الخَريــــطــة || Daamii's map ✨

أياي نحاو فيلو حسبي الله.

أحلامي تحقو بصح روطار بزاف بزاف.

Just say حسبي الله ونعم الوكيل and move on.

وشي هذا الجغرافيا والفرونسي لي مرضوني بيهم خلاوني حتان خرجت مالليسي باه نحاوهم 😭😭😭😭.

📌 المنشور الوزاري الخاص بتعديلات الموسم الدراسي الجديد 🔹 مادة التاريخ والجغرافيا ✅ لا توجد أي تغييرات في الحجم الساعي أو المعاملات مع حذف الجغرافيا لتلاميذ البكالوريا الشعب العلمية. 🔹 مادة العلوم الفيزيائية ✅هبوط كبير في معاملات المادة بجميع الشعب العلمية. 🔹 مادة الفلسفة ✅حذف مادة الفلسفة من السنة الثالثة ثانوي بالنسبة للشعب العلمية والتقنية وشعبة الرياضيات. 🔹 مادة العلوم الطبيعية ✅زيادة الحجم الساعي لمادة العلوم الطبيعية في السنة الثالثة ثانوي بالنسبة للشعب العلمية. 🔴كما تضمنت التعديلات أيضًا: ✅حذف مادة الرياضيات من بكالوريا شعبة الآداب والفلسفة. ✅ حذف مادتي الفرنسية والفلسفة، إضافة إلى الجغرافيا، بالنسبة للشعب العلمية. ✅ حذف مادتي الفلسفة والرياضيات لشعبة اللغات الأجنبية. ✅ حذف مادتي الفرنسية والفلسفة لشعبة التسيير والاقتصاد. #بثينة @sbiiitar_girls

كي نهدرو على Le lit رانا نحوسو هنا على الحذاء لي يقدر يلبسو المريض.. إذا مثلا كان الجرح فالحافر وكان في المراحل الأولى من الالتئام هنا رايحين ننصحو المريض أنو ميمشيش بزاف ولا يسيي يستخدم عكازات. إذا كان الجرح تاعو فالأصابع رايحين نڤولولو يروح يشري حذاء orthopedique لي يكونو فيه الأصابع مكشوفة ولا عالأقل مكانش ضغط عليهم باه الجراح تاعو يزرب يبرا.. وهكذا على حساب le lit يكونو عندنا بزاف الحالات.

خوتي شي أخطاء إملائية كي نكتب بالفرونسي ديرو رواحكم ما شفتوش راني نشالي برك 🤌🏻.

كاين وحد المصطلع يتعاود بزاف كي نكونو نحكيو على Les plaies سيرتو عند واحد Diabètique اسمو: _ ✨Le triangle du plaie✨ كيما راكم تشوفو فلافوطو عندكم مثلث والرؤوس تاوعو يمثلو Les critiques لي من خلالهم نقدرو نقيمو الجرح تاع المريض ونعرفو إذا راه في تحسن ولا لا. 1-Le lit: هو المنطقة لي يكون فيها الجرح، مثلا: الحافر.. الأخمص.. المنطقة لي بين الأصابع.. الأصبع الأكبر ولا الأصغر ولا المهم تحدد وش من إصبع.. الجرح كاين في articulation ولا نو.. المهم كاين بزاف الخيارات وكل منطقة عندها دلالة معينة. 2- Le bord: هو الحدود تاع الجرح، أسكو راهم Humide ولا يابسين ولا عندهم لون معين.. كون نهدرو هنا منخلصوش. 3- Le tissu péri-lésionnaire: هو الحالة تاع النسيج لي راهو يحيط بالجرح من الخارج.. يعني الجلد هذاك من برة لي يكون داير بالجرح يقدر يكون مثلا لونو أزرڤ ولا أحمر (نفس الشي كاين بزاف الحالات). هذو العام الجاي نورمالمو نقراوهم بالتفصيل ونقراو جميع الحالات.

ديما فالسارفيس تاع La médecine interne تلڤاو هذ علاجات طبيعية لي يستخدموهم بكثرة ويمدولهم أولوية بالدرجة الأولى قبل الأدوية: -العسل الحر: يعزز إلتآم الجروح وديما يستخدموه عند لي عندهم Diabète بحكم أنو عندهم مشاكل فالجراح تاوعهم. -زيت الزيتون: كي واحد يضرب الأنسولين ديما يوصيه الطبيب أنو بعدما يدير حقنة تاع لنسولين يروح يشرب وراها كمية صغيرة من زيت الزيتون ولا يقدر حتى يديرها فالماكلة تاعو عادي لأنو يعزز امتصاص السكر من طرف الكبد وبالتالي تنقص La glycémie فالدم.

مام فالمرحلة تاع الـCoagulation عند تاوع الـDiabète رايح يكون فيها مشاكل بزاف خطركش ارتفاع السكر بشكل مزمن فالدم عندهم رايح يأثر مع الوقت على عوامل التخثر Les facteurs de coagulation ويعودو ميقدروش خدمتهم كي يكون كاين نزيف.

السؤال لي ديما يطرح نفسو، لاه الـDiabétique ديما يكون عندو مشاكل في التئام الجروح وديما يدي وقت أطول باه يبرا مقارنة بواحد معندوش الـDiabète؟ -حطو في بالكم بلي ارتفاع السكر بشكل مزمن في الدم كيما عند واحد Diabètique رايح يؤدي مع مرور الوقت إلى تخريب الشعيرات الدموية Les capillaires خصوصا لي كاينة فالجلد. -دونك هذ Les capillaires يعودو ميقدروش يوصلو الدم للجلد وبالتالي مكانش O² لي يوصل للخلايا لأنو هذ Les capillaires راهم مخربين بسبة السكر. -وحنا علابالنا بلي الـO² ضروري للـMétabolisme تاع جميع الخلايا بما فيها خلايا الجلد تسما النقص تاعو رايح يدير مشاكل فالميطابوليزم وبالتالي مشاكل فالانقسام La mitose. -والانقسام بحد ذاتو راهو ضروري جدا باه تولي عندنا مرحلة La granulation وLe bourgeonnement (يعني هذوك Les granules وLes bourgeons راهم يتشكلو انطلاقا من الانقسام تاع الخلايا إذا هذ الانقسام كان قليل ولا فيه مشاكل رايح يخلي هذ المراحل يمرو أبطأ من الحالة الطبيعية). يعني هذ المراحل عند الـDiabétique رايحين يكونو بطيئين بزاف وهذا كامل بسبة نقص الـIrrigation يعني التَّروية تسما الخلايا تاع الجلد ما يديوش حقهم من الـO² وهذ الشي لي ميخليش المراحل تاع La cicatrisation يصراو بشكل طبيعي علابيها ديما نلڤاو عندهم مشاكل في التئام الجروح.

لي راه يوكل مكلاه يشوف 🙂. هذا جرح لي نورمالمو راه يبانلكم في حالة مزرية بصح هو فالحقيقة راهو في تحسن ملحوظ وأفضل بكثييييير ممَّا سبق. كيما راكم تشوفو هنا: -مكانش نزيف (معناها مرحلة l'hémostase فاتت وخلصت). -مكانش نتوءات صغيرة (يعني La granulation ثاني فاتت وخلصت) بصح راكم تشوفو Les bourgeons بطبيعة الحال ولي لونهم راهو أحمر معناها رانا على مشارف نهاية La phase du bourgeonnement ورايحة تبدا المرحلة تاع الـEpithelisation).

✨ معلومة رايحين نتعلموها بزاف فالسطاج ونزيدو نتلاڤاو بيها العام الجاي بإذن الله: -الجرح عند الإنسان بعدما ينزف رايح يمر بخمسة 05 مراحل باه يبرا ويولي الجلد لحالتو الطبيعية ولي هي: 1- L'hémostase: نفسها La coagulation لي هي تخثر الدم. 2- La granulation: هي أنو المنطقة تاع الجرح تظهر فيها نتوءات (Granule) لي تكون صغيرة فالحجم والدور تاعها أنها نقطة البداية لي تتشكل منها La cicatrisation. 3- Le bourgeonnement: هذوك Les granules يتجمعو مع بعض ويشكلو Des bourgeons لي يكون فيهم les vaisseaux sanguins. 4- L'épithelisation: هذوك Les bourgeons يبداو يتغطاو بالـEpithelium تاع La peau بالتدريج حتان تتشكل النَّدَبة لي هي نفسها La cicatrice. 5- La cicatrisation: آخر مرحلة يكون فيها الجرح مغلق تماما والنَّدَبة يكون اكتمل التشكل معاها ولي تظهر على شكل أثر للجرح على الجلد وعلى حسب عمق وحجم الجرح لي نقدرو نحدو إذا كانت رايحة تبقى لمدة طويلة ولا قصيرة قبل ما تختفي هي بحد ذاتها نهائيا.

.

+ التسجـ**ـلات

أول عام لينا فلافاك ولاڤراف ڤريب تخلاص والحالة مخلطة معلابالناش كيفاه رايحة تمشي الأمور من بعد وواحد فينا ما هو قاري حتى حرف. أنا وبعض الصالحين في العالم الموازي مدايرين اتحاد البتاتى:

https://www.instagram.com/kadupul267?igsh=dzgzdDJuMmJvb3dk أدعموها 😔🩵🩵.

ليزيرجونس لي الحالة فيها ثما مخلطة بزاف وعليها ضغط كبير بصح باقي ليسارفيس هايلين ما شاء الله سيرتو La médecine interne. كاين مشاكل كيما النظافة والبيروقراطية بصح ميش لذيك الدرجة تاع السوء لي توقعتها.. سيرتو النظافة روماركيت بلي الشعب بحد ذاتو سواء المريض ولا العائلة تاعو لي جي معاه هوما لي يوسخو الحالة أما عمال النظافة ربي يجازيهم راهم يخدمو خدمتهم على أكمل وجه.