ព្រះខ័នញូស៍ Preah khan News (ឧត្តរមានជ័យ)

សេចក្តីអំពាវនាវ របស់ក្រសួងការពារជាតិ ដើម្បីចូលរួមរក្សាសុវត្ថិភាពកងកម្លាំងរបស់យើង ក៏ដូចជារក្សាការសម្ងាត់យោធា សូមបញ្ឈប់ការផ្សព្វផ្សាយជាបន្ទាន់នូវរាល់ ព័ត៌មាន, វីដេអូ ឬរូបភាពដែលអាចបង្ហាញពីសកម្មភាពប្រតិបត្តិការយោធា, ផែនទី, ការបង្ហាញពីការចល័ត ឬការដាក់ពង្រាយកងទ័ព, ទីតាំងឈរជើង, លេណដ្ឋាន (ត្រង់សេ), ជំរំជម្រក, ការចល័តសព្វាវុធ, ផ្លូវផ្គត់ផ្គង់សម្ភារបរិក្ខារ ឬស្បៀងអាហាររបស់កងទ័ព តាមគ្រប់បណ្តាញទំនាក់ទំនងសង្គម ដូចជា Facebook, TikToK, Youtube ឬប្រព័ន្ធផ្សព្វផ្សាយផ្សេងៗទៀតជាដាច់ខាត៕

BREAKING: មហាអំណាចចិន ប្រកាសប្តេជ្ញាជំរុញឲ្យមានបទឈប់បាញ់រវាង កម្ពុជានិងថៃ ហើយចូលតុចរចាដើម្បីសន្តិភាព (ប៉េកាំង)៖ ប្រទេសចិនសង្ឃឹមថា កម្ពុជា និងថៃ នឹងអនុវត្តការអត់ធ្មត់ជាអតិបរមា ហើយចាត់វិធានការទាំងអស់ ដែលនាំទៅដល់ការបញ្ឈប់ការប្រយុទ្ធគ្នា និងបន្ថយភាពតានតឹងឱ្យបានឆាប់តាមដែលអាចធ្វើទៅបាន។ នេះបើយោងតាមអ្នកនាំពាក្យក្រសួងការបទេសចិន លោក Guo Jiakun នៅថ្ងៃចន្ទ ទី១៥ ខែធ្នូ ឆ្នាំ ២០២៥។ លោក Guo Jiakun បានបន្ថែមថា ចិននឹងបន្ត ដោយមើលលើឆន្ទៈរបស់ភាគីទាំងពីរ ក្នុងការធ្វើការឱ្យអស់ពីសមត្ថភាព ដើម្បីជំរុញការចរចាដើម្បីសន្តិភាព និងដើរតួនាទីស្ថាបនាតាមរបៀបរបស់យើង ដើម្បីនាំមកនូវបទឈប់បាញ់ និងការស្តារសន្តិភាពរវាងប្រទេសទាំងពីរ៕

សូមបងប្អូនចូលរួមសហការ បើឃើញនំអន្សម ចេកទុំ ផ្លែទ្រព្យ ហាមថតជាដាច់ខាត! 15-12-2025

អូរស្មាច់ កំពុងជាប់ដៃខ្លាំង!

3:21 ពួកវាកំពុងបន្តផ្លោងខ្លាំងនៅសមរភូមិថ្មដា។ កម្លាំងយើង បាញ់តបតទៅវិញយ៉ាងខ្លាំងក្លា។ 15-12-2025

3:20 នៅអូរស្មាច់ ប្រាសាទខ្នារ ថ្មដូន តាក្របី តាមាន់ធំ ជប់គគីរ វាកំពុងសន្ធប់ខ្លាំងដោយបាញ់ផ្លោង និងដ្រូនទម្លាក់គ្រាប់៕ 15-12-2025

2:57 យន្តហោះF-16ថៃ កំពុងហោះលើក្រុងសំរោង ខេត្តឧត្តរមានជ័យ៕ 15-12-2025

2:54 ទិសព្រះវិហារ ចាប់ផ្ដើមផ្លោងខ្លាំង។ 15-12-2025

2:51 ថៃបាញ់ផ្លោង ឆេះកាស៊ីណូអូរស្មាច់៕ រសៀលថ្ងៃទី 15-12-2025

ចូលថែមទៀត!

2:42 គ្រាប់ផ្លោងថៃ ធ្លាក់ជាយក្រុងសំរោង៦គ្រាប់ លឺខ្លាំង៕ 15-12-2025

នាយករដ្ឋមន្ត្រីម៉ាឡេស៊ី លោក អាន់វ៉ា ថាកិច្ចប្រជុំរដ្ឋមន្ត្រីការបរទេសអាស៊ាន ត្រូវបានលើកពេល ខណៈជម្លោះថៃ-កម្ពុជាកាន់តែឡើងកម្ដៅ (គូឡាឡាំពួ)៖ នាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៊ីម បាននិយាយនៅថ្ងៃចន្ទ ទី១៥ ខែធ្នូ ថាកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាន ដែលគ្រោងធ្វើឡើងនៅថ្ងៃអង្គារសប្ដាហ៍នេះ ត្រូវបានលើកពេល ខណៈជម្លោះព្រំដែនរវាងកម្ពុជា និងថៃមិនបានថមថយនោះទេ ហើយមានការព្រួយបារម្ភថាជម្លោះនឹងកើនឡើងថែមទៀតផង។ នេះបើតាមការចេញផ្សាយដោយសារព័ត៌មានម៉ាឡេស៊ី Malay Mail។ កិច្ចប្រជុំពិសេសដែលគ្រោងធ្វើឡើងនៅថ្ងៃអង្គារស្អែក ត្រូវបានរំពឹងថានឹងមានការចូលរួមពីបណ្ដារដ្ឋមន្ត្រីការបរទេសអាស៊ានដើម្បីស្វែងរកដំណោះស្រាយសម្រាប់ជម្លោះដែលកំពុងកើតឡើងដែលបាន សម្លាប់មនុស្សរាប់សិបនាក់នៃភាគីជម្លោះទាំងសងខាង។ ប៉ុន្តែ លោក អាន់វ៉ា បាននិយាយថាថៃ និងកម្ពុជាបានស្នើសុំឱ្យលើកពេលជាបណ្ដោះអាសន្ន។ លោក អាន់វ៉ាបានបន្ថែមថាម៉ាឡេស៊ី នៅតែបន្ត សម្របសម្រួល និងជំរុញឱ្យប្រទេសទាំង២បញ្ឈប់ការប្រយុទ្ធគ្នា។ លោក អាន់វ៉ា ក៏បានបង្ហើបឱ្យដឹងដែរថារូបលោកបន្តរក្សាការទំនាក់ទំនងជាមួយថៃ និងកម្ពុជាឈរលើមូលដ្ឋានជាប់លាប់៕

1:30 នៅសមរភូមិទិស ឧត្តរមានជ័យ និងព្រះវិហារ គឺនៅបន្តក្តៅមិនថមថយឡើយ វាកំពុងសន្ធប់ខ្លាំងគ្រប់មធ្យោបាយដើម្បីដណ្តើមទីតាំងឈរជើង និងយកខ្មោចពួកវា។ យើងក៏បានបាញ់ស្រោចBM-21យ៉ាងធ្ងន់ ដើម្បីកំទេចពួកវាមិនឲ្យរុលចូលបានឡើយ៕ 15-12-2025

ក្រសួងការពារជាតិ: សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃបានបន្តធ្វើសកម្មភាពវាយប្រហារមកលើកម្ពុជា នៅយោធភូមិភាគទី៥ ក្នុងភូមិសាស្រ្ត ឃុំថ្មដារ ស្រុកវាលវែង ខេត្តពោធិ៍សាត់ នាថ្ងៃទី១៥ ខែធ្នូ ឆ្នាំ២០២៥៖ -ម៉ោង១២:៥៦នាទី យោធាថៃបានប្រើប្រាស់ដ្រូនបាញ់ផ្សែងពុលយ៉ាងច្រើនលើបណ្ដាទីតាំងភូមិសាស្រ្តឃុំថ្មដា។ សូមគូសបញ្ជាក់ផងដែរថា គិតរហូតមកដល់ម៉ោងនេះ វីរកងទ័ពជួរមុខរបស់កម្ពុជាបាននឹងកំពុងបន្ត ឈរជើងយ៉ាងរឹងមាំ ស្វាហាប់ មោះមុត និងនៅតែតស៊ូប្រយុទ្ធយ៉ាងស្វិតស្វាញតតាំងជាមួយសត្រូវ ឈ្លានពាននៅគ្រប់សមរភូមិទាំងអស់ ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា៕

10:06 គ្រាប់ផ្លោងថៃ ធ្លាក់នៅជាយក្រុងសំរោង ខេត្តឧត្តរមានជ័យ 5គ្រាប់។ 15-12-2025

សូមគោរពជម្រាបជូន ដល់បងប្អូនសាធារណៈជនឲ្យបានជ្រាបថា: គិតត្រឹមវេលាម៉ោង1:00នាទីរសៀលនេះ នៅភូមសាស្ត្រច្រកអន្តរជាតិជាំសាងាំ ក្បាលទង្សោង អូរទឹកខៀវ អូរថ្ម ព្រៃគុយ ផ្ទះតាម៉ុក ពើយតារួន ភ្នំ២០០ ក្នុងស្រុកអន្លង់វែង ខេត្តឧត្តរមានជ័យ គឺនៅមានសភាពស្ងប់ស្ងាត់ល្អ មិនមានអ្វីនោះទេ៕ សូមអរគុណ! 15-12-2025

កម្លាំងសមត្ថកិច្ចនគរបាលកម្ពុជា ចាប់បានខ្មែរម្នាក់ធ្វើចារកម្មស៊ើបការណ៍ឲ្យថៃ ទម្លាក់គ្រាប់បែកផ្តាច់ស្ពាននៅចំណុច ចុងកាល-ស្រីស្នំ នាថ្ងៃទី១៥ ខែធ្នូ ឆ្នាំ២០២៥ នេះបើតាមសេចក្តីរាយការណ៍ពីកម្លាំងសមត្ថកិច្ចព្រំដែន !

វាកាន់តែក្រពុលមុខខ្លាំង ដែលផែនការ១០ថ្ងៃវាយយកទីតាំង១៧ចំណុចឲ្យបាន តែវាមិនអាចសំរេចបាន! កងកម្លាំងយើងពិតជារឹងមាំណាស់។ សូមបន់ស្រន់ និងបន្តផ្តល់កម្លាំងចិត្តថែម បងប្អូន។

12:00 នៅសមរភូមិព្រះវិហារ អានសេះ បុស្បូវ ជាំតែ ភ្នំខ្មោច ភ្នំទ្រព្យ វាលឥន្រ្ទី ៥មករា តាថាវ វាកំពុងសន្ធប់ខ្លាំង យើងក៏បានស្រោចBM-21ដើម្បីកំទេចពួកវា កងកម្លាំងយើងក៏កំពុងទប់ទល់បាន១០០ ភាគរយ៕ 15-12-2025

ពលរដ្ឋភៀសសឹកមួយចំនួន បានបន្តរត់ចេញពីជំរុំនៅស្រុកស្រីស្នំ ខេត្តសៀមរាប ដើម្បីប្តូរទៅទីតាំងថ្មី ក្រោយទ័ពឈ្លានពានថៃ ប្រើយន្តហោះ F-16 ទម្លាក់គ្រាប់នៅតំបន់នោះ។ នេះបើតាមលោក ហម សុផល នាយករដ្ឋបាលសាលាស្រុកស្រីស្នំ។ រូបថត៖ រដ្ឋបាលស្រុកក្រឡាញ់