Ko Myo Win

ပြည်သူ ချစ်တဲ့ဆေး =================                   ၁၉၈၈ မှာ ဦးစောမောင် တက်လာတယ် ။ ပြုပြင်ပြောင်းလဲရေးတွေ ဒရကြမ်း လုပ်ခဲ့တယ် ။ မြို့ရွာတွေကို တံမျက်စည်း လှဲပြီး ရေဆေး ကော်ပတ်တိုက်သလို သန့်ရှင်းရေး လုပ်ခဲ့ကြတယ် ။ လမ်းမြေ ကျူးထားတာတွေကို မျက်နှာကြီးငယ်မရွေး ပြန်သိမ်းတယ် ။ ဖြောင့်ဖြူးကျယ်ပြောလာတဲ့ မြို့လယ် လမ်းမကြီးတွေတဖက်တချက်မှာ တခြမ်းပဲ့ တိုက်တာတွေရဲ့ ပုံရိပ်က ၁၉၉၀ ဝန်းကျင်မှာ မြို့ပြပုံရိပ်တွေပဲ ။              စျေးကွက်စီးပွားရေး စနစ်ကို ပီပြင်စွာ အကောင်အထည်ဖော်တယ် ၊ အဲဒီကာလတွေတုန်းက ကြိုးနီစနစ်တွေ အပြတ်ရှင်းထုတ်တယ် ။ ကုမ္ပဏီတခု ထောင်ဖို့ လုပ်ထုံးလုပ်နည်းတွေရဲ့ လွယ်ကူချောမွေ့မှုဟာ ဒီနေ့ထက်တောင် အလွယ်တကူရှိခဲ့တယ် ။             ပြည်ပရင်းနှီးမြှပ်နှံမှုတွေ ဝင်လာတယ် ။ ပြ​ည်တွင်းမှာ အလုပ်အကိုင် အလွန်ပေါများလာပြီ ။ လူသုံးကုန်ပစ္စည်းတွေ ပေါလာတယ် ဝင်ငွေကောင်းလာကြတော့ သုံးလည်း သုံးနိုင်လာကြတယ် ။ ဒီတော့ ၈၈ တုန်းက အုန်းအုန်းကြွပ်ကြွပ် ဖြစ်ခဲ့ကြတဲ့ ပြည်သူတွေဟာ ၁၉၉၆ မှာ အဘ မှ အဘ ဖြစ်ကုန်ကြတယ် ။          ဆန့်ကျင်ဘက် နိုင်ငံရေးသမားတွေကလွဲပြီး သာမန်ပြည်သူတွေက ၁၉၉၀ ရွေးကောက်ပွဲကိုတောင် မေ့နေကြပြီ ။ ၈၈ အာဏာသိမ်း အစိုးရကို ဆန့်ကျင်ဖို့ အသာထား ကောင်းမွန်လာတဲ့ စီးပွားရေးတွေကြောင့် ဘယ်အပြောင်းအလဲကိုမှ သတိမရကြတော့ဘူး ။                နောက်နမူနာက ၂၀၁၁ ဦးသိန်းစိန် တက်လာပြီ ။ ဖုန်းစျေး ကားစျေး အားလုံး သက်သာအောင် စီမံပေးတယ် ။ ကားတွေ အဝယ်များလွန်းလို့ ရန်ကုန်မှာ ယာဥ်ကြောပိတ်လာတယ် ။ ဂုံးတံတား အသစ်တွေ ထပ်ဆောက်တာ စိတ်ဝင်စားဖို့ ကောင်းတယ် ။          ကားတစီး အခွန် တသိန်း ကောက်ပြီး တည်ဆောက်ခဲ့တာပဲ ။ ခရိုနီတွေက်ို ငွေကြေးစိုက်ခိုင်းပြီးမှ အကောင်အထည်ဖော်ခဲ့လို့ပဲ ရန်ကုန်မြို့မှာ ဂုံးကျော်တွေ ထွက်ပေါ်လာခဲ့တဲ့ အစီအမံ အတုခိုးချင် ခိုးလို့ရအောင် ပြောတာပါ ။                  တောင်သူထုတ်ကုန်တွေ စျေးကောင်းရလာပြီး အဆင်ပြေလာကြတယ် ။ တောစို တဲ့ အတွက် မြို့ပြပါ စည်ပင်ဖွံ့ဖြိုးလာကြတယ် ။ မြန်မာပြည်မှာ ပြည်သူ့ဆန္ဒ အမှန် နဲ့ သမ္မတတဦးရဲ့ ပြည်တော်ပြန် ခရီးကို ကြိုဆိုခဲ့ကြတာ ဦးသိန်းစိန် ပထမဆုံးပဲ... ( ခါတိုင်းလို သမ္မတကြိုဖို့ ကျောင်းတွေ ဝန်ထမ်းတွေ ဆင့်ခေါ်စရာ မလိုပဲ ပြည်သူတွေ လိုလိုလားလား သွားကြိုကြတာနော်... )                  ဒါက ကျနော်တသက် ကြုံခဲ့ရတဲ့ ပြည်သူချစ်ဆေး ဖော်နိုင်ခဲ့တဲ့ အစိုးရ ၂ ရပ်ပဲ ။ ပြည်သူချစ်ဆေးက ဟိုယောင်ယောင် ဒီယောင်ယောင် လုပ်ပြစရာမလိုပါဘူး ။ ပြည်သူတွေ အဆင်ပြေအောင်သာ တွေးခေါ်မျှောမြင်ပြီး ဖျက်သင့်တဲ့ ဥပဒေဖျက် ၊ ပြင်သင့်တာပြင် ၊ အလုပ်နှောင့်နှေးမယ့် ကြိုးနီ စနစ်တွေ ပယ်ဖျက်ပြီး အလုပ်ဖြစ်ရေး ဦးတည်ရင် ရပါတယ် ။              ဒီကာလမှာ ဆင်းရဲသား ပြည်သူတွေအတွက် စိတ်ချမ်းသာစေမယ့် အလုပ်တွေ ရှိနေပါတယ်... - ဆိုင်ကယ်တွေ တရားဝင် လိုင်စင်ပြုလုပ်ပေးခြင်းဖြင့် ဆင်းရဲသားတွေအတွက် ဥပဒေနဲ့ အညီ နေရမှာ ဖြစ်သလို အစိုးရအတွက်လည်း အခွန်များစွာ ရရှိပါမယ်... Win Win သီအိုရီကို မဆောင်ရွက်တာဟာ အစိုးရ အတွက် ဘာတွေများ နစ်နာနေစေလို့လဲ မသိပါဘူး... - သုံးဘီ ဆိုင်ကယ်လေးတွေနဲ့ လုပ်စားနေကြတာ ဆင်းရဲသားတွေချည်းပါပဲ... ပျံကျစျေးသည်တွေ ဟိုနားဒီနား ခရီးသွားတွေ အတွက်လည်း အဖိုးနည်း ဝန်ပါမို့ သူတို့ကိုလည်း လိုင်စင်လုပ်ပေးပြီး ဥပဒေ​ဘောင်အတွင်း ဝင်ခွင့်ပြုသင့်ပါတယ်.. - နိုင်ငံတကာမှာ ခေတ်မှီလာလို့ အင်တာနက်အသုံးပြုခတွေ သက်သာသထက် သက်သာ လာချိန်မှာ မြန်မာပြည်က အင်တာနက် အသုံးပြုခတွေက ၂၀၂၀ ကာလထက် ၂ ဆ ၃ ဆ တက်နေတာက အစိုးရသည် ပြည်သူ့မျက်နှာထက် အော်ပရေတာ မျက်နှာလိုက်နေတဲ့ သဘောမို့ ဒီလို အမြတ်ကြီးစား ကိစ္စအပေါ် မျှတအောင် ဆောင်ရွက်ပေးမယ်ဆိုရင် ပြည်သူ့ လက်ခုပ်သံကို ရက် ၁၀၀ မစောင့်ရပဲ ချက်ခြင်း ရနိုင်ပါတယ် ။ - fb သုံးဖို့ VPN ခံခိုင်းထားခြင်းဖြင့် အစိုးရ အတွက် အကျိုးအမြတ်က ဘာရှိနေပါသလဲ... တမင် ပြည်သူတွေ သုံးစွဲရ အဆင်မပြေအောင် ဖြစ်အောင် လုပ်နေတာလား တွေးစရာတွေ ဖြစ်နေကြပါတယ် ဒါကြောင့် ဖြစ်နိုင်ရင် ဘာကြောင့် VPN ခံ သုံးခိုင်းထားတယ်ဆိုတာ အကျိုး အပြစ်နဲ့တကွ ပြည်သူကို ရှင်းပြရင် ကောင်းပါမယ်... ပြည်သူကို လူရာမသွင်းပဲ လုပ်ချင်ရာ လုပ်နေပြီးမှ အချစ်ခံချင်ရင်တော့...စဥ်းစားလေ... - လူလတ်တန်းစားတွေ ညည်းညူနေကြတဲ့ စုံ မ ကိစ္စ ၊ တတ်နိုင်ရင် လိုက်လျှောပေးဖို့ ကောင်းသလို ဆီမှောင်ခို ပေါ်ပေါက်လာဖွယ် ရှိတဲ့အတွက် ကန့်သတ်ထားရတယ် ဆိုရင်လည်း ပြည်သူတွေ နားလည်အောင် စနစ်တကျ ရှင်းပြပါ ။ နိုင်ငံခြားငွေ သုံးစွဲမှု လျော့ချင်လို့ပါ ဆိုရင်တော့ လူကြီးမင်းတွေ သောက်နေကြတဲ့ နိုင်ငံခြားအရက်တွေ တင်သွင်းနေတာကို စံနမူနာအဖြစ် ရပ်ဆိုင်းပြဖို့ ကောင်းပါတယ် ။ - ပြည်သူတွေအတွက် လုပ်နေပါတယ်လို့ အပြောကောင်းဖို့ထက် ပြည်သူ့အကျိုး လက်ငင်းဖော်ဆောင်မယ့် လုပ်ရပ်တွေကသာ ပြည်သူချစ်ဆေး အစစ်အမှန်ဖြစ်ပါတယ် ။            ကိုရွှေမျိုးဝင်း

သစ္စာရှိအောင် ဆောင်ရွက်ပါ ====================                ပညာသင်ကျောင်းသားတွေ အသက်အရွယ်နဲ့ လျှော်ညီတဲ့ အတန်းတွေကို အရည်အချင်း စစ်ဆေးပြီး တန်းကျော် အပ်နှံခွင့် ပြုမယ် ဆိုတဲ့ ကိစ္စကို ဘယ်လိုလဲ ဆိုပြီး လာမေးကြပါတယ် ။            အစိုးရကတော့ ကျောင်းပြင်ပမှာ ပညာမဲ့ လူငယ်တွေ စာသင်ကျောင်းထဲ ပြန်ရောက်အောင် ဆောင်ရွက်ကြတာပါပဲ ။ ကောင်းခြင်း ဆိုးခြင်းကတော့ ခင်ဗျားတို့ ကျုပ်တို့ အမြင်အပေါ်မှာ မူတည်မနေဘူး ဗျ ။ အာဏာရှိသူ ကောင်းတယ် ဆိုရင် ကောင်းပါ့လို့ပဲ မှတ်...အာဏာရှိသူ မကောင်းဘူးဆိုရင် မကောင်းဘူး လို့ပဲ မှတ်ကြပါ ။          အားလုံး မှတ်မိအုံးမှာပါ မနှစ်တုန်းက စစ်ကိုင်းတိုင်း နဲ့ မန္တလေးတိုင်းက တက္ကသိုလ်ဝင်တန်း ( ၁၂ တန်း)  အဖြေလွှာတွေ  ငလျှင်ကြောင့် မီးလောင်ပြီး ပျက်ဆီးသွားရတယ် ။ ပြည်သူအတော်များများက ကလေးတွေကို အအောင်ပေးဖို့ ဆန္ဒရှိကြတယ် ။           ပင်ပင်ပန်းပန်း ဖြေဆိုပြီးခဲ့ကြပြီ...ငလျှင်ကြောင့် ဆုံးရှုံးမှုတွေ ကြုံရပြီး စိတ်ဖိစီးနေကြတယ် စာအုပ် စာတမ်းတွေ မရှိသူ မရှိတော့ဘူး..  မီးလောင်တာ ပညာရေးဝန်ကြီးဌာန တာဝန် ဆိုပေမယ့် အရည်အချင်း သတ်မှတ်ဖို့ အရေးကြီးတယ် ဆိုပြီး ပြန်ဖြေခိုင်းခဲ့ဖူးပါတယ် ။          ကိုင်း..ပညာရေး စနစ်ကို ၁၂ တန်း အထိ တိုးမြှင့် သတ်မှတ်ပေးပြီး အရည်အချင်း နဲ့ အခြေခံပါအောင် ဆိုပြီး ပြုပြင်လာတဲ့ ပညာရေးကို အတန်း ၄ တန်းလောက် ကျော်ခွ သင်ကြားခွင့် ပေးဖို့ စီမံကြတဲ့ အပေါ်  ကလေးတွေ ( အထူးအားဖြင့် PDF အမျိုးအဆွေတွေ) မနစ်နာစေလိုတဲ့ နိုင်ငံတော်ရဲ့ စေတနာကြောင့်ပေါ့လေ ။             ဒီလိုဆိုတော့ အတန်း ၄ တန်းလောက် ကျော်ခွ ပေးလိုက်ရင်လည်း ကလေးတွေရဲ့ ပညာရေး အခြေခံ ပါမလာမှာကို စိုးရိမ်စရာ မရှိပြန်တဲ့ အနေအထား တွေ့လာရပြန်ပါတယ် ။ ဒါဆိုရင် ယခင် ၁၀ တန်း ကနေ ယနေ့ ၁၂ တန်းထိ သင်နေကြရတာ အလကားနေရင်း မိဘတွေ ကျောင်းသားတွေ အချိန်ကုန် ငွေပမ်း ဖြစ်နေပြီလို့ ယူဆကြရပါမယ် ။            မလိုအပ်တဲ့ အတန်းတွေ ပေါင်းပြီး ၁၀ တန်း စနစ် ပြန်လုပ်မယ်ဆိုရင် ၂ နှစ်စာ အချိန်ရော ငွေကော သက်သာမယ်လို့ တွက်ဆမိပါတယ် ။          ကဲ ဒီတော့ ရှုပ်ထွေးလှတဲ့ ပညာရေးအယူအဆကို လူဖျင်းလူညံ့ ကျနော်တို့ သာမန် ပညာမတတ်သူတွေ နားမလည်နိုင်ပါဘူး ။ အစိုးရက အရည်အချင်း ပြည့်စုံဖို့ အရေးကြီးတယ် ဆိုရင် ကြီးတယ်လို့သာ မှတ်သားကြပါ ။ အခြေခံ အရည်အချင်း အရေးမကြီးဘူး ဆိုပြီး မူဝါဒ ပြောင်းသွားရင်လည်း မကြီးဘူး မှတ်လိုက်ကြပါ ။               ကျောင်းသားလူငယ်တွေကို စာသင်ကျောင်း အတွင်း ပြန်သွင်းမယ့် အစီအစဥ်ကို ကောင်းကျိုး ဆိုးကျိုး ချိန်ဆပြီးမှ ဆောင်ရွက်ကြမှာပါ ။ ဒါကြောင့် ကျနော်တို့ ဘာမှ ဝေဖန်စရာ အကြောင်းမရှိပါဘူး ။            ဝေဖန်စရာ မရှိပေမယ့် တောင်းဆိုချင်တာတော့ ရှိနေပြန်ပါတယ် ။ PDF တွေ လက်နက်ချတယ်..  ဆုကြေးပေးပြီး မိဘထံ ပြန်အပ်တယ် OK ပါ ။ CDM တွေ ပြန်ဝင်တယ် မူလရာထူးအတိုင်း ပြန်လက်ခံတယ် OK ပါ ။ ယခု PDF ဆက်နွယ် ကျောင်းသားအများစုအတွက် မဟာ အခွင့်အရေး ပေးပြီး တန်းကျော်အပ်နှံခွင့် ပြုလိုက်တယ် OK ပါ ။ နိုင်ငံရေးအရ လုပ်ဖို့ လိုအပ်တဲ့အတွက် လုပ်ဆောင်​နေမှုတွေအပေါ် ဘာမှ မပြောလိုပါဘူး ။           သို့သော်....... - နိုင်ငံတော် အတွက် အသက် သွေး ချွေး ပေးဆပ်သွားခဲ့ရသော တပ်မတော်သားများ နဲ့ ပြည်သူ့ရဲများ အပေါ် ကျဆုံးလိုလို ပျောက်ဆုံးလိုလို နဲ့ ဝေဝါးဝါး လုပ်ထားခြင်းများ အပေါ် အမြန်ဆုံး စီစစ်ပြီး ကျန်ရစ်သူ မိသားစုများအပေါ် နစ်နာကြေးများ ပေးအပ်နိုင်ရန် ဆောင်ရွက်ပေးစေလိုပါတယ် ။ - Non CDM များရဲ့ သစ္စာရှိခဲ့မှု အပေါ် ( အသက်ဘေး ရန်ရှာနေတဲ့ ကြားက သစ္စာတရားဟာ တန်ဖိုးကြီးပါတယ်) သိသာကွဲပြားတဲ့ ရာထူးတိုး / အပြောင်းအရွေ့ များအား ဂါကြေး မလိုပဲ ရရှိအောင် ဆောင်ရွက်စေလိုပါတယ် ( အစိုးရ အနေနဲ့ မိမိရဲ့ သစ္စာရှိ ဝန်ထမ်းကောင်းများအပေါ် မြှောက်စားခြင်း မပြုရသေးပါဘူး) - PDF ဆက်နွယ် သက်ကျော် ကျောင်းသားများအပေါ် ကြီးမားတဲ့ အခွင့်အရေး ပေးသကဲ့သို့ ထိုကာလများမှာ အသက်စွန့် ကျောင်းတက်ထားရတဲ့ သစ္စာရှိ ပညာရည်တန်ဖိုးထားသူ Non CDM ကျောင်းသူ ကျောင်းသားများအတွက်လည်း ထူးခြားတဲ့ အခွင့်အရေး ပေးစေလိုပါတယ် ( နိုင်ငံတော်စရိတ်ဖြင့် နိုင်ငံခြား ပညာတော်သင်ယူခွင့် ကဲ့သို့ အခြားအခွင့်အလမ်းများ)         ယနေ့အထိ နိုင်ငံတော်ရဲ့ ပြုပြင်ပြောင်းလဲရေး မူဝါဒများသည် နိုင်ငံတော်အား သစ္စာဖောက်သူများ အတွက်သာ မြင်တွေ့နေရပြီး အနာဂါတ်ကာလအတွက် အတုခိုးမှားယွင်းဖွယ် ဖြစ်နေပါတယ် ။ ထို့ကြောင့် သစ္စာဖောက်များအပေါ် သက်ညှာနေသကဲ့သို့ သစ္စာရှိသူများကိုလည်း ချီးမြှင့်သင့်ပြီလို့ ယုံကြည်ပါတယ် ။ မှတ်ချက် ။       ။ နိုင်ငံရေးအရ ရန်သူအပေါ် အခွင့်အရေးပေးခြင်းအပေါ် လက်ခံပါတယ် ။ ဒါပေမယ့် မိမိရဲ့ သစ္စာရှိ ဝန်ထမ်းများအပေါ် ဥပေက္ခာပြုနေခြင်းအပေါ် လက်ခံနိုင်ခြင်း မရှိပါဘူး ။          ကိုရွှေမျိုးဝင်း

ဖရဲသီးတွေ မျိုးအောင်ချက် ===================== ( ၁) မြင်းခြံ --------------------                 ကျနော် မြင်းခြံ သတင်းမရေးတာကြာပြီ ။ မြင်းခြံခရိုင်မှာ PDF ကင်းစင်ပြီ ဘာညာ နဲ့ ကြွေးကြော်နေတာ ဖတ်ပြီး မဟုတ်ကြောင်း ရေးချင်ပေမယ့် မရေးခဲ့ဘူး ။ အရင်တုန်းက ကိုယ်ရေးလိုက်တိုင်း သီတာယုမွန်တို့ အကြပ်ခံရလွန်းလို့ပဲ ။ ကိုယ့်ဆီကို သတင်းပေးနေတာလို့ ယူဆဟန်ပါပဲ ။ အမှန်က မြင်းခြံသတင်းဆို ကိုယ့်အတွက် ဘယ်သူ့မေးမေး နှံ့စပ်တဲ့ ဒေသခံ မိတ်ဆွေရင်းတွေ အများကြီးရှိတယ်လေ ။               မြင်းခြံခရိုင်မှာ PDF မကုန်ပါဘူး ။ အခြေအနေမကောင်းလို့ ကိုယ့်ရွာကို ပြန်နေကြတဲ့ PDF တွေ အများကြီး ။ လိုင်းပေါ်တက် ဖင်ယားပြီး မျက်နှာပြထားတဲ့ကောင်တွေပဲ ခွေးပြေးဝက်ပြေး ပြေးရသလို ပုန်းလျှိုးကွယ်လျှိုး နေ နေရတာပါ ။               အောင်မျိုးလတ် ၊ ဒေါက်တာဝင့်သူ ၊ ဒေါက်တာဝင်းနိုင်ဖုန်း တို့က ခရိုင် ခေါင်းဆောင်တွေလို့ သိရပါတယ် ။ သူတို့ပိုင်ဆိုင်မှုတွေ သိမ်းပြီးပြီလို့ ထင်ထားတာ အခု သီတာယုမွန်ရဲ့ အင်တာဗျူး နားထောင်ပြီးမှ နှစ်ပေါက်တစ်ပေါက် ရိုက်ထားမှန်း သိရပါတယ် ။                  ဒေါက်တာဝင်းနိုင်ဖုန်းက ကိုယ်ပိုင် အထက်တန်းကျောင်းကို ပိုင်ရှင်အမည်ပြောင်းပြီး ဆက်ဖွင့်ထားသတဲ့ ။ အံ့သြစရာကောင်းတာ သူ့ပိုင်ဆိုင်မှုကို တခုမှ မသိမ်းထားဘူးတဲ့ ။ အောင်မျိုးလတ်ကမှ ဖုံးဖိမရတဲ့ ပိုင်ဆိုင်မှု အချို့ အသိမ်းခံရသေးတယ် ။            ပြည်သူ့စစ်ခေါင်းဆောင် ကိုယ်တိုင် မီဒီယာအင်တာဗျူးမှာ ရင်ဖွင့်လာလို့ ဒေသအာဏာပိုင်တွေ သိရက်နဲ့ မလုပ်ကြတာ ထင်ရှားပါတယ် ။ ဖရဲခင်းကြီး မျိုးအောင်ကြီးထွားနေဆဲ ဆိုတာ သိရတာပေါ့လေ ။ ၂၀၂၄ တုန်းက PDF တွေရဲ့ အမည် မိဘအမည် နေရပ် အလုပ်အကိုင် အတိအကျ စာရင်းပေးဖူးတယ် ။ တယောက်မှ မဖမ်းနိုင်ကြဘူး ဒီကထဲက ဖရဲသီးစိတ်ပျက်လို့ ဘာသတင်းမှ မပေးတော့တာ ကြာပေါ့ ။             ဘယ်အဆင့်ထိ ဖရဲသီးပေါက်ရောက်တယ်တော့ မသိဘူး.. သီတာယုမွန်တောင် ရင်ဖွင့်ရပြီဆိုတော့ ခရိုင်အဆင့်ထက် မနိမ့်တဲ့ အဆင့်က ဖရဲသီးဆိုတာသေချာတယ် ။ နိုင်ငံတော်အဆင့်နဲ့ ကိုင်တွယ်သင့်တဲ့ အနေအထားရောက်နေပါပြီ ။ ( ၂)  ပျဥ်ထောင် ---------------------------            အဲဒီ ရွာသားတွေက ဖုန်းဆက်ပြီး အကူညီတောင်းတယ် ၂၀၂၄ မှာ တကြိမ်..၂၀၂၅ မှာ တကြိမ်...သတင်းပို့ပြီး အကူညီတောင်းပေးဘူးတယ် ။ ရကြပါတယ် သို့သော် တကြိမ်ပေးပြီး တနှစ်စားလောက်တယ်လို့များ ယူဆနေကြသလား မသိဘူးဗျ ။ အခု ထပ်ပြီး အကူအညီတောင်းရပြန်တယ် ။ ရိက္ခာခွဲတမ်း ပူးတွဲ ဖော်ပြလိုက်ပါတယ် ကိုယ်ဆိုရင် အဲလို စားနိုင်မလား တွေးကြည့်ပေါ့ ။              ကျနော်လွတ်လာပြီး အကူညီတောင်းလို့ လူကြီးတွေဆီ သတင်းပို့ခဲ့ပါတယ် ။ ခက်တာက ခုထိ မရကြသေးတာပါပဲ ။ မိမိရဲ့ ပြည်သူ့စစ်ရွာတွေကို ဒီနေ့လို စစ်ရေးချိန်ခွင်လျှာ ပြောင်းလဲချိန်မှာတောင် ဘာကြောင့် မကူညီကြသလဲဆိုတာ တွေးမရပါဘူး ။          လိုင်းပေါ်မှာ အောင်ပွဲ သတင်းတွေနဲ့ ဂုဏ်ဆာနေယုံနဲ့ အဆင်မပြေပါဘူး ။ ဆားမပါ ပဲ ထမင်း ဟင်း ၃ နပ်လောက် စားကြည့်ပါ ၊ တာဝန်ရှိသူတွေ လူလို စာနာလာကြပါလိမ့်မယ် ။          ကိုရွှေမျိုးဝင်း { စစ်ကိုင်းတိုင်း ေရွှဘိုခရိုင် ခင်ဦးမြို့နယ် ပျဥ်ထောင်ပသစ ကျေးရွာကပါဗျ လိုင်းကမကောင်းဘူးဒကာကြီး 2gနဲ့သုံးနေရတာဆိုတော့ ဦးဇင်းတို့ပြည်သူ့စစ်ရွာမှာ စားစရာ ဆန် တခုကလွဲပြီး ဆားကိုမရှိဘူးြဖစ်နေတာဗျ ဒကာကြီးတို့ အားကိုးပြီး အကူညီတောင်းချင်လို့ပါ မီဒီယာပေါ်ကနေ ပြောပြလို့ရရင်ပြောပြပေးပါဒကာကြီး ဦးဇင်းတို့ရွာမှာ လူဦးရေး530ရှိပါတယ် ဆန်ကတော့ တနှစ်စာ ရှိပါတယ် အခုအခက်ခဲဖြစ်နေတာက ဆား ငပိ ဆေးဝါ မီးြခစ် ေရတွင်းဘုံဘိုင်ဝါရှာနဲ 2026.ကလေးတေွ ပညာသင်နှစ်အတွက် စာအုပ် ခဲတဲ ေဘာပင် မာကာ လိုအပ်နေတာဒကာကြီး 23..12..24. စာနပ်ရိက္ခါ ပို့ပေးသည် air. Drop ဆား လူတစ်ဥိးလျှင် 23ကျပ်သား ငပိ တစ်အိမ်ေထာင်10သားရပါတယ်။ 11..5..25..ရိက္ခါပို့ပေးသည်။ ဆား 23ကျပ်သား ငပိ 10သားစီရပါတယ်။ 15.11.25. ရိက္ခါချသည်။ ဆား45ကျပ်သား ကော်ဖီမစ် ကုလားပဲ လူတစ်ဥိး2ဗူးရပါတယ်ဒကာကြီး ဆန် လုံးဝ မလိုအပ်ပါလို့ တင်ပေးပါဒကာကြီး အဓိက 1/ဆား 2ငပိ 3/ေဆးဝါ 4/မီးြခစ် 5/ေရတွင်းဘုံဘိုင်ဝါရှာပါ 2026.ပညာသင်နှစ်အတွက် ဗလာစာအုပ် ခဲတံ ေဘာပင် မာကာ အဓိက လိုအပ်တာဒကာကြီး ကျန်တာမပါလဲ ရပါတယ် ၅၅၀ဆရာတော်ကိုလဲ ဦးဇင်းလျေှာက်ထားပါတယ်ဒကာကြီး ေနာက်ဆုံးတခေါက်လာချသွားတော့ ဆန်တေွ တအားပါလာတာ ဒကာကြီး ဦးဇင်းတို့ရွာမှာ ဆန် တနှစ်စာ မလိုအပ်သေးပါဘူးဒကာကြီး ဒကာကြီးစာပေတေွ ေစာင့်မျှော်ဖတ်နေပြီး ဗဟုသုတတေွအသိပညာတေွ တအားကြီးရပါတယ် စာပေတေွ များများရေးသားပြီး ကျမ္မာချမ်းသားပါေစ ဒကာကြီး } ( 21 - 4 - 2026 တုန်းက ပို့ ထားတဲ့ အကူညီတောင်းစာပါ)

ဘောင်းတော် လှံခ =============== " ငမျိုးရေ လိုင်းပေါ် ပွဲဆူနေတဲ့ ဘက်တူ ဆရာကြီး ၂ ယောက်ရဲ့ ပွဲ ကို စေ့စပ်ပေးအုံးလေကွာ...'' " ဟဲ  ဟဲ  ကျုပ်လည်း ကြောက်တာပဲဗျ တယောက်က ခင်ဗျားတို့ တိုင်းပြည်ကို တကယ်မချစ်ပါဘူးလို့ အမြဲ ငေါက် နေပြီး တယောက်က တိုင်းပြည်တခုလုံး ဗုံးကြဲ နေတဲ့ သူလေ.. 😁😁'' " မင်း ကလည်း လုပ်ပြီ..အချင်း ချင်းပဲကွာ ပြေလည်တော့ ပိုမကောင်းဘူးလား..? " " ပြေလည်တာပဲ မြင်ချင်ကြတာပေါ့ဗျာ တိုင်းပြည်အတွက် ရှေ့ရှုနေကြတဲ့ သူချင်းလေ... တဖက်ရန်သူကတော့ အဲလို ဖြစ်လေ ပျော်လေ ပေါ့ '' " အေး အဲဒါ ပြောနေတာပဲလေ.. '' " အမှန်က ဟိုကတည်းက တယောက်နဲ့ တယောက် အမြင်စောင်းခဲ့ကြတဲ့ ကျောင်းတော်က ရန်စကြောင့်ပါ.. ယုံကြည်ချက် မတူတာ မဟုတ်ဖူး ရပ်တည်ချက်လေး လွဲပြီး ကိုယ့်စံနဲ့ကိုယ် သုံးသပ်ဆုံးဖြတ်ပြီး ဒီလို ဖြစ်နေကြတာပါ '' " ဘယ်လို ကျောင်းတော်က ရန်စလည်း ကွ.. '' " NLD လက်ထက်တုန်းက သတင်းသမား အာစရိက ဒေါ်စု ခရေစီဗျ.. ဒီတော့ အလိုလို Anti ကြံ့ခိုင်ရေး ဖြစ်သွားရော..ခုထိ အရှိန်မသေဘူး ကြုံတိုင်း ဖဲ့နေတာလေ..'' " ဒီတော့.....? " " ဒီဘက်က အမတ်မင်းကြီးကလည်း နာမည်ကျော် စပ်စပ်ထိ မခံဗျ ဖြတ်ထိုးဥာဏ်ကောင်းပြီး အာသွက်လျှာသွက် နဲ့ ပြန်ဆော်ရမှ စားဝင် အိပ်ပျော်တဲ့ သူဆိုတော့ တုန့်ပြန်တာပေါ့ ဒီလိုနဲ့ ပွဲဖြစ်နေတာပါဗျာ..'' " အခု ဆိုးတာက စာနယ်ဇင်းကောင်စီကနေ ခေါ်ပြီး နယ်စပ်သတင်း တင်ဆက်မှုနဲ့ ပက်သက်ပြီး သတိထား ထုတ်ပြန်ဖို့ ဆိုပြီး နို့တစ်ပေးတာ ပြဿနာပိုကြီးစေသလားလို့... ?'' " ဒါက အစိုးရအတွက် နိုင်ငံခြားဆက်ဆံရေး ကဏ္ဏမှာ အကဲဆတ်နေချိန်မို့ သတိပေးတာပါ.. ကိုယ်တွေကသာ အရပ်သား အသိနဲ့ ဆော်ကွ နှက်ကွ လုပ်နေကြရတာလေ အစိုးရမှာ ဘာအခက်အခဲ ရှိနေမှန်းမှ မသိရတာပဲ... '' " ဟကောင်..သတင်းထောက်ကြီး ပြောနေတာလည်း ဒါပဲလေ ပြည်သူကို ပွင့်ပွင့်လင်းလင်း အသိပေးသင့်တယ် ပေါ့...'' " နေရာတကာ ပွင့်လင်းလို့လည်း မရဘူးလေ..ပြည်သူသိတာ ပြဿနာမဟုတ်ဖူး ရန်သူအကုန်သိပြီး ပျော့ကွက် နင်းခံရမယ့် ပြဿနာက ပိုကြီးတယ်လေဗျာ... မီဒီယာ ဘာလုပ်လုပ် မှန်တယ် ဇွတ်ပြောမနေနဲ့ အမေရိကန်လို တိုင်းပြည်တောင် စနိုးဒန်ကို ဝရမ်းထုတ်တာ နမူနာကြည့်ဗျ '' " အေး မင်းပြောတာလည်း ဟုတ်တာပဲ ကဲ ဆရာကြီး နှစ်ပါးကို ပြေလည်အောင် စေ့စပ်ပေးအုံး.. သူတို့ နှစ်ယောက်လုံးရဲ့ ပရိတ်သပ်တွေက စိတ်မကောင်း ဖြစ်နေကြတာ... '' " ဒါများဗျာ တယောက်နဲ့တယောက် ကြုံတိုင်း ရိသဲ့သဲ့ ပြောနေတာ ( မကြုံလည်း ကြုံအောင် လုပ်နေတာတွေ) လျော့လိုက်...ပြီးရင် တိုင်းပြည်အတွက် အတူတိုက်ပွဲဝင်လိုက်ရင် ပြီးသွားမှာပါ .. '' " အဲလို မလုပ်လို့ ခက်နေတာလေ '' " အင်း....တယောက်က မီဒီယာသမား လုပ်ပိုင်ခွင့်ဆိုပြီး စိတ်ထဲရှိတာ ပြောဆိုခြင်းအ​ပေါ်ထိမ်းသိမ်းမယ် ၊ တယောက်က ငါ့ပါတီ မထိနဲ့ မီးပွင့်မယ် ဆိုတဲ့ လက်တုန့်ပြန်မှု နောက်ထားပြီး ဝေဖန်တဲ့အချက် ဖြည့်စွက်ဆောင်ရွက်ကြမယ် ဆိုရင် OK သွားကြမှာပါ နှစ်ယောက်လုံးက ပညာတတ်တွေပါဗျာ ခဏနေ ပုံမှန် ပြန်ဖြစ်ကြမှာပါ တိုင်းပြည်အတွက် ဆိုတဲ့ ရည်မှန်းချက် တူနေကြတာပဲ  မပူပါနဲ့ '' " အင်း..ကျောင်းတော်ရန်စ ကနေ ဘောင်းတော် လှံမခ ဖို့ပဲ အရေးကြီးတယ် ငမျိုးရေ ''             ကိုရွှေမျိုးဝင်း

သမိုင်း တခုရဲ့ နောက်ဘက်ရှုခင်း ========================                မြန်မာ့သမိုင်းမှာ သခင်စိုး နဲ့ ပက်သက်ပြီး အထင်ရှားဆုံး သမိုင်းတခုက ဆင်စွယ်ရွာလုံးကျွတ် ( ကျား အသက် ၁၅ နှစ်မှ ၆၅ နှစ်ကြား) အမှုပါပဲ ။ အဲဒီလို သတ်ရခြင်း အကြောင်းရင်းကို ပြန့်လေ့လာရင် စိတ်ဝင်စားဖွယ် အချက်တွေ ပြန်တွေ့ရပါတယ် ။             ၁၉၅၇ နောက်ပိုင်းမှာ သခင်စိုးရဲ့ မူဝါဒ ပြောင်းသွားပြီ ။ စစ်တပ်ကို မတိုက်ရ ၊ ခြောက်လှန့် ပစ်ခတ်တာထက် ပိုမလုပ်ရ ၊ ရပ်ရွာထဲ မသွားရ အစရှိတဲ့ အမိန့်တွေ ချမှတ်ထားပြီး ဖြစ်ပါတယ် ။ အဲဒီမတိုင်မှီ အချိန်မှာက ဆင်စွယ်ရွာရဲ့ သူကြီးရွေးပွဲလုပ်တော့ သူကြီးဟောင်း ဦးမြကျော် ရှုံးသွားတယ် ။            ဦးမြကျော်က သူကြီးဘဝတုန်းက အနိုင်ကျင့်မှုတွေ ရှိပုံရပါတယ် ။ အာဏာမရှိချိန်မှာ သူ့အသက်ဘေး စိုးရိမ်ရလို့ သူပုန်တွေနဲ့ ဆက်သွယ်ပြီး သူပုန်လုပ်ပါရော ။ ဒါတောင် အလံဖြူ အလံနီ ထပ်ကူးရင်း နောက်ဆုံး နယ်မြေကျွမ်းကြင်တဲ့ ဦးမြကျော်ကို အလံနီတွေက နေရာပေး ရာထူးခန့်ခဲ့ကြပါတယ် ။ အဲဒီလို ယုံကြည်ချက်မရှိပဲ နေရာရလာတဲ့ သူ့ကို ပါတီဝင်ဟောင်းတွေက '' ဗူးသီး ခရမ်းသီး ဗဟ်ိုကော်မတီဝင် '' လို့ အမည်ပြောင်ပေးထားလေရဲ့ ။           ဦးမြကျော်က သူ့ရန်သူ ရီးစားလုဘက် တယောက်ကို သတ်ပစ်တယ် ။ အဲဒီ လူရဲ့ ညီမက ကျောင်းဆရာမ ။ ဆရာမက စဥ်းစားတယ် ငါ့အမျိုးတွေ ကြာရင် အလံနီသတ်လို့ သေကုန်လိမ့်မယ် ငါ အနစ်နာခံပြီး အမျိုးတွေကို ကယ်မှ ဖြစ်မယ် ဆိုပြီး အလံနီထဲက နာမည်ကျော် ရဲနီကျော်ဝင်းနဲ့ ယူလိုက်ပါရော ။ ဆရာမက ချောတော့ ရဲနီကျော်ဝင်းနဲ့ ယူဖို့ လွယ်သွားတာပေါ့ ။                 အဲလို ယူပြီးတဲ့နောက် သူ့အမျိုးတွေ အသတ်မခံရတော့ဘူး ။ ရဲနီကျော်ဝင်း နဲ့ ကလေး ၃ ယောက် ရပြီးနောက် လင်မယားကွဲသွားတယ် ။ အလံနီထဲမှာလည်း ဆရာမက စည်းရုံးရေးကောင်းတယ် ။ အဲဒီနောက် ဆရာမက သခင်စိုးနဲ့ နောက်အိမ်ထောင်ပြုတယ် ( သခင်စိုးက သူ့အရင် တရားဝင် မယား ၆ ယောက်က မွေးတဲ့ သားသမီးလည်း ၆ ဦး ရှိပါတယ်)               သခင်စိုးရဲ့ မူဝါဒအပြောင်းအလဲကြောင့် အလံနီတွေက ရပ်ရွာထဲ မသွားရတော့ပါဘူး ။ ဒါပေမယ့် အလံနီ ဆေးမှူးတယောက်ကတော့ ဆင်စွယ်ရွာသားတွေနဲ့ ခင်မင်ရင်းစွဲ ရှိပြီး ဆေးကုပေးဖို့ လာပင့်တော့ လိုက်သွားပါတယ် ။            ဘာရန်ငြိုးရှိတယ်တော့ မသိပါဘူး အဲဒီ ဆေးမှူးကို ရွာသားတွေက သတ်ပစ်ကြတယ် ။ အဲဒီမှာ အလံနီ ဦးကျော်မြက ရွာကို ဝိုင်းပြီး အကုန်ဖမ်းတယ် ။ ဆေးမှူးကို သတ်တဲ့သူအား ဖော်ခိုင်းတယ် ။ ရွာကလည်း ညီတယ် တယောက်မှ မဖော်ကြဘူး ဆွေမျိုးမကင်းတွေချည်းကိုး...ဒီတော့ ဦးကျော်မြက အသက် ၁၅ နှစ်နဲ့ ၆၅ နှစ်ကြား ယောကျာ်းမှန်သမျှ ( သူ့အမျိုးတွေလည်း မနည်းဘူး ပါတာပဲ) အကုန်သတ်ပစ်ပါရော ။                 သူ့ကို နောက်က ထောက်ခံအမိန့်ပေးတာက ဗိုလ်ချုပ်လေး မြင့်အောင် နဲ့ သူ့ဇနီး ဗိုလ်ချုပ်လေး နှင်းဦး တို့ လင်မယားပါပဲ ။ အဲဒီ ဖြစ်စဥ်ကာလတုန်းက သခင်စိုးကြီးက ရခိုင်မှာ ရောက်နေလေရဲ့ ။ သူက ဦးနေဝင်းဆီ စာတွေရေးပြီး အကြံတွေပေးနေပြီ ။               ဗဟိုကော်မတီနဲ့ ငြင်းခုန်လိုက် ခင်ဗျား ဒီအချက်ခပ်ဖြည့်ဆိုပြီး ထပ်ရေးလိုက် ၊ သူ့ကိုယ်ရေးကိုယ်တာ စာပို့လိုက်နဲ့ ခေါင်းစီးမှာကိုက လေးစားရပါသော ဗိုလ်ချုပ်ကြီး နေဝင်း ဘာညာဆိုတော့ ဆရာမ နဲ့ ညားပြီး မွေးထားတဲ့ ကလေးပေါက်စကအစ အလွန်အမြင်ကပ်ကြသတဲ့..  မပြောရဲလို့သာ ကြည့်နေကြရတယ်တဲ့ 😁             နောက်ဆုံး ဆင်စွယ်ရွာ လူသတ်မှု အတွက် အစိုးရက သခင်စိုးကြီးကို စွဲချက်တင်တော့  ပါတီမှာ တာဝန်ရှိသလို ဥက္ကဌဖြစ်တဲ့ သူ့မှာ တာဝန်အရှိဆုံးပါလို့ ဝန်ခံထွက်ဆိုခဲ့သတဲ့ ။ ထူးဆန်းတာက အဓိက လက်သည် ဦးကျော်မြ နဲ့ နောက်ကွယ်က သတ်မိန့် ထုတ်ပေးသူ ဗိုလ်ချုပ်လေး မြင့်အောင် နဲ့ ဇနီး တို့ ၃ ယောက်က အစိုးရ သက်သေအဖြစ် ထွက်ဆိုပေးခဲ့သတဲ့ 😂😂               သခင်စိုးက 'သေဒဏ် ချမှတ်ခံရပေမယ့်.. ''ငါ့ကို နေဝင်းက မသတ်ပါဘူး ကွာ '' လို့ ယုံယုံကြည်ကြည် ပြောခဲ့တာ အဲလို အကြောင်းတွေ ရှိလို့ ဖြစ်ပါမယ် ။            မင်းက အဲသလို သမိုင်းတွေ ဘယ်လိုသိနေတာလဲ... ဖြီးချနေတာလား မေးစရာပါပဲ...  မဟုတ်ဘူးဗျ..ကျနော်က ဆေးမှူးအသတ်ခံရတယ် ၊ သတ်သူ မပေါ်လို့ တရွာလုံး ပြန်သတ်ပစ်တယ် ဆိုတဲ့ အထိပဲ ဖတ်ဖူး မှတ်ဖူး ကြားဖူးတာပါ ။          ရဲနီကျော်ဝင်း နဲ့ ပထမညားပြီး နောက်ထပ် သခင်စိုးကြီးနဲ့ ထပ်ညားခဲ့တဲ့ ကျောင်းဆရာမက သခင်စိုးကြီး နဲ့ ရတဲ့ သားတယောက် ရှိပါတယ် ။ အဲဒီကလေးက သခင်စိုး ပုခုံးပေါ်မှာ ထမ်းတင်ထားတဲ့ ဓာတ်ပုံလေး တချိန်က မြင်ဖူးကြမှာပါ ။ အဲဒီ ကလေးပါပဲ ။ ဦးနေဝင်းက လွတ်ငြိမ်းခွင့်ပေးပြီး မင်းမနိုင်ရပ်ကွက် နေအိမ်မှာ သခင်စိုးနဲ့ အတူ နေသွားခဲ့ကြတဲ့ သခင်စိုးရဲ့ အငယ်ဆုံး သားထွေးပေါ့ ။              ယခု ဖော်ပြထားတဲ့ သမိုင်းပုန်းကို အဲဒီ သားထွေးဖြစ်သူက ကျနော့်ကို ပြန်ပြောပြလ်ို့ ဗဟုသုတ အဖြစ် မျှဝေခြင်းသာ ဖြစ်ပါတယ် ။ ဒါတွေက စာအုပ်ထဲ ပါခဲတဲ့ ရှားပါးသမိုင်းလေးတွေမို့ မိတ်ဆွေများ အတွက် သုတ လက်ဆောင်ပေါ့ဗျာ...                  ကိုရွှေမျိုးဝင်း          

ကဲဗျာ ရက် ၁၀၀ ဆရာတို့ ===================== ဆရာမျိုးရှင် ကျောင်းတွေဖွင့်တော့မယ် ဓာတ်ဆီစျေးကြီး မိမိနေထိုင်ရာနဲ့နီးစပ်ရာရွာတွေမှာတာဝန်ကျတဲဆရာမတွေ ကဆိုင်ကယ်နဲ့သွားကြရပါတယ် လစာက ဓာတ်ဆီဘိုးနဲ့တင် ကုန်နိုင်ပါတယ် ဒါကြောင့် ဝန်ထမ်းတွေကို အစိုးရစျေးနဲဆီရောင်းပေးဘို့ အစီစဥ် လုပ်ပေးရင်အဆင်ပြေနိုင်မလားလို့ အကြံပြုစာလေးရေးပေးပါအူးလို့🥰 ************                 ကဲ အဲဒါလည်း တကယ့် လိုအပ်ချက် အကြီးကြီး ခင်ဗျ ။ ဆရာ ဆရာမ တွေအတွက် နေ့စဥ်ကျောင်းတက်ရမယ့် ဓာတ်ဆီလိုအပ်ချက်က ဒီကနေ့ ပြင်ပပေါက်စျေးနဲ့ဆို လစာကို ရာနှုံးပြည့် ဝါးမြိုသွားနိုင်တာ သေချာနေပါတယ် ။                  ဒီလိုမျိုး တနိုင်ငံလုံး အတိုင်းအတာနဲ့ ဆိုင်ကယ်စီး ကျောင်းတက်ကြရမယ့် ဆရာ ဆရာမတွေအပေါ် သက်ရောက်မှုအားကြီးလာမယ့် ဓာတ်ဆီ ကိစ္စအပေါ်မှာလည်း ထည့်သွင်း စဥ်းစား ကူညီနိုင်ဖို့ စီမံပေးဖို့ လိုအပ်နေပါတယ် ခင်ဗျာ..           တော်ကြာ ဆရာ ဆရာမ တွေ လစာမလောက်မငှ နဲ့ အထက်အရာရှိတွေရဲ့ အဆူခံ အဆဲခံ သင်တန်းပေါင်းစုံတက် နဲ့ စိတ်ညစ်စရာများနေတဲ့ကြားက ဓာတ်ဆီဖိုး မတတ်နိုင်လို့ ဆိုပြီး ထွက်ကုန်ပါအုံးမယ်ဗျာ....ဒါကတော့ ပကတိ အရှိတရား လိုအပ်ချက်မို့ အစိုးရအနေနဲ့ ကျောင်းဖွင့်ချိန်အမှီ ကူညီသင့်ပါကြောင်း.... { စျေးရောင်းတော့ ရောင်းလို့....ကျူရှင်ပြတော့ ပြလို့..အလှူငွေကောက်တော့ ကောက်လို့...ဆိုပြီး ဝေဖန်ကြသလို  အခုလို လိုအပ်ချက် ကိစ္စမျိုးကိုလည်း ဝိုင်းဝန်းတင်ပြကြဖို့ ကောင်းပါတယ် }             ကိုရွှေမျိုးဝင်း                    

ဖန် ငတာများ အတွက် 😂😂😂 ===================== " ငမျိုးရေ ဒေါက်တာနေဇင်လတ်ရေးထားတဲ့ '' ထိုင်ဝမ် အီရန်စစ်နဲ့ အမေရိကန် တရုတ် အင်အားပြိုင်ပွဲ '' ဆိုတဲ့ ခေါင်းစဥ် နဲ့ ဆောင်းပါးကို ရှင်းပြအုံး ကွ '' " ဟင်...ကျုပ်လည်း တွေ့တယ် ဖတ်ရင်း ခေါင်းမူးလာလို့ ပြီးအောင် မဖတ်နိုင်တော့ဘူး ၊ E စကေး မြင့်သူတွေမှ အကုန်သိမယ့် စာတွေဗျ ကိုယ်တွေက ဆယ်တန်းအောင်တာတောင် အင်္ဂလိပ်စာ ၄၁ မှတ်နဲ့ အောင်လာရတာ မို့ လိုက်မမှီဘူး လေ '' " အေးကွ မင်းများ သိမလားလို့ မေးကြည့်တာကွာ ဆရာကြီးကို ပြောလိုက်ပါအုံး ကွ မြန်မာစာလောက် ဖတ်တတ်သူတွေ အတွက် မြန်မာစာနဲ့ ဘာသာပြန်ရ လွယ်တာလေးတွေကို မြန်မာလို ရေးပြပါအုံး လို့ '' " အဲလို ရေးနေတာတွေလည်း အများကြီးလေဗျာ... တချို့စာတွေက သာမန်ပြည်သူအတွက် ရေးနေတာ မဟုတ်ဖူး... နိုင်ငံတော် အဆင့်တွေ အတွက် အကြံပြုနေတာဗျ ၊ ကိုယ်နဲ့ လက်လှမ်းမမှီရင် သိချင်မနေနဲ့ နားလည်လောက်တာပဲ ရွေးဖတ် '' " အေးပါကွာ...အေးပါ... မင်းပြောသလိုပါပဲ ဆရာကြီးကလည်း သူ့အဆင့်နဲ့လျှော်ညီတဲ့ သမားဂုဏ်ပြ ရေးသားဖို့ လိုမှာပါပဲ OK OK " " ဟေ့လူ..ကိုယ်သာ ကောင်းကောင်း နာမလည်တာ like တွေ အများကြီးဗျ  နားလည်သူတွေလည်း မနည်းမနော ရှိနေတာပဲ လေ '' " အေးပါ ဟုတ်မှာပါကွာ ငါတို့ကတော့ နားမလည်လည်း ဆရာကြီး ပို့စ် မြင်တာနဲ့ like ပေးပြီးသားပဲ ဒါမှ ရေးတဲ့သူ အားရှိမှာကိုးကွ '' " ဟဲ ဟဲ  မြင်းထိန်း ငတာဆိုပြီး ငေါက်နေပါအုံးမယ် ဗျာ.. '' " ငေါက်လည်း ခံရုံပဲ ဟ ဒါပေမယ့် ငါ့လို မြင်းထိန်းငတာတွေ မနည်းလောက်ပါဘူး ကွာ.. မင်း သတ္တိရှိရင် ဒီအကြောင်း ရေးတင်လိုက် ငတာတွေ တပြုံကြီး ထွက်လာလိမ့်မယ်...အဖော်ရှာကြည့်ကွ 😂😂'' ( ကိုယ်လည်း စာမတတ် သူလည်း စာမတတ်တာ လူသိအောင် အလွန်လုပ်တဲ့သူပဲ 😂😂 ဆရာကြီးလည်း တတ်နိုငရင် တပည့်လူညံ့လေးတွေ အတွက် နဲနဲ လက်ဆလေး လျော့ပေါ့ပြီ ရေးပေးပါအုံး လို့ 😁😁  )            ကိုရွှေမျိုးဝင်း

နိုင်ငံရေးအညှာ မလွယ်စေချင်ပါ ========================                ရခိုင်မှာ တပ်မတော်က စစ်ကို စစ်နဲ့တူအောင် ချေမှုံးပြလိုက်တယ် ။ အထူးသဖြင့် မိမိရဲ့ အားသာချက်ဖြစ်တဲ့ လေကြောင်းစွမ်းရည်နဲ့ အုံလိုက် မြုံလိုက် ဝုန်းဒိုင်းကြဲ လိုက်ပါတယ် ။            ထွန်းမြတ်နိုင် ဘာသံတွေ ထွက်လာပါသလဲ..? ဒီလို ဗုံးကြဲနေရင် နိုင်ငံရေး ညှိနှိုင်းဖို့ ဘာညာနဲ့ အူသံပေးလာရပါတယ် ။ သဘောကတော့ ဗုံးမကြဲရင် ငြိမ်းချမ်းရေး ဆွေးနွေးညှိနှိုင်းမယ်ပေါ့ လေ ။ ဒါတောင် လေသံက မလျော့ဘူးနော် ရခိုင်ကို ဘိုးတော်ဘုရား ဆုံးမတော် မမူခင်က အနေအထားအတိုင်း ဆွေးနွေးရမယ်ဆိုပြီး ရိတိတိ လုပ်သေးတာနော်...              သဘောကတော့ အခု သူတို့ နယ်မြေတွေ သိမ်းထားနိုင်တဲ့ အနေအထားကို အခြေပြုပြီး သူတို့တောင်းဆိုသမျှ လိုက်လျှောဆွေးနွေးရမယ် ပေါ့ဗျာ ။ ကျုပ်တို့ နိုင်ငံတော် အကြီးအကဲတွေရဲ့ စိတ်ထဲတော့ ဘယ်လိုနေမယ် မသိနိုင်ပါဘူး.... ။                         ကျုပ်ရဲ့စိတ်အရ ပြောရရင်တော့ မိအောင်ဖမ်းမယ် ။ မင်းနဲ့ တန်ရဲ့လားကွလို့ မေးပြီး  စောက်ခွက်ကို သွားတချောင်းမှ မကျန်အောင် အားပါးတရ ဖနောင့်နဲ့ ပေါက်ပစ်မယ် ။ ကမ်းထိုးပေါ်က မိသားစု ၉၀၀ ကျော်အတွက် တတုံး တတစ်ဆီ လုပ်ပြီး လက်စားချေမယ်.....                  နောက် ဂွမ်မော်တို့ဘက်က အူကြောင်ကြောင် အသံပေးလာပြန်ပြီ ။ တပ်ချုပ်သစ်က မြန်မာ့တပ်မတော်ရဲ့ တိုက်စစ်ဆိုတာ ဒါပဲလို့ အခုမှ လက်စွမ်းပြလာတာကိုးဗျ ။ တိုက်လေယာဥ်ရဲ့ လေကြောင်းချေမှုံးရေးဆိုတာ ဒါမျိုး ၊ 155 mm ဆိုတဲ့ ဟောင်ဝစ်ဇာဆိုတာ ဒီလိုပစ်ရတယ် မြေပြင်ထိုးစစ်ချေမှုံးရေးဆိုတာ ဒီလိုလုပ်ရတယ်ဆိုပြီး လက်သံပြောင်ပြမှ ဒီလို အသံထွက်လာတာလေ ။              ဘာတဲ့ ဝ လို ကွန်ဖက်ဒရိတ် အဆင့် ပေးမှ ငြိမ်းချမ်းရေး ဆွေးနွေးမယ် ဟုတ်လား...? အေး ဝ ကိုလည်း ဘယ် ကွန်ဖက်ဒရိတ်မှ ပေးထားတာ မဟုတ်ဖူး ။ အကြောင်းအမျိုးမျိုးကြောင့် ( ကိုယ့်ဖက်က ညံ့ဖျင်းတာလည်း အဓိကတချက်) ကြည့်နေရတဲ့ အနေအထားပဲ ။ ဝ ကို ပြည်နယ်အဆင့်တောင် ပေးမထားဘူး ။                ထွန်းမြတ်နိုင်ရော ဂွမ်မော်ရော 2024 တုန်းက ဘာတွေပြောခဲ့ကြသလဲ...?  အာရက္ခနိုင်ငံတော်ကြီး ဝမ်ပေါင်နိုင်ငံတော်ကြီး ဆိုကွ... လုပ်လိုက်လေ အခုမှ ငြိမ်းချမ်းရေး စကားဦး သမ်းပြီး မိန်းမဥာဏ်နဲ့ ကလိမ်ကကျစ် လုပ်မနေစမ်းပါနဲ့ ။            သူပုန်ဆိုတဲ့ အမျိုးက ရှုံးနိမ့်ပြီဆိုရင် ဒီနည်းနဲ့ အသက်ဆက် အင်အားပြန်စု နယ်မြေချဲ့ နဲ့ လုပ်လာကြတာ ၇၈ နှစ် ရှိပြီလေ ။ ကိုယ်တို့ တပ်မတော်နဲ့ နိုင်ငံတော် ခေါင်းဆောင်တွေကလည်း ပြည်သူ့အပေါ်သာ ပျားရည်နဲ့ဝမ်းချပြီး ထိရောက်အောင်မြင်တဲ့ အကူအညီ မပေးနိုင်တာ သူပုန်က ငြိမ်းချမ်းရေး ချူဆီသံပေးလိုက်ရင်တော့ အခုပဲ ငြိမ်းချမ်းရေး ဖော်ဆောင်နိုင်သူကြီးအဖြစ် မော်ကွန်းဝင်မလားဆိုတဲ့ နိုင်ငံရေးကြော်ကြားလိုမှု လောဘဇောကပ်ပြီး လွယ်လွယ်လေး လ​က်ခံတတ်ကြတာ ကြာခဲ့ပြီလေ.....                 အဲဒီ အတွက် တိုင်းပြည်မှာ ဘာကောင်းကျိုးဖြစ်ထွန်းခဲ့သလဲ ပြန်ကြည့်ပါ ။ သူပုန်သက်ဆိုးရှည်တယ် ၊ သူပုန်ပွားများလာတယ် ၊ သူပုန်နယ်တိုးလာပြီး တိုင်းပြည် မငြိမ်မသက်ဖြစ်လာရတယ် ။ ဘယ်နိုင်ငံက မတည်ငြိမ်တဲ့တိုင်းပြည်ကို လာပြီး ရင်းနှီးမြှပ်နှံကြမလဲ...? သူပုန်မွေးထားခဲ့ကြလို့ ဆိုးကျိုးချည်းတွေ့နေရတာပဲ ။            သူတို့အတွက် စီးပွားရေး အခွင့်အလမ်းတွေ ဖော်ဆောင်ပေးရတယ် ။ ဘယ်လောက်ထိပေးခဲ့ကြသလဲ ဆိုရင် လူကောင်းသူကောင်းတွေတောင် ငါတို့ သူပုန်မလုပ်ခဲ့ရတာ မှားလေခြင်းလို့ နောင်တရကြတဲ့ အထိပဲ... အပိုမဟုတ်ဖူး လေ့လာကြည့်ပါ ။         အပိုင်းစားနယ်မြေရတော့ သူပုန်တွေ ဘာလုပ်ကြလဲ...ဘိန်းစိုက်မယ်.. မူယစ်ဆေးပေါင်းစုံထုတ်မယ်.. အရက်တု ဆေးလိပ်တု စက်ရုံကြီးတွေ တည်မယ်... နောက်ဆုံး တကမ္ဘာလုံးက်ို လိမ်မယ့် ကျားဖြန့်ဂိုဏ်းတွေ အစုစပ်ထောင်မယ်....ရလာဒ်က တိုင်းပြည်ရဲ့ ဂုဏ်သိက္ခာ အကြီးအကျယ် နိမ့်ကျစေခဲ့တာပဲ....           ကျနော်တို့ ၇၈ နှစ် ရင်းပြီး ရထားခဲ့တဲ့ နောင်တတွေကို အကျိုးရှိရှိ သုံးသပ်ကြဖို့ တောင်းဆိုချင်ပါတယ် ။ လွတ်လပ်ပြီးစ ကတည်းက ငြိမ်းချမ်းရေး ဗိသုကာဘွဲ့ ရူးခဲ့ကြလို့ သူပုန်တွေ သက်ဆိုးရှည် ပွားများလာပြီး ၂၀၂၄ မှာ တိုင်းပြည်အနှံ့ ဖျက်ဆီးခံရတာတွေကို သတိရကြပါ ။            ငြိမ်းချမ်းရေးသံ ပေးတာနဲ့ နိုဗယ်ဆုရနိုးနိုး သမိုင်းဝင်ခေါင်းဆောင်ကြီး ဖြစ်နိုးနိုး  စိတ်ကူးယဥ်မနေသင့်ပါဘူး ။ လွယ်လွယ်ပြောရရင်ဖြင့် ငြိမ်းချမ်းရေးအညှာလွယ်ခဲ့မိလို့ တိုင်းပြည်ပျက်ခဲ့တာ မနည်းပြန်စုနေရတုန်း ကာလမှာမို့ ထပ်မံပြီး ငြိမ်းချမ်းရေး အညှာမလွယ်မိဖို့ တောင်းဆိုချင်ပါတယ် ။ ပြောချင်တာကတော့ ငြိမ်းချမ်းရေးကို နိုင်ငံတကာကြားကောင်းအောင် အသံပေးကြပါ ၊ မြေပြင်မှာတော့ ပြင်းပြင်းထန်ထန် ချေမှုံးပါ ။ ( အကြွင်းမဲ့ လက်နက်ချ ငြိမ်းချမ်းရေးမှ လွဲပြီး ရူးကြောင်ကြောင် လက်နက်နဲ့ငြိမ်းချမ်းရေး ဆိုတဲ့ ကဏ္ဏကို မေ့လိုက်ကြပါတော့ဗျာ )            ကိုရွှေမျိုးဝင်း

အပျိုကြီး အရှက် =============== " ငမျိုးရေ..မင်း စစ်သတင်းတွေ မရေးတာ ကြာပြီနော်.. '' " ဟုတ်တယ် ကွီးစိုး ကိုယ့်ဖက်က အနိုင်ရနေတာပဲလေ ပြီးတော့ ကိုယ်က တိုက်စစ်ဆိုတော့ ကိုယ့်ကစားကွင်းထဲ ရောက်နေတာမို့ အေးအေးဆေးဆေးလေ ဗျာ '' " ဘယ်လို ကိုယ့်ကစားကွင်းလဲ ကွ '' " ခင်ဗျားကလည်းဗျာ မြန်မာ့တပ်မတော်ဆိုတာ တသက်လုံးက တိုက်စစ်ဆင်လာတဲ့ တပ်မတော်ဗျ.. ခံစစ်ကိုသာ စိုးရိမ်ရမှာ တိုက်စစ်ဆို ပူမနေနဲ့တော့ သူ့ဘာသာ သစ်ရွက်ခြောက် ဆင်နင်းသလို အသာလေး နင်းချေသွားလိမ့်မယ် ကြည့်သာနေ '' " ဟိုဘက်က ထောက်ပို့လော်ဘီကောင်တွေကတော့ ရေးနေ ပြောနေကြတာပဲ ဟ ဘယ် စခန်းသိမ်းလိုက်ပြီ ဘယ်စစ်ကြောင်း ဆော်လိုက်ပြီ နဲ့... '' " မှန်တယ် တချိန်က လေကျယ်ခဲ့တဲ့ မြင်းခြံ မိုက်ခဲက မြင်းခြံရေ တာ့တာ ခေတ္တအဝေးသွားအုံးမယ် ဆိုပြီး ပြေးပြီ ၊ နွားထိုးကြီးစိုးအောင်ကလည်း ကျန်ကာလလေးမှာ အေးအေးချမ်းချမ်း နေချင်ပါပြီ ဘာညာ နဲ့ ပလီတိချောက်ခြက် ပို့စ် တွေ တင်နေရတာလေ 😂😂 အဲဒါကြောင့် အာသာပြေတင်နေကြတာ '' " အဲဒီသတင်းတွေ ဒီကောင်တွေ မတင်ဘူးဟ... အကိုချေတို့ လက်စွမ်း ဘာညာ..  ဖထီးတို့ ဆော်ပြီ ဘာညာ နဲ့ ဘောပေါင်းစုံ မနေတာပဲ တွေ့ရတယ် '' " ရေးပါစေဗျာ ဘယ်မြို့ အသိမ်းခံပြီ ဘယ်နယ်ပါသွားပြီ ဘယ်စခန်းသွားတိုက်တာ ဘယ်လောက် ဂိသွားပြီ နဲ့ မတင်ရဲလို့ လျှောက်ရေးနေတာလေ '' " အံမယ် ပြည်သူနာမှာ စိုးလို့ ရက်ပိုင်းအတွင်း မြို့တွေများစွာ လက်လွတိခဲ့ရတယ် ဆိုတာ ပါသေးမောင်ရေ...'' " ခင်ဗျားကို အပျိုကြီး ပုံပြင် ပြောပြမယ်.. '' " အေး ပေါက်ကရတွေ လုပ်စမ်း ဟ... 😂 '' " တခါတုန်းက အရမ်းရှက်တတ်တဲ့ အပျိုကြီး ညီအမ ၂ ယောက်ရှိတယ်.. '' " အင်း.....ဟုတ်ပြီ '' " ခေတ်ကာလအလျှောက် မောင်ပြိုင်ပွဲ မယ်ပြိုင်ပွဲတွေ ကျင်းပတော့ ညီအမ နှစ်ယောက်ကို ဇွတ်ဖိတ်ပြီး မလာမနေရ အတင်းခေါ်လို့ အားနာပြီး ပါသွားရော '' " ဟုတ်ပြီ...'' " အပြန် အိမ်ရောက်တော့ အမဖြစ်သူက ပြောတယ် ငါ့ညီမရယ် ကောင်မလေးတွေ ဝတ်စားထားတာ ငါဖြင့် သူတို့အစား ရှက်ပါ့ အေ တဲ့ '' " ဒီတော့..'' " ညီမက ပြန်ပြောတယ် ဟုတ်ပါ့ အမရယ် ခေတ်ကာလက အဲလို ဖြစ်နေတာကိုး အမရဲ့ အဲဒီထက်ဆိုးတာက မောင်ပြိုင်ပွဲဝင် ကောင်လေးတွေပဲ အမရေ ရုပ်တွေလည်း ဆိုးပါ့  ဗလကြီးတွေလည်း တောင့်ပါ့ ဝတ်ထားတာက အရှက်မပေါ်ရုံလေး အမရယ် ရှက်စရာပါ '' " အို အေ...ညည်းကမှ သူတို့ကို စေ့စေ့ကြည့်ရဲသေးတယ် ငါဖြင့် ရှက်လို့ မကြည့်ရဲတာနဲ့ အဝတ်ဖုံးထားတဲ့ နေရာလေးပဲ တောက်လျှောက်ကြည့်နေခဲ့ရတာပဲ အေ..တဲ့ ဗျ '' " ဟိုက်... ရှက်လို့ မကြည့်ရဲတဲ့ အမကြီးအကြည့်က ပိုရှက်စရာကောင်းနေပါလား ကွ '' " ဟုတ်တယ် အဲလိုပဲ ရှုံးတာကို ရှုံးတယ် မပြောပဲ ရှက်လို့ တောပြော တောင်ပြော ပြောရင်း ပိုရှက်စရာကောင်းနေတာ NUG လော်ဘီလေးတွေရဲ့ အဖြစ်ပဲဗျ '' " မင်းပြောမှပဲ ဟိုကောင်တွေလည်း အတွင်းခံဘောင်းဘီ ဘဝက မကျွတ်သေးဘူး ဖြစ်သွားပြီဟ ... အဲဒါ အသာထားအုံး တို့ တပ်မတော်ရဲ့ အောင်ပွဲလေးတွေကို ဝီရရသမြောက်အောင် ရေးပြအုံး ဟ စစ်သည်တွေက မင်းရေးတာ ဖတ်ပြီး အားတက်ကြတယ် တဲ့ '' " အေးပါဗျာ သတင်းစုပြီး ရေးပါ့မယ် ''                    ကိုရွှေမျိုးဝင်း

" ငမျိုးရေ  လွှတ်တော်ထဲမှာ သေနတ်ပစ်ပြီး အကြမ်းဖက် ပြည်ပအကြိုက် လုပ်ပေးနေတဲ့ ဖိလစ်ပိုင် သမ္မတက တို့မြန်မာပြည်ရဲ့ ရွေးကောက်ပွဲနဲ့ တက်လာတဲ့ အစိုးရကို ရှုံ့ချပြီး ကမ္ဘာသိ သူခိုးမကြီးကို အာဏာပြန်ပေးဖို့ ပြောနေတဲ့ အပေါ် မင်းအမြင်ကို တိုတိုတိတိ ပြောပေးအုံး ''           ကွီးစိုး " ဂွေး တန်းလန်း နဲ့ ဖင်ပြောင်နေတဲ့ ကောင်က သူများပုဆိုး မီးလောင်ပေါက်နေတာကို ကဲ့ရဲ့နေတာလို့ မြင်တယ် ''          ကွီးမျိုး

ပြင် လို့ ရ ပါ တယ်..... ================== " ငမျိုးရေ ဒီနေ့တော့ ကြီးကြီးကျယ်ကျယ် မေးချင်တယ်ကွ တို့တိုင်းပြည်ရဲ့ ခေါက်ရိုးကျိုးနေတဲ့ အကျင့်ဆိုးတွေကို ပြင်လို့မှ ရနိုင်ပါ့မလား ကွ... '' " ပြင်ချင်စိတ် ရှိရင် ပြင်လို့ ရတာပေါ့ဗျာ... '' " ကဲ ဆဲချင်လည်း ဆဲပစေတော့ကွာ ဝန်ထမ်းတွေရဲ့ မောက်မာမှု လာဘ်စားမှု ကို ဘယ်လို ပြင်မလဲကွ '' " OK အဲဒီ ကိစ္စက ဇစ်မြစ်က စပြီး လှန်ပစ်မှ ရမယ်ဗျ '' " အင်း...လုပ်စမ်းပါအုံ.....'' " ဝန်ထမ်းသစ် စဝင်ရွေးချယ်တဲ့ ပုံစံက လက်ရှိအခြေအနေက မိသားစု အမွေဆက်ခံသလို ဆွေစဥ်မျိုးဆက် ဌာနဆိုင်ရာတခုကို အပိုင်သိမ်းထားခြင်းပဲ '' " ဘာဆိုင်လို့လဲ ကွ... ကျောင်းဆရာ သားသမီး ကျောင်းဆရာလုပ်တာ...ဆန်းသလား...? " " အင်း ဝါသနာပါလို့ အဲသလို လုပ်တာ မဆန်းဘူး ဆန်းတာက ရနိုင်မယ့် အခွင့်အလမ်းတွေကို လက်ဆင့်ကမ်း သင်ပေး မက်လုံးပေးပြီး ငါတို့ဌာနက ဘယ်လို အရေးပါတာ ဘယ်လို အပြင်ငွေ ရှာလို့ ရတယ် ဆိုတဲ့ လောဘ နဲ့ ဖင်ခေါင်းကျယ် ရောဂါပါ ကလေးစိတ်ထဲ ထည့်ပေးလိုက်ကြတာ ပြဿနာပဲ '' " ဘယ်လို..ဘယ်လို... ဖင်ခေါင်းကျယ် ရောဂါ ဟုတ်လား....? " " သိပ်ဟုတ်တာပေါ့ ငါတို့ဌာနက ဘယ်လို အရေးပါတာ လုပ်ပိုင်ခွင့်က ဘာတွေ ငါတို့ လုပ်မပေးရင် ဘာမှ လုပ်မရကြဘူး ဆိုတဲ့ သင်ကြားချက်တွေက ဌာနတိုင်းမှာ ရှိနေကြတယ် '' " ဘာကြောင့် အဲလို သင်ရတာလဲ..? " " မူလတုန်းကတော့ မိမိအလုပ်ကို ဂုဏ်ယူတတ်စေဖို့ နဲ့ ငါသည် အရေးပါတဲ့ တိုင်းပြည်တာဝန်ထမ်းဆောင်နေရတာပဲ ဆိုတဲ့ တက်ကြွတဲ့ စိတ် ဖြစ်လာဖို့ပေါ့ ဒါပေမယ့် ကာလကြာလာတော့ ဖင်ခေါင်းကျယ်ရောဂါအဖြစ် ပြောင်းသွားရတာပဲ.. '' " မင်းကတော့ ပေါက်တီးပေါက်ရှာ ကွာ... ဒါက ဇစ်မြစ်ပေါ့လေ '' " ဒီထက် အရင်းကျတာ ရှိသေးတယ်... အဲဒါ ပညာရေးပဲ...'' " ဘာလို့လဲ ကွ..? " " ကျနော်တို့ အားလုံးက ပညာရေးကို ကောင်းသထက်ကောင်းအောင် ပြင်နေကြတာ ကြာပြီ ကလေးတွေရဲ့ ပညာရေးက လက်တွေ့နယ်ပယ်မှာ ဘယ်လောက် အသုံးဝင်နေသလဲ ဆိုတာ အားလုံးအသိပဲ ၅ နှစ်သားကနေ အသက် ၂၀ လောက်ထိ သင်ခဲ့ရတဲ့ အင်္ဂလိပ်စာက ဘွဲ့သာရတယ် ( သူပြောတာ ကိုယ်မသိ ကိုယ်ပြောတာ သူမသိ ပါပီလေး ဝုတုတု သနားပါဘိ ) ဆိုတဲ့ အဆင့်က 95 % ဖြစ်နေတာမို့ မထိရောက်ဖူးလို့ ဆိုရင်.... '' " ဝန်ထမ်းနဲ့ ဘာဆိုင်လဲ ကွာ.. '' " လာမယ် ပြောချင်တာက..အဲလို ထိရောက်မှု အားနည်းတဲ့ ဘာသာရပ်ဆိုင်ရာတွေကို အချိန်ပြည့် အချိန်ပို အချိန်လျှံ တွေနဲ့ ကလေးတွေကို ဖိအားပေး သင်ကြားပေးနေတာ ကာလကြာသွားပြီ '' " ဒီတော့.....'' " မိုးလင်းက မိုးချုပ် ကျောင်းစာပြီး ကျောင်းစာ သင်ကြားနေရင် ကျုပ်တို့ ကလေးတွေ ကြီးပျင်းလာတော့ လောကနီတိတွေ မသိတော့ဘူး လူရိုင်းတွေ ဖြစ်လာတယ်... အတ္တသမားတွေဖြစ်လာကြတယ် ဖြစ်မှာပေါ့ ငယ်ငယ်ထဲက ပထမ ဒုတိယ ဆိုတဲ့ သတ်မှတ်ချက်ကို တမက်တမော ရနိုင်ဖို့ လေ့ကျင့်ပေးခဲ့တာကိုး...ဒီလိုနဲ့ မိဘပြန်ဆဲ ဆရာပြန်သတ် သံဃာလည်လှီး တဲ့ မျိုးဆက်တွေ ပေါ်လာတော့တာပဲ.... '' " မင်းဟာက နိုင်ငံရေးဘက် ရောက်သွားပြီး ပိုဝေးသွားပြန်ပြီ....'' " လာမယ်လေ...အဲဒီ မျိုးဆက်တွေက အတ္တကြီးပြီး လူကျင့်ဝတ်တွေ မသိတော့ပဲ ထင်ရာစိုင်းကုန်တာ အဲဒီ ပညာရေးက စလာတာဗျ.'' " အင်းးးနဲနဲတော့ ဆက်စပ်လာပြီ...'' " မိဘတွေကလည်း ကိုယ့်ကလေး မပီကလာနဲ့ ကကြီး ခခွေး ၊ ABCD လောက် ရွတ်ပြနေရင် ကျေနပ်ဂုဏ်ယူနေကြတာကိုး....တကယ် ဖြစ်သင့်တာက ပညာရေး ကဏ္ဏကို လူလိုသိတတ်လာဖို့အတွက် လေ့ကျင့်ပေးဖို့လိုနေတာ ။ ဒါကြောင့် သင်ကြားချိန် ပြောင်းဖို့ လိုနေတာဗျ '' " ဘယ်လို ပြောင်းရမှာလဲ ကွ.. ? " " ဥပမာပေါ့ဗျာ မူလတန်းမှာ နေ့စဥ် စာသင်ချိန် ၇ ချိန် အနက် ၄ ချိန်လောက်ကို လူကျင့်ဝတ်တွေ စာတွေ့ လက်တွေ့ သင်ပေးသင့်တာဗျ သဘာဝပတ်ဝန်းကျင် ထိမ်းသိမ်းနည်းကနေ တိရိစ္ဆာန်လေးတွေ အပေါ် သနားကြင်နာတန်ဖို့ အထိ သင်ပေးဖို့ လိုနေပြီ '' " အင်း အတန်းကြီးမှ စာဖိသင်ပေါ့... '' " ဟုတ်တယ် အလယ်တန်းရောက်ရင် စာသင်ချိန် ၅ ချိန်ထား..အထက်တန်း စာသင်ချိန် ၆ ချိန်... တက္ကသိုလ် တပတ် တချိန် အဲသလို အဆက်မပျက် စာသင်ချိန်ထဲ စိတ်ဓာတ်ပြုပြင်ရေးအတွက် အချိန်ပေးသင်လိုက်ရင် လိမ္မာတဲ့ ကလေးတွေ ပြန်မြင်လာရလိမ့်မယ် '' " ကဲ အဲဒါ နဲ့ ငါမေးထားတဲ့ ဝန်ထမ်းလောက နဲ့... ဘာဆိုင်နေလို့လဲ ကွ...'' " ဟလူရ...အဲလို မဟုတ်တာကို လုပ်ရမှာကို ရှက်ရကောင်းမှန်း သိတဲ့ ကလေးတွေ...စာနာစိတ်အတွက် လေ့ကျင့်ပေးထားတဲ့ ကလေးတွေ လုပ်ငန်းခွင်ထဲ ရောက်လာရင် ပြည်သူ့ဝန်ဆောင်မှု လုပ်ငန်းတွေကို တာဂန်ကျေပွန်အောင် ဝန်ဆောင်မှုပေးကြလိမ့်မယ်ပေါ့ ဗျာ.... '' " မင်းဟာက အနည်းဆုံး ၁၀ နှစ် ၁၅ နှစ်လောက် စောင့်ရမယ့် သဘောပဲ... '' " ဟေ့လူ ၇၈ နှစ်လောက် ပြင်လာကြတာတောင် သုံးစားမရပဲ ပညာရေး ပြုပြင်မှုတွေထက်စာရင် ၁၀ နှစ် ၁၅ နှစ်ဆိုတာ ခဏပါဗျ '' "  မင်းမိတ်ဆွေ ပြောခဲ့သလို ကလေးတွေကို မဟုတ်တာ လုပ်ရမှာ ရှက်အောင်သာသင် တိုင်းပြည်ကောင်းမယ် ဆိုတဲ့ စကား လက်ခံတယ်ကွာ... ကဲ တွေးစရာတွေ များလို့ ပြန်ပြီကွာ....''             ကိုရွှေမျိုးဝင်း

ပြည်သူ့ အတွက် ဟူသည် ==================== ဖြစ်စဥ် (၁) --------------------              မြန်မာပြည်ရဲ့ နာမည်ကျော် ဗိုလ်ချုပ်ကြီး​နေဝင်း တယောက် ယနေ့ထိ ဝေဖန်ကဲ့ရဲ့ခံနေရတဲ့ သူ့ဝါသနာက မြင်းပွဲ လောင်းကစား ကိစ္စပေါ့ ။ အုပ်ချုပ်ရေးအာဏာ မရယူခင် စစ်ဦးချုပ်ဘဝမှာ သူလည်း မြင်းပွဲတွေကို လောင်းလေ့ ရှိကြောင်း သိရပါတယ် ။              ၁၉၆၂ အာဏာသိမ်းပြီးတော့လည်း မြင်းပွဲ လောင်းကစား ကင်းပုံ မရလောက်ပါဘူး ။ ဒါပေမယ့်  ဆိုရှယ်လစ် စီးပွားရေးစနစ် နဲ့ မကိုက်ညီဘူး ဆိုတဲ့ အဆိုတင်သွင်းမှုက တချက် ၊ ပြည်သူတွေ မြင်းပွဲ လောင်းကစားကြောင့် ဆင်းရဲ သထက် ဆင်းရဲလာကြကြောင်း သတင်းများကြောင့် တချက် ၁၉၆၄. မေလ မှာ မြန်မာပြည်က တရားဝင် မြင်းပြိုင်ပွဲတွေကို ပိတ်ပင်တားမြစ်ပါတော့တယ် ။            ဦးနေဝင်းက ငါ ဝါသနာပါတယ် ။ ဟိုးးးရှေးအစဥ်အဆက်က အစိုးရ အဆက်ဆက် ခွင့်ပြုခဲ့တာပဲ ဆိုပြီး သူ့ဝါသနာကို အသက်ဆက်သွင်းလို့ ရတာပေါ့ ။ ဒါပေမယ့်သူက ငါတို့ ချမှတ်ထားတဲ့ လမ်းစဥ် နဲ့ ငါ့ပြည်သူတွေ အတွက် ဆင်းရဲတွင်း တူးပေးနေတဲ့ ဒီ မြင်းပွဲတွေ မရှိသင့်တော့ဘူးလို့ ပြတ်ပြတ်သားသား ရှုမြင်ပြီး ဖြတ်ပစ်လိုက်တာ ချီးမွမ်းရမှာ အမှန်ပါပဲ ။ ဖြစ်စဥ် ( ၂) -------------------              နဝတ ခေတ် ထောက်လှမ်းရေး အကြီးအကဲ ဗိုလ်ချုပ်တယောက်က သူ့တပည့် ထောက်လှမ်းအရာရှိ တဦးကို မှာကြားနေတယ်... " မင်း ဒေသမှာ ဘာပဲ ဖြစ်ဖြစ် ငါတို့ကို သတင်းပို့ရမယ် ၊ သဘာဝဘေးအန္တရာယ် ၊ ရောဂါဘေး အငတ်ဘေး ဆိုက်ရင်လည်း ငါတို့သိအောင် အမြန်ဆုံး သတင်းပေးရမယ် ၊ ဒါမှ လူကြီးတွေ သိရှိပြီး လုပ်စရာရှိတာ လုပ်ပေးနိုင်မယ်.. မင်းဒေသမှာ ရှိတဲ့ ပြည်သူတွေရဲ့ အခက်အခဲကို မင်း အခက်အခဲလို့ သဘောထားပြီး ငါတို့သိအောင် ချက်ခြင်း တင်ပြပါ ''              လို့ မှာကြားခဲ့ပါတယ် ။ အဲဒီ ကာလတွေတုန်းက လောက်ကိုင်မှာ ဖြစ်ပွားခဲ့တဲ့ ကူးစက်ရောဂါ နဲ့ ပလောင်ဒေသမှာ အငတ်ဘေး ဆိုက်ရောက်ခဲ့ကြတာကို ထောက်လှမ်းရေး သတင်းအရ အစိုးရကနေ အချိန်မှီ အကောင်းဆုံး ကုသ ကယ်တင်နိုင်ခဲ့သလို ပလောင်ဒေသရဲ့ အငတ်ဘေးအတွက်လည်း ဆန်အိတ်ပေါင်းများစွာ ထောက်ပံ့ပေးနိုင်ခဲ့ပါတယ် ။ ( အခုမှ ကျေးဇူးကန်းနေကြတာတော့ သူတို့ သမိုင်းပေါ့) ဖြစ်စဥ် ( ၃) ------------------                 ရှမ်းပြည်နယ်ထဲမှာ အဖွားကြီး တယောက်ဆီကနေ လူတဦးက ငွေးချေးယူတယ် ။ တောသူတောင်သား အခြင်းခြင်း ချေးငှားကြတာဆိုတော့ စာချုပ် စာတမ်းတွေ ဘာတွေ မရှိဘူးပေါ့ ။ ငွေချေးထားကြောင်း ပတ်ဝန်းကျင်ကတော့ ပါးစပ်ပြောအရ သိကြပါတယ် ။            အချိန်တန်တော့ ငွေယူထားသူက ပြန်မပေးပဲ ညစ်လိုက်တယ် ။ အဖွားကြီးက ဘယ်လိုမှ တောင်းမရလို့ ရဲ စခန်း သွားတိုင်တယ် ။ စာချုပ် စာတမ်း နဲ့ ချေးထားတာ မဟုတ်လို့ တရားစွဲ မရဘူး ။ မတော်မတရား လုပ်တာ ခံနေရပေမယ့် တရားဥပဒေအရ ဒီ အဘွားကြီးကို တရားမျှတမှု အတွက် ဘာအကူညီမှ မပေးနိုင်ဘူး ။             ဒီတော့ အဖွားကြီးကို သနားလွန်းလို့ ဆိုပြီး လူတယောက်က ဗိုလ်ချုပ်မောင်ဘိုဆီ နားပေါက်အောင် ပြောပြ အကူညီတောင်းတယ် ။ ဗိုလ်ချုပ်မောင်ဘိုက အဖွားကြီးဆီက ငွေချေးခဲ့တာ သေချာအောင် သူ့နည်းသူ့ဟန်နဲ့ စုံစမ်းတယ် ။ ပတ်ဝန်းကျင်ကလည်း ချေးထားတာ မှန်ကြောင်း ထောက်ခံကြတယ် ။             ဒီတော့ ဗိုလ်ချုပ်မောင်ဘိုက လူညစ်ပက်ကို ငွေပြန်ပေးလိုက်ပါ မပေးရင် မင်းကို ရတဲ့ အမှုနဲ့ ထောင်ချပစ်မယ် လို့ ခြိမ်းခြောက်လိုက်မှ အဖွားကြီးရဲ့ သေစာရှင်စာလေး ပြန်ရသွားတယ် ။           ဒီဖြစ်စဥ်ကတော့ တရားဥပဒေ ဆိုတဲ့ အရာခပ်သိမ်းကို တရားမျှတအောင် မလုပ်ပေးနိုင်တဲ့အားနည်းချက်အပေါ်  သြဇာ အာဏာသုံးပြီး တရားမျှတအောင် လုပ်ပေးသွားတာ တွေ့ရပါတယ် ။ အဲဒီအပေါ် အငြင်းပွားစရာပေါ့လေ ။ ကောက်ချက်ချရရင်တော့ သြဇာ အာဏာကို မှန်ကန်တဲ့ ဘက်မှာ သုံးတတ်ရင် တရားမျှတမှုကို ဥပဒေနဲ့ မညီဟု ဆိုသော်ငြား ကူညီနိုင်တယ် ။          ပြောင်းပြန်သက်ရောက်မှု အနေနဲ့ ဗိုလ်ချုပ်မောင်ဘိုလို နေရာမှာ သီလ သမာဓိ နိမ့်ကျသူဖြစ်ခဲ့ရင်လည်း တရားဥပဒေကို ကျော်လွှားပြီး မတရားလုပ်ဖို့ အာဏာကို သုံးနိုင်တာလည်း စိုးရိမ်စရာပါပဲ ။ ဒီတော့ကား အာဏာကိုသုံးတဲ့ လူပုဂ္ဂိုလ် အပေါ်မှာပဲ ပြည်သူ့အတွက် တရားမျှတခြင်း နဲ့ မတရားခြင်းတို့က တည်မှီနေတာ ပါပဲ ။         ဒီ ဖြစ်စဥ် ၃ ရပ်ကို နမူနာ ကြည့်ပြီး ပြည်သူအတွက် ငါတို့ ဘာလုပ်သင့်သလဲဆိုတာ နှလုံးသွင်းနိုင်ကြပါစေ ။                  ကိုရွှေမျိုးဝင်း            

ကုန်စျေးနှုံး ==========             စိန်တလုံး သရက်သီးပေါ်ကာစမှာ ရန်ကုန်ရောင်းစျေး တလုံး ၃၀၀၀ိ ( အင်းယားလမ်း ရွှေတောင်ကြားအနီး သစ်သီး / ပန်း တန်း) ။           စိတ်ထဲ စျေးများတယ်လို့ ယူဆပြီး မြင်းခြံကို ဖုန်းဆက်မေးတော့ ဒိပ်သီး ၇၀၀ိ ၊ အလယ်အလတ် ၅၀၀ိ တဲ့ ။ ကိုယ်ဝယ်တဲ့ဆိုဒ်က ဒိပ်သီး မဟုတ် ၅၀၀ိ တန် လောက်ပါပဲ ။ ဒါဆို သယ်ယူစရိတ်က စျေးနှုံး ကွာဟချက်ကို ကြီးမားစေတာပဲ....               သတင်းတွေထဲမှာ ဖတ်မိတယ် ၊ EV လူစီးရထားတွေ ပြေးနေပြီ ၊ EV ဘက်စ်ကားတွေ လာတော့မယ် ဆိုပဲ... ဒီတော့ ကုန်စျေးနှုံးအတွက် အရေးပါတဲ့ သယ်ယူစရိတ်ကို လျော့ချနိုင်ဖို့ တွေးမိတယ် ။                           EV ရထားက ပြည်တွင်းထုတ်ပါ ။ အဲဒီ ရထားနဲ့ ကုန်စည်ပို့ဆောင်ဖို့ ဦးစားပေးရင် သယ်ယူပို့ဆောင်ရေး စရိတ် ခေါက်ချိုးမက သက်သာပါ့မယ် ။ ဘူတာကနေ စျေး သို့မဟုတ် ကားကြီးကွင်းထိ EV ကား နဲ့  ထပ်ရွှေ့ရမယ် ။          အလုပ်သမားခ ၂ ဆင့် ၃ ဆင့် မကုန်ရလေအောင် ကွန်တိန်နာ စနစ်နဲ့ သယ်မယ် ။ ဘူတာ ကုန်တင်ကုန်ချ နေရာမှာ ကရိန်းတပ်ဆင်ထားမယ် ။ ဒါဆို ရထားလမ်း တလျှောက်က မြို့တွေ အတွက် ကုန်သယ်ယူပို့ဆောင်ခ အများကြီး သက်သာသွားမယ် ။             ရထားမရောက်တဲ့ ဒေသတွေအတွက် EV ကား တွေ သုံးမယ် ။ မိုင် ၁၀၀ တခုနှုံး EV  အားသွင်းစခန်းတွေထားမယ် ။ ဆိုလာစနစ်ကို အားပြုမယ် ၊ EV ကုန်ကားအတွက် ခေါင်းတွဲ အပိုတွေ ထားကြမယ် ။ သတ်မှတ် စခန်းရောက်ရင် ပထမ EV ကား ခေါင်းကို အားသွင်းမယ် ၊ စခန်းထဲက အားပြည့်နေတဲ့ ကားခေါင်းနဲ့ ပြောင်းချိတ် ဆက်မောင်းရမယ် ( အချိန် မကုန်အောင်)             ရထားက ပြည်တွင်းထုတ် ၊ EV ကားတွေ နဲ့ အားသွင်းစက်က ပြည်ပက ဖြစ်မယ် ။ မြန်မာပြည် တဝှမ်း ကားအစီးရေ ဘယ်လောက်လိုမလဲ...? အားသွင်း စခန်းပေါင်း ဘယ်လောက် တည်ဆောက်ရမလဲ... ? စနစ်တကျ တွက်ချက် အကောင်အထည် ဖော်မယ်ဆိုရင် မခက်ခဲလောက်ပါဘူး ။          အစိုးရကချည်း မရင်းနှီးချင်ဘူးလား....? ပုဂ္ဂလိကတွေကို ရှယ်ယာထုတ်ရောင်းလေ... သူခိုးရန်က ကင်းအောင်တော့ စနစ်တကျ ထိမ်းသိမ်းကြပ်မှတ်ဖို့ လိုမယ် ။ ဒါဆို လောင်စာဆီ ချွေတာရာ ရောက်မယ် ။ အလုပ်အကိုင်တွေ ဖန်တီးပေးရာ ရောက်မယ် ။ အဓိက ကျတဲ့ ကုန်စျေးနှုံး ကျဆင်းရေး အတွက် များစွာ အထောက်အပံ့ ဖြစ်လိမ့်မယ် ။         အင်း....ငါ ဘာတွေ တွေးနေပါလိမ့်....တလ သိန်း ၃၀ လစာယူနေတဲ့ ကုန်စျေးနှုံးထိမ်းချုပ်ရေး ကော်မတီဥက္ကဌလည်း မဟုတ်ပဲ မဆီမဆိုင် လျှောက်တွေး နေပြန်ပါပြီ 😂😂😂😂                     အဲသလိုပါဆို..ရန်ကုန်မှာ သရက်သီးလေး စျေးကြီးပေး စားမိတာနဲ့ မျိုးဝင်းတို့များ ဂယောင်ခြောက်ခြား ကြံမိကြံရာ ကြံနေတော့တာပါပဲ...တိုင်းရေးပြည်ရေး နင်နဲ့ ဘာဆိုင်လို့တုန်း ဟ 😂😂😂😂😂            ကိုရွှေမျိုးဝင်း

ဒါမျိုးတွေ ဖြစ်နေဆဲပါလား..... ====================== Big Boss: ဆရာမျိုးရေဒီတခါအကူအညီလေးတောင်းချင်ပါတယ် တခြားမဟုတ်ပါဘူးဗျာ နခခ ရခိုင်ပျောက်ဆုံးနေတဲ့ကျဆုံးနေတဲ့သူတွေရဲ့နောက်က မိသားစုလေးတွေအတွက် ရသင့်ရထိုက်တဲ့ သက်စွန့်ကြေးလေးတွေကို သူတို့သုံးလို့ပိုတဲ့အထည်က ပြန်စွန့်ပေးကြပါလားလို့ အဲ့အချိန်က ရဲချူပ်ဆိုတဲ့သူ သိစေချင်တာပါ ကလေးတွေရဲ့အသက်က သူတို့လောက်မတန်ခဲ့လို့လား အခုအချိန်ထိဘာမှာ တာန်ယူမှု့တာဝန်ခံမှု့မရှိဘူး  ကျဆုံးကြောင်းအတည်ပြုပြီးဖြစ်လို့ ဧရဝ (ဧရာဝတီ)မှာ လာပြီးကျဆုံးပင်စင်တင်ပါတယ် ကျန်ခဲ့တဲ့ 2025- 3လ ပိုင်းက အခုထိ ခရီးစရိတ်သာကုန်တယ်ဘာမှန်းမသိရဘူး ။ ***********              ဒီလို ပြဿနာတွေကို ကြားနေရတာ သိပ်မကောင်းလှပါဘူး ။ နခခ (ရခိုင်) စခန်းတွေမှာ အသက်စွန့်ပေးဆပ်သွားကြရတဲ့ တပ်မတော်သားတွေ ပြည်သူ့ရဲတွေ အများကြီးပါပဲ ။            တပ်မတော်သားတွေလည်း အကုန်ရပြီးကြပြီလားတော့ မသိရပါဘူး ။ ယခု မန့် ကတော့ မနေ့က 15 - 5 - 2026 က မန့် လေးပါပဲ ။ ဖတ်ရတာ အဆင်ပြေအောင် စာလုံးပေါင်းလေးတွေ ပြင်ရုံကလွဲရင် မူရင်း အတိုင်းပါပဲ ။           ထိုကာလတုန်းက တာဝန်ယူခဲ့တဲ့ ပြည်ထဲရေးဝန်ကြီးလည်း မရှိတော့ပါဘူး ။ သို့သော် ရှေ့က တာဝန်ရှိသူရဲ့ ကောင်းမွေ ဆိုးမွေကို နောက်လူ ဆက်ခံရစမြဲမို့ လက်ရှိ ပြည်ထဲရေးဝန်ကြီး အနေနဲ့ ဒီလို ပြဿနာလေးတွေကို အမြန်ဆုံး ကူညီဖြေရှင်းပေး ကောင်းနေပါပြီ ။        နိုင်ငံတော် ဘက်ဂျက်ကနေ ကျခံပေးရမယ့် ငွေကြေးအပေါ် အဘယ်ကြောင့် ကြန့်ကြာနေရတာကို နားမလည်ပါဘူး ( ရှေ့လူက ကိုယ်ကျိုးသုံးသွားခဲ့ရင်တော့ ယခု တာဝန်ရှိသူ ခေါင်းကိုက်စရာပေါ့) ။        ဘာပဲ ပြောပြော ကျန်ရစ်သူ မိသားစုအပေါင်း စိတ်ရှင်းသွားအောင် ဖြေရှင်းပေးရမယ့် တာဝန်ကတော့ လက်ရှိ တာဝန်ရယူထားတဲ့ လူကြီးမင်းရဲ့ခေါင်းပေါ် ကျရောက်နေပါပြီ ခင်ဗျားးး မိဘ နဲ့ သားသမီးများ အဆင်ပြေ ချောမွေ့စွာ ဖြေရှင်းနိုင်ကြပါစေ ။           ကိုရွှေမျိုးဝင်း               

စာမြှောင် ဂီတက လွတ်ပြီလား....? ==========================                  ဟိုတုန်းက နိုင်ငံတကာမှာ သီချင်းတပုဒ်ကို ဘား (BAR) ၄ ခု သို့မဟုတ် ၈ ခု ထက်ပိုပြီး တူရင် မူပိုင်ခွင့်နဲ့ ညိတယ်လို့ ကောလဟာလ ဖြစ်ခဲ့ပါတယ် ။ ဒါပေမယ့် တကယ်တရားစီရင်တော့ အဲလို မဟုတ်ပါဘူး မူလသီချင်းရဲ့ ကြော်ကြားတဲ့ သီချင်းရဲ့ အသက်ဝိညာဉ်ဖြစ်တဲ့ Hook လိုင်း ဒါမှမဟုတ် လူသိများတဲ့ Melody တိုတိုလေး ပါနေရင်လည်း အမှုမြောက်ပါတယ် ။        ဂီတမူပိုင်ခွင့်နဲ့ ပက်သက်ပြီး  ပထမဆုံး သိရတာက  မြန်မာနိုင်ငံ ဂီတ အစည်းအရုံးကနေ သဘင်လောကဆီ စာထုတ်တယ် ။ မူပိုင်သမားဆီမှာ အခငွေပေး ခွင့်ပြုချက်ယူရမည် တဲ့ ။ ဒီတော့ နာမည်မရှိသေးတဲ့ ဇာတ်သမားပေါက်စ လေးတွေ အခက်တွေ့ကုန်ပြီ ။ သူတို့ညကြေးက သီချင်းမူပိုင်ကြေး ပေးနိုင်ဖို့ အသာထား လက်ဖက်ရည်ဆိုင်မှာတောင် အကြွေးနဲ့လူက ဆွေမျိုးမပျက်ဘူး ။             ကဲ အခု နောက်ထပ် စားသောက်ဆိုင်တွေကို တားမြစ်ပြန်ပြီ ။ အချို့ နာမည်မရှိသေးတဲ့ လူငယ်လေးတွေ အတွက် ဒီလို ပေါ့ပေါ့ပါးပါး စတိတ်ရှိုးလေးတွေက သူတို့အတွက် စျေးပေါတဲ့ လေ့ကျင့်ကွင်းတွေပါပဲ ။ ကာရာအိုကေနဲ့ စင်မြင့် မတူဘူးဆိုတာ စင်ပေါ်တက်ဖူးသူတိုင်း သိကြမှာပါ ။              ဒီတော့ မူပိုင် တေးရေး တေးဆို တွေရဲ့ ကျုပ်တို့ ရင်ထဲက ခက်ရာခက်ဆစ် ဖန်တီးထားတဲ့ အနုပညာ ဘာညာ သာရကာ အင်မတန် ပြောကောင်းတာလည်း လက်ခုပ်သံ တညံညံနဲ့ တွေ့နေရတာပါပဲ ။           OK ကောင်းပြီ...အခု စားသောက်ဆိုင် တီးဝိုင်းတွေမှာ ပိတ်တယ်..  အဆိုတော် တယောက်တည်း ဒုက္ခရောက်တယ် ထင်နေကြသလား...? နောက်ပြီး နိုင်ငံကျော် အဆိုတော်တွေက သူတို့ကိုယ်ပိုင်သီချင်းတွေ ဆိုလို့ ရပေမယ့် ရွက်ပုန်းသီး ပညာသင်လေးတွေအခက်အခဲကိုရော ထည့်သွင်း စဥ်းစားမိကြရဲ့လား ဗျ ။ တီးဝိုင်းဆရာတွေရဲ့ စားဝတ်နေရေး....ဒီလိုတွေ တွေးမိကြပါလား...?              ကိုယ့်သီချင်း နာမည်ကြီးဖို့ မြန်မာပြည်လို တိုင်းပြည်မှာ လူရွှင်တော်တွေ ပျက်လုံးထုတ်မှ.. ဆိုရှယ်မီဒီယာမှာ တစ်တော့ဆော့မှ ရပ် ကျေး ဘုရားပွဲ ဇာတ်ပွဲတွေမှာ ပြန်လည် သီဆိုကြမှာ ပိုပြီး အောင်မြင်ကြတာပါ ။ ကိုယ့်ဘာသာ တယောက်တည်း ဆိုပြီး တပြည်လုံး ပေါက်ဖို့ဆိုတာ ဗဒင်လို အဆိုတော်တောင် မလွယ်ကူပါဘူး ။            နောက်ပြီး သိချင်တာက အခု မူပိုင်ကြေး တောင်းနေသူတွေကရော အားလုံး...ကိုယ်ပိုင်သံစဥ် { ''Original Melody"} သမားတွေ လား စဥ်းစားစရာပါပဲ ။ ကိုယ်ကတော့ နိုင်ငံတကာက သံစဥ်တွေ ခိုးပြီး စာမြှောင်ကပ်ဆိုတယ်..  ပြီးမှ မူပိုင်ကြေး တောင်းတယ် ဆိုရင်တော့ ခင်ဗျားတို့ ဂီတလောက ပျက်ဆီးဖို့ နိဒါန်းပျိုးနေပြီလို့ သတိထားမိစေချင်ပါတယ် ။                AI ခေတ်မှာ သံစဥ်တခုကို စာမြှောင်ကပ်ဖို့ ဆိုတာ IT မူကြိုအဆင့်တောင် လုပ်နိုင်ကြပါပြီ ။ဉာဏမူပိုင်ခွင့် ဆိုတာ ချမ်းသာတဲ့ တိုင်းပြည်တွေအတွက် မထောင်းသာပေမယ့် ကိုယ့်လို ဆင်းရဲတဲ့ တိုင်းပြည်အတွက်တော့ ကိုယ့်အနုပညာ လူထုကြား ပြန့်နှံ့စေဖို့ အဟန့်အတား အကြီးကြီး တခု ဖြစ်နေတာကို သတိပြုမိစေချင်ပါတယ် ။               သီချင်းကို စနစ်တကျ ဖြန့်ချီမယ်ဆိုရင်တော့ မူပိုင်ခွင့်တောင်းဆိုတာ သဘာဝ ကျပေမယ့် ဇာတ်ပွဲ စတိတ်ရှိုး ၊ စားသောက်ဆိုင် နဲ့ ရပ်ကျေး အပျော်တမ်း ( အခု မလာသေးဘူး လာမယ့်သဘောရှိတယ်) ထိ လက်ကုန်နှိုက်ရမယ့် တိုင်းပြည်မဟုတ်သေးဘူးလို့ ယူဆမိပါတယ် ။           ဒီလို တခါသုံး ဖြေဖျော်မှုအပေါ် ငါ့သီချင်း ပရိုမိုးရှင်း ဆင်းပေးနေတယ်လို့ သဘောထားကြီးပြမယ်ဆိုရင် ဖန်တီးတဲ့ အနုပညာ ပိုမိုပြန့်နှံ့မလာနိုင်ဘူးလားဗျာ....ဥပမာ ရွှေစင်ရုပ်လွှာ ပြန်လည်သီဆိုလိုက်မှ နားရှင်းပြီး သီချင်းရဲ့ အဓိပ္ပါယ်ကို ပြတ်သားစွာ နားလည်ခံစားမိလို့ မူရင်းအဆို / အရေး အပေါ် နှစ်သက်လာတာ အများအပြားရှိပါတယ် ။         လူကြားကောင်းအောင် အသိမှတ်ပြုရေး ဘာညာ အော်နေကြပေမယ့် အဓိကကျတာ ငွေပါပဲဗျာ ( အသိအမှတ်ခံချင်ရုံဆို မူရင်း တေးရေး တေးဆို မဖြစ်မနေ ကြေညာပြီးမှ ဆိုခိုင်းလေ)  ။ အသိအမှတ် ပြုကြလို့ပဲ တခုတ်တရ သီဆိုနေကြတာပေါ့ ။ ငွေနောက် အလိုက်လွန်ရင်း တချိန်က လျှမ်းလျှမ်းတောက် Video လောကသားတွေ အခု ဘယ်လို ဖြစ်ကုန်ကြပြီလဲ...?         AI ခေတ်မှာ စာမြှောင်ကပ် လုပ်စားရင်း ငွေရဖို့ချည်း တွေးတော လုပ်နေကြရင်ဖြင့် ဂီတလောကလည်း Video လောကနောက် လိုက်သွားကြရတော့မှာကို စိုးရိမ်မိပါတယ် ။       ဖိုးချစ် ၊ အောင်ဇဗ္ဗူ ၊ စမ်းရေမိုး ၊ စွမ်း တို့လို မင်းသားတွေ အပေါ် ၊ ဖြူဖြူထွေး ၊ ရွှေစင်ရုပ်လွှာတို့လို ဝင်ငွေကောင်းသူတွေ အပေါ် တောင်းခံကြတာ မထောင်းသာပေမယ့်  ကျန်တဲ့ သာမန်အဆင့်သာသာ ဆို ပျော် လေးတွေကိုတော့... ချွင်းချက်အနေနဲ့ သတ်မှတ်ခွင့်ပြုပေးသင့်တယ်လို့ မြင်ပါတယ်...                 မဟုတ်ရင်တော့ ပြည်ပ သံစဥ်လေး တခုကို AI စာမြှောင်တွေနဲ့ သူတပေါက် ငါတပေါက် မွစာကြဲအောင် အပြိုင်လုပ်လာကြမှာ မြင်ယောင်ရင်း......          ကိုရွှေမျိုးဝင်း { မိုးခါးရေ လိုက်သောက်ရတာ လွယ်ပေမယ့်...တခါတရံ တဖက်ခြမ်းကို ပြန်ငဲ့ကြည့်ရပါတယ်... }

ပုဂံ လုံခြုံရေး ============             ပုဂံ လုံခြုံရေး ကျိုးပေါက်နေတာ ကြာပါပြီ ။ ယခု ခိုင်နှင်းဝေ ကိစ္စကျမှ လူကြားလာတာပါပဲ ။ ပုဂံဘုရားဖူးအချို့ မကြာခဏ ပြန်ပေးဆွဲ ခံကြရတယ် ။ ငွေ သိန်း ထောင်ချီပေး ရွေးခဲ့ကြရတယ် ။ အံ့သြစရာ ကောင်းတာ တချက်ရှိတယ် ။             အဲဒီ ပြန်ပေးဆွဲ ခံကြရတဲ့ ကာယကံရှင်တွေကို တိုင်ကြပါ ဆိုတာကိုပဲ တယောက်မှ မတိုင်ရဲကြပါဘူး ။ ဘာကြောင့်လည်း တွေးကြည့်တော့ ရွှေ့ပြောင်းရခက်တဲ့ ဇာတိမြေနေရပ်လိပ်စာ ၊ လုပ်ငန်း ၊ ဆွေမျိုးသားချင်း တွေနဲ့ ချီနှောင် ခြိမ်းခြောက် ခံထားရလို့ ဖြစ်ကြောင်း တွေ့ရှိရပါတယ် ။               မိတိဆွေခြင်း ရင်ဖွင့်ရုံပဲ လုပ်ရဲရလောက် ကြောက်ရွံ့နေကြတာ တွေ့ရပါတယ် ။ ဒီလောက် ရဲရဲတင်းတင်း ရာဇဝတ် ကျူးလွန်နေကြတာတောင် ဒေသ အာဏာပ်ိုင်တွေက နှိမ်နင်းဖို့ မကျိုးစားကြပါဘူး ( လုပ်ချင်ဟန် ဆောင်ပြတာမျိုးတော့ ရှိချင်ရှိပါလိမ့်မယ်) ထိရောက်မှုရှိအောင် အားထည့် မကျိုးစားလို့သာ ယနေ့ထိ ခိုင်နှင်းဝေတို့ အဖွဲ့လို ပြန်ပေးဆွဲခံနေကြရတာပါ ။            ကမ္ဘာကျော် ပုဂံမြို့ကြီး တစ္ဆေမြို့လို ခြောက်ကပ်နေတာ အဲဒီ ပြန်ပေးသမားတွေကြောင့် ဆိုတာ ဒေသခံတွေ သိကြတာပေါ့ ။ ဒီကိစ္စတွေအပေါ် သုံးသပ်ရမယ်ဆိုရင်... - သူခိုးဆိုတာ ခိုးလို့ရလောက် ခိုးနေမှာ - ဒါးပြဆိုတာ တိုက်လို့ ရသလောက် တိုက်နေမှာ - ပြန်ပေးဆိုတာ ဆွဲလို့ ရသလောက် ဆွဲနေမှာ..           ဒါကြောင့် သူတို့ အလုပ် သူတို့ လုပ်နေကြတာ သူတို့ဘက်က မှန်တယ် ။            အစိုးရ အနေနဲ့ ပြည်သူ့ လုံခြုံရေးအတွက် စောင့်ရှောက်ပေးဖို့ အဲဒီ သူခိုး ဒါးပြ ပြန်ပေးတွေကို နှိမ်နင်းပေးဖို့ တာဝန်ရှိတယ် ။ ပွင့်ပွင့်လင်းလင်း ပြောရရင် ဒေသခံ ပြည်သူတွေကတော့ ဒေသ အာဏာပိုင်တွေကိုပါ မသင်္ကာ ဖြစ်နေကြတယ် ( ဒီလူတွေပါ ပြန်ပေးငွေ ခွဲတမ်း ရယူပြီး မသိဟန်ဆောင်နေကြတယ်လို့....)               တကယ်တော့ ဒီပြဿနာက PDF တွေ သောင်းကျန်းလာရာကနေ အစပြုခဲ့တာပဲ ။ အခု လုပ်နေသူတွေက PDF တွေပါလို့ တထစ်ချ စွတ်စွဲနေတာထက် ပြန်ပေးဆွဲပြီး ခေါ်သွားတဲ့ ရွာသားတွေ အဓိကပဲ ။ ရွာလုံးကျွတ် နွားခိုးတဲ့ ပုံပြင်တွေ ကြားဖူးတယ် မဟုတ်လား....          အဲဒါ ပုံပြင် မဟုတ်ဖူး ကျုပ်တို့မြင်းခြံမှာ တကယ် ရှိခဲ့တာပဲ ။ ပျားရွာ ဆိုတာ နာမည်ကြီး နွားခိုးရွာ..  ရွာထဲ နွားဆွဲသွားတာ မြင်လို့ လိုက်ရှာ ဘယ်တော့မှ မတွေ့ရဘူး တရွားလုံး ညီညီညွတ်ညွတ် ဖွက်ပေးကြတာ ၊၊            တရွာလုံး လိမ်စားတဲ့ ရွာရှိတယ် ... သရဲဖမ်းဆောင်းပါးမှာ ရေးဖူးတယ် ။ ဒါကြောင့် ပြန်ပေးကိစ္စကိုလည်း တရွာလုံး စစ်ဆေးကြည့်စေချင်တယ် ။ ငတုံးတွေလို ရွာရှိလူကုန် အကုန်စု ဘယ်သူသိလည်း မမေးနဲ့ လပြွတ်မှ မပေါ်ဘူး ။ တယောက်ခြင်း ခွဲစစ် ၊ အမှန်ပြေမယ့်သူတော့ ပေါ်လာမှာပဲ ။           ပုဂံညောင်ဦးက ဒေသအာဏာပိုင်တွေကိုလည်း အရေးယူသင့်ပါတယ် ။ ပူးပေါင်းပါဝင်တယ်လို့ မဆိုလိုပါဘူး.. သို့သော်.. သိန်းထောင်ချီ တောင်းရမ်းနေတဲ့ ပြန်ပေးမှုပေါင်း များစွာ မိမိလက်တကမ်းမှာ ကာလကြာ ဖြစ်နေရခြင်း အပေါ် လစ်လျှူရှုထားတဲ့ အတွက် တာဝန်မကျေပွန်လို့ ဖြစ်ပါတယ် ။        မတိုင်လို့ပါ မသိလို့ပါ ဆိုတဲ့ ဆင်ခြေက မလုံလောက်ပါဘူး ။ ခြောက်ကပ်နေတဲ့ ပုဂံစျေးဆိုင်တွေက စျေးသည်တွေရဲ့ ညည်းညူသံက ကျုပ်တို့တောင် ကြားနေရတာ ဒေသအာဏာပိုင်တွေဆို ပိုပြီး ကြားရမှာပေါ့ ။            အဲဒီလို ပြန်ပေးရွာတွေကို နဝတခေတ် နွားခိုးရွာ ရှင်းသလို ရှင်းပစ်ဖို့ ကောင်းပြီ ။ ဘယ်လို ရှင်းပစ်လဲ ဆိုတာ လေ့လာပေါ့ဗျာ ။ ခေတ်မတူဘူး ဘာညာ လာမပြောနဲ့ PDF နဲ့သာ ရောကြိတ် လွယ်ပါ့ ။ ပြန်ပေးတွေကလည်း PDF နဲ့ ရောကြိတ်နေတာ ဘာထူးလဲ ။        ထိရောက်ပါ့မလား မမေးနဲ့ ၁၉၉၀ ဝန်းကျင်တုန်းက နွားခိုးတွေ ရှင်းပစ်တာ နောင် နှစ်ပေါင်း ၃၀ ကျော်ထိ နွားခိုးသံကို မကြားခဲ့ရတော့ဘူး ။ နွားခိုး ၅၀ ကို မညှာပဲ တောင်သူ ၅ သိန်းကို ကာကွယ်ပေးခဲ့တဲ့ အကောင်းဆုံး နည်းကို နဝတ သင်ပေးခဲ့တယ် လေ့လာကြပါအုံး ဗျာ ။           ကိုရွှေမျိုးဝင်း

ပြည်သူတွေ ပညာတတ်မှာ ================= ကြောက်နေတဲ့ NLD ရဲ့ =============== စေတနာ အမှန် ==========      2014 ဖေဖော်ဝါရီလမှာ ဦးသိန်းစိန်အစိုးရက ပညာတောင်သင်ဆု  အစီအစဉ် ကြေညာခဲ့ပါတယ် ။ ၁ ။ အသက် ၁၆ မှ ၂၀ အတွင်း ၂ ။ ၁၀ တန်းရမှတ်ပေါင်း ၅၀၀ နဲ့အထက် ၃ ။ အိမ်ထောင်မရှိသူ ၄ ။ ပညာသင်ပြီးပါက ဝန်ထမ်းအဖြစ် ပညာသင်ကာလ၏ သက်တမ်း ၂ ဆ ထမ်းဆောင်ရမည် ၅ ။ ဖောက်ဖျက်ပါက ဒဏ်ကြေး ၃ ဆ ပေးဆောင်ရမည် ။ ၆ ။ ပညာသင်ဆု တဆုအတွက် တနှစ်လျှင် US$ 80000 အကုန်ကျခံပေးမည် ။    ဆိုပြီး ပညာရေးကို အားပေးခဲ့ပါတယ် ။ ပညာသင်ဆု ရသူ ၁၁၇ ဦး စေလွှတ်သင်ကြားစေခဲ့ပါတယ် ။   ထိုနောက် အစိုးရအပြောင်းအလဲမှာ ပညာသင်ဆု အတွက် ဝင်ရောက်ဖြေဆိုကြရာ ကျောင်းသား ၄၀၀ ကျော် ရွေးချယ်ခံခဲ့ရပါတယ် ။    NLD အစိုးရဟာ ရွေးချယ်ထားတဲ့ ကျောင်းသားများအား ဆက်သွယ်ခြင်းမရှိ သတင်းထုတ်ပြန်ခြင်း မရှိခဲ့လို့ ကျောင်းသားများက အကူညီသောကြောင့် အမတ် ဦးဘိုဘိုဦးက 2016 ဒီဇင်ဘာလ မှာ လွှတ်တော်မှ မေးမြန်းခဲ့ရပါတယ် ။     ဒု-ဝန်ကြီး ဦးဝင်းမော်ထွေးက လာဖြေသွားပါတယ် ။ ၂၀၁၆ -၁၇ ပညာသင်ဆုအတွက် OFFRE LETTER ရရှိထားသူ မဟာတန်း ၄၃ ဦး နဲ့ ပါရဂူတန်း ၂ ၂ ဦး အတွက် ဆက်လက်စေလွှတ်မှာဖြစ်ကြောင်းနဲ့ လက်ရှိဝန်ထမ်းများပါ စေလွှတ်နိုင်ရန် စီစဉ်ဆောင်ရွက်နေကြောင်း ဖြေသွားခဲ့ပါတယ် ။     သို့သော် NLD ဝန်ကြီးဌာနများရဲ့ ထုံးစံအတိုင်း ၂၀၁၇ အောက်တိုဘာလ မှာ လွှတ်တော်သို့ ဒု-ဝန်ကြီး ရောက်လာပြီး ပညာသင်ဆုအတွက် နိုင်ငံတော်ဘဏ္ဍာများစွာ သုံးစွဲရမည် ဖြစ်၍ လက်ရှိသင်ကြားနေသူ ၇၉ ဦး အတွက်သာ သုံးစွဲတော့မည်ဖြစ်ကြောင်း ၊ နောင်ကိုလည်း ဝန်းထမ်းများကိုသာ ဦးစားပေး စေလွှတ်တော့မှာ ဖြစ်ကြောင်း ပြောကြားရင်း နိဂုံးချုပ်သွားပါတယ် ။      ပညာသင်ဆု မျှော်လင့်ချက်ဖြင့် သင်တန်းများတက်ရောက်ကြ ၊ ဖတ်စာအုပ်များ ကြိုတင်ဝယ်ယူ လေ့လာကြ ၊ ကမ်းလှန်းလာသော အလုပ်အကိုင်အခွင့်အလန်းများအား လက်မခံခဲ့ကြသော ၄၀၀ ကျော် ထူးချွန်ကျောင်းသားများရဲ့ အခွင့်အရေး အိပ်မက် နိဌိတန်ခဲ့ရ နစ်နာခဲ့ကြရပါတယ် ။      ပညာသင်ဆုကိုပင် နိုင်ငံတော်သမ္မတပညာသင်ဆု ဟူသော အမည်မှ နိုင်ငံတော်ပညာသင်ဆု ဟု ပြောင်းလဲ ခဲ့တာ တွေ့ရပါတယ် ။    ထူးဆန်းတာရှိပါသေးတယ် ။ ပညာသင်ဆု ပြန်လာရင် ဝန်ထမ်းလုပ်ပေးရန်မလို ဆိုပြီး ပြင်လိုက်တာပါပဲ ။ ညွှန်မှူးဦးလေးကိုဝင်းက ပြင်လိုက်တာ သူမသိသလို ပြောပြီး အသက်ငယ်တဲ့သူတွေကို ရာထူးကြီးတွေ မပေးချင်လို့ စည်းကမ်းပြင်လိုက်ရတာလို့ လည်း ပြောပြန်ပါတယ် ။     ငွေမရှိလို့ အစီအစဉ် ဖျက်လိုက်တာလား ဆိုတော့လည်း မဟုတ်ဘူးဗျ ။ ဒီစာရင်းကြည့်လေ ၂၀၁၆ -၁၇ လျှာထားငွေ  149   ဘီလီယံ သုံးငွေ             49   ဘီလီယံ ၂၀၁၇-၁၈ လျှာထားငွေ    116 ဘီလီယံ သုံးငွေ               48 ဘီလီယံ    ကဲ အဲဒါကြည့်ရင် ပညာရေးကဏ္ဍအပေါ် NLD ဘယ်လိုသဘောထားတယ်ဆိုတာ ပေါ်လွင်လှပါတယ် ။     ထူးချွန်ကျောင်းသားလေးတွေအတွက် ရခဲလှတဲ့ အခွင့်အရေး ၊ နိုင်ငံတော်အတွက် ပညာတတ်တွေ နှစ်စဉ် ရာနဲ့ချီပြီး ရရှိပိုင်ဆိုင်လာမယ့် အစီအမံကို ဦးသိန်းစိန်က အစပျိုး အကောင်အထည် ဖော်ဆောင်ရွက်ခဲ့ပေမယ့် တိုင်းပြည် ဖွံ့ဖြိုးပြီး တိုးတက်လာမှာကို စိုးရွံ့နေတဲ့ NLD အစိုးရက ပိတ်ပင်တားဆီးခဲ့တာ လုပ်ဇာတ်မဟုတ်ပါဘူး ။    နောင်လာမည့်  ထူးချွန်ကျောင်းသား ရာထောင် များစွာရဲ့ အခွင့်အရေးကို ဖျက်ဆီးပစ်တဲ့ NLD အစိုးရရဲ့ ပညာရေး ကဏ္ဍအပေါ် ချင့်ချိန်ကြည့်ရင်း တိုင်းပြည်အပေါ်ထားနေတဲ့ NLD အစိုးရရဲ့ ယုတ်ညံ့တဲ့ အစီအမံနဲ့ စိတ်စေတနာဆိုးများကို မြင်အောင် ကြည့်တတ်ကြပါစေ ။          NLD ပါတီရဲ့ ရည်ရွယ်ချက်က ကျနော်တို့တိုင်းပြည်ကို အဖက်ဖက်က ဖျက်ဆီးဖို့ လုပ်ဆောင်ခြင်းရဲ့ ငြင်းမရတဲ့ မှတ်တမ်းဖြစ်ပါတယ် ။            ပြည်သူတွေကို ငါတို့က တိုင်းပြည်ဖျက်မှာကွလို့ တော့ ဘယ်ပြောမလဲဗျာ ။ လုပ်ရပ်တွေကြည့်ပြီး သုံးသပ်ကြည့်မှ သိနိုင်တာကိုးဗျ ။         ကိုရွှေမျိုးဝင်း { စာရေးဖို့ အချိန်မရလို့ NLD လက်ထက်တုန်းက ရေးခဲ့တာလေး အမှတ်တရ...ပညာရေး.. ပညာရေး  နဲ့ ဖင်ပြဲအောင် အော်နေကြလို့ ဆော်ခဲ့တဲ့ သမိုင်းလေးပေါ့ဗျာ...}

ကြိုးနီ စနစ် ========== " ငမျိုးရေ တို့ဆီမှာ ခဏခဏ ကြားနေရတဲ့ ကြိုးနီ စနစ်ဆိုတာကို ရှင်းပြအုံး ကွ '' " မူလရည်ရွယ်ချက် - ၁ - အမှားအယွင်းမရှိအောင် စနစ်တကျ စစ်ဆေးနိုင်ဖို့ ။ ၂ - လုပ်ပိုင်ခွင့် အလွဲသုံးစားလုပ်မှုကို အတိုင်းအတာတစ်ခုအထိ ထိန်းချုပ်နိုင်ဖို့ ။  ၃- တရားမျှတမှုရှိစေရန် စံသတ်မှတ်ချက်တစ်ခုတည်းအတိုင်း ဆောင်ရွက်နိုင်ဖို့ ..တဲ့ '' " ဟ.. ဒါဆို ရည်ရွယ်ချက်ကတော့ ကောင်းသားပဲ '' " မှန်တယ် ရည်ရွယ်ချက် ဘယ်လောက်ကောင်းကောင်း လုပ်ဆောင်ရတဲ့သူက ပညာမပါ စေတနာမပါပဲ ငွေရဖို့လုပ်နေတော့ အကုန်ခွေးဖြစ်ရတာပဲ.. '' " ဟမ်...ဘယ်လို ဘယ်လို....'' " စစ်ဆေးရမှာကို နည်းပညာသုံးရင် လွယ်လွယ်ရနိုင်ပါရဲ့ မခက် ခက်အောင်လုပ် မကြာ ကြာအောင် ဖန်တီးပြီး ယုတ်မာထားလေ့ရှိတာ.... '' " အင်း နောက်ပြီး...'' " လုပ်ပိုင်ခွင့်ကို တားဆီးဖို့ ဆိုတဲ့ ဝန်ထမ်းရဲ့ မသမာမှုအတွက် အဟန့်အတား ဖြစ်စေဖို့ (မှန်ကန်နေရင် လုပ်ကို ပေးရမယ်ဆိုတဲ့) မူကို ချမှတ်ထားပေမယ့် အပေါ်က အချက်ကိုင်ပြီး စီစစ်နေပါတယ်ဆိုတဲ့ အကြောင်းပြချက်နဲ့ အချိန်ဆွဲ ဒုက္ခပေးနေကြတာ အရိုးစွဲကုန်လို့ ကောင်းတဲ့ ရည်ရွယ်ချက် ပျက်ပြီ '' " နောက်ဆုံး အချက်ကျတော့ကော....'' " တရားမျှတဖို့ စံတခု သတ်မှတ်တယ်ဆိုပြီး ရည်ရွယ်ပေမယ့် အဲဒီ တရားမျှတမှု ဖော်ဆောင်ရမယ့် သူကိုက ပေးချင်ပေး မပေးချင်သူ ရစ်ထား ထစ်ထားဆိုတော့ စံ သတ်မှတ်ချက်ဆိုတာ သူတို့အတွက် ငွေတွင်းကြီးတွေ ဖြစ်လာရတာပဲ...'' " ဒါတွေကို လူကြီးတွေ မသိကြဘူးလား ကွ '' " သိပ်သိတာပေါ့ ကျုပ်တို့ဆီမှာက ပြည်သူ အဆင်ပြေဖို့ ပြည်သူတိုးတက်ကြီးပွားဖို့ထက် ဌာနဆိုင်ရာ အဆင်ပြေဖို့ ဌာနဆိုင်ရာ တိုးတက်ဖို့ ပဲ လုပ်နေကြတာလေ... '' " ဟိုက်...ဒါကို အစိုးရ အနေနဲ့ ပြုပြင်ဖို့ မကြိုးစားသင့်ဘူးလား ကွ '' " ကြိုးစားလေ့ ရှိပါတယ် ဥပမာ... အခု လမင်း စီမံချက်အရ မှတ်ပုံတင် မရှိသူတွေကို ဖြေလျော့ပြီး ပြန်လုပ်ပေးဖို့ ညွှန်ကြားတယ် စီမံချက်ရေးဆွဲတယ် ၊ မဲပေးခါနီးတိုင်း ၅ နှစ်တခါ အဲသလို လုပ်ပေးလေ့ ရှိတယ် သို့သော်.....'' " ဘာ သို့သော်လဲ ဟ....'' " အဲဒါ ပြည်သူအဆင်ပြေဖို့ တကယ့် စေတနာနဲ့ လုပ်ပေးကြတာမဟုတ်ဖူး သူတို့လိုဘကို ပြည်သူက တရားဝင် ပွဲဖြည့် ကစားနိုင်အောင် ယာယီစေတနာ နဲ့ လုပ်ပေးခြင်းသာ ဖြစ်တယ်... '' " လာပြန်ပြီ ယာယီစေတနာ တဲ့ ပေါက်တီးပေါက်ရှာကွာ....'' " ဟုတ်တယ်လေ တကယ့်ကို ငါတို့ တိုင်းရင်းသားပြည်သူတွေ အဆင်ပြေပါစေလို့သာ စစ်မှန်တဲ့ စေတနာရှိကြည့်ပါလား မလိုလားအပ်တဲ့ ရှုပ်ထွေးနေတဲ့ ကြိုးနီလုပ်ထုံး လုပ်နည်းတွေကို တခါတည်း ပယ်ဖျက် ပြီး ဥပဒေသစ် ပြဌာန်းပေးရမှာ မဟုတ်ဘူးလား....'' " ဒါကတော့ ဒါပေါ့လေ ဖြေလျော့လွန်းအားကြီးရင်လည်း လဝက လို ဌာနမျိုးဆို လူမျိုခံရနိုင်တာတွက်ရမယ်လေ '' " လက်ခံတယ် တရုတ် ကုလား အပေါ် စီစစ်နိုင်သမျှ စီစစ်ရမယ်.. သို့သော် ဖြစ်နေတာက စမတ်ကဒ်  သွားလုပ်ကြတော့ စာရင်းသွင်းလွဲတာကိုပဲ ပြည်သူကို ဒုက္ခပေးကြတယ် ။ ဒီ စာရင်းတွေကို ဝန်ထမ်းတွေပဲ လုပ်ကြတာလေ AI ခေတ်မှာ ဌာနခြင်း ချိတ်ဆက် အမှန်ကို ပြုပြင်ပေးဖို့ တမိနစ်အတွင်း သိနိုင်ပါလျှက် တမင် ရစ်နေ ထစ်နေတဲ့ ကိစ္စမျိုးကျ ကြိုးနီက ပြည်သူကို ဇွဲကြိုးချသတ်နေတာပဲ လေ  ဒါက အများပြည်သူ ထင်သာ မြင်သာ ပြဿနာကို ပြောပြတာ ဌာနဆိုင်ရာတိုင်းလိုလို အဲသလို ကြိုးနီအကြောင်းပြ နှိပ်စက်နေကြတာ ရေးမကုန်ဘူး  '' " အေး မင်းကသာ ဖြေလျော့ဖို့ ပြောနေတာ ခုဆို ပြည်ပ အဝင်အထွက် အတွက် ကြိုးနီတွေ ထပ်တုတ်နေလို့ အော်နေကြလေရဲ့... '' " ဒီလိုဗျ ဒါမျိုးက ၂ ဖက်လုံး မကောင်းလို့ ဖြစ်လာရတာ စည်းကမ်းထုတ်ရခြင်း အကြောင်းနောက်ကွယ်မှ. စည်းဖောက်မှုက စတင်လာတာချည်းပဲ အဲဒီမှာ အစိုးရက ဒါမျိုး လုပ်ရမယ်ဆိုပြီး လွယ်လွယ်လေး လုပ်လိုက်ကြတာပဲ '' " ဒါဆို ဖြစ်သင့်တာက....'' "  ဥပဒေ လက်တလုံးခြားလုပ်သူကိုပဲ ပြင်းထန် ထိရောက်တဲ့ အရေးယူမှုလုပ်ပေးရမှာ ကို မလုပ်ပဲ လွယ်လွယ်ပဲ ဥပဒေသစ်နဲ့ ကြိုးထပ်တုတ်လိုက်တဲ့ ဥာဏ်တိမ် ဥာဏ်မွဲ လုပ်ဆောင်ချက်ကြောင့် ကျန်တဲ့ ပြည်သူတွေပါ မွမ်းကြပ်နစ်နာကြရတာပဲ ဝန်ထမ်းဆိုးတွေအတွက် ဂွင်သစ် ဖန်တီးပေးလိုက်သလို ဖြစ်နေတာ ထုံးစံပဲ '' " ဒီတော့ အများပြည်သူ အဆင်ပြေဖို့ ဆိုရင်...'' " ကိုယ့်ဘက်က ပြည်သူ အဆင်ပြေအောင် အရင်လုပ်ထားပေးရမယ် ၊ ဥပမာ လူကူးမျဥ်းကြားက မကူးရင် ဒဏ်ငွေ ၃၀၀၀၀ိ OK ။  ဦးဝိစာရလမ်း နဲ့ ဓမ္မစေတီလမ်းဆုံမှာ မျဥ်းကြားရှိတယ် အဲဒီနောက် ဦးဝီစာရလမ်းအတိုင်း လာလိုက်  နောက် မျဥ်းကြားတွေ့ဖို့ ခင်ဗျား တက္ကစီ ဌားမှ ရမယ် လျှာထွက်တဲ့အထိ လျှောက် မျဥ်းကြားမရှိဘူး...ဒါမျိုးတွေ နေရာအနှံ.'' " ဟိုက်....မင်းတောင် ရန်ကုန် ဂျပိုးဖြစ်နေပါရောလား ဟ 😂😂 '' " ပြောချင်တာက အမိန့်ထုတ်ရတာ လွယ်တယ် ၊ ပြည်တွေ လိုက်နာဖို့ ခက်ခဲတဲ့ အမိန့်ဆိုရင် ဝန်ထမ်းရဲ့ တရားဝင်စားပေါက်ဖြစ်သွားပြီး အစိုးရပဲ အဆဲခံရမယ် ဒါကို သတိထားဖို့ အရေးကြီးတယ် '' " မေးချင်တာ နောက်ပြီးမှ ထပ်မေးအုံးမယ် တဖြေးဖြေး နီးလာသလားလို့ ကိုင်း...ပြန်ပြီ ''              ကိုရွှေမျိုးဝင်း

ကျောက်ခေတ် ============              ၁၉၉၀ တုန်းက မြင်းခြံမှာ NLD က အနိုင်ရ အမတ် ဦးအောင်သန်း ဆိုတာ ရှိတယ် ။ သူက သူဌေးဗျ နာမည်ကြီး စောင်းကောက်ဆေးလိပ်ခုံ ပိုင်ရှင်ပေါ့ ။ နဝတ ခေတ်ဆိုတော့ သူလည်း ထောင်ထဲ ခဏခဏ ဝင်လိုက်ထွက်လိုက်ပါပဲ ။            မဆလ ခေတ်ကတည်းက ပိုက်ဆံကို ဂုံနီအိတ်ထဲ ထည့်သိမ်းရတဲ့ ဆေးလိပ်ခုံသူဌေးဆိုတော့ သူ့မိတ်ဆွေတွေက ပြောတယ်...ကိုအောင်သန်းရာ နိုင်ငံရေးဘာလို့ လုပ်နေတာလဲ ကိုယ့်ဘာသာ အေးအေး နေလို့ရသား ဘာညာပေါ့ဗျာ ။             ဒီတော့ သူက ပြန်ပြောတယ် အေးကွ ငါကသာ အေးအေး နေနိုင်တာ ငါ့ဝန်းကျင်က ဆင်းရဲသားတွေက ကျောက်ခေတ်ထဲက မတက်နိုင်သေးလို့ လုပ်နေတာတဲ့ ။ ဘယ်နှယ့် ကျောက်ခေတ်က မတက်ရမှာလဲ ခုခေတ်က ရေဒီယိုခေတ်ကျော်ပြီး TV ခေတ်တောင် ရောက်နေပြီလေ ပေါ့ ( ၁၉၉၁ ခန့် က) ။              ဒီလိုကွ ကျောက်ခေတ်လူသားတုန်းက အားကြီးသူကို ကြောက်ခဲ့ကြရတယ် ၊ တနေ့စာ တနေ့ စားရဖို့ အမဲလိုက် ငါးဖမ်း သစ်ဥသစ်ဖု ရှာခဲ့ကြရတယ် ။ ရေခဲသေတ္တာမရှိသေးတော့ နေ့စဥ်စားရဖို့ နေ့စဥ်ရှာခဲ့ကြရတယ် ။ အခုလည်း ဆင်းရဲသားတွေက တနေ့လုပ် တနေ့စား အဆင့်က တက်မလာဘူး ။ ဌာနဆိုင်ပေါင်းစုံ ကြောက်ကြရတယ် အစိုးရဆို ပြောမနေနဲ့ ဒါကြောင့် ကျောက်ခေတ်နဲ့ ဘာကွာလို့လဲ ဆိုပြီး မှတ်သားစရာ ပြောခဲ့ဖူးပါတယ် ။             ဒီတာတွေ ကျနော်လည်း ပြန်တွေးမိတယ်... ခေတ်တွေ အလီလီ ပြောင်းလဲခဲ့ရတယ်... - သက်ဦးဆံပိုင် ပဒေသရာဇ် စနစ်မှာ မင်းကျင့်တရား ဆယ်ပါး ဘာညာ ကွိကွ နဲ့ အုပ်ချုပ်ခဲ့ကြတာပဲ ။ ဆင်းရဲသား အများစုကတော့ တနေ့လုပ် တနေ့စား ကျောက်ခေတ်ပဲ ။ - တိုင်းတပါးက ကျူးကျော်တယ် အင်အားကြီးသူကြောက်နေရပြီး တနေ့လုပ် တနေ့စား ကျောက်ခေတ်ပဲ.... - လွတ်လပ်ရေးရပြီ ပါလီမာန်ခေတ် တနေ့လုပ် တနေ့စား ကျောက်ခေတ်ပဲ - ကိုင်းလာပြီ ဆိုရှယ်လစ်ခေတ် တနေ့လုပ် တနေ့စား ကျောက်ခေတ်ပဲ - ကိုင်း မဆလ Go တော့ နဝတ တက်လာပြီ တနေ့လုပ် တနေ့စား ကျောက်ခေတ်ပဲ... - နဝတ / နအဖ ဆင်းပြီး လာပေတော့ ဒီမိုကရေစီ ပထမသက်တမ်း တနေ့လုပ် တနေ့စားပဲ..ကြက်ဥ ကြက်သားလေး ဖောဖောသီသီ စားရတာတော့ ရှိပါရဲ့.... - ဒီမိုကရေစီ ဒုတိယသက်တမ်း လာပြန်ပြီ တနေ့လုပ် တနေ့စားပဲ....ပေါပေါသီသီ စားခဲ့ရတဲ့ ကြက်ဥ ကြက်သား ပြန်နည်းသွားတယ်.. - မဲခိုးတယ် အာဏာထိမ်းတယ် .. ကျန်တာ ဘာမှ မထိမ်းဘူး (သောင်းကျန်းသူ ၊ ကုန်စျေးနှုံး) ဒီတော့ ဆင်းရဲသားတင်မကဘူး လူလတ်တန်းစားပါ ကျောက်ခေတ်ပြန်ရောက်နေရပြီ... - ကဲ...ရွေးကောက်ခံ အစိုးရ လာပြီ.. ဆင်းရဲသားတွေကို ကျောက်ခေတ်ကနေ AI ခေတ်ဆီ ဖြတ်လမ်းက ပို့နိုင်မလား စောင့်ကြည့်ရတာပေါ့ဗျာ...         ကိုရွှေမျိုးဝင်း

" ငမျိုးရေ တို့ဆီမှာ ဖြစ်နေရတဲ့ မီးပျက်တာ ၊ အင်တာနက် ညံ့တာ တွေကို တရားသဘောလေးနဲ့ ဖြေနိုင်အောင် ခပ်တိုတို နမူနာလေးနဲ့ ပြောပြအုံး ''          ကွီးစိုး " တရား သဘောလည်း ပါအောင်ဆိုရင်တော့...ရော့ဗျာ ''           ကွီးမျိုး