BMSET BATNA

السلام عليكم ورحمة الله وبركاته،انا طبيبة Menacer Hadil ، متحصلة على الرزيدانا 2026 ، بمعدل 14،20 , ترتيب 54 حبيت نشارك معاكم تجربتي مع Formation Biologie للدكتور بروال، واللي كانت من بين أهم المحطات في فترة التحضير. بصراحة، الدورة قصرت عليّ مشوار طويل في المراجعة. أكثر حاجة عجبتني هي طريقة شرح الدكتور، كانت واضحة، مبسطة، ومركزة على الفهم أكثر من الحفظ. بالإضافة إلى التلخيصات الجاهزة، واللي شخصيًا فادتني بزاف، خاصة أنني كنت من الناس اللي كل درس نلخصه وحدي. وجود ملخصات فيها أهم الأفكار والنقاط اللي يركزوا عليها في الـQCM وفر عليّ وقتًا ومجهودًا كبيرين. في Physiologie وPhysiopathologie كان التركيز على فهم الـmécanismes، وهذه من أكثر النقاط اللي استفدت منها. في الرزيدانا مهما تتبدل صيغة السؤال أو يجي بالعكس، إذا كنت فاهم الآلية تقدر توصل للإجابة الصحيحة بشوية raisonnement، وما تبقاش معتمد على الحفظ فقط. أما Pharmacologie فكانت كذلك مبسطة وسهلة، وهذا خلا مراجعتها وتثبيت معلوماتها أسهل. Histologie، الشرح كان ممتاز، خاصة بالنسبة للـcoupes. بمجرد ما تفهمها مليح، تولي تجاوب على الـQCM بسهولة، وحتى الرجوع للكور ما بقيتش نحتاجه كثير. ومن النقاط اللي عجبتني أيضًا، الـQCM مع التصحيح. ما كانش غير يعطيك الإجابة الصحيحة، بل كان يشرح علاش الإجابة الأخرى خاطئة، وهذا ساعدني بزاف نفهم ونثبت المعلومة. أما Microbiologie وAnatomopathologie، فرغم أننا بدينا التحضير غير في شهر أوت وكان الوقت ضيق، إلا أن وجود QCM مع شرح معمق ساعدني نركز على أهم الأفكار ونستغل الوقت بأفضل طريقة. في الأخير، شخصيًا استفدت من التكوين بزاف، واعتمدت عليه حتى آخر فترة من التحضير، والحمد لله كان من الأسباب اللي يسّرها الله لي في هذا النجاح. جزى الله الدكتور بروال خيرًا، وبارك له في علمه، وربي يوفق كل طالب يحضر للرزيدانا. https://t.me/bm_educa