یانەو گوڵان (باخچەو گۆراڵا)
Open in Telegram
کاناڵیە پەی گۆراڵەکاو وەڵاتیما
Show moreThe country is not specifiedThe category is not specified
277
Subscribers
No data24 hours
-17 days
-130 days
Posts Archive
Repost from Rocyar-ڕۆجیار
ڕۆجیار یەکشەمە ٠١-٠٣-٢٠٢٦، ئەرەمەرزنایو کتێبخانەو باخچەو گۆڕاڵا دەگاو سورەتفێ، و دیدارێ چەنی کاک لاوان محەمەدی - وانیار و دەنگ وەش ویارو بەرنامەو ئیجارەو ڕۆجیاری-ن. ڕۆجیار سەعات١٥:٠٠ د.ن بە وەختو ئوروپای جە ستێرک تیڤی. ڕۆجیار :
یەک شەممە ٠١-٠٣-٢٠٢٦ سەعات ١٥:٠٠ بە وەختو ئەورۆپای سەعات ١٧:٠٠ بە وەختو تەوێڵێ ١٧:٣٠ بەوەختو پاوەی.
لوە دماوە دەس نەدٚەی😠
پەروەردەو زاڕۆڵا بە زوانی ئەدٚایی.
پێشکەشتا بۆ
https://t.me/baghchaogorala
یانەو گوڵان(باخچەو گۆراڵا) کاناڵیە پەی گەشە و پەروەردەو گۆراڵەکاو وەڵاتیما.
سەی ئەوینا حسامیە جە دەگا وەشەکێ نوێنی.
ئینێ هۆمێدوو دماڕۆیمانەنێ.
ئەی ماشەڵڵا گۆراڵەکێم🥰😘👏👏👏
https://t.me/baghchaogorala
یانەو گوڵان(باخچەو گۆراڵا) کاناڵیە پەی گەشە و پەروەردەو گۆراڵەکاو وەڵاتیما.
#باخچەو_گۆراڵا
🎥تاقمەو #پەپوولەکاو_خورماڵ ـی.🥰
👌👏👏👏
✍شێعرە:زوانی ئەد٘ایی
#هومایون_موحەممەدنژاد
🎞دەنگ و ئاماد٘ەکەردەی:
#بابا_سەنعان
زوانی ئەدٚایی
ڕۆڵە تۆ بوانە زوانی وێمانە
هەتا نەبۆنه پەی تۆ بێگانە
قەڵەم هۆر گێرە واچە من هەنا
ئاوەزت بەرزەن مەوزەش ئەو پەنا
زوانی ئەدٚایی دایێم هۆشت بۆ
چوون گۆشەوارە هەر نە گۆشت بۆ
سەرمایەم زوانی وەشوو تۆ بۆنە
سوورەهەراڵەو کەشوو تۆ بۆنە
وەهاری وەش ڕەنگ باڵا پۆشت بۆ
جە زوان هەورامی فرەتەر هۆشت بۆ
یانەو ژیواو تۆ ئاوەز و فامەن
وانای زوانی ،خەتمی کەلامەن
#هومایون_موحەممەدنژاد
https://t.me/baghchaogorala
یانەو گوڵان(باخچەو گۆراڵا) کاناڵیە پەی گەشە و پەروەردەو گۆراڵەکاو وەڵاتیما.
گۆراڵەکام! چێویەتا بەدڵ نەبی، واچدێ نا یام واچدێ ئیجازەما نیەن.🥰
دەنگ:#ئایناز_مەنسووری
ڕێکوستەی: #کەژەڵێ_بیگلەریە
https://t.me/baghchaogorala
یانەو گوڵان(باخچەو گۆراڵا) کاناڵیە پەیگەشە و پەروەردەو گۆراڵەکاو وەڵاتیما.
خاتوو چاوان خانی خەڵکوو دەگاو گەلینی
شێعرەو کاکە شاهۆ مەعازیما پێشکەشە مەکەرۆ و پیرۆزبایی ڕۆ زوانی ئەدٚاییتا وەنە مەکەرۆ.👏👏👏👏👏
https://t.me/baghchaogorala
یانەو گوڵان(باخچەو گۆراڵا) کاناڵیە پەی گەشە و پەروەردەو گۆراڵەکاو وەڵاتیما.
دەسوەشی خاتوو سۆژینێ و کاکە ژیوان جە نووسەرەو کتێبوو هەلچی🌹💖🥰
https://t.me/baghchaogorala
یانەو گوڵان(باخچەو گۆراڵا) کاناڵیە پەیگەشە و پەروەردەو گۆراڵەکاو وەڵاتیما.
ئازیزا چا دە شێعرێ مامۆسا مەولەویە نریاینێرە ☝
دوێ شێعرێ هۆرچندێ بە دێکلەمیە فرە عال بواندێشاوە تا (٢٠ سیاوکامی) فرسەتتا هەن دێکلەمەکاتا کیاندێ پەیما.
نام و فامیل
سنعەتا
کەلاسوو چننیندێ
نامێ مەرەسەی
نامێ شار یام دەگاکێتا
شمارە تەلەفوونتا
کیاندێ پەی ئی ئایدیە👇👇👇👇👇👇
@bbaghcha
١٠
سوبحهن، بۆی گوڵان مهیاونۆم نهسیم
وێنهی وای ڕهحمهت خهزانهی کهریم
سهحرا و دهشت و دهر بهههشت مهنمانۆ
مۆرهی ههوای وهش وه ششدهر شانۆ
جه ههر تهرهفدا مهوینوون گوڵزار
رهنگ ڕهنگ مهدرهوشۆ به وێنهی دڵدار
لاله گهردهنکهچ تۆی دیدٚه ڕهشتهن
گۆیا عهکس یار وه ڕووشدا وهشتهن
چهمهن ههم لێباس سهوزڕهنگ پۆشان
وهفراو چوون ئهسرین دیدٚهی من جۆشان
جهماد و نهبات گرد شادٚیشانهن
چمان ڕۆژ عهید ئازادٚیشانهن
تهمام ڕووی دنیا جه شادٚی کهیلهن
دڵ نهبۆ پهشیۆ فێراق لهیلهن
سههلهن بههارم دۆزهخ ئاسا بۆ
بهههشتم بێدۆس دۆزهخنما بۆ
وهر نه دۆزهخدا یارم دڵبهر بۆ
پهی من ئار نه تۆی گوڵشهن وهشتهر بۆ
دڵ دوو زنجیرهی زوڵف نگارهن
وه سهیر سهوزه و سهحراش چ کارهن
٩
نازک تهدٚارهک فهسهڵ وههاران
شیرین ئارایێش ههرد و کۆساران
گوڵ چوون ڕووی ئازیز نهزاکهت پۆشان
وهفراوان چوون سهیل دیدٚهی من جۆشان
مهدٚیان گوڵاڵان نه پای دهربهندان
ئهو یهکتهر وێنهی ئارهزوومهندان
چ خاس خاس شنیۆ نه ئێواراندا
سهوزه وه ڕووی خاک جهرگهی یاراندا
بوین ڕهعشهی وهجد دڵهی پاکشان
عهیان نه شنیای سهوزهی خاکشان
جهی گۆشه خاستهر نیهن مهسکهنێ
ساقی گیان ئامان خومارئهشکهنێ
هۆرێزه، سوبحهن، دڵ تازه خاوهن
شنۆی پای کاوهن، گۆشهی سهراوهن
سهوزهی خاک پاک یاران هام فهرد
فرهمان وه فهرش بهزم وێمان کهرد
کهو سهوزهی ئێمهیچ نه کام ههردێ بۆ؟
وه فهرش مهجلێس کام هامفهردێ بۆ؟
٨
دووریت دیارهن چهند ساحێب نێشهن
تۆی دهروون وه خار نێشێوتهر ڕێشهن
ههرچی بوینوون شێوهی تۆ پێشهن
دڵ وه ههتیتهی حهسرهتدا کێشهن
ههر مانگێ نهو بۆ حاڵم پهشێوهن
چوون هێلال شێوهی ئهبرۆی تۆش پێوهن
نه شهو ڕاحهتم، نه ڕۆ دڵشادٚم
شهو زوڵف و ڕۆ ڕووت مهوزۆ ئهو یادٚم
شمشادٚ و نهرگس، وهنهوشهی چهمهن
سهیرشان ئازار بینایی چهمهن
ئادٚ مارۆ به ویر تهرزهکهی باڵات
ئهو دیدٚهی مهستت، ئێدٚ خاڵ ئاڵات
سۆچنۆم حهسرهت دهرد جیاییت
نهک چوون بڵێسهی یادٚ تهنیاییت
وه مهرگت دیدٚهم هام نه گوزهردا
منیچ لام لای تۆن ئارۆ یا فهردا
موترێب ! مهقامێ دهردم ناچارهن
ساقیا! جامێ دۆس ئێنتێزارهن
٧
ئێمشهو ههم دیسان دهروون پهڕ خهمهن
ئهساسهی ماتهم جه لامان جهمهن
نه تاو دووری دڵ بێقهرارهن
بینایی دیدٚهم جه خهفهت تارهن
شرێخه و گرمهی ههور دووری دۆس
وه فهنا بهردهن مهغز و ڕهگ و پۆس
شهرارهی گڵپهی نار مههجووری
کهردهن وه غوبار کۆگای سهبووری
نه تاقهت مهندهن نه تۆی دهرووندا
نه لهیلێ مهدٚیۆ وه لای مهجنووندا
یا خودٚا مهردهنی بۆ وه مێمانم
ئێتر نهوینوون دووری یارانم
بهڵکهم خهلاسیم نه دهس دووریم بۆ
بهو زۆخ زامان نهشوون وه گڵکۆ
۶
دیدٚهم! وه دیدٚهت، شای شیرین چهمان!
فێراقت قامهت کهردهن وه کهمان
مهزاق یهند تاڵی دووری تۆ چهشتهن
هووناوهکهی چهم سهرزهمین ڕهشتهن
سهرپهیکانهکهت بڕیهن ڕشتهی دڵ
وه ناسۆر کهفتهن دایێم مهدٚۆ چڵ
سهمتوور سینهم وه زایهڵهی بهرز
مهژهنۆ نهوای دووریت وه سهد تهرز
بڵێسهی کوورهی دهروون گێرتهن تاو
نه بووتهی خهمدا دڵ کهردهن وه ئاو
گلاراوهکهی جه تۆ جیامهن
وهخت لواکهی ئهوهنامامهن
پووشهکهی ههستیم، گیاکهی پای چهم
وای نیستی و فهنا بهردش پهی عهدهم
۵
ئازیز! وه مهرگت دڵ نه خرۆشهن
ئارهزووی خهدهنگ پهنجهکهی تۆشهن
خهیلێوهن نامان تیرهکهت، ئامان
نامان وه سهروهخت بیمار زامان
وهختهن ساکن بۆ، قوربان! سا تیرێ
دهماخش بهرزهن، دهخیل زهنجیرێ
نهوا جه حێکمهت بهربشۆ وه بهر
جارجار وه تیرێ دڵنهواییش کهر
وهش وهش تای توغرای وێت بنمانه پێش
با ههر ناسۆر بۆ، زوو نهبۆ ساڕێش
۴
ئایێنهی کامڵ! ئازیزهکهی فهرد!
فێدای ئامات بوون، سهفاییت ئاوهرد
خهیلێن گهرد پات نه دیدٚهم دوور بێ
یانهی چهم وێران تهمام خاپوور بێ
خاس بی تهشریفت ههم ئاوهردهوه
گهرد پات وهتهن ئاوا کهردهوه
ساقی! ئینه بهزم وهسڵ یارانهن
چهرخیچ ههر ئهو چهرخ ههردهجارانهن
دهورێ دهر به ناز وه پیاڵهوه
ژهنگ دڵ وه زاخ مهی بماڵهوه
جامێمان جه دهس تۆ ههم سهنده بۆ
فرسهتهن نهسیو نهک نهمهندهبۆ
٣
ئاماوه وههار، وههار شادٚی
بۆی عهتر نهسیم غونچهی ئازادٚی
خێڵخانهی خهفهت باربهنیش کهردهن
مهینهت ڕوو نیان وه ماوای مهردهن
خهم وێنهی کهمان قامهت خهم بیهن
ههوارگهی قهدٚیم نه دهسش شیهن
بهزم شهوق و زهوق نه دهروون جهمهن
ئانه هیچ نهبۆ نه دهروون، خهمهن
ئینه نهتیجهی دیای باڵای تۆن
نێشانهی وێساڵ خاڵ ئاڵای تۆن
سروور نهشئهی بادهی لوتف تۆن
تهئسیر بۆی عهتر موشک زوڵف تۆن
ساپێم دهر، دهی دهی، پهی پهی، نهو مهی،مهی
لهتایێف مهردهم یهکسهر بکهر حهی
تا پهی یارانیچ وه ئیتمینان بۆ
سهرمایهی نێشات دڵحهزینان بۆ
٢
ئارهزووی ئازیز وهنهم سهرداوه
نه ههرد دهروون ئایر وهرداوه
تاقهت بی وه هوون جه سهختی زامان
تک تک چهنی ههرس ڕێزا وه دامان
خهم نه سهرجۆی هوون سارای دڵ جهم جهم
بار چنی چوون فهوج قافڵهکهی عهجهم
ههر وه زۆر مهندهن نیم نهفهس باقی
وادٚهی دهورتهن، هانا، ههی ساقی!
دهورێ دهر وهناز وه پیاڵهوه
ژهنگ دڵ وه جام مهی بماڵهوه
بۆی گوڵاڵهی دهرد دڵبهر عهزیزهن
مهزهی تام خهم یاران لهزیزهن
فهریاد ڕهسیم کهر، نه جای گشت کهسم!
مازه ئهو لهزهت بهرشۆ نه دهسم
ئێحیام کهر وه جام ساف یهکمهنی
بهڵکوو بمانوون پهی غهمێ ههنی
١
ئهی دڵ ! مزگانی، ئاما کۆچ یار
شای شادٚی سهردا، خهمان کهرد فێرار
ها گهرد و غوبار مهحمێل دیارهن
دهک لێڵاویت بۆ چوونت قهرارهن؟
چوون بهدٚهن جه تاو هێجران باڵاش
ئهسڵهن هاز و هێز نهمهندهن جه لاش
فێراقش بهو تهور تهوانا سهندهن
پا قوهی ڕهفتار جه لاش نهمهندهن
فرسهتهن ئهرواح بشۆ وه پێشواز
پهردهی بینایی تۆ پهی پایهنداز
دیدٚه! فهرش بۆزه وه سهتح ڕێشدا
تا که سهمهندش پا بنیۆ پێشدا
عهینهین! وه ئهسرین ئاوپاشی ڕاش کهر
نهک گهرد بنیشۆ وه گۆنای دڵبهر
با شای خاڵخاسان جهمین پهڕهی گوڵ
وهی ئهساسهوه یاوۆ وه مهنزڵ
https://t.me/baghchaogorala
یانەو گوڵان(باخچەو گۆراڵا)، کاناڵیە پەی گەشە و پەروەردەو گۆراڵەکاو وەڵاتیما.
