Visions Library

မဂ်လာပါ ကဗျာကိုစိတ်ဝင်စားသူတွေရှိလားဗျ ကျွန်တော်ကဗျာတွေ တင်ပေးလာတာ ခုဆို ၁၅ ပုဒ်ရှိသွား ပါပြီ အခု မတူတာလေးတစ်ခုလုပ်ချင်ပါတယ် ကိုယ်အကြိုက်ဆုံးသော ကဗျာ တစ်ပုဒ် ကို ဒီ မန့်မှာ ရေးသွားပေးပါ အဲ့ထဲက ငါးပုဒ် ကို bro တို့ sis တို့ရဲ့ acc name နဲ့တင်ပေးပါမယ် အမှတ်တရပေါ့

'ဖိုးမောင်လာပြီ' မှိုင်းညိုညဉ့်ရိပ်၊ လူခြေတိတ်၍ ရေဆိပ်အနား၊ ရွာတံခါးမှ ဂုပ်ကျားကျယ်လောင်၊ ဆီးကြိုဟောင်သော် ဖိုးမောင် လာပြီ ဆိုကြသည်။ ဟောင်သံရပ်၍ ထပ်ကြပ်ပေါ်လာ၊အသံမှာကား 'ညခါ ငါးထောင်၊ မောင်ဖိုးမောင်သည် ရွာတောင်ချောင်းက ပြန်ခဲ့ပြီ။' ဖိုးမောင်သံကြား၊ ကင်းသမားက တံခါးကြီးအောက်၊ မလွယ်ပေါက်ကို တစ်ယောက်ဝင်သာ၊ ဖွင့်လိုက်ပါသော် ယာတွင်အုပ်ဆောင်း၊ ဝဲ တက်ချောင်းနှင့် ခါးစောင်းကိုယ်ကိုင်း၊ ငါးပလိုင်းကို လွယ်သိုင်းပြီးလျှင်၊ ရွာကိုဝင်သည် လူပင်လေလား တစ္ဆေလား။ တစ္ဆေ မကြောက်၊ မြွေ မကြောက်ဘဲ တစ်ယောက်တည်းပင်၊ ညဉ့်မှောင်တွင်၌ သူလျှင် ငါးရှာ၊မကျွေးပါက ထိုရွာသူသား၊လူအများတို့ ငါးစိုငါးစိမ်း ငတ်ပေလိမ့်။ ဆောင်းတစ်ည၌ ချမ်းမြစိမ့်အေး၊လခြမ်းကွေး၍ ရွာဘေး ကျီပျက်၊ မှောင်နက်နက်မှ ဇီးကွက်ကအော်၊ တောက်တဲ့ကြော်စဉ် ရွာပေါ်လွှမ်းအောင်၊ ဂုပ်ကျားဟောင်သည် ဖိုးမောင် လာချိန် ပါတကား။ သို့ဖြစ်သော်ငြား၊ခါတစ်ပါးသို့ တံခါးဝင်လို၊သူမဆိုဘဲ 'မောင်းကိုထုပါ၊လူစုပါဟေ့ ရွာကိုဘေးမှ၊ကာကွယ်ကြလော့ ဓားပြ ငါ့အား၊ဖမ်း၍ထား'ဟု စကားမဆုံး၊ဟစ်အော်တုန်းတွင် ဒိုင်း ဒုန်း ဒိန်းသံ၊ရွာလုံးညံသည် ချောင်းယံ ပဲ့တင်ထပ်သတည်း။ ဖိုးမောင့်နိဂုံး၊ဤတွင်ဆုံးလည်း ရွာလုံးစိတ်တွင်၊ဖိုးမောင်ဝင်၍ ပဲ့တင်ထပ်ကာ၊ ဟည်းလျက်ပါတည့်။ ဘယ်ခါမဆို၊ဆီးလင့်ကြိုသို့ မှိုင်းညိုညဉ့်ရိပ်၊လူခြေတိတ်၌ ရေဆိပ်အနား၊ရွာတံခါးမှ ဂုပ်ကျားကျယ်လောင်၊ ရမ်းရော်ဟောင်သော် ဖိုးမောင်လာပြီ ဆိုဆဲပင်။     ။                                   –မင်းသုဝဏ် 15.

#VisionsLibraryTeam

"စိတ်" စိတ်(mind)သည် လူသားတစ်ဦး၏ အင်အားကြီးဆုံးအရင်းအမြစ်ဖြစ်သည်။ လူတစ်ဦး၏ စိတ်အပေါ်မူတည်ပြီ ဘ၀ပုံစံပြောင်းလဲနိုင်သည်။ စိတ်က ဆုံးဖြတ်ချက်များနှင့် အပြုအမူများကို ဦးဆောင်ပေးသည်။ စိတ်အားထိန်းချုပ်နိုင်လျှင် ဘဝအား ပြောင်းလဲနိုင်သည်။ ဒီတော့ စိတ်ကိုနားလည်ဖို့၊ ထိန်းချုပ်ဖို့ နှင့် လေ့ကျင့်ဖို့ လိုအပ်ချက်က ဘာလဲ? စိတ်ကိုဘယ်လို ထိန်းချုပ်မလဲ? မကောင်းတဲ့စိတ်ကို ဘယ်လို အင်အာကောင်းအောင် လေ့ကျင့်မလဲ? ဒီဆွေးနွေးပွဲမှာ စိတ်ရဲ့အကန့်အသတ်တွေကို ကျော်ဖြတ်ပြီး အာနိသင်ထက်သန်စွာ ဖန်တီးနိုင်ဖို့ နည်းလမ်းများကို ရှာဖွေနိုင်ပါမည်။ စိတ်က သင်၏အကောင်းဆုံးရင်းနှီးမြှုပ်နှံမှုဖြစ်နိုင်သလို သင့်၏ အဆိုးဝါးဆုံးရန်သူလဲဖြစ်နိုင်ပါတယ်။ သင်ဘာကိုရွေးချယ်ချင်ပါသလဲ? ဆွေးနွေးပွဲအချိန်မှာ တွေ့ဆုံပြီး စိတ်၏ အမှန်တရားများကို ရှာဖွေကြပါစို့။ စိတ်ကိုနားလည်ပါစေ။ စိတ်ကိုထိန်းချုပ်ပါစေ။ စိတ်ကိုအောင်မြင်ပါစေ။ https://t.me/+PJvVd6GxRRo4N2E9 Time - 12/1/2024(တနဂ်နွေနေ့) 8:00 pm - 9:00 pm Myanmar Visions Community

ဖန်မီးအိမ် ဖန်မီးအိမ်သည် ကြောင်လိမ်နွယ်ဆင့်၊ နန်းအိမ်မြင့်မှာ ထွန်းတင့်နိုင်မည် မဟုတ်ပါ ဖန်မီးအိမ်သည် တိမ်လွှာကိုစား၊လရထားဖြင့် ဝံ့ကြွားစွာလျှင်၊ခရီးနှင်သည့် သခင်တို့မြန်း၊ပန်းခင်းလမ်းတွင် ညှိထွန်းနိုင်မည် မဟုတ်ပါ ဖန်မီးအိမ်သည် မငြိမ်မသက်၊စိတ်ယောက်ယက်နှင့် လမ်းပျက်တူရူ၊လျှေက်လာသူကို အားကူမျှသာ ထွန်းမည်တည်း။ သူ့အဆင်းသည် နေမင်းပမာ၊သော်တာအလား မဝင်းငြားလည်း၊သူ့အားသူ့မာန် သူ့ပိုင်ဟန်ဖြင့်၊သူသန်ရာမှ ဤလောကကို အလှ ဆင်လိုဟန်တကား။ ။ –တင်မိုး 14.

အသံအက်သွားတဲ့ ခေါင်းလောင်းလေး ရောင်စုံပန်းခြင်းတစ်ခု စတုတ္ထတန်း ကျောင်းသားကျောင်းသူများ ကောင်းမှု အဖူးအငုံ ပွင့်ရုံပွင့်ချပ်၊ပွင့်ချပ်ညိုးရော် သော်က၊ဇီဇဝါ၊စကြာ၊ပုဏ္ဏရိတ် သွယ်ချိတ်ကုံးယှက် မျက်ရည်စက်တွေနဲ့ သူ့အတွက်လေ..... ဖိနပ်မဲ့ခြေဖဝါး မေးခိုင်ပိုးစားခြင်း ထင်းရူးသားသေတ္တာ လဲလျောင်းစရာ သွားပေဦးတော့ကွယ်..... ဘုန်းကြီးအို တစ်ပါးထံ ဝတ္ထုငွေ ငါးကျပ်နှံအပ် သရဏဂုံ ဆည်းကပ်လေ ကောင်းရာဘုံဘဝ ရောက်ပါစေ အမိကို ကူ အဖကို ကူ အပူမျှ ယူ ခဲတံမဲ့ သူ စာအုပ်မဲ့ သူ အပူအားလုံး ငြိမ်းပေါ့ သေတ္တာဖုံးရိုက်ပိတ် လျာအဆိပ်သင့် ရင်နင့်နေခိုက် ရှိက်သံ တချက် တချက် သံစူးသတဲ့ တော်တို့ရေ..... အကြော်သည်အမေ မြေလူးလေရဲ့ စာသင်ခန်း နောက်ဆုံးတနေရာ လစ်ဟာနေမှာ... ကျောင်းခေါ်ကြိမ် စာရင်း မင်းနာမည်ကျော်ဖတ်ရတော့မှာ ခုံပေါ်မတ်မတ် ရပ်ရမည့် ပြစ်ဒဏ် မင်းဝိဉာဥ် မခံစားစေတော့ သင် သွားလိုရာသွားနိုင်သည် မကြားဝံ့ဝံ့ နှုတ်ဆွံရှိက်ငင် တစပြင်အထွက် နှောက်ယှက်ဆဲ အသံတွေ မနက်ဖြန် မနက် ကျောင်းအတက်မှာ ဆရာမလက် ခေါင်းလောင်းအထိုး ခက်ပေလိမ့်။ –မအိ 13.

နှစ်သစ်ဆုတောင်း -------------------------- အမြင်ကျဉ်းမြောင်း စိတ်ကျဉ်းမြောင်း၍ တွင်းအောင်းရသည့်ဘဝမှ လွတ်ပါစေ ။ စိတ်ဓာတ်သေးနုပ် ဉာဏ်သေးနုပ်၍ ချုပ်ချယ်မှုအမျိုးမျိုးမှ လွတ်ပါစေ ။ တို့အချင်းချင်း ခေါင်းထက်နင်း၍ သိမ်ဖျင်းလုပ်ဇာတ် စိတ်ယုတ်ပတ်နှင့် ပုတ်ခတ်ကြသည့်ဘဝမှ လွတ်ပါစေ ။ သူက မမှန် ငါက မှန်ဟု တယူသန်စွဲ စိတ်သေးဖွဲနှင့် ငရဲဘဝမှလည်း လွတ်ပါစေ ။ သူ့ဂုဏ်ကိုချ ကိုယ့်ဂုဏ်ပြကာ မာန စကား တဖွားဖွားနှင့် အမှားကမ္ဘာမှလည်း လွတ်ပါစေ ။ မကောင်းမှု ခင် ကောင်းမှု ကြဉ်သည့် ဉာဉ်ဆိုးဉာဉ်မိုက် မီးပုံမြိုက်၍ ငိုရှိုက်ရခြင်းမှလည်း လွတ်ပါစေ ။ နှစ်သစ်မြတ်ဆု ဤကောင်းမှုကြောင့် သာဓု သာဓု ခေါ်စေသော် ။ ။ –တင်မိုး 12.

တံငါရွာကပန်းလှေ တံငါ့ငယ်ပေါင်း၊ လှေအိုဟောင်းမှာ စပ်ကြောင်းအက်ကွဲ၊ သစ်ရောင်မွဲလို့ ထင်းခွဲဆိုက်သင့်၊ ဖြစ်သဖြင့်လည်း ကြာလင့်နှစ်ပေါင်း၊ အဖော်ကောင်းမို့ မြေလောင်းထည့်ထား၊ ပန်းမျိုးပွားကာ တဲနားရှေ့ပြင်၊ ပန်းခုံစင်။ တံငါလှေအို ငါးစိုမတင်၊ ပိုက်မဆင်တော့ ညိုမင်မုန်တိုင်း၊ ရေလှိုင်းယှက်ပန်း မကူးသန်းတော့။ ပင်ပန်းဒဏ်ကျေ၊ ကုစားနေသို့ ပန်းလှေကြီးဖြစ်၊ ပွင့်သစ်ရွက်ဆင် မြေပြင်ရပ်နား မရွေ့လျား။ ငါးညှီနံ့လိမ်း ငါးစိမ်းသည်တင်၊ ဟိုယခင်ပေါ့။ ခုတွင်ပုံထူး၊ ပန်းကုန်ကူးလို့ လှေဦးပဲ့ စင်၊ ရနံ့တင်ကာ ရွာဝင်လမ်းထဲ၊ ပန်းနံ့ကြဲ။ ။ –ကြည်အောင် 11.

နှစ်သစ်မှာ Subscribers 1k ပြည့်သွားပါတယ်ဗျို့❤️

Ready ?🔥🔥

အသက်သည်အိပ်မက် အိပ်မက်သည်သူ သူသည်အိပ်မက်ဖြစ်စေ ဆောင်းနှောင်းလျှင်နွေဦး၏ နွေဦး၌နှင်းကြွင်းသည်။ နှင်းကြွင်းပြယ်သော်လည်း သစ္စာကြွင်းစေ။ မြတ်နိုးခြင်း ကြွင်းစေ။ –သျှပ်မှူးကျော် 10.

ချစ်သူသိလေ ပန်းပွင့်ရှိမှ၊ ရနံ့ရတာ မဟုတ်ပါဘူး၊ ဖူးသည့်တစ်ငုံ ထုံသည့်တစ်ပွင့်၊ နမ်းခွင့်တစ်ရှိက် ရသည်ံ့ခိုက်မှ၊ ထာဝရတည် ကာလရှည်လျား၊ နှလုံးသားမှာ စွဲမြဲစွာဖြစ်၊ ထုံနံ့ယစ်ဝေ ပျံ့ဆွတ်စေ၏၊ ချစ်သူသိလေ... မျက်နှာတွေ့မှ၊ မြင်ခွင့်ရတာ မဟုတ်ပါကွယ်၊ ဘယ်ကိုသွားသွား ဘယ်နားရောက်ရောက်၊ ဘယ်လောက်ဝေးဝေး အတွေးမှာရှိ၊ အကြည့်မှာမြင် သူပဲထင်တယ်...၊ ကောင်းကင်လိုပဲ မော့ကြည့်ဆဲမှာ၊ တွေ့နိုင်ပါ၏ ချစ်သူသိလေ...။ အသံကြားမှာ၊ နားမှာဆက်ဆက် ကြားလာတတ်တာ၊ မဟုတ်ပါလေ စမ်းရေသံကြား၊ သူ့စကားရှိ ငှက်၏တေးမှာ၊ သူ့သံသာတွေ နှုတ်ခြွေစကား၊ နားမှာတီးတိုး ဟိုး...အရင်ကလို၊ ရွင်ချိုကြည်မြ ကြားနေရ၏၊ ချစ်သူသိလေ... ချစ်သူသိလေ... သတိရလျင်၊ ဒေသအကွာ နေရတာကွဲ၊ ဘယ်လိုခွဲခွာ ဘယ်လောက်ကွာမလဲ... ဘယ်မှာဖြစ်ဖြစ်၊ တွယ်တာရစ်ငင် ထာဝရထင်သော၊ ရင်ထဲအရိပ် စွဲလမ်းစိတ်ဖြင့်...... အိပ်မက်တိုင်းမှာရှိနေသူ...။ –မောင်စိန်ဝင်း(ပုတီးကုန်း) 9.

ချစ်သူ့အတွေး လမင်းက အရှင် ကြယ်စင်က ကိုယ်ဆိုပါတော့။ မြေကမ္ဘာ ပတ်ချာဝိုက်လို့ လိုက်ပါ့မယ်နော့။ နှင်းဆီက ကလျာ ဆူးညှာက ကိုယ်ဆိုပါတော့။ ရွေလိပ်ပြာ တောင်ပံကားကို တားပါ့မယ်နော့။ ဗေဒါကသခင် ရေပြင်ကကိုယ်ဆိုပါတော့။ သောင်မတင်လိုရာကြွအောင် ဆောင်ပါ့မယ်နော့ သို့ပေမယ့် ကြွေပွင့်က ချစ်နှမ အပင်က ကိုယ်သာလျင် ဖြစ်ချင်ဘူး ကိုယ်တွေး ကြွေပွင့်ငယ် ချာချာဝဲ လေထဲမှာ ပျံပျံကာ သင်လွင့်ရာ ကိုယ်မှာမကြွနိုင်ဘု အထီးကျန် မျက်ရည်စငယဲနဲ့ လွမ်းရမယ်လေး။ ။ –တင်မိုး 8. Merry Christmas present.