Refaatix Academy
Open in Telegram
REFAATIX is a trademark intended for use in physical therapy, rehabilitation, medical education, scientific research, healthcare innovation, medical software, artificial intelligence applications, educational publications, digital platforms, medical devic
Show more2 915
Subscribers
+224 hours
+227 days
+5830 days
Posts Archive
2 915
دلوقتي، بعد فترة من الشغل والمتابعة بفضل الله:
♥️ تحسن واضح في الانتباه والتفاعل
♥️ قدرة أفضل على التركيز وسط المثيرات
♥️ تحسن كبير في الـ standing والـ gait
♥️ وما زلنا مكملين شغل، لأن رحلة التأهيل لسه مستمرة
الصورة دي بعد إحدى الجلسات، وكنت بقولها:
"بصي يا توتة على الكاميرا" 😂📸
ورغم صوت الأطفال والدوشة حواليها... بصت وركزت ما شاء الله ♥️
والأحلى إن أهلها دلوقتي بيقولولي:
نبعتهالك إسكندرية؟ 😂♥️
الحقيقة الحالات مش مجرد sessions وخلاص...
أحيانًا طفل صغير يدخل حياتك، وبعد فترة تكتشف إنه ساب فيك أثر أكبر ما أنت أثرت فيه. ♥️
ربنا يحفظ توتة ويكمل شفائها على خير يا رب 🤍
2 915
كان عندها history فيه hypoxia، ومعاه delay في بعض الـ developmental milestones، خصوصًا الـ standing، بالإضافة إلى مشاكل في الانتباه والتركيز، وكانت بتظهر بعض الـ visual signs أثناء المتابعة احتاجت مراقبة مستمرة.
لما بدأت أسأل عن بيئة البيت، اكتشفنا إن فيه أكتر من مصدر صوت شغال في نفس الوقت: تلفزيون، كمبيوتر، موبايلات، أصوات إخوات... فكان واضح إن الـ sensory environment مزدحم جدًا بالنسبة لها.
اشتغلنا مع الأسرة على تقليل المثيرات وتنظيم البيئة تدريجيًا، ومع الجلسات بدأنا نشتغل على الانتباه، التتبع البصري، التفاعل، والمهارات الحركية في اتجاهات مختلفة.
والأجمل من الجلسات نفسها كان دور الأسرة ❤️
فاكر إن جدتها في البداية كانت خايفة جدًا وبتقول لمامتها كلام محبط عن مستقبلها، وكان لازم جزء من دورنا يكون دعم الأسرة وشرح الحالة بشكل واقعي ومن غير وعود مبالغ فيها.
2 915
دي تالين... وأنا بدلعها بقولها: يا توتة 😂♥️
حتة صغيرة مدلعّة موت، شنطتها دايمًا جاية مليانة حلويات وشوكولاتة، وبعد الجلسة تقعد جنبي تاكل وتكمّل اليوم كله كأننا في حضانة مش جلسة علاج طبيعي 😂🍫
باباها ومامتها بسبب شغلهم كانوا بيجيبوهالي قبل الشغل ويستلموها بعد ما يخلصوا، ومع الوقت بقيت بالنسبة لها نص Physical Therapist ونص Baby sitter رسمي 😂♥️
واتعودت عليا جدًا وبقت تسمع الكلام... وأنا طبعًا قلت:
دي العروسة التمام لما تكبر بقى 😂
لكن بعيدًا عن الهزار، حالة توتة كانت من الحالات اللي علمتني قد إيه الـ environment والأسرة والمتابعة المستمرة ممكن يكونوا جزء مهم جدًا من رحلة التأهيل.
2 915
Special_Tests_in_Musculoskeletal_Examination_An_evidence_based_guide.pdf6.47 MB
