Dr.speranza💜🩺

سنة رابعة راني منكم 😁 حنا نهار نبداو نقراو نتهلاو فيكم باذن الله

Je suis tjr disponible pour Vos questions 🐣

وبارك الله فيها زميلتكم لي طرحت هذه الاسئلة ..سبحان الله ساعات انسان يسقسي تحسبلو سؤال تاعو ماعندوش اهمية ..بصح اتخايل شحال من واحد يستفاد

4/ هل الطريقة المستعملة فالفيزيو تع السنة ثانية  تصلح فالفيزيو بات و السيميو بما أنو العامل المشترك بيناتهم هو الفهم الجيد للدرس العامل المشترك بيناتهم ماشي غير الفهامة ..فهامة وحفاظة ..واش الفايدة تفهم وماتحفظش 😁 ... انا مشكلتي الحفظ ..فالتكرار هو الحل ..في الكوش لولة يتعب الانسان من بعد خلاص اذا قريتها مليح الكوش الاولى لوخرين يجوك ساهلين ..بصح مالازمش يكونو متباعدين ليكوش ...قدر ما تبعدي..كي جي تروكوشي تلقاي روحك تقراي من درا وجديد 5/ هل السيميو تعتمد على الحفظ ان الفهم و هل تشوفي انو لي يفهمها بدون حفظ يساعدو بش يكمل بيها اعوام تاعو تع الميدسين(سنة رابعة،خامسة. قلتلكم..الطب =حفظ +فهامة... وباش تشفى لازم البراتيك ..يعني ماتغيبش في السطاج تاعك .. واذا ماتلاقيتش بالحالات لي قريت عليهم ..كاين اليوتوب...بصح جامي نسقسي الذكاء الاصطناعي في السيميو ...أستعمل الذكاء الاصطناعي للتلخيص فقط والتنظيم 6/هل صرالك وين مقريتيش كش مودول حتان قريب وصل الاكزاما و هل ممكن تمديلنا طريقة الدراسة لي اعتمدتي عليها في هذي الحالة ؟ المشكل ماشي ماقريتش ..المشكل مالحقتش نروكوشي.. لتدارك الامور بسرعة notebook lm كان المنقذ بعد ربي سبحانه... وزدت les notes QCM  و الحمد لله 7.هل تنصحينا بليكور تع الاساتذة و لا ليريو أحسن؟ تختلف باختلاف le module ..نتوما شوفو اذا الكور يبدلوه كيما في الفيزيوبات /الراديو /بيوشيمي يتبدلو بزاف ..اقراو بالجديد  السيميو كنت نقرا بالاصيل ..ومع les QCM  تصيب عفايس زايدين اكتبهم عندك Les modules ميكروبيو قريت بواحد الكتاب ..بانلي خير من الكور تع البروف ..بانلي الكور تع البروف بزااف ناقص سورتو les Atb فاراماكو مايتبدلوش بارازيتو قريت بواحد الكتاب فيه غير المفيد بيسك الكور تع البروف بزاف طويل تحير  واش تدي واش تخلي ..بصح ديرو في بالكم كنت الكور ندخلو في notebook lm  يعني كان علابالي واش فيهم أمبعد نحطلكم تصاورهم الكتابات باذن الله

نكملو السلسلة 👀✅ ؟

Hello doctors 🥼 3ème Anne med I'm cooking something for u fe whed men les modules 🤫 And as usual Kayen une surprise ..u can say it's a gift 😁 Sooooon😉

نسيي كل يوم نجاوب على مجموعة منهم باش ماتكرهوش السلسلة الاولى من الاسئلة

1/ في السنة الثالثة كيفاش قدرتي تتعاملي مع لاشارج و خصوصا أنو هو أكثر عام شارجي؟

ماكاش حل سحري... تكونو à jours ..وساعات مام تقرا ودير لي عليك تكون روطار 😁 ... ماراهيش مقتصرة غير على السنة ثالثة.. في كل عام نطيح في هذ العفسة تع لاشارج .. الصراحة الانسان يقرا يقرا ..بصح ساعات الجسم تاعو لازم يرتاح شوية من ناحية لاشارج كيفاش نتعامل معاها ..نحسب شحال بقا لليكزامان وشحال عندي من كور... نقسم عدد ليكور على عدد الايام الباقية..ودايما نقص الايام الباقية مثلا مزال 3اسابيع انا نقول مع روحي مزال 2 برك ..ولازم نلتزم بالبرنامج

2/وشنو هي أفضل وحدة جازت عليك وشنو هو أفضل مودول

أفضل وحدة كانت neuro et Endo ... Pour les modules حبيت بزاف الفارماكو و الميكروبيو وين البكتيريا

3/هل كاين احتمال انو توفقي في الدراسة بين المودول و الوحدة في حال انت وفقتي مديلنا خططك الدراسية

أحيانا اوفق أحيانا نكون روطار ... كنت نخدم بالأولويات ..نعطي الأولوية لل unité .. و بعدها les modules ... كنت نسيي نليكيدي مع الصباح السيميو الماكس .. مور الظهر module تع unité مثلا فيزيوبات ولا راديو ولا بيوشيمي .... مور المغرب ندير module .. بصح ماراهش برنامج ثابت ساعات نقعد حاصلة غير مع كور واحد 😂 في نهار كومبلي ..وساعات تمتم نكمل

زميلتكم بعتتلي مجموعة من الاسئلة ..جاوبت عليها دوك نشاركها معاكم

Where are you doctors 😁

سنة ثالثة U can save it ... U need it for microbio

تسمعو بالجمرة الخبيثة ؟ Bacillus anthracis اتفكر عنترة gram + Immobile Peut former Des spores Manifestation Clinique du charbon (cutané , pulmonaire mortel) Traitement: péni G #microbio

نفكركم وين قريناها ؟😁

Une spore bactérienne

une forme de résistance ultra-résistante que certaines bactéries fabriquent pour survivre lorsque leur environnement devient hostile

الأبواغ

الأبواغ البكتيريةهي شكل دفاعي عالي المقاومة تلجأ إليه بعض أنواع البكتيريا للبقاء على قيد الحياة عندما تصبح الظروف البيئية المحيطة بها قاسية أو غير ملائمة ونقدرو نعتبروها ايضا حالة خمول للبكتيريا بصح تكون مقاومة

تسمعو بالجمرة الخبيثة ؟ Bacillus anthracis اسم البكتيريا بالفرنسية

🦠 Anthrax: une bactérie utilisée comme arme ! Saviez-vous que Bacillus anthracis peut former des spores capables de survivre longtemps dans l’environnement ? Cette bactérie provoque l’anthrax, appelé « la maladie du charbon », en raison de l’aspect noir caractéristique de certaines lésions cutanées. Plus étonnant encore : ses spores ont été utilisées dans des programmes d’armes biologiques en utilisant des lettres contaminées ces derniers ont servi à diffuser l’agent infectieux

. بالعربية

🦠 الجمرة الخبيثة: بكتيريا استُخدمت كسلا_ح! هل تعلم أن Bacillus anthracis يمكنها تكوين أبواغ قادرة على البقاء في البيئة لفترات طويلة؟ تسبب هذه البكتيريا مرض الجمرة الخبيثة (Anthrax)، وسُمّيت «جمرة» بسبب المظهر الأسود المميز لبعض الآفات الجلدية. والأكثر إثارة للاهتمام تاريخيًا: استُخدمت أبواغها في برامج الأسل-حة البيولوجية، لنشر العدوى عبر رسائل بريدية ملوثة.

Vitalian: حرقت المعلومات نهار كملنا ليزكزامان خللاصلي السطوكاج

تسمعو بالحر-وب البيولوجية ؟ أمبعد نحكو على واحد البكتيريا استعملوها في هذ السياق ..فيتاليا قريناها هذ العام 😁 يادرى اذا شفيتو عليها