Amina’s archive ~.~

إذا كنت ترى أنك في "جحيم الوعي" فهذا يعني أنك تحتاج المزيد منه ؛ قمة الوعي الحقيقية أن تدرك أنك مهما بلغت لن تستطيع التحكم في العالم ، ولا تملك تغييره ليوافق المدينة الفاضلة التي تريد تحقيقها ، وأن مهمتك الأولى النجاة .

✨« نعيم الجهل ، جحيم الوعي ، نعيم الوعي »✨

« نعيم الجهل ، جحيم الوعي ، نعيم الوعي »

07:00 pm . 07/09/2026. 🍫☕️

"كل شيء في هذه الحياة مغلف بالعناء.. لذلك اختر على الأقل ما يستحق أن تعاني من أجله."

" لا يلزم أن تُنجز الفِعل بإتقانٍ كامل، يكفي أن تقوم بِفِعله ."

" You don’t have to do it perfectly , you just have to do it.”

12:26 am . 03/09/2026 🌒

أظن الأمر يعود لنوع الكتب التي تقرأينها (أو المحتوى الذي تستهلكينه) ، كل ماكانت أقرب للواقع كل ما تفاعل معاها عقلك ، العقل يتعلم (ويتفاعل) مع المعلومات التي تُجيب على أسئلة معينة (عليها في القراية لازم الواحد يختبر نفسو ويحل لي كسيام والمواضيع باش يشفا ) بمعنى قومي باختيار مواضيع الكتب اللتي تُجيب على أسئلة معينة في راسك (أي التي تُثير اهتمامك) ، ماشي تقراي اللي جا وخلاص ، وماتقرايش حاجة غير لانه شفتي فلانة وعلانة ترشح فيها . ذوكا منين تجيبي الأسئلة ؟ وكيفاش تعرفي / تصنعي اهتماماتك؟ = احتكي بالواقع ، شوفي الناس ، لاحظي نفسك ، المجتمع ، قضايا الأمة ، مشاكل العصر ، الاعتقادات الشائعة ، .. الخ

نحير في الناس اللي تدير فوطو دوبروفيل وجهها بصح مخدوم بذكاء اصطناعي .. 🤡 يعني .. لذي الدرجة معندهومش ولو فوطو واحد زين طبيعي ؟ 😀😀 غريب الوضع

عموما الحاجة الوحيدة اللي نعرفها في هذي الحياة عن يقين ،هي أن = « الله هو الحل الوحيد » مهما كانت الوضعية اللي راكي فيها ، مايخرجكش منها غير ربي ، الحل الستوندار إذن يدور حول = ترجعي لربي ،تتوبي ، تتضرعي ، تقراي قرآن ، تتعلمي واش قال الدين في وضعيات مشابهة لوضعيتك ، تتذكري قصص في ديننا لناس تعاملو مع أشياء مشابهة ، .. تشوفي حلول منطقية وواقعية لوضعيتك وتتأكدي من رأي الشريعة فيها ، .. الخ المهم تديري البوسيبل نتاعك بالتوكل على ربي والعمل ❤️‍🩹 " اعقلها وتوكل " .

ويناها رسالتك ؟ راهم يتخلطولي الرسائل ومرات يتداخلو فيما بيناتهم . + بايذاواي ؛ الرسائل اللي منردش عليها معناها فوق نطاق قدرتي ، (خاصة البنات اللي بعثولي السمانة الي فاتت 💔 ) يعني كي منشوفش روحي نقدر نساعدك شخصيا ، منحبش نخرج نشيخ عليك ، ربي يفرج عليكم ويسهللكم أموراتكم كامل لبنات ❤️‍🩹

وأضاف عليها -في نفس الكتاب-

مقاربة العجيري -الي ذكرتها الكاتبة في هامش الكتاب السابق- من كتاب "ميليشيا الإلحاد".

طبعا التقييم : فوق التقييم ✨✍️ كنت كل ما قرأت جزءا ازددت اعجابا بشخصه -رحمه الله- أحببت المسيري المُفكر ، المسيري الإنسان، المسيري الأب ، المسيري المعلم .. لطالما كنت على اطلاع على أفكاره العامة ، لكن الرحلة داخل حياته -وتفاصيل تشكل تلك الأفكار- وطّدت المفاهيم في عقلي بشكل مختلف، وأكسَبَت الكثير من اعتقاداتي المُستبطنة تسميةً زادتني يقينا بها . رأيت أبعادا جديدة زادتني إيمانا "بالإنسان الإنسان" -كما يسميه- الإنسان المُبدع القادر على تجاوز سطحيات القضايا للوصول لأعماقها ولبها الحقيقي ، .. .. ~ اللهم ارحم عبدك المسيري وارزقه الجنة 🤎~

من الأشياء النابعة عن كوني معجبة بالإنسان والcreativity نتاع البشر عموما ، هو كوني أكبر مُقلِّدة في الكون 😀🙂؛ نشوف صفة في إنسان تعجبني ؟ = نقلدو ( من كل إنسان نعرفو في حياتي راني مقلدة حاجة ولا زوج ) نشوف كاتب يعجبوني أفكارو = نضيفها لمجموعة أفكاري نشوف هواية/ موهبة/ عادة نتاع إنسان تعجبني = اوتوماتيكيا نبغيها تكون من عاداتي 🙂🙂🙂

تم في 31/08/2016 ✅😭🤎