عِلم شرعي بالدّارجة

▪️صارحني لتلقي النقد البناء بسرية تامة ▫️ هنا يمكنك ارسال اي رسالة لي , انا مستعد لمواجهة الصراحة 😅 . - تبرع لإستمرار عمل بوت صارحني 🎁 -

ايه نسيت وليت كي نغيب يسقسو عليا جميلاتي متابعات الصفحة و القناة نبغيكم والله نتوما اخواتي و نشتيكم او او او علابالكم علابالكم 🌱

هاذي عندها سنين وقت كنت اجتماعية و ما كنتش علم شرعي بالدّارجة و كانو عندي بزف اصحاب نحكي معاهم و نڨصر و نعلق و نآجوتي ... الخ بصح كبرنا و كي كبرنا تبدلنا و كي تبدلنا نقصنا الهدرة و نقصو اصحابنا او ولينا نعتازلو المواقع و مكاش لي يسقسي علينا خاطر وجودنا ما ولاش فيه حس نقلكم بلي كل ما تكبرو راح تتبدلو و ما راحش تبقاو دايمن بنفس العقلية ... يعني مهما راكم تعيشو اليوم صدقوني راح يجوز مليح ولا عيان و راح تتعلمو و اي انسان واعي تعرفوه في حياتكم ما كانش واعي قبل و دار بزاف اخطاء قبل ما ينضج و يولي بهاذي الصورة المبهرة و الجميلة تمم !! برك تحتاجو الارادة بش تبدلو كل حاجة خطأ ما ترضيش ربي و ماشي عاجبتكم في رواحكم خلطتها وقيلا ياربي تكونو فهمتو ايه " انها اعراض الكهلنة" سلاااام 🫵🌱

نبعثلكم حاجة من الارشيف ؟!

كاين أوقات تكون فيها العزلة عن الناس نعمة، وماشي بالضرورة العزلة معناها أنك تكره الناس ولا تقطع علاقتك بيهم. أحيانًا، تبعادك شوية على الناس يكون هو اللي يحفظلك دينك، وقلبك، ولسانك. ومن فوائد العزلة: 1. تتفرغ للعبادة النبي ﷺ سُئل: «أي الناس أفضل؟» فقال: «مؤمن يجاهد بنفسه وماله في سبيل الله»، ثم قال: «ثم رجل معتزل في شِعب من الشعاب يعبد ربه». وفي رواية: «يتقي الله ويدع الناس من شره». يعني الإنسان اللي يبعد على الناس، ويتفرغ لعبادة ربه، ويأمن الناس من شره، هذي في بعض الأحوال تكون فضيلة. 2. تحفظك من الرياء كاين أعمال بينك وبين ربي، كلما بعدت فيها على أعين الناس، كلما كنت أبعد عن حب المدح والثناء، وأقرب للإخلاص. وزيد، العزلة تريحك من بعض الناس اللي وجودهم يثقل عليك ويستنزفك بلا فائدة. 3. تحمي دينك وقت الفتن النبي ﷺ قال: «يوشك أن يكون خير مال المسلم غنم يتبع بها شَعَف الجبال ومواقع القطر، يفر بدينه من الفتن». يعني كاين فتن، يكون الابتعاد عليها والفرار منها أحفظ للعبد من أنه يدخل فيها ويتأثر بها. 4. تبعدك على أذى الناس وشرهم مش كل مخالطة نافعة. كاين ناس إذا كثرت مخالطتهم، كثرت معاهم المشاكل، والخصومات، والغيبة، والنميمة، والجدال، وحتى الأذى. وأحيانًا سلامة دينك ونفسك تكون في أنك تعرف إمتى تبعد. 5. تحفظ لسانك وهذي من أكبر فوائد العزلة. لأن الإنسان كي يقعد بزاف مع الناس، يولي معرض يسمع، ويحكي، ويعلّق، وينتقد، ومن كلمة لكلمة يلقى روحو دخل في الغيبة وهو ما حسش. قال ﷺ: «طوبى لمن ملك لسانه، ووسعه بيته، وبكى على خطيئته». وماشي قليل أن الإنسان يلقى روحو سالم من ذنوب كثيرة غير لأنه ما خالطش الناس في كل وقت. 6. وقت الفتن، الزم بيتك النبي ﷺ قال: «كونوا أحلاس بيوتكم». والحِلس هو الشيء اللي يلزم ظهر البعير، يعني الزموا بيوتكم وقت الفتن، وما تدخلوش في كل شيء. لأن بعض الفتن ما تحتاجش منك أنك تواجهها، تحتاج منك أنك تنجو منها. 7. ومن أجمل ما جاء في العزلة: قال رسول الله ﷺ: «إن الله يحب العبد التقي الغني الخفي». يعني عبد يخاف ربي، مستغني بالله، وماهوش حريص باش يكون ظاهر للناس، ولا معروف عندهم، ولا دايمًا يبحث على حضورهم وانتباههم. لكن... وهنا لازم نفهمو حاجة مهمة: العزلة ماشي معناها أن الإنسان يقطع الناس كامل. لأن الاختلاط بالناس عندو فوائد كبيرة: تتعلم وتعلّم، تصلي الجماعة، تزور المريض، تتبع الجنائز، تصل رحمك، تقضي حوائج الناس، تخدم وتطلب رزقك، وتنفع غيرك. وقال النبي ﷺ: «المؤمن الذي يخالط الناس ويصبر على أذاهم، خير من الذي لا يخالطهم ولا يصبر على أذاهم». إذن القضية ماشي: نخالط الناس ولا نعتزلهم؟ القضية: وين تكون المخالطة نافعة؟ ووين تكون العزلة أحفظ ليا؟ إذا كنت تعرف من روحك بلي كثرة الاختلاط تدخلك في الغيبة، والرياء، والجدال، والفتن، أو الناس يضرّوك في دينك ونفسك وعرضك، وما عندكش قدرة تصبر على أذاهم، فهنا الابتعاد قد يكون أصلح لك. وفي نفس الوقت، إذا كانت المخالطة فيها خير ونفع، وتقدر تصبر على أذى الناس وتحفظ دينك ولسانك، فالمخالطة خير. العزلة عندها مواضع، والمخالطة عندها مواضع. والعاقل ما يمشيش مع قاعدة وحدة في كل حياته. يعرف روحو، ويعرف الناس اللي حوليه، ويعرف حال الفتنة، ويشوف وين يكون قلبه ودينه أسلم. لأن المقصود ماشي أنك تكون وحدك... المقصود أنك تكون مع ربي، سواء كنت وسط الناس ولا بعيد عليهم

السلام عليكم 🫡🌱

قتلكم قبل أنو هاذي القناة ماشي كيما صفحة الفايسبوك ؟! هنا القناة نسائية برك ماشي كيما الفايس يقترح وش نپارطاجي للجميع خاصة الرجال فهنا مكن نشارك معاكم آراء ولا نصائح ولا صور لطيفة ولا حتى ڨصرة أحيانا يعني ماهيش بهاذيك الرسمية هنا متسع لي مع أخواتي ... و أكيد هنا أنتن أقرب لأختكنّ " عِلم شرعي بالدّارجة"

الباقي ممبعد نردلكم فالخاص غدا ان شاء الله

الله الله ايش هاذي الاخبار السعيدة اللهم بارك ثبته الله في قلبها و وفقها للعمل به و العاقبة لنا جميعا

⁣💌 وصلتك رسالة جديدة ⏱ وقت الرسالة: 2026/08/25 - 02:41:53 AM ---- طالبة رفيقتي ختمت القرآن اليوم🌸 ---- - تبرع لإستمرار عمل بوت صارحني 🎁

أحبك الله الذي أحببتنا له اختي 🌱

⁣💌 وصلتك رسالة جديدة ⏱ وقت الرسالة: 2026/08/25 - 02:27:47 AM ---- احبك ---- - تبرع لإستمرار عمل بوت صارحني 🎁

خبرت خاطر ضحكتني 😭😭😭😭😂 حفظه الله و ربي يبارك فيك و احبك الله الذي أحببتنا له جميلتي

⁣💌 وصلتك رسالة جديدة ⏱ وقت الرسالة: 2026/08/25 - 02:35:29 AM ---- السلام عليكم ورحمة الله وبركاته بغيت نحكيلك حكاية تضحك مالا عندي طالبة تدرس أطفال صغار قالتلي كان يقرا عندها طفل مينطقش حرف الرااء عيات تعلم فيه والو ايا جات اختها زعما قالتلهم خلااص انا نعلمهم ايا قالتهه قول قيق ايا قالها إيء ايا ضحكي غي نتي وخلاص متخبري حتى واحد وأحبك في الله الله ينفع بك ويفتح عليك ويرزقك من فيض أمانيك ويرزقك نعيمي الدنيا والآخرة 🫂 ---- - تبرع لإستمرار عمل بوت صارحني 🎁

ما أدري بصح والله غير فرحت مبارك لها و أنبت الله ذريتها نباتا حسنا 🌱 نمدلكم العنوان ابعثولي حقي تع الطمينة 😭

⁣💌 وصلتك رسالة جديدة ⏱ وقت الرسالة: 2026/08/25 - 02:33:21 AM ---- ميسون ولدت الحمد لله ❤️‍🩹❤️‍🩹 ---- - تبرع لإستمرار عمل بوت صارحني 🎁

احكولي امور صايي ما تطلبوش نصائح راني عطلة : /

▪️صارحني لتلقي النقد البناء بسرية تامة ▫️ هنا يمكنك ارسال اي رسالة لي , انا مستعد لمواجهة الصراحة 😅 . - تبرع لإستمرار عمل بوت صارحني 🎁 -

رُبعُ قَرن كبرنا ياااه 🌱