahsulotlari chakana savdosi yo‘nalishida faoliyat yurituvchi 10 ta yirik milliy savdo tarmog‘i manfaatlarini ifoda etuvchi yetakchi tarmoq uyushmalaridan biri hisoblanadi. Federatsiya a'zolari yiliga 4 milliard AQSh dollaridan ortiq savdo aylanmasini amalga oshirib, 80 mingdan ziyod ish o‘rinlarini ta'minlaydi. 🟠Shuningdek, Maykl Lourens O‘zbekiston mahsulotlarini Janubiy Afrika bozoriga yetkazib berish bo‘yicha logistika masalalarini ishlab chiqish hamda barqaror ta'minot zanjirlarini shakllantirishda amaliy ko‘mak ko‘rsatishga tayyorligini bildirdi. 🟠Tomonlar O‘zbekistonda ishlab chiqarilayotgan talab yuqori mahsulotlar ro‘yxatini shakllantirish, mahalliy ishlab chiqaruvchilar va Janubiy Afrika chakana savdo tarmoqlari o‘rtasida to‘g‘ridan-to‘g‘ri hamkorlikni yo‘lga qo‘yish, shuningdek, uzoq muddatli savdo hamkorligini rivojlantirishning amaliy mexanizmlarini birgalikda ishlab chiqishga kelishib oldilar. 🟠Uchrashuv yakunida 2026-yil oktabr–noyabr oylarida NCRF vakillarining O‘zbekistonga tashrifini tashkil etish bo‘yicha kelishuvga erishildi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktorining o‘rinbosari Ruxullo Zikrillayev Pepkor Holdings tarkibiga kiruvchi PepClo Ackermans kompaniyasi rahbariyati bilan uchrashuv o‘tkazdi. 🟠Uchrashuv davomida O‘zbekiston yengil sanoatining ishlab chiqarish, eksport va investitsiya salohiyati taqdim etildi. Xususan, mahalliy korxonalarning uy tekstili, uniforma, trikotaj hamda tayyor tikuv mahsulotlarini ishlab chiqarish imkoniyatlari haqida batafsil ma'lumot berildi. 🟠Pepkor Holdings Janubiy Afrika Respublikasida qariyb 2 500 ta, xorijiy mamlakatlarda esa 500 dan ortiq savdo shoxobchasi orqali faoliyat yurituvchi mintaqaning yirik chakana savdo guruhlaridan biri hisoblanadi. 🟠Muzokaralar davomida O‘zbekistonda ishlab chiqarilgan yengil sanoat mahsulotlarining yirik partiyalarini yetkazib berishni yo‘lga qo‘yish bo‘yicha kelishuvga erishildi. Kompaniya tomonidan import qilinishi rejalashtirilayotgan eng talabgir mahsulotlar ro‘yxati taqdim etilib, ularni savdo tarmoqlari orqali realizatsiya qilish masalalari muhokama qilindi. 🟠Shuningdek, Pepkor Holdings savdo tarmoqlarida O‘zbekiston ishlab chiqaruvchilarining uy tekstili, uniforma va tayyor tikuv mahsulotlarini namoyish etishga mo‘ljallangan Pop-up Store formatini tashkil etish bo‘yicha ham kelishuvga erishildi. Ushbu loyiha iste'molchilar talabini o‘rganish, istiqbolli mahsulot yo‘nalishlarini aniqlash hamda O‘zbekiston mahsulotlarining Janubiy Afrika bozoridagi ishtirokini kengaytirishga xizmat qiladi. 🟠Tomonlar, shuningdek, O‘zbekiston korxonalari va Janubiy Afrika kompaniyalari ishtirokida qo‘shma ishlab chiqarish loyihalarini amalga oshirish imkoniyatlarini ko‘rib chiqishga kelishib oldilar. 🌐 https://gov.uz/oz/adli 😎 https://t.me/adli_uz 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026-yilning 14–16-iyul kunlari Germaniyaning Myunxen shahrida Yevropaning eng nufuzli to‘qimachilik ko‘rgazmalaridan biri — "MUNICH FABRIC START–2026" xalqaro ko‘rgazmasi bo‘lib o‘tmoqda. 🟠Ko‘rgazma doirasida O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi ishtirok etmoqda. Ko‘rgazmada mamlakatimizning eksport salohiyatiga ega to‘qimachilik va tikuv-trikotaj korxonalari o‘z mahsulotlarini xalqaro xaridorlar va hamkorlarga namoyish etmoqda. 🟠"MUNICH FABRIC START" Yevropaning gazlama, ip-kalava, kiyim-kechak aksessuarlari va innovatsion to‘qimachilik mahsulotlari yo‘nalishidagi eng yirik B2B platformalaridan biri hisoblanadi. Ko‘rgazmada dunyoning 50 ga yaqin mamlakatidan 1000 dan ortiq ishlab chiqaruvchi hamda 20 mingdan ziyod professional tashrif buyuruvchilar ishtirok etmoqda. 🟠Ko‘rgazma davomida Yevropaning yetakchi brendlari, xaridorlari va distribyutorlari bilan B2B uchrashuvlar o‘tkazish, eksport shartnomalarini imzolash, yangi hamkorlik aloqalarini yo‘lga qo‘yish hamda O‘zbekiston to‘qimachilik sanoatining eksport salohiyatini jahon bozorida keng targ‘ib etish ko‘zda tutilgan. 🟠Shuningdek, ko‘rgazma dunyoning turli mamlakatlaridan tashrif buyurgan ishlab chiqaruvchilar, xaridorlar va soha mutaxassislari o‘rtasida tajriba almashish, yangi texnologiyalarni namoyish etish hamda istiqbolli hamkorlik aloqalarini rivojlantirish uchun muhim maydon bo‘lib xizmat qilmoqda. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 14-iyul kuni Janubiy Afrika Respublikasining Keyptaun shahrida Afrika qit'asining yirik to‘qimachilik va moda ko‘rgazmalaridan biri — AllFashion Sourcing Cape Town 2026 o‘z ishini boshladi. 🟠O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasi unda "Made in Uzbekistan" milliy stendi bilan ishtirok etmoqda. Ko‘rgazmaning ochilish marosimida Agentlik direktorining o‘rinbosari Ruxullo Zikrillayev qatnashdi. 🟠Bu yil 12 ta davlatdan qariyb 3 ming nafar ishtirokchi va 150 ga yaqin kompaniyani birlashtirgan tadbirda O‘zbekistonning 90 kvadrat metr maydondagi milliy stendida mamlakatimizning 10 ga yaqin yetakchi to‘qimachilik korxonasi tomonidan tayyor tikuv-trikotaj mahsulotlari, paxta ip-kalavasi, gazlamalar hamda boshqa eksportbop mahsulotlar namoyish etilmoqda. 🟠Tadbir doirasida O‘zbekiston milliy stendi xorijiy mehmonlar va biznes vakillariga tanishtirildi. Agentlik direktorining o‘rinbosari Ruxullo Zikrillayev mamlakatimizda yengil sanoat sohasida amalga oshirilayotgan islohotlar, ishlab chiqarish salohiyati, eksport imkoniyatlari hamda xorijiy investorlar va xalqaro hamkorlar uchun yaratilgan qulay shart-sharoitlar haqida ma'lumot berdi. 🟠Xalqaro ko‘rgazmadagi ishtirok O‘zbekiston to‘qimachilik sanoatining eksport salohiyatini jahon bozorlarida keng targ‘ib etish, Janubiy Afrika Respublikasi va boshqa mamlakatlarning ishbilarmon doiralari bilan hamkorlikni rivojlantirish, yangi investitsiyaviy loyihalarni ilgari surish hamda o‘zaro savdo aloqalarini kengaytirishga xizmat qilmoqda. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 13-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Xitoyning CITIC kompaniyasi vakillari bilan uchrashuv o‘tkazdi. 🟠Uchrashuv davomida O‘zbekiston ipakchilik tarmog‘ini zamonaviy bosqichga olib chiqish, sohada yuqori qo‘shilgan qiymatga ega mahsulotlar ishlab chiqarishni kengaytirish hamda ipakchilik mahsulotlarini ishlab chiqarish jarayonlarini sanoatlashtirish masalalari yuzasidan atroflicha fikr almashildi. 🟠Shuningdek, tomonlar Xitoyning ilg‘or tajribasi va zamonaviy texnologiyalarini O‘zbekistonda joriy etish, innovatsion ishlab chiqarish quvvatlarini yaratish, ipakchilik mahsulotlarini qayta ishlash zanjirini takomillashtirish, mahsulot sifati va eksport salohiyatini oshirish istiqbollari yuzasidan muzokaralar olib bordilar. 🟠Muloqot davomida mazkur yo‘nalishdagi istiqbolli loyihalarni amalga oshirish uchun Xitoy tomonidan imtiyozli moliyaviy resurslarni jalb etish, investitsion hamkorlikni rivojlantirish hamda ikki tomonlama aloqalarni yangi bosqichga olib chiqish masalalariga alohida e’tibor qaratildi. 🟠Uchrashuv yakunida O‘zbekiston ipakchilik tarmog‘ini rivojlantirishga qaratilgan qo‘shma loyihalarni amalga oshirish bo‘yicha amaliy choralarni belgilovchi yo‘l-xaritani imzolash yuzasidan kelishuvga erishildi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi tomonidan tadbirkorlar bilan o‘zaro aloqani yanada qulay va samarali tashkil etish maqsadida zamonaviy murojaat yuborish tizimi joriy etildi. 🟠Foydalanuvchilar murojaatni quyidagi usullar orqali yuborishlari mumkin: — rasmiy veb-sayt orqali — Telegram bot orqali 🟠Murojaat yuborish uchun elektron shaklni to‘ldirish zarur bo‘lib, unda asosiy ma’lumotlar (kompaniya haqida ma’lumot, aloqa ma’lumotlari, murojaat mazmuni) kiritiladi hamda zaruratga ko‘ra qo‘shimcha fayllar ilova qilinadi. 🟠Murojaat yuborilgandan so‘ng unga maxsus identifikatsiya raqami beriladi va ushbu raqam orqali murojaat holatini onlayn tarzda kuzatish mumkin. ⏳ Murojaatlarni ko‘rib chiqish muddati 14 ish kunigacha. ✅ Mazkur tizim murojaatlarni ko‘rib chiqish jarayonining shaffofligi, tezkorligi va qulayligini ta’minlaydi hamda mijozlar bilan samarali aloqani mustahkamlaydi. ———— 🇺🇿 Агентством по развитию легкой промышленности при Кабинете Министров Республики Узбекистан внедрена современная система подачи обращений с целью обеспечения более удобного и эффективного взаимодействия с клиентами. 🟠Пользователи могут направить обращение следующими способами: — через официальный сайт — через Telegram-бот 🟠Для отправки обращения необходимо заполнить электронную форму, указав основные данные (информация о компании, контактные данные, суть обращения), а при необходимости — прикрепить дополнительные материалы. 🟠После успешной отправки обращению присваивается уникальный номер, который позволяет отслеживать статус его рассмотрения в режиме онлайн. ⏳Срок рассмотрения обращения составляет до 14 рабочих дней. ✅ Данная система обеспечивает прозрачность, удобство и оперативность обработки обращений, а также повышает эффективность взаимодействия с клиентами. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat #Rivojlanish #Agentlik

🇺🇿 Joriy yilning 11-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktori o'rinbosari Ruxullo Zikrillayev hamda LuLu Group asoschisi va Boshqaruv kengashi raisi M. A. Yusuff Ali bilan uchrashuv bo‘lib o‘tdi.

🟠Ma'lumot uchun: LuLu Group Fors ko‘rfazi mintaqasidagi eng yirik chakana savdo tarmoqlaridan biri bo‘lib, Qatar, BAA, Saudiya Arabistoni, Ummon, Quvayt va Bahraynda faoliyat yuritadi. Kompaniya tarkibida 267 dan ortiq gipermarket va supermarketlar mavjud bo‘lib, chakana savdo, xalqaro import va xaridlar, xususiy savdo belgisi (Private Label) ostida mahsulot ishlab chiqarish hamda elektron tijorat yo‘nalishlarida faoliyat olib boradi. Kompaniya oziq-ovqat mahsulotlari bilan bir qatorda to‘qimachilik va tayyor kiyim-kechak, uy tekstili, poyabzal, maishiy texnika hamda uy-ro‘zg‘or buyumlari savdosi bo‘yicha ham mintaqadagi yetakchi operatorlardan biri hisoblanadi. LuLu Groupning yillik aylanmasi qariyb 7,9 milliard AQSH dollarini tashkil etadi.

🟠Muzokaralar davomida O‘zbekistonda ishlab chiqarilgan yuqori sifatli to‘qimachilik mahsulotlarini LuLu Group savdo tarmog‘i orqali Fors ko‘rfazi mamlakatlari bozorlariga olib chiqish masalalari atroflicha muhokama qilindi. Dastlab premium segmentdagi mahsulotlarni joylashtirish, keyingi bosqichlarda esa yuqori qo‘shilgan qiymatga ega mahsulotlar assortimentini kengaytirish yuzasidan kelishuvga erishildi. 🟠Shuningdek, LuLu Group bosh ofisi huzuridagi savdo markazida O‘zbekiston kompaniyasi tomonidan LuLu Pop-Up Store formatidagi savdo maydonchasini tashkil etish, logistika jarayonlarini samarali yo‘lga qo‘yish hamda uy tekstili, sochiqlar, futbolkalar va boshqa tayyor to‘qimachilik mahsulotlarini kompaniyaning xalqaro savdo tarmoqlari orqali realizatsiya qilish masalalari muhokama qilindi. 🟠Muzokaralar yakunida tomonlar O‘zbekiston ishlab chiqaruvchilari tomonidan taqdim etiladigan mahsulotlar assortimenti asosida savdo maydoni dizaynini ishlab chiqish hamda 100 kvadrat metr maydonda "Made in Uzbekistan" savdo burchagini tashkil etish bo‘yicha kelishib oldilar. 🟠Uchrashuv yakunida tomonlar O‘zbekistonning eksport salohiyatini Fors ko‘rfazi mamlakatlarida yanada kengaytirish, milliy ishlab chiqaruvchilar mahsulotlarini LuLu Group savdo tarmog‘ida keng namoyish etish hamda uzoq muddatli va o‘zaro manfaatli hamkorlikni izchil rivojlantirish bo‘yicha kelishuvga erishdilar. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026-yilning 11-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi delegatsiyasining Janubiy Afrika Respublikasiga xizmat safari doirasida Agentlik direktori o'rinbosari Ruxullo Zikrillayev hamda Qatar Davlatining yirik investitsiya va sanoat xoldingi — “MBK Holding” kompaniyasi boshqaruvi raisi Shayx Mansur bin Xalifa Ol-Soniy o‘rtasida uchrashuv bo‘lib o‘tdi. 🟠Uchrashuv davomida O‘zbekiston va Qatar o‘rtasida to‘qimachilik sanoati, investitsiyalarni jalb etish hamda sanoat kooperatsiyasini rivojlantirish masalalari yuzasidan atroflicha muzokaralar olib borildi. 🟠“MBK Holding” rahbariyati sun’iy, sintetik va o‘simlik tolalaridan tayyorlanadigan kiyim-kechak mahsulotlari ishlab chiqarishni yo‘lga qo‘yish bo‘yicha O‘zbekiston bilan hamkorlik qilishga katta qiziqish bildirdi. 🟠Shuningdek, Qatar hududida ichki bozor ehtiyojlarini qondirish hamda uchinchi mamlakatlarga reeksport qilishga yo‘naltirilgan zamonaviy to‘qimachilik ishlab chiqarishini tashkil etishda O‘zbekiston korxonalari bilan sheriklikni yo‘lga qo‘yish masalalari muhokama qilindi. 🟠Muzokaralar davomida O‘zbekiston hududida pillachilik va poliester yo‘nalishlarida istiqbolli investitsiya loyihalarini amalga oshirish bo‘yicha takliflar ham ilgari surildi. 🟠Uchrashuv yakunida “MBK Holding” rahbariyati O‘zbekiston bilan hamkorlikni har tomonlama qo‘llab-quvvatlashini, qo‘shma loyihalarni amalga oshirishga ko‘maklashishini hamda hamkorlikka oid masalalarni yuqori darajada qo‘llab-quvvatlashga tayyor ekanini ma’lum qildi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026-yilning 11-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Belarus Respublikasining Mogilev shahrida faoliyat yuritayotgan “Lenta” korxonasiga tashrif buyurdi. 🟠Tashrif davomida korxonaning ishlab chiqarish jarayonlari, zamonaviy texnologiyalari, mahsulot assortimenti hamda eksport faoliyati bilan yaqindan tanishildi. Shuningdek, ishlab chiqarish samaradorligini oshirish va yangi texnologiyalarni qo‘llash borasidagi tajribalar o‘rganildi. 🟠1960-yildan buyon faoliyat yuritib kelayotgan “Lenta” Belarusdagi tasma va maxsus tekstil mahsulotlari ishlab chiqaruvchi yetakchi korxonalardan biri hisoblanadi. Korxona mudofaa sanoati, tibbiyot, yengil sanoat va uy tekstili yo‘nalishlari uchun keng turdagi mahsulotlar ishlab chiqarib, ularni ichki bozor bilan bir qatorda xalqaro bozorlarga ham yetkazib bermoqda. 🟠Muzokaralar chog‘ida ikki mamlakat korxonalari o‘rtasida sanoat kooperatsiyasini rivojlantirish, xomashyo va tayyor mahsulotlar yetkazib berish, qo‘shma ishlab chiqarish loyihalarini yo‘lga qo‘yish hamda o‘zaro savdo hajmini oshirish masalalari yuzasidan fikr almashildi. ———— 🇺🇿 On 11 July 2026, the Director of the Light Industry Development Agency under the Cabinet of Ministers of the Republic of Uzbekistan, Nozimjon Kholmurodov, visited the Lenta enterprise located in Mogilev, the Republic of Belarus. 🟠During the visit, the delegation became acquainted with the company's manufacturing processes, modern production technologies, product portfolio, and export activities. The parties also reviewed the enterprise's experience in improving production efficiency and implementing advanced technologies. 🟠Established in 1960, Lenta is one of Belarus's leading manufacturers of woven tapes and specialized textile products. The company produces a wide range of products for the defense industry, healthcare, light industry, and home textiles, supplying both the domestic market and international customers. 🟠During the negotiations, the parties exchanged views on strengthening industrial cooperation between the textile enterprises of Uzbekistan and Belarus, expanding the supply of raw materials and finished products, launching joint manufacturing projects, and increasing bilateral trade between the two countries. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026-yilning 10-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Belarus Respublikasining Vitebsk shahrida joylashgan OAJ "Vitebskiye Kovry" korxonasiga tashrif buyurdi. 🟠Tashrif doirasida korxonaning ishlab chiqarish jarayonlari, zamonaviy texnologiyalari hamda tayyor mahsulotlar assortimenti bilan yaqindan tanishildi. Delegatsiyaga korxonaning ishlab chiqarish quvvatlari, mahsulot sifati va eksport salohiyati yuzasidan batafsil ma’lumot taqdim etildi. 🟠1900-yilda tashkil etilgan OAJ "Vitebskiye Kovry" Belarusning gilam ishlab chiqarish sohasidagi eng yirik korxonalardan biri hisoblanadi. Korxonada turli xil gilamlar, kovrolin, palas va yo‘lakchalar, to‘qilgan jakkard gilamlari, tafting texnologiyasi asosida tayyorlanadigan pol qoplamalari, shuningdek, ayrim turdagi noto‘qima materiallar va vatin mahsulotlari ishlab chiqariladi. Korxona mahsulotlari Belarus ichki bozoridan tashqari Rossiya, MDH davlatlari hamda boshqa xorijiy mamlakatlarga eksport qilinadi. 🟠Uchrashuv davomida O‘zbekiston va Belarus o‘rtasida gilam va pol qoplamalari ishlab chiqarish yo‘nalishidagi hamkorlik istiqbollari muhokama qilindi. Xususan, zamonaviy ishlab chiqarish texnologiyalarini joriy etish, mahsulot turlarini kengaytirish, sanoat kooperatsiyasini rivojlantirish hamda ishlab chiqarish quvvatlarini oshirish bo‘yicha o‘zaro fikr almashildi. 🟠Tomonlar kelgusida qo‘shma loyihalarni amalga oshirish, ilg‘or tajribalarni o‘zaro joriy etish va ikki mamlakat korxonalari o‘rtasidagi amaliy hamkorlikni yanada rivojlantirish bo‘yicha hamkorlikni davom ettirishga tayyor ekanliklarini bildirdilar. ———— 🇺🇿 On 10 July 2026, Nozimjon Kholmurodov, Director of the Light Industry Development Agency under the Cabinet of Ministers of the Republic of Uzbekistan, visited Vitebskiye Kovry OJSC, located in Vitebsk, Republic of Belarus. 🟠During the visit, the delegation reviewed the company's manufacturing processes, modern production technologies, and extensive product range. A detailed presentation was delivered on the enterprise's production capacity, product quality, and export potential. 🟠Established in 1900, Vitebskiye Kovry OJSC is one of the largest carpet manufacturers in Belarus. The company produces a wide range of carpets, carpet flooring, runners, woven Jacquard carpets, tufted floor coverings, as well as selected nonwoven materials and batting. Its products are supplied to the domestic market and exported to Russia, CIS countries, and other international markets. 🟠During the meeting, the parties discussed prospects for expanding cooperation between Uzbekistan and Belarus in the production of carpets and floor coverings. Particular attention was given to introducing modern manufacturing technologies, diversifying product lines, strengthening industrial cooperation, and increasing production capacity. 🟠The two sides also expressed their readiness to continue cooperation in implementing joint projects, sharing advanced industry expertise, and further enhancing practical collaboration between enterprises of the two countries. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026-yilning 10-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Belarus Respublikasining Vitebsk shahrida joylashgan "Vitebsk mo‘yna kombinati" ga tashrif buyurdi. 🟠Tashrif davomida korxonada xom terini saralash, qayta ishlash, bo‘yash hamda tayyor mo‘ynali va jun teri mahsulotlarini ishlab chiqarish jarayonlari bilan tanishildi. Korxonaning texnologik imkoniyatlari, ishlab chiqarish quvvatlari va tayyor mahsulotlar assortimenti yuzasidan batafsil taqdimot o‘tkazildi. 🟠"Vitebsk mo‘yna kombinati" Belarusning mo‘ynachilik sanoatidagi yirik korxonalaridan biri bo‘lib, tabiiy mo‘yna va jun teridan tayyor kiyim-kechak, aksessuarlar hamda boshqa yuqori qo‘shimcha qiymatga ega mahsulotlar ishlab chiqarishga ixtisoslashgan. 🟠Muzokaralar davomida O‘zbekiston va Belarus o‘rtasida mo‘ynachilik sanoati yo‘nalishida hamkorlikni yo‘lga qo‘yish masalalari atroflicha muhokama qilindi. Xususan, O‘zbekistondan yetkazib beriladigan xom qorako‘l va qo‘y terilarini chuqur qayta ishlash, ular asosida zamonaviy tayyor mahsulotlar ishlab chiqarish hamda istiqbolli qo‘shma loyihalarni birgalikda ishlab chiqish bo‘yicha kelishuvga erishildi. 🟠Hamkorlikning dastlabki bosqichida O‘zbekistonning turli hududlarida yetishtirilgan qorako‘l va qo‘y terilarining namunalarini Belarus tomoniga yuborish, ularning sifat ko‘rsatkichlarini baholash hamda texnologik sinovlardan o‘tkazish rejalashtirildi. Mazkur ishlar kelgusida qo‘shma ishlab chiqarish loyihalarini amalga oshirish uchun muhim asos bo‘lib xizmat qiladi. ———— 🇺🇿 On 10 July 2026, Nozimjon Kholmurodov, Director of the Light Industry Development Agency under the Cabinet of Ministers of the Republic of Uzbekistan, visited the Vitebsk Fur Factory, located in Vitebsk, Republic of Belarus. 🟠During the visit, the delegation reviewed the enterprise's operations, including the sorting, processing, and dyeing of raw hides, as well as the production of finished fur and sheepskin products. A detailed presentation was delivered on the factory's technological capabilities, production capacity, and product range. 🟠The Vitebsk Fur Factory is one of Belarus's leading enterprises in the fur industry, specializing in the processing of natural fur and sheepskin and the manufacture of high value-added products, including garments, accessories, and other fur products. 🟠During the discussions, the parties explored opportunities for cooperation between Uzbekistan and Belarus in the fur industry. Particular attention was given to the deep processing of Karakul and sheep skins supplied from Uzbekistan, the production of modern finished fur products, and the joint development of promising manufacturing projects. 🟠As the first stage of cooperation, the parties agreed to deliver samples of Karakul and sheep skins from various regions of Uzbekistan to Belarus for quality assessment and technological testing. These activities will provide a solid foundation for implementing future joint production projects. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2026- yilning 10-iyul kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Belarus Respublikasining Vitebsk shahrida joylashgan "Marko" poyabzal ishlab chiqarish korxonasi faoliyati bilan yaqindan tanishdi. 🟠Tashrif davomida korxonaning ishlab chiqarish quvvatlari, zamonaviy texnologik uskunalari hamda xomashyoni qayta ishlashdan boshlab tayyor mahsulot ishlab chiqarishgacha bo‘lgan to‘liq ishlab chiqarish jarayonlari ko‘zdan kechirildi. 🟠Ma'lumot uchun, "Marko" korxonasi Belarusning poyabzal sanoatidagi eng yirik ishlab chiqaruvchilardan biri bo‘lib, 1991-yilda tashkil etilgan. Bugungi kunda korxona erkaklar, ayollar va bolalar poyabzallari, shuningdek, maxsus va himoya poyabzallarini ishlab chiqaradi. Korxona zamonaviy Yevropa texnologiyalari asosida faoliyat yuritib, yiliga millionlab juft poyabzal ishlab chiqarish quvvatiga ega. Mahsulotlar Belarus ichki bozoridan tashqari MDH davlatlari va boshqa xorijiy mamlakatlarga ham eksport qilinadi. 🟠Uchrashuv doirasida O‘zbekiston va Belarus o‘rtasida poyabzal sanoati yo‘nalishidagi hamkorlikni kengaytirish masalalari muhokama qilindi. Xususan, O‘zbekistonda qo‘shma poyabzal ishlab chiqarish korxonasini tashkil etish, zamonaviy texnologiyalarni joriy etish, yangi turdagi raqobatbardosh mahsulotlarni ishlab chiqarishni yo‘lga qo‘yish hamda o‘zaro tajriba almashish istiqbollari yuzasidan fikr almashildi. ———— 🇺🇿On 10 July 2026, the Director of the Light Industry Development Agency under the Cabinet of Ministers of the Republic of Uzbekistan, Nozimjon Kholmurodov, visited the Marko footwear manufacturing company located in Vitebsk, Republic of Belarus, to review its operations. 🟠During the visit, the enterprise's production capacity, modern technological equipment, and the entire manufacturing process—from raw material processing to the production of finished footwear—were thoroughly examined. 🟠For reference, Marko is one of the largest footwear manufacturers in Belarus, established in 1991. Today, the company produces a wide range of footwear for men, women, and children, as well as special-purpose and protective footwear. Operating with modern European technologies, the company has the capacity to manufacture millions of pairs of shoes annually. Its products are supplied not only to the Belarusian domestic market but are also exported to CIS countries and other international markets. 🟠During the meeting, the parties discussed opportunities to expand cooperation between Uzbekistan and Belarus in the footwear industry. Particular attention was given to establishing a joint footwear manufacturing enterprise in Uzbekistan, introducing modern production technologies, manufacturing new competitive footwear products, and promoting the exchange of expertise between the two sides. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 10-iyul kuni Uz-kor Textile Technoparkida to‘qimachilik sanoati uchun tashkil etilgan malaka oshirish dasturlarini muvaffaqiyatli tamomlagan dastlabki tinglovchilarga sertifikatlar topshirildi. 🟠Dastur doirasida tikuv mahsulotlari konstruktori, tikuv mahsulotlari dizayneri, bo‘yoqchi-kolorist hamda laboratoriya mutaxassislari uchun zamonaviy o‘quv kurslari tashkil etildi. Mashg‘ulotlar mahalliy va xorijiy ekspertlar ishtirokida nazariy hamda amaliy shaklda olib borildi. 🟠Mazkur bosqichda respublikaning 21 ta to‘qimachilik korxonasidan 37 nafar mutaxassis malakasini oshirdi. O‘quv jarayonida ishtirokchilar jahon bozorida talab yuqori bo‘lgan mahsulotlarni yaratish, zamonaviy texnologiyalarni qo‘llash, rang berish, konstruksiyalash va dizayn yo‘nalishlarida amaliy ko‘nikmalarni egalladilar. 🟠Shuningdek, O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi ushbu malaka oshirish dasturlarini moliyaviy qo‘llab-quvvatlaydi. Korxonalar o‘z mutaxassislarini Uzkort Textile Technoparkidagi o‘quv kurslariga yuborib, ular sertifikat olganidan so‘ng, belgilangan tartibda Agentlikka murojaat qilish orqali malaka oshirish uchun sarflangan o‘quv xarajatlarini qoplash imkoniyatiga ega. 🟠Bu tashabbus korxonalarda malakali kadrlar salohiyatini oshirish, raqobatbardosh mahsulotlar ishlab chiqarishni rivojlantirish va yengil sanoatda zamonaviy yondashuvlarni keng joriy etishga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik