شَجَنْ| آلاءُ فايِد𓂆

"ما كُنت أحسَبهُم يرجونَ لي ألمًا لكن رموني بسهمٍ هدَّ أركاني."

"ما ضرّني بُغض خلقك فَهم تُراب، وما نَفعني حُب خَلقك إذ هُم تُراب! إن لَم يَكُن بِك غضبٌ عليّ فلا أُبَالي."

أدينا ماشيين في الحياة بنخبّط في بعض يمكن نقابل خبطة مابتوجعش. - الطحان.

سعيدة ليلتكم.. حابه أقول كام شيء إنها  من أحد الليالي الثقيلة عليَّ..أحاول قدر المستطاع أن أكون بخير ولكن محاولاتي تنتهي بالفشل.. تراودني أشياء كثيرة؛ ولا أحد هِنا يستطيع مواساتي.. أواجه كل شيء بمفردي.. تراودني مشاعر سيئة للغاية كشخص استيقظ بعد ليلة أليمة؛ ليجد ما كان فيها واقعًا وليس حلمًا.. كل شيء هِنا يتعبني..لا يسعني سوىٰ قول يا ربّ ما عادت طاقتي تسعفني لمواصلة المسير، ولا تتحمل قدماي الوقوف، لا شيء ينقذني من بشاعة العالم.. سكنِّي، اهديلي عقلي وأمِّنِّي.. المواقف التي يُشفق فيها المرء على نفسِه لاتُنسي.. يكفيني إنه يعلم ويرىٰ ما يكابده المرء بمفرده.. نعم..أعلم أن الرحلة فردية ولكنني لم أتوقع أن حينما يحتاج الإنسان إلى يد تربط على يده لا يجد سوى يده فقط! لا أعلم كيف يحترس المرءُ من شيءٍ يُحبه؟ كيف يخافُ إنسانٌ من النُقطة التي أطمئن عِندها؟ لا أخفيكم سرًا؛ ولكن تُدين الدنيا لي باعتذارٍ هي والذين أُحبّهم كُل الذين دهسوا قلبي كانوا أحبائي.. وشكرًا.

كلٌّ منّا في خاطره صُبحٌ يرجو إشراقَ شمسه، فاللهم بلِّغ كلَّ راجٍ رجاءه.

إن الدنيا بحالها وناسها ومشاعرها لا تسع امرأً خُذل في موضع أمنه وسلامته وطمأنينة قلبه. الله وحده المستعان، ولا حول ولا قوة إلا به.

‏يتجاوز المرءُ جميع الأشياء.. عدا مأساة أنه قد خُذل في موضع طمأنينة!

بلال راجح له اقتباس ما بعرف كيف قدر يجمع كل ذا الكم من الدفءِ والرقة والحنية فيه: أخافُ أن يُنسيني عناقًا واحدًا منكَ تعبي الذي كان في غيابِكَ.. وأنسى التعب! إيّ واللّٰهِ بِكُلِّ ذي البساطة والرقة':))

المرءُ تَوَّاقٌ إلى مَا لم ينَل.. آه، لو ينال المرء ما يَوَد!

في مرة حد قال لي: أنتِ حنينة جدًّا لدرجة هتزعلك. وقتها مافهمتش قصده أوي، قاوحته وقلت له مُستحيل أكون حنينة وأتعامل بجفا وقسوة.. أنا جاية بعد سنين وأنا رقبتي قد السمسمة أقول إن كلامه صح. كان فيه سؤال منتشر من فترة بيقول: أيُشقى الإنسان بلين قلبه؟ الإجابة: آه بيُشقى، وبيتعامل أسوأ مُعاملة؛ علشان دايمًا في قلبه حنية ومابيعرفش يحسس اللي قصاده بأي شعور سخيف.

هناك ما لا يُجابه إلا بالصبر؛ لا محاولاتٌ ممكنة، ولا حلولٌ منطقيّة، ولا مهربٌ ينتشلك ممّا أنت فيه.. فقط كل ما تملكه أن تصبر، وتتحامل، وتدع الأمور تسير كما كُتِبت. أن تمسح ضيقك بيد، وتهدهد نفسك بالأخرى، أن تواسيها بأنَّ الوقت يمر، والمحن تفوت، والأيام دُوَل، والزمان يدور! أن تذكّر نفسك بأنَّه ليس لك من الأمر شيء؛ وأنَّك مهما غالبت قدرك، لن يكون لك إلا ما أُريد لك. وأنَّ التسليم هبة، والرضا منحة، وأنَّ الآخرة خيرٌ وأبقى. ومن يتصبَّر يصبِّره الله.. - أحمد بدوي

ربَّما تجمعُنا أقدارُنا ذاتَ يومٍ بعدَما عزَّ اللقاءْ!

أتساءل دَومًا: كَيف هو شعور المَرء حَين يَصل _أخيرًا_ لوِجهته الآمنة؟

التعاطف الأصيل: هو الجلوس مع الآخر في ظلامه. لا بمحاولات سحبه عنوة إلى النور!

أأكذبُ حينَ أحلفُ أنّ قلبي على ما فيهِ من أُممٍ.. وحيدُ؟

لا حنينٌ أثقل مِن حنين الإنسان لنفسه التي كانت، ولا غُربة أقسى من نفسِه التي صارت!

‏أكثر ما يلفتني في العلاقات فكرة «البذل»؛ ‏أن يقتطع أحدهم من وقته لأجلي، وأن يدّخر من ماله في سبيل إسعادي، ‏أن يتفنّن في العطاء، ويُحسن تقديمه إليّ. ‏لا يلفتني في معنى البذل جانبه المادّي فحسب، ‏لكن يطمئنني أن هناك شخصًا في هذا العالم يتذكّرني، ‏يستأنس بوجودي، ويحاول أن يؤكّد لي حبه ‏بغير طريقة؛ ‏كأنّه يقول لي: ‏أنا هنا دائمًا، ولو بشيءٍ منّي، ‏إن لم أكن حاضرًا بكلِّي.. - سمر إسماعيل.

يُحاول ألّا يكُف عن المُحاولة! لا بأس، «يُحاول».

إنَّ من أحنِّ شواهد الحبّ.. أن تُراعي شعور مَن تحبّ، وإن كان حزنه -في نظرك- بسيطًا هيِّنًا، أو ضِيقه غير مُبرَّرٍ. - إسلام النّادي.

حبيبتي اللي عدت ال ٢٥ ومتزوجتش، اللي عدت ال ٣٠، ال ٤٠. مفيش حد بيوصل هنا علشان مش لاقي عرسان، اللي بيوصل هنا بيكون- على الأغلب - بقى عارف هو عايز إي، وكل سنة بتعدي من غير ما تلقي اللي عايزاه، فداك، متتنازليش، أنتِ وصلتي هنا لسبب. بتمنى أقول للأهل إنه: بناتكم عايزين يتزوجوا أكتر منكم، كل بنت -على الأغلب - عايزه تكون مع شخص مسؤولة منه وبيحبها، وعليها واجبات تجاهه وبتحبه، وتحب توصل لثمرة العلاقة دي وهي الأمومة. لما بتضغطوا عليهم، نفسيتهم هتتأذي، لكن مش هيتزوجوا أسرع، أو، هيرضخوا لضغطكم ويتزوجوا زواج مش راضيين عنه ولا قانعين به. وكما قال دكتور أحمد:"مين المستفيد من هذه المدعكة وقلة الأدب ؟" مين المستفيد من إن بنت تتزوج إنسان علشان هي تعبت نفسيًّا من الضغط، مش علشان هي راغبة فيه؟ حبايبي البنات، مبنعملش كدا يا حبايبي، أبدًا أبدًا مبنهربش من ضغط الأهل والسن والكلام بإننا نتزوج وخلاص، متعملوش كدا. في ناس بتعيش في الدنيا من غير زواج، دا مش نصيبهم في الدنيا، فين المشكلة ؟ عيشوا يا حبايبي كل مرحلة في حياتكم زي ما الحياة ماشية، دلوقتي طريقي في الحياة شغل، تمام. طريقي في الحياة أعيش وأشبع من أهلي فترة أطول، تمام. طريقي أستمتع بولاد اخواتي، تمام. طريقي أكتشف نفسي وأعالج مشاكلي النفسية، تمام. طريقي أكتشف هواية، أتعلم لغة، ألعب أتاري، تمام. الحياة مش زواج بس. وفي طريقك وأنت مستني الزواج، اتعلم عنه، اتعلم عنك، وعن الجنس الآخر، اتعلم عن تربية العيال، اتعلم طبخ، اتعلم إدارة مشاعرك، أنت مين؟ أنت ابن مين؟ طفولتك كانت ازاي؟ عارف نفسك دلوقتي؟ هتعرف الطرف التاني مناسب معاك ازاي وأنت مش عارف نفسك؟ الزواج تعارف: يعني إي؟ يعني أنا عارف نفسي، والطرف التاني عارف نفسه. أنا بتعرف على الطرف التاني، والطرف التاني بيتعرف عليَّ. أنا لأني عارف نفسي، بعرَّف الطرف التاني عليَّ، والطرف التاني لأنه عارف نفسه، بيعرّفني عليه. لو أنت مش عارف نفسك، عمرك ما هتقدر تتعرف على غيرك، عمرك ما هتقدر تخلي غيرك يعرفك. الناس اللي عارفين نفسهم، التعامل معاهم بيكون أسهل كتير. هو واضح وهيدلك على طرق التعامل معاه، ولما يكون في شيء مبهم هيوضحه، وفي نفس الوقت هو عنده ما يكفي للتعرف عليك، والاستيضاح منك، وإعذارك وإمهالك وإحسان الظن فيك وما إلى ذلك. هو عايز يفهمك عنه، ويفهم عنك. معرفتك بنفسك أهم الأشياء، هي مفتاح أنا عايز أتزوج لي، وأتزوج مين؟ متخلوش الناس تضغطكم، أنت بس اللي عارف مين يناسبك تتزوجه. اللي بيحكم فلان دا كويس أو لأ هو الشخص اللي هيعيش معاه جوا بيت، الشخص اللي هيعيش معاه باقي حياته في كل الحالات. محدش من حقه بأي حال يجبر حد على الزواج من شخص علشان هو شايفه بمعاييره هو وشخصيته وأفكاره وبيئته وظروفه ومبادئه إنسان كويس! كل الحاجات دي بتختلف من إنسان للتاني، ومن حق الطرفين اللي هيعيشوا سوا بس إنهم يحكموا على الأشياء دي. مش عارفة، أنا مستاءة، بنات زي الورد بتشك في نفسها علشان بيقنعوها إن العرسان كويسين والعيب فيها هي مش عاجبها حد! بنات جميلة واشتغلت على نفسها كويس واكتشفت وبتكتشف نفسها وبتتحرك، بيخلوهم يشكوا في نفسهم لي؟ هي هواية؟ مين عاقلة طيب هتلقى إنسان مناسب وهترفضه؟ ما هو يا طنط لو مناسب كانت قبلت! البنات بتشك في نفسها ومبادئها، والشروط اللي عايزاها، وما تعلمه عن نفسها وتريده في الطرف التاني، وبتشك في إنه ما يمكن الناس كويسين فعلًا وأنا محتاجة أتنازل! لي كدا ؟ بتمنى كل بنت تعرف-على الحقيقة- هي عايزه إي، وتفضل تقاوم علشانه، بتمنى كل بنت واعية، توصل لعلاقة واعية، من غير ما ترضخ للضغوط وتستسلم. قلبي مع كل البنات الشاطرة الجميلة اللي بتحارب في الجانب دا، الله ييسر لكل بنت من تألفه ويألفها، وكل بنت تعيش قريرة في زواجها. وللبنات اللي انفصلت من زواج وعلاقات مش مناسبة، أنتم شجعان، الله يجعل نصيبكم الجاي أقر لأعينكم. - هاجر جمعه محمد