Люты фэст

Пачынаем трансляцыю ў каментах

Першая гульня ЛФ — ад маэстра шарад і шароідаў

Расклад Рэгламент Рассадка ШДК Апеляцыі ЧРБ па БРБФ Студэнцкі БРБФ ЧРБ па Хамсе Студэнцкая Хамса Гульні ў словы

Пра дадатковую гульню Яна пройдзе ў кіналекцыйнай зале падчас плэй-оф ЧРБ па БРБФ (гэта з 19:30, у студэнтаў якраз усё скончыцца). Да гульні могуць далучыцца ўсе жадаючыя (ёсць ліміт удзельнікаў, але пра яго скажам на месцы). Гульня пройдзе на кахута-замяшчальніку — платформе Mentimeter. Для ўдзелу вам будзе неабходна перайсці па спасылцы menti.com і ўвесці гульнявы код. Вас чакае 40 пытанняў па-беларуску і з большага — на беларускім матэрыяле. Ілюстрацыя — Віталь Цвірка. Суботні дзень. Лазня (1974)

Парадак тураў Субота 1. Сяргей Дубялевіч і Максім Сыраваткін. 2. Антон Гусакоў. 3. Антон Варанько і Дар'яна Дабранская. Нядзеля 4. Аляксандр Рудэнка. 5. Арцём Гулецкі. 6. Аляксей Аніскавіч. Ілюстрацыя — Раіса Кудрэвіч. Подых вясны (1976)

Пра што можна спытаць на беларускай мове? Як падмануць гульцоў з дапамогай формы? Дзе знайсці пласт незабінгаваных ведаў? Як напісаць пытанне, годнае «Буслянкі»? І галоўнае: Што за дзядзечка Педра стрыжэ газон на «Camp Nou»? Чытайце ў інтэрв'ю з рэдактарам і арганізатарам «Лютага Фэсту» Сяргеем Дубялевічам.

Прывітанне! Усе запрашэнні студэнтам былі дасланы на пазначаныя пошты. Калі ваша кіраўніцтва нічога не атрымала, то напішыце Паўлу Малецкаму. Ілюстрацыя — Май Данцыг. Мой Мінск (1967).

Прывітанне! Заявачная на "Люты фэст" працягнецца да канца пятніцы 20 лютага. Заяўка: запаўненне формы. Праверыць сябе: спасылка. Ілюстрацыя — Леанід Шчамялёў. Зіма (1957).

Дабранак! Мы б хацелі абвясціць, што гатовы зрабіць запрашэнні для студэнтаў, якія вучацца ў суботу 28 лютага. Для гэтага вам патрэбна запоўніць класічную форму. Гэта неабходна зрабіць да канца тыдня (23:55 19 лютага). Калі ласка, не адкладвайце гэтую справу! Ілюстрацыя — Вітольд Бялыніцкі-Біруля. Зімовы сон (1911).

Прывітанне! З вялікай радасцю абвяшчаем, што 28 лютага — 1 сакавіка ў Мінскім дзяржаўным палацы дзяцей і моладзі (Старавіленскі тракт, 41) адбудзецца "Люты фэст". Мы таксама адчуваем пэўную іронію ў датах, але назву мяняць не будзем. Турнір з'яўляецца этапам студэнцкага і дарослага Вялікага Кубка. Вас чакае: Асноўная дысцыпліна (6 тураў па 15 пытанняў): Аляксей Аніскавіч, Антон Варанько і Дар'яна Дабранская, Арцём Гулецкі, Антон Гусакоў, Сяргей Дубялевіч і Максім Сыраваткін, Аляксандр Рудэнка. Чэмпіянат Рэспублікі Беларусь па Хамсе: Максім Круглоў, Юлія Лунёва, Дзмітрый Сахараў; Рэгламент Квоты Чэмпіянат Рэспублікі Беларусь па Брэйн-рынгу без фальстартаў: Аляксей Трэфілаў; Рэгламент Квоты Гульня ў словы: Дзмітрый Штукацер; Дадатковая гульня. Кошт: – дарослыя — 200 BYN; – студэнты — 100 BYN; – ЧРБ па БРБФ — 60 BYN; – ЧРБ па Хамсе — 45 BYN (+30 BYN для паўфіналістаў). Заяўка: запаўненне формы. Праверыць сябе: спасылка. Першапачатковы расклад: спасылка. Адказы на самыя папулярныя запыты: — Пытанні АД і Гульні ў словы будуць заданы па-беларуску. Усе туры арыгінальныя. — Студэнты плацяць адзіны ўзнос (100 BYN) і не даплачваюць за пакеты БРБФ і Хамсы. Лепшыя сярод студэнтаў (топ-8/10) згуляюць абодва пакеты ЧРБ у асобных сетках. Калі ў іх будзе квота ЧРБ, то за ўдзел у чэмпіянаце будзе неабходна даплаціць. Разам з тым для астатніх каманд будзе арганізавана Дадатковая гульня — яна будзе праводзіцца адначасова з ЧРБ па БРБФ; — квоты на ЧРБ будуць размеркаваны рэгіяналамі да 17 лютага; Дзякуй за ўвагу, чакаем вашых заявак! Ілюстрацыя — Іван Ахрэмчык. З акна майстэрні (1971).