Mind Grove

ညမအိပ်ခင် နှစ်ရှည်မဟာစီမံကိန်းတွေချပြီး အိပ်မသွားပါနဲ့၊ နောက်တစ်နေ့အတွက် ဘယ်လိုကောင်းအောင် လုပ်ရမလဲဆိုတာသာ စဥ်းစားပါ! ခြေလှမ်းတစ်ထောင်လျှောက်ရတဲ့ခရီးလမ်းဟာ ခြေတစ်လှမ်းကနေ စခဲ့တာပါပဲ။ ဒီစကားကို ကြားဖူးကြတယ်မလား? အလားတူပါပဲ သေးငယ်တဲ့အလေ့အကျင့်တွေဟာ ကောင်းမွန်တဲ့အနာဂတ်ကိုထုဆစ်ဖို့ ကိရိယာတွေဖြစ်ပါတယ်။ တစ်နေ့ကို ခြေတစ်လှမ်းလျှောက်တာက လုံးဝမလျှောက်တာထက်တော့ အသာကြီးမဟုတ်လား? အများကြီး မတွေးပါနဲ့။ တစ်နေ့ကို နည်းနည်းလေးကနေ စလုပ်ကြည့်ပါ၊ အချိန်တွေကြာလာတာနဲ့အမျှ သိသာတဲ့အပြောင်းအလဲတွေ မြင်ရလာပါလိမ့်မယ်🧐 Atomic Habits ရဲ့ Author ဖြစ်တဲ့ James Clear ရဲ့ Logic အရဆိုရင် နေ့စဥ်လုပ်နေတဲ့အလေ့အကျင့်တွေရဲ့ သက်ရောက်မှုတွေဟာ လေယာဥ်လမ်းကြောင်းကို Degree အနည်းငယ်ရွေ့လိုက်တာနဲ့တူတယ်တဲ့။ ပြောချင်တာကတော့ Los Angeles ကနေ New York City ကို ပျံသန်းနေတဲ့လေယာဥ်ဦးကို တောင်ဘက် 3.5 Degree လေးရွေ့လိုက်တဲ့အခါ New York ကိုရောက်မယ့်အစား Washington ကိုရောက်သွားပါလိမ့်မယ်တဲ့။ 3.5 Degree ဆိုတဲ့ သေးငယ်တဲ့အပြောင်းအလဲလေးဟာ ဒီလောက်တောင်မှ လမ်းကြောင်းပြောင်းသွားနိုင်သလားဆိုတော့၊ ဟုတ်ပါတယ်။ ပြောင်းသွားနိုင်ပါတယ်😯 နှစ်တစ်နှစ်ရဲ့အစ January လမှာ ရည်မှန်းချက်တွေချ အားတက်သရောနဲ့ ကြိုးစားမယ်လို့ ကြုံးဝါးထားသူတွေရှိပါတယ်။ အခုဆိုရင် နှစ်တစ်ဝက်ကျိုးပြီးလို့ နှစ်လမြောက်ကို ရောက်လာတဲ့အခါ ကိုယ်ဘယ်လောက်ခရီးပေါက်ခဲ့ပြီလဲ ပြန်မေးဖူးလား?  လူတွေဟာ မကောင်းတဲ့အပြုအမူတွေကို သတိမထားမိပဲ လုပ်မိတတ်ကြပါတယ်။ ဒီလိုအပြုအမူတွေဟာ ကြာလာတဲ့အခါ အလေ့အကျင့်တွေဖြစ်သွားတတ်ကြပါတယ်။ မကောင်းတဲ့ အလေ့အကျင့်တွေဟာ လုပ်ပြီးပြီးချင်း စိတ်ကျေနပ်မှု (Immediate Pleasure) ကိုပေးတဲ့အတွက် ကောင်းတဲ့အလေ့အကျင့်တွေထက် ပိုစွဲလမ်းလွယ်ပါတယ်။  အခြားတစ်ဖက်မှာတော့ ကောင်းတဲ့အလေ့အကျင့်တွေဟာ ကြီးမားတဲ့ Reward တွေကိုပေးပါတယ်။ ဒါမယ့် ပြဿနာက ဘာလဲသိလား? It's a Long Term Journey. အချိန်တွေယူရတဲ့အတွက် လူတွေက လမ်းတစ်ဝက်လောက်မှာ ပျင်းသွားတတ်ကြပါတယ်။ ပညာရှင်တွေရဲ့ စကားအရ အလေ့အကျင့်တစ်ခုကို တည်ဆောက်ဖို့အတွက် 18 ကနေ 254 ရက်အထိ အချိန်ယူရတယ်လို့ ပြောကြပါတယ်။ Same Logic Apply here too! အပေါ်မှာ ပြောခဲ့သလိုပါပဲ။ နေ့စဥ်လုပ်နေကြတဲ့ အပြုအမူတွေဟာ အလေ့အကျင့်တွေဖြစ်လာကြပါတယ်။ ဒါဆိုရင် ဒီလိုအပြုအမူတွေက ကောင်းတာတွေ ဘာလို့မဖြစ်နိုင်ရမှာလဲ? 🤔 ကောင်းတဲ့အပြုအမူတွေဆိုတာတော့ ဟုတ်ပါပြီ။ ဒါမယ့် ဘာလဲ? ခြုံပြောရမယ်ဆိုရင် ကိုယ့်ကိုတိုးတက်စေမယ့် အပြုအမူတွေပေါ့။ နေ့စဥ်နေ့တိုင်း အချိန်တစ်ခုသတ်မှတ်ပြီး စာလေ့လာတာ၊ မနက်စောစောထတာ၊ လေ့ကျင့်ခန်းလုပ်တာ၊ စာအုပ်ဖတ်တာ စတာတွေပေါ့။ အစပိုင်းမှာတော့ တိုးတက်မှုတွေက မသိသာပါဘူး။ လမ်းတစ်ဝက်မှာ ပျင်းလာပါလိမ့်မယ်။ ဘာမှတိုးတက်မှုမခံစားရဘူးလို့ ထင်လာပါလိမ့်မယ်။ But Don't Stop, Move Forward!! သေးငယ်တဲ့ အလေ့အကျင့်တွေ စတဲ့အခါမှာ မီးစာလိုပါတယ်။ ဆိုတော့ Motivation ဆိုတဲ့ မီးစာနဲ့မီးညှိလိုက်ရအောင်။ တစ်ခုခုမလုပ်ခင် စိတ်ထဲမှာ အရင်တွေးကြည့်ပါ။  “ဒီဟာကို လုပ်လိုက်ရင် ဘာတွေရမှာလဲ? ဘာတွေပြောင်းလဲသွားမလဲ?”  ရနိုင်တဲ့အကျိုးကျေးဇူးတွေကို စာရွက်ပေါ်ချရေးထားပါ။ ပြီးရင် စိတ်ထဲမှာ ပြောင်းလဲသွားတဲ့ကိုယ့်ပုံစံကို ပုံဖော်ကြည့်လိုက်ပါ။ ကျေနပ်နေလား၊ ပျော်ရွင်နေလား။ ဒီလိုပျော်ရွှင်မှုတွေကနေ Moti ယူပါ။ ပြီးရင်တော့ လုပ်စရာရှိတာကို တစ်နေ့ နည်းနည်းစီနဲ့ လုပ်သွားပါ။  (Doing Something Small is Better than Doing Nothing)