Nigora Hasanova blogi

Inson o‘rganishni istagan muddatda tirikdir. O‘rgatishga ruju qo‘ygan ondan boshlab esa u bor-yo‘g‘i aks-sado beruvchi bo‘shliqqa aylanadi📚 @nigorabooklover

Inson o‘rganishni istagan muddatda tirikdir. O‘rgatishga ruju qo‘ygan ondan boshlab esa u bor-yo‘g‘i aks-sado beruvchi bo‘shliqqa aylanadi📚 @nigorabooklover

Aqlli o’rganishni xohlaydi. Ahmoq o’rgatishni. @nigorabooklover

U Siz bilan qaysi tilda gaplashadi? Munosabati yoqmayaptimi? Demak, yalmog’izini uyg’otib qo’yibsiz) @nigorabooklover

Men ancha avval o’qigan Mey Maskning “Rejali ayol” kitobida odamlarni tanlay bilish muhimligi haqida oddiy, tushunarli fikrlar bor edi. Mask sizni qoʻllab-quvvatlaydigan, ijobiy fikrlaydigan va hayotdan zavqlana oladigan insonlarni atrofingizga yigʻishni maslahat beradi. Sizni tushunmaydigan, doim shikoyat qiladigan va energiyangizni soʻradigan insonlardan voz kechish- aslida odamlarni tushunishning bir qismidir deydi. Mask bu mavzuda ikki xil toifa haqida yozadi. Aslida uchinchi toifa ham bor. Yuqoridagi ikki toifani birlashtirgan xarakter egalari. Bu qanday bo’ladi desa, bir vaqtning o’zida g’amxo’r, qo’llab-quvvatlaydi ammo shularning fonida istagan muomalasini qiladi. Bu chegarani buzish degani, bu menga mumkin degani. Bu toifa odamlarning xavfliligi shundaki, g’amx’orlikni niqob qilib, yanchib tashlashlari mumkin. Siz esa fokusni birinchi toifada ushlab turganingiz uchun uni tushunaverasiz, tushunaverasiz, og’riqlarini qabul qilaverasiz. Biz tushunishni boshqacha tushunamiz. Tushunish aslida nima? Boshqalarning xatolariga koʻz yumib, oʻz chegaralaringizni yanchib tashlashlariga yoʻl qoʻyib berishmi? Sukut saqlab, kimlarnidir boshga chiqarish va keyin chekkada ogʻriqdan azob chekishmi? Yoʻq. Ba'zan eng toʻgʻri yoʻl - sovuqqonlik va aql bilan oʻzlikni saqlab qolishdir. Hissiyotlarni chetga surib, hurmatsizlik va ogʻriqlarga vaqtida "yoʻq" deya olish- bu bagʻritoshlik emas, asliyatni tushunish , oʻzini asrash sanʼatidir. Oʻz qadrini bilgan inson kerakli joyda toʻxtashni va keta bilishni oʻrganishi shart. Oʻzligingizni saqlab qolish - eng oliy gʻalabadir. Insonlarni tushunishni toʻxtatganingizda, aslida oʻzingizni tushunishni boshlaysiz. Boshqalarning xatolarini "tushunish" niqobi ostida oʻz qadringizni yerga urishlariga yoʻl qoʻymang. Sukut har doim ham rozilik emas, baʼzan u eng baland ovozda aytilgan "yetar" deganidir. Har doim ham tushunib ketaverish bu- asta sekin o’zingizni, qalbingizni yo’qotib borish demakdir. Og’rigan qalbingizga siz ham xiyonat qilmang. Unga sadoqatli bo’ling. @nigorabooklover

O’z qalbingizga sadoqatli bo’ling..

Bu postimda baxtni mayda lahzalardan topish haqida yozgan edim. Bugun esa sizga bir savol: Hozir sizni kim yoki nima tabassum qilishga majbur qila oldi? Ehtimol, bu hozirgina ichilgan issiq qahva, yakunlangan yoki yangi boshlangan kitob balki yaqiningizdan kelgan qisqagina "Yaxshimisan?" degan xabardir? Keling, shu post ostida bugungi kunimizning eng kichik, ammo eng go‘zal lahzasini bo‘lishamiz. Men boshlab beraman: Men uchun yangi sayohatlar, yangi taqdirlar yangi kitoblar mutolaasi boshlandi. Kuzimning har kunida har doimgidan-da baxtliroqman! Qolgani bir gap bo‘lar) @nigorabooklover

Agar imkonim boʻlganda, baxtni har bir mayda lahzadan topish va uni boʻlishish uchun kelganimizni hamma qalblarga muhrlab qoʻyardim. Qattiq qalblarga sokinlik, mayinlik va nafosat shabbodasini elab, hayot goʻzalligini his qilishiga yordam berardim. @nigorabooklover

Anas ibn Molik roziyallohu anhudan rivoyat qilinadi: Nabiy sollallohu alayhi vasallam qabr oldida yig’layotgan bir ayolning yonidan o’tib qolib: -Allohga taqvo qil va sabr et,-dedilar. Ayol u zotni tanimay : -Bor, nari tur ! Mening musibatim senga yetmagan-da! - dedi. Shunda unga : - Bu zot Nabiy sollallohu alayhi vasallam-ku! -deyishdi. U Payg’ambarimizning eshiklari oldiga keldi va : - Men Sizni tanimabman,- deb uzr so’radi. Shunda u zot: - Sabr birinchi zarbadadir, - dedilar . @nigorabooklover

Sabr birinchi zarbadadir.

Kulib qo’ydim, chunki yig’lasam ko’zim yana shishib ketadi )

Bu yerdan sizni topa olmaydi. Chunki ular kitob o’qimaydi.. @nigorabooklover

Ba’zan katta davralarda ham o’zimni yolg’iz his qilaman. Doim haqiqatni qidiraman. Odamlarning nigohidan, so’zidan, harakatlaridan. Ammo hech tutqich bermaydi. Menga qaragan nigohlarda samimiy tabassum, ammo negadir haqiqat ko’rinmaydi. So’zlarda qatiyat lekin haqiqat yo’q. Harakatlar jonli, davomiy ammo haqiqat olisda. Har bekatdan, har nigohdan, har so’zdan har va’dadan qidirdim uni. Ammo odamlarning manfaati boshlangan joydagina u bo’y ko’rsatdi. Boshqa payt yashirindi. Men yillar davomida odamlar orasida qidirgan oʻsha soflik, samimiyat va mutloq haqiqat mitti satrlarning bagʻriga yashiringan ekan. Kitoblar meni butun borliq bilan, haqiqatning oʻzi bilan uchrashtirdi. Men qidirgan dunyo - odamlarning nigohida , so’zida emas, kitoblarning sargʻaygan varaqlarida yashayotgan ekan.. Shunday ekan odamlar o’z sahifalarini bezash uchun sizdan foydalanishiga yo’l qo’ymang. Kitoblarga yashirining 📖 @nigorabooklover

Daraxtlar barglarini to‘kkani kabi, inson ham ba’zan ortiqcha o‘y-fikrlar, charchoqlardan xalos bo‘lishni istaydi. Kuzdan kuzgacha ancha “yaproqlar” eskiradi, sarg‘ayadi. Ana shu o‘tmish o‘ylari - daraxtni baribir tark etadigan “yaproq”laringizni qo‘yib yuborib, bahor gullariga joy oching🌸 Xazon baribir xazon 🍂🍁🍁 @nigorabooklover

Bizga ertangi kun va’da qilinmagan. @nigorabooklover

#Bu_muhim #Mustaqillik_35 🟣  Xalq ichida, trendda va harakatda: XDP Mustaqillikning 35 yilligida! Facebook | Youtube | Instagram | X

Ayolning har jihatdan to’kis, o’z hayotidan mamnun va baxtli ekanini uning o’zini tutishidan bilib olishingiz mumkin. U haddan tashqari xuschaqchaq bo’ladi. Yaqinlari bilan suhbatda o’zini har tomonlama xavfsiz his qiladi va juda erkatoy hamda tentak bo’ladi. Hech qachon hech nimadan himoyalanishga ehtiyoj sezmaydi. Xushchaqchaqlik- bu buyurtma bilan paydo bo’ladigan sifat emas. Uning egasi o’ta sevilgan va qadrlangan kishidir. Ya’ni mard erkakning qo’lidagi ayoldir. @nigorabooklover