برمجة نفسية|| Mental Reprogramming

دعواتكم لي بالشفاء العاجل.

كان معايا رقم شيخ بس تاااه مني مش لايقاه

رشحولي محفظ قرآن لأولاد لو تعرفوا @MARAAMSAYED55

+ أنا بحب اشغل نفسي، مش بحب أقعد فاضيه مش ورايا حاجة ف طول الوقت بعمل حاجة بعمل حاجة ف البيت أو بنزل الأكاديمية ، بدي حلقاتي ، بشوف الدورات سواء يوتيوب أو تليجرام بكلم حد مش صحابي، بسافر البلد ف مش بيكون عندي وقت ف اليوم كبير إن أقعد بقا وآراسل ف دا بردو سبب، دلوقتي أنا بدلع قاعدة مراكمة حاجات وقاعدة أرغي هنا والمفروض أكون نايمة من نص ساعة الله المستعان ف حقيقي الإنشغال نعمة والفراغ قادر إنه يموت الإنسان دا من واقع تجربتي.

مقارنة ف بيتنا أنا الرغاية الوحيدة ف البيت والطرف الأكثر حماسًا مش عارفه أنا طالعه لمين بقا، بالنسبة لصحابي كلهم متحدثات مفيش حد فينا مستمع لازم نتخانق كل مرة نتقابل بسبب الموضوع دا محدش سامع التاني بيقول ايه. مش بحب أتكلم ف شات نهائي وعندي عدم قدرة عالتواصل عالفون هنا بقا أنا عندي توّحد معنديش طولة بالي أقعد آراسل حد بتعب نفسيًا بحب الكلام يكون فيس تو فيس شايفاني وشايفاكِ نشوف تعبيرات بعض كدا لكن بكره بكره التواصل سوشيال، فون اتصال الموضوع كويس إلى حد ما بس مش الأفضل بردو ولكن أحلى الوحشين فاهمه عشان كدا مش بردو واتساب أو تليجرام مش غلاسة زي ما البعض مفكر أو تكبر أو أو ولكن فعلًا بزهق ومش بحب ف بعض الأوقات بيكون معايا مساحة أقعد أتكلم وآراسل ونضحك ونهزر ولكن مش كل يوم أنا كدا ممكن يحصلي حاجة.

نسمح العبث دا بقا ..

أكتر حد بيحب رغيي، أبو تميم ومريم صاحبتي (نعناعة) ، ومامت رغد ، وخالتو أم أحمد ، وعدنان ، سلمى صاحبتي (سُليمة) 🤍

وشويه وهقولكم كنا عاملين أكل ايه النهارده، حقيقي الإنسان راغي تعرفوا إن أنا نفسي مرغيش بابا بيقول أنتِ بتتكلمي كتير ومبتفصليش بيزهق مني ساعات مع إني بحب أتكلم معاه والله بس هو بيزهق 😭

عارفين الشخص اللي بينام كتير هو أنا هذا الشخص ماما بالنسبالها أنا أيام الأجازة بصحى العصر وأيام الدراسة بصحى الظهر ف هي ماما شايفين شوفتوا شفيق اللي كرتون سبونج بوب هي شايفين شفيق 😂😂، ف مبسوطة إن بروح الجيم بقا عشان اتنشط شويه، وأنا بجد مش كسولة للدرجة اللي ماما شايفاني بيها بس مقارنة بماما اللي بتصحى من الفجر وتكمل أنا فعلًا كسولة 😂😂، رنت على صاحبتي الساعة ١٠ ونصف وهي كانت نايمة بتقولها ايه يا أسماء أنتِ لسه نايمه لحد دلوقتى أنتِ شكلك زي مرام🙂 بيضرب بيا المثل 😂 راجعة أول يوم جيم بوري عضلاتي لبابا بيقولي ما شاء الله عالعضلات بتنبت عندك (بتر الخواطر😔) 😂😂

وأكيد الجيم مش مختلط دي مفيهاش كلام دور للسيدات ودور للرجال، وفي چيمات كلها سيدات فقط ودا نادر شويه لما تلاقيه كذلك ف جيمات بيشغلوا أغاني وفي لا مش بيشغلوا ودا بردو نادر شويه بس أنتِ ممكن تفصلي وتلبسي هيدفون بحيث تعزلي الصوت. إلا بقا لو ف سيشن كارديو، زومبا، belly dance بيشغلوا أغاني

ف حبي نفسك زي ما أنتِ مش محتاجه تغيري حاجة فيكِ عشان حد غيرك لو عايزة تخسي خسي عشان أنتِ عايزة كدا وعشان صحتك ولكن مش عشان نظرة الناس كدا كدا الناس ولا بيعجبهم التخين ولا الرفيع وحياتك😂

بجد لاا احنا حلوين ف كل حالاتنا، لو عايزة تخسي ف أنتِ تخسي عشان نفسك وبس الناس دي آخر حاجة تفكري فيها، تختاري الصحي ليكِ ولو أنتِ حابه شكلك كدا افضلي كدا أنا كنت أيام الثانوية كل اللي يشوفني يقول أنتِ خسيتي كدا ليه مع العلم إن أنا كنت ٥٢ تقريبًا ودا مش وحش خاالص يعني بالنسبالي ممتاز، + أنا دايمًاا أصلاا ف الرينج دا برد عليهم هو أنا إمتا كنت أزيد من كدا ف هم بيبالغوا طبعًا ف الناس كدا كدا عمرهم ما هيعجبم شئ فسيبك منهم احنا مش عايشين عشان الناس كبري دماغك بجد، طبعًا ف الثانوية أكيد من الضغط والإرهاق الواحد ممكن يخس أو يزيد طبيعي دا على حسب كل شخص بس كدا كدا طبيعي لإن دي فترة صعبة ف كل هرموناتنا بتبوظ ودا بيظهر على الجسد بشكل عكسي أكيد

جاي ف دماغي دلوقتي دايت ورياضة، رياضة ودايت 😂

أنا مش عايزة عضلااات بقاا وكل دا خاالص والله العضلات دي لأبو تميم مش ليا😂، + حتى العضلات ف الرجالة الأوفر بيكون شكلها استغفر الله العظيم مش حلو لازم يكون ف تناسق منأفورش الدنيا ف احنا المفروض بنروح الجيم عشان نكون متحاملين وعشان كمان نطلع الطاقة اللي جوانا، نفصل، نقضي وقت لذيذة ونعدل مودنا بس كدا

وبجد كان عندي عقدة من الچيم أصلًاا ف فكرة إني كسرت العقدة دي وبروح دا إنجاز😂 كنت فاكرة إني لما أروح جيم هقلب بيچ ياسمين والجماعة دول وأنا أصلًاا مش حاسه إنه شئ فيميني خااالص خااالص.

أنا مش رايحه عشان أنزل أو أزيد ف الوزن هي الفكرة كلها إني بحس نفسي بتعب من أقل مجهود ف بروح الچيم عشان يكون عندي طاقة ومتحاملة شويه فاهماني، بقضي وقت لطيف هناك حقيقي بيكون ف طاقة إيجابية رهيبة.

حلقة تجويد*

ألم يُخبِرك أحدهم اليوم أنّك "بَطَل"؟ نعم أنت، بتِلك العثرات التي فيك، بتلك الأخطاء التي تعتريك، بتلك المحاولات التي لا تقف، أعلم حجم ما تحمل في نفسك، والحُلم الجميل في صدرك، ذاك الذي تحاول الوصول إليه ذات يوم، والغاية البعيدة التي تتأمّلها كلّ ليلة، وقلبك.. آآهٍ من قلبك يا فَتىٰ! كم تُحاول تأديبه وترتيبه. أعلم أنّك حين تكون وحدك، لا تكون وحدك! بل تُرافق حُلمًا وفكرةً وغايةً وأملًا وخطوةً، ترافق نَفسًا تُصلِحُها، وهمّةً تَعلَمُها، وروحًا ترتقي بها، ونجمةً في السّماء تُحادِثُها، وبطلًا يعيش فيك ولا تراه، فَهَلّا رأيت؟ كُـن بخير. - أ.قُصي عاصم العُسيلي.

https://t.me/+greMGDCUzoUzYTM0 مين ليه مش هنا؟🙈💗