آيَة.

صبّحكم الله بالخير. هنسيب تقصير امبارح لامبارح ونبدأ من النهارده كأننا اتولدنا من جديد بسم الله نبدأ ونحاول مرة تانية ونتوب ونستغفر لله تعالى 🌷

مبسوطين بالمشاركة🤭

❤️

صبّحمم الله بالخير. يوم جديد = فرصة جديدة. مؤخرًا لاقية في نفسي تقصير شديد شديد شديد جدًا في كل العبادات فقررت إني أرجع للصفر تاني وأبدأ من هناك عادي الصفر بداية كل شيء اختارت مبدأ هعيش بيه الأيام الجاية: اليوم مش هيكون صفر عشان أتحرك من عنده. بمعنى في حاجتين أساسي في اليوم: -عمل شيء كويس -ترك ذنب أو عادة مش كويسة الأهم يكون فيه استمرار على الطريق بس. عمل شيء كويس حتى لو ١٪؜ منه يعني مبقتش بصوم مثلًا فممكن أصوم مرة في الأسبوع لحد ما أتعود مرة تانية مثلًا أي ذنب بقا هعيش اليوم بيومه الذنب النهارده معملتهوش دا إنجاز وقعت فيه هشوف حاجة غيره معملهاش المهم اليوم ميعديش بدون حسنة + ترك ذنب. والورقة والقلم والتدوين شيء مهم في المرحلة دي عشان الحساب مش الجلد احنا بنحاسب نفسنا عشان الفرط في الدلال والدلع بيوقعنا لكن في نفس الوقت فيه رحمة بنفسنا الله رحيم يرى المحاولات دي ويرى التعب ويرى الألم والأهم إنه يرى منك صدق المحاولة والصدق في إنك نفسك تنجو! بسم الله نبدأ يوم جديد محاولة جديدة لا بأس لو فشلت المهم بنحاول الله يكلل محاولاتنا بالفلاح والجنّة.

للآن بسوق لنفسي ومش بطلب من حد تقريبًا دعم بس أنتم مش حد يعني محتاجة دعم والله عشان كنت بفكر أبطل وشغفي مات 🥲😂

السلام عليكم ورحمة الله وبركاته من فترة قررت أطلع من إطار الشغل التقليدي وأسس المشروع الخاص بيا والحمد لله الكريم حاسة إني مبسوطة بالخطوة دي محتاجة دعمكم فعلًا ومحتاجة ناس تشتري🌷😂 اللينك أهو شيروه وادعموني 🥹 https://www.facebook.com/share/1DC1H3yNoQ/?mibextid=wwXIfr

عايزة أشارككم بس محرجة من البداية دي 😔

قولت أبدأ زي رمضان بالورقة والقلم بحاجات بسيطة لعل المحاولة البسيطة تغيرنا ..

مفيش حاجة اسمها اليوم ضاع خلاص فأضيع الباقي لا المسلم بيستدرك عادي دقيقة ذكر وجه قرءان دقيقة تدبر دقيقة نظرة تأمل في السماء دقيقة سماع قرآن دقيقة تصل رحمك برسالة دقيقة ممكن تنقذ يومك دقيقة واحدة!

مسّاكم الله بالخير. متأخرة شوية؟ مش مهم أنا مقولتش دا بس حصل معايا حاجة مش حلوة شوية مؤخرًا فكنت بحكي لحد قالتلي آية ممكن ربنا بيعاقبك أكيد عملتِ حاجة غلط بتتعاقبي عليها زعلت من الصيغة وسكت لأني عارفة كرم ربنا عليا وإنه ابتلاء عادي مش لازم يكون عقاب فافتكرت الكلام دا وأنا راجعة كنت لسه هجلد نفسي افتكرت إني آية حبيبتي أنتِ رحيمة بنفسك متعمليش كدا هتجلديها ليه؟ بالراحة ممكن يكون عقاب طب وبعدين؟ هنتوب ونرجع تاني عادي ربنا كريم ولعل الابتلاء دا يكون خير عادي وهو خير متخافيش الجلد هو عدو الإنسان لو قعدت تضرب نفسك هتتكسح حرفيًا ومش هتتحرك الشيخ محمد خيري كان بيقول لن تصل إلى الله بدابة لا ترحمها كلامه عن جلد الذات! الجلد مستحيل يكون طريق لربنا آه بنحاسب نفسنا آه بنقعد ونحدد غلطتنا لكن مش بنجلدها ونأذيها ونخلي روحنا تنزف ! ربنا كريم محتاجين نعرف ربنا بجد وقتها هنعرف إن فيه حاجات كتير ومفاهيم كتير غلط احنا بنعاقب نفسنا بيها

نبدأ من دلوقتي قبل الظهر🌷

ازيكم؟ هرجع أكتب بوست كل يوم الفجر بإذن الله -اللي اتعرفت بيه- لو يوم نسيت ابعتولي فكروني هنرجع تاني نحاول سوا هنتشارك الرحلة دي المرة سوا هجرب تاني معاكم ❤️

بحب أقرأ رسايلكم لما الوضع بيكون صعب حتى لو مش برد

https://899377885.sarhne.com آنسونا..

ادعولي إن إعادة رصد المادة يكون في صالحي وآخد حقي فيها:))

فيه حاجات تانية بس هحتفظ بالباقي لنفسي ☝🏼

الدكتور بقا قالي إنه كان عنده قلق -ناس كتير عارفة- وإنه كان بيفكر في الانتحار طول فترة الكلية وراح لدكتور وكان فعلًا مريض فليه ربنا ابتلاه؟ قالي لو مكنتش عشان دا مكنتش هفهمك ازاي حد يجي يقولي أنا عايزة أموت مكنتش هفهم لما حد يقولي إن دماغه مش بتسكت من القلق بيكون فاهم ازاي دا عادي جدًا فربنا ابتلاه عشان لما يشتغل وجي حد يكلمه يعرف يتعامل ويعرف يساعده.

هل الإنسان قبل المرض بيكون تمام ؟ لا خالص الحاجة الوحيدة اللي بتكون تمام هي مشاعره بيشوف الدنيا بألوانها مش أكتر لكن ماعدا ذلك علاقته وشغله وحياته مش بتكون ماشية على الوتيرة المظبوطة هو بيكون متخيل دا مش أكتر فالله سبحانه بيريد إنه لا خلاص نبطل العك دا كله ونرجع تاني عشان منورثش الترومات والمشاكل دي للي بعدنا .. فالابتلاء بيجي هنا عشان ينقي الإنسان مش عشان يقربه لأنه ممكن يكون قريب عادي جدًا. لكن محتاج تنقية محتاج التروما دي متكملش محتاج ولاده يكملوا بخير محتاج يعلم غيره.

هل تمكين سيدنا يوسف في الأرض نتيجة لابتلاء بعده عن والده؟ قولت للدكتور آه قالي لا مش نتيجة التمكين نفسه ابتلاء زي لما ربنا يبتلي حد بفلوس كتيرة ويشوف هيعمل إيه؟ النقطة دي لفتتني جدًا جدًا جدًا كنت دايمًا شايفة تمكينه نتيجة لكنه ابتلاء بردو عادي. ليه بقا ربنا ممكن يبتلي حد بمرض نفسي؟