شەوارە

ژیانی بێ #ئەوین دەشتی نەبوونە لە سایەی عیشقە ئەم دنیایە ڕوونە @Shewaree - هێمن

چەندە جوان دەڕوا بە سەر پەنجەوە..🪽 @Shewaree

بە چیت بچوێنم؟ بە ئاسۆی باران؟ بە ماندووبوون و خەون و تینووێتی، یان بە دارستان؟ بە چیت بچوێنم؟ بە پۆلیک هەتاو؟ بە وڵاتێکی لە خوێندا گڵاو؟ یان بە گۆرانی، بە هەناسەدان، هەرەس و لافاو؟ تۆ لە بوون دەچیت، بە چیت نەچوێنم؟! لە نەبوون دەچیت، بە چیت بچوێنم؟! @Shewaree - ڕەفیق سابیر

منم ڕۆڵەی ئازا و باوەفای تۆ...

من لە منداڵییەوە وا بار هاتووم کە لە هەموو عالەم بێمنەت بم و کەس بە گەورەی خۆم دانەنێم، جگە لە نیشتمانم. کەسیش بە دوژمنی خۆم نازانم، جاش و پیاوی دەوڵەت نەبێ. پێمخۆشە لەدواهەناسەکانم لاق لەسەر خاکی خۆم دابنێم، جا بمرم. گوێم لە وشەی کوردی بێ، جا بمرم. بای کوردستان وە ڕوومەتم کەوێ، جا بمرم. لەناو خەڵکی خۆمدا بمرم. کە مردم با خاکی کوردستان لە ئامێزم بگرێ و لەناویدا بنێژرێم. ❤️ @Shewaree - لە کتێبی کورد بوون ( بەشێک لە بیرەوەرییەکانی کاپیتان حەمەدی مەولوودی)

تا ئەوینت ئابلۆقەی گیانی نەدابووم سەربەست نەبووم! تا لە چاوتا نوقم نەبووم باران لە دڵما داینەکرد... 💕 @Shewaree - شێرکۆ بێکەس

هەرکەس نەیدیبێ خاکی کوردستان 🤍 @Shewaree

ئەم گۆرانییە لە ساڵی ١٩٦٥ی زایینی لە بەشی ئازەریی ڕادیۆ تاران تۆمار کراوە و مامۆستایان حەسەن زیرەک، مەلا حوسێن عەبدوڵڵازادە و هاشمی فیدایی لە خوێندنی کۆرسی ئەم گۆرانییەدا بەشدارییان کردووە. بە گوێرەی سەرچاوەکان لە سەفەرێکی مامۆستایان ماملێ و عەبدوڵڵازادە بۆ تاران، ئەو دوو بەڕێزە دەبنە میوانی ماڵی مامۆستا حەسەن زیرەک کە لەو کاتەدا لە بەشی کوردیی ڕادیۆ تاران لەگەڵ میدیا زەندیی هاوژینی خەریکی ئیش بوونە و بە هەولی مامۆستا زیرەک چەند گۆرانییەک بە هاوکاریی ئۆرکێسترای ئازەریی ڕادیۆ تاران تۆمار دەکەن کە بریتین لە: -'هەستە با بڕۆینە داوەتێ' بە دەنگی مامۆستا مەلا حوسێن. -'ڕێبوار و ڕێبوار' بە دەنگی مامۆستا زیرەک. - 'بەرهەڵبێنە'، 'مەگری مەگری'، 'ماڵە بابم بێ وەفا'، 'گۆوەندە زەماوەندە' و هەروەها 'بە هەوران پاییزە(لەبەر نازی تۆ)' بە دەنگی مامۆستا محەمەدی ماملێ. ❤️ گۆرانییەکانی کە ناویان هات بە زووترین کات دادەندرێن.

جوانترین گوڵی خودا! بڵا به هێزی بێبڕانەوەی #ئەوین لە کێوی خەم وەسەر کەوین لە مێرگی ئەوپەڕی سنووری خەم نه زۆنگەیە، نه زورگەیە بەهاری بێخەزانه چاوەڕوانی ئێمەیە... @Shewaree - هاوار

بیستوومە لە پیاوچاکی زەمانە: نیشتمان دۆستی مایەی ئیمانە @Shewaree - مەلا غەفوور دەبباغی

هەر ئایین و ئایدیلۆجیا مرۆڤ و کۆمەڵ ناگۆڕن، بەڵکوو ئەوانیش ئاین و ئایدیلۆجیا دەگۆڕن و ملکەچی بەرژەوەندیی تایبەت و کولتووری خۆیانی دەکەن، چۆنیان بوێت بەکاری دەهێنن. بۆیە لە هەر ئایین و ئایدیلۆجیایەکدا، چەندان مەزهەب و ڕێبازی جیاواز و پێک ناکۆک هەن. ئەو کوشتارەی لایەنگرانی ئایینێک و ئایدیلۆجیایەک لەگەڵ یەکتریان کردووە، لەو کوشتارە کەمتر نییە، کە لەگەڵ ئاین و ئایدیۆلۆجیای لەخۆیان جیاواز کردوویانە. بۆ نموونە کوشتاری نێوان سوننە و شیعه، کاتۆلیک و پرۆتستان، کێشە و شەڕی نێوان چەپ و کۆمۆنیستان. @Shewaree - ڕەفیق سابیر، لە ستایشی ژیاندا

نایەڵن قەت چێژی ئازادی بچێژم من دەنا: خوێنی شیرینم دەوێ کوا تەرمی خوێنینم دەوێ نایەڵن ئاسوودە دانیشم لە لاپاڵی چیام قاسپە قاسپی خاسەکەو، بێ گرمەیی مینم دەوێ؟ ئارەزوومە هەرچی ئینسانە بەئازادی بژی چۆن گەلی داماو و دیل و مات و خەمگینم دەوێ؟ نامەوێ خوێن بڕژێ یا بۆنی کەلاکی کۆن بکەم ڕەنگی مێلاقە و گوڵاڵە و بۆنی نەسرینم دەوێ @Shewaree - هێمن

کە بەهار دێ لێم مەپرسە بۆ ناشادی، دەیان ساڵە چاوەڕوانم، کە نیشتمانم هەڵمژێ، شنەی شەماڵی ئازادی.! @Shewaree - جەلال مەلەکشا

ئەی نیشتیمان خۆت دەزانی یەکەم هەنگاو چەندە سەختە...

جەژنە لە هەموو لا بەیەقین یارییە ئیمڕۆ ڕۆژی تەرەب و عیشرەت و بێدارییە ئیمڕۆ جێگەی فەرەح و شادی و ئازادییە بێشک وەعدی کەرەم و مەرحەمەتی بارییە ئیمڕۆ

@Shewaree - ناری

نەفەس بگرە لە هاتوچوویی خۆڕایی هەتا ماوی کە ئەم بایە هەتا ئێستا کە هەر عومری بە با داوی @Shewaree - نالی

دەستت بێنە، ئەم جیهانە جەنگڵستانێکی چڕە خوانەکردە، نەک لە غەریبیدا بمرین با گوێ لە خەمی یەک بگرین قوربانت بم دە پێبکەنە تا خونچەی لێوت ببینم کە ئەپشکوێ، تا هەنگی ناوم ببینم لە پەڕی لێوتەوە ئەفڕێ گوڵەبەفرینەکەی دڵم دەستت بێنە ناو دەستم تا ئاوازی گۆرانیی تەمەن نەشێوێ تا بولبول چڵ جێ نەهێڵێ لەرزەکەمەر تێ مەپەڕە لە هەر کوێ بی ئەتدۆزمەوە چونکە بۆنی سنەوبەری تەڕت لێ دێ... @Shewaree - هیوا قادر