Letter 4 u

မင်းက ကိုယ်မတတ်နိုင်တဲ့ ဂုဏ်ပကာသနတစ်ခုပါပဲ ။ အိပ်မက်တွေဟာ တကယ်မဖြစ်ခဲ့တယ် ။ ▪️ခွန်းညိုသွေး 👉🏻တစ်ဦးတစ်ယောက်အတွက် ပျိုးခဲ့တဲ့ပန်းတွေ  စာအုပ်မှ

ဘာပဲဖြစ်ဖြစ်.. ဒီမိုးအကျမှာတော့ ကိုယ့်ကိုကိုယ် ပြန်စိုက်ပျိုးရပါဦးမယ်.. #crd

“ကြယ်ကို ချစ်တဲ့လူတိုင်းဟာ ကြယ်လေး ပြန်ချစ်လာဖို့ ဆုမတောင်းကြဘူး” တဲ့ မင်းလည်း ကြယ်ခြွေတဲ့သူ မဖြစ်ချင်ခဲ့ပါဘူးမလား.. #crd

သူ့ဘက်က မသေချာခြင်းများစွာနဲ့ရှိခဲ့တာတောင် ကျွန်တော်ဟာ အသေချာကြီးကို ချစ်မိခဲ့ပါတယ် ။ -ဂန္ဓမာ စိုးလွင်လွင် - ကိုယ်ချစ်

ကိုယ်မရှိပဲ မင်းဖြစ်ပါ့မလား လို့တွေးခဲ့ဖူးတယ် တကယ်တမ်း မင်းမရှိဘဲ ဖြစ်အောင်နေထိုင်နေရသူဟာ ကိုယ်ဖြစ်ခဲ့တယ် ။

လွမ်းစရာရှိလို့ ကျွန်တော်မအားသေးကြောင်း ပြောလိုက်မိပါတယ် ခင်ဖုန်းသက်ဝေ။ မေနဲ့ဩဂုတ်မှာ အရင်လေ‌တွေ တိုက်ရင် အရင်ပန်းတွေပဲ ပွင့်ကြဦးမှာပါ။ လိုအပ်ရင်ပန်းအသစ်တွေလဲပေးဖို့ ဘယ်အပင်ကိုမှ ကျွန်တော်မတောင်းဆိုချင်ပါဘူး။ အပြည့်အဝလွမ်းခွင့်ရတာဟာလည်း လူဖြစ်ကျိုးနပ်မှု အခက်အခဲတစ်ခုပါကွယ်။ ▪️သန်းတင့် 👉🏻ခင်ဖုန်းသက်ဝေဂယ်လာရီ စာအုပ်မှ

“ နင် မမကို ဘယ်တော့မှမရနိုင်ဘူးဆိုလည်း ချစ်နေဦးမှာပဲလား “ အေး…။ -ပုညခင် လက်ကျန်လရောင်

တစ်နေ့ကျရင်တော့ ... မင်းကို သေချာပေါက် မေ့ပစ်မှာပါ ။ မမေ့ပစ်လို့လည်း မဖြစ်ဘူးလေ ချစ်လို့ဆိုတဲ့ စိတ်နဲ့ ကပ်တွယ်ခဲ့ပေမယ့် ကိုယ်ကိုယ်တိုင်ကပဲ မင်းအတွက် အနှောင့်အယှက်ဖြစ်နေခဲ့တဲ့အခါ ရင်နာနာနဲ့ လက်လွှတ်ပေးရတာမျိုးပါပဲ ။ ဝေးသွားပြီးနောက်မှာတောင် မင်းရှိမယ်လို့ ထင်တဲ့အရပ်တွေကို ကိုယ် ငေးကြည့်ဖြစ်သေးသလို မင်းအဆင်ပြေရဲ့လားဆိုပြီး ဘယ်တော့မဆို စိတ်ပူနေမိသေးတယ် ။ အိပ်မက်များ မက်ပြီး လန့်နိုးလာတဲ့ ရက်တွေမှာဆိုလေ မင်းဆီ ဖုန်းဆက်ချင်တဲ့စိတ်တွေက တားမရ ဆီးမရပါပဲ အမှန်အတိုင်းဝန်ခံရရင်လေ ... ဒီနေ့အထိ မင်းနဲ့ပတ်သက်သမျှ အရာရာက အရင်အတိုင်းပဲ ရှိနေတုန်းဖြစ်သလို အရာရာကိုလည်း အရင်အတိုင်း သိမ်းထားနေမိတုန်းပဲ ။ အဲ့ဒီနေ့တုန်းကလေ ဆိုပြီး မင်း ပုံလေးကို ငေးရင်း အဲ့ဒီနေ့နဲ့ ပတ်သက်သမျှကို ပြန်ငေးရင်း လွမ်းရတာပါပဲ ။ တစ်နေ့ကျရင်တော့ မင်းကို မဖြစ်မနေ မေ့ပစ်ရမယ်ဆိုတာမှန်း ကိုယ်ကိုယ်တိုင်လည်း သိပါတယ် ဒါပေမဲ့ ... အဲ့ဒီတစ်နေ့ဟာ ဒီနေ့ မဟုတ်သေးသလို ဘယ်တော့ဆိုပြီးတော့မှလည်း သေသေချာချာရှိမနေသေးတာပဲ ခက်တာပါ ။ #ကျေးကို

အစစအရာရာ အဆင်မပြေပေမယ့် ကမ္ဘာကြီးကလှလိုက်တာကွာ ။ ▪️အောင်ချိမ့် GDM channel /ဒီနွေရဲ့အမှတ်တရ 🍃

အသက်ရှင်အောင်နေ။ ချစ်ရမယ့်အရာတွေကို ဝအောင်ချစ်။ ဒီဘဝကြီးမှာ ဆုံးရှူံးပြီးရင် ဘယ်အရာကိုမှ ပြန်မရနိုင်ဘူး။ #myatnavarro

ကြာလာတော့ ဒီလောကဓံတွေနဲ့လည်း အသားကျခဲ့ပါပြီ ။ - ဂန္ဓမာ

အခက်အခဲတွေကြားထဲမှာ အကောင်းဆုံးဖြစ်အောင် နေထိုင်ခဲ့တာလည်း ဘဝရဲ့ အောင်မြင်မှုတစ်ခုပါပဲ ၊ ကိုယ့်မှာ ဘာမှများများစားစား ပိုင်ဆိုင်မထားရင်တောင် အဲဒီလို သန့်သန့်ရှင်းရှင်း နေထိုင်ခဲ့တယ်ဆိုတဲ့ အတိတ်လေးက စိတ်မှာ နောင်တကင်းကင်းနဲ့ ဘဝကို ရှင်သန်စေနိုင်တဲ့ အကြောင်းပဲလေ !! #ဉာဏ်

မတော်တဆ ကျွန်တော့ကိုများ ချစ်ခဲ့ဖူးလား ... ဒီလိုမေးခွန်းကို ဘယ်တုန်းကမှ မမေးချင်ခဲ့သလို ချစ်ခဲ့မှာပါဆိုပြီးပဲ တစ်ချိန်လုံး ယုံကြည်ထားခဲ့ချင်တာ ။ ဒါပေမယ့် အချိန်တွေကြာလာလေ ပိုအေးစက်လာ​လေဖြစ်လာတဲ့ ဆက်ဆံရေးတစ်ခုမှ ကျွန်တော်က လူပိုကြီးသက်သက်လာဆိုတဲ့ အချက်တွေ မြင်လာပြီးကတည်းက အဲ့ဒီအတွေးတွေဟာ ခေါင်းထဲ ၀င်လာခဲ့တော့တာပါပဲ ။ ကျွန်တော် ရှိနေခဲ့ခြင်းတွေ ပြီးတော့ ချစ်ခဲ့ခြင်းတွေဟာ အပိုတော့ မဟုတ်ခဲ့ဘူးမလားဆိုပြီး တွေးကြည့်ရင်း မေးဖြစ်ခဲ့တဲ့ မေးခွန်းလေးပါ ။ ထားလိုက်ပါ... နှစ်တွေကိုလဲ ပြန်ငဲ့မကြည့်နဲ့ ပြီးတော့ ကျွန်တော် ချစ်နေခြင်းတွေကိုလဲ ထည့်မတွက်နဲ့ မင်းရဲ့ စိတ်ထဲမှာ ရှိတဲ့အတိုင်းပေါ့ အချစ်ရဲ့ လိုအပ်ခဲ့တာလား ဒါမှမဟုတ် ချစ်ခဲ့တာလားဆိုတာလေး တစ်ခု ကိုယ့်ကိုယ်ကိုယ် ပြန်မေးပြီး ဖြေပေးရုံပါပဲ ။ ဒီအဖြေက ... မင်းရွေးချယ်ထားပြီးသားဖြစ်တဲ့ လမ်းခွဲခြင်းတွေကို ဘာအနှောင့်အယှက်မှ ဖြစ်မှာလဲ မဟုတ်သလို မင်းရွေးထားလမ်းကို ဘယ်သတ္တိနဲ့မှ တားနိုင်မှာလဲ မဟုတ်ပါဘူး ။ ကျွန်တော်က ချစ်ခဲ့လား မချစ်လားဆိုတာ သိချင်ရုံသက်သက်ပါ ။ တကယ်မချစ်ခဲ့ပါဘူးဆိုရင် ... တကယ်ကြီးချစ်ခဲ့မိတဲ့ ကျွန်တော့အတွက်တော့ နာကျင်စရာပေါ့ အချိန်တွေ အကြာကြီး ပေးဆပ်ခဲ့တာတွေဟာ ဘာမှ မဟုတ်ခဲ့ပါလားဆိုတဲ့ အသိနဲ့ မျက်ရည်၀ဲရုံလောက်ပါ ။ မင်းကိုတော့ အပြစ်မမြင်ပါဘူး ပြီးတော့ ဘယ်တော့မှလဲ အပြစ်တင်နေမှာမဟုတ်ဘူးလေ ။ လူတစ်ယောက်ကို ကိုယ့ဖက်က အရိုးသားဆုံးချစ်လိုက်လို့ရပေမယ့် လူတစ်ယောက် ပြန်ချစ်လာဖို့ကျ အတင်းလုပ်ယူလို့မှမရပဲဟာ ။ မင်းမချစ်ခဲ့ခြင်းက မင်းအတွက်မှန်ပါတယ် ကျွန်တော်ချစ်ခဲ့ခြင်းကလဲ ကျွန်တော့်အတွက် မှန်တယ်လေ ။ အဆုံးသတ်တွေကို ကြိုပြီးတော့ သိနေပြီပဲ ...ပြီးတော့ အဆုံးသတ်တွေကို ကြိုပြီးတော့ ရွေးထားနေပြီပဲ ... ကျွန်တော့်ကို မတော်တဆလေးများ ချစ်ခဲ့ဖူးလားဆိုတဲ့ မေးခွန်းကျမှ တုံ့ဆိုင်းမနေပါနဲ့တော့ ။ တချိန်လုံးလဲ အလိမ်ခံခဲ့ရပြီးပြီလေ ဆချိန်လုံးနဲ့ တုံးအ နေခဲ့ပြီးပြီ ဒီတစ်ကြိမ်တော့ စိတ်ထဲမှာ ရှိတဲ့အတိုင်းပေါ့ အချစ်ရေ ... အရိုးသားဆုံးလေးပဲ ဖြေပါ ။ #ကျေးကို

အရှေ့ကို သွားပေမဲ့ အနောက်မှာကျန်ခဲ့တဲ့ အတိတ်ကလည်း ပြန်ငေးတိုင်း လှနေဆဲ အမှတ်တရထဲ မင်းပါလို့ ထင်ပါရဲ့ ။ ဆန်းကျော်စွာဝင်း

လူတွေကို မကြည့်နဲ့ ငွေကြေးအကြောင်းမတွေးနဲ့ အလကားရတဲ့ ညနေခင်းတွေကိုကြည့်ပါ တိတ်တဆိတ် ထွက်သွားတော့မဲ့ နာရီလက်တံတွေမှာ ပျော်မွေ့ပါ ဝယ်ယူစရာမလိုတဲ့ အဓိပ္ပာယ်တစ်ခုရှာဖွေပါ ဘဝဟာဒီထက်ပိုပြီး ငြိမ်းချမ်းဖို့ ဘာမှထပ်လုပ်စရာမလိုတော့တဲ့အကြောင်း နားလည်အောင် သင်ယူပါ အေးမြခြင်း၊နွေးထွေးခြင်းကို ခံစားပါ ပြောင်းလဲနေတဲ့ ရာသီတွေမှာ ပြောင်းလဲသွားတဲ့ အတိတ်ကာလတွေအကြောင်း လက်ခံသင်ယူပါ ။ #ဂန္ဓမာ

နာကျင်စရာတွေသာမရှိခဲ့ရင် ငါတို့ ဘယ်တော့မှ ရင့်ကျက်သူတွေ ဖြစ်လာမှာမဟုတ်ဘူး ။ ▪️ဂန္ဓမာ

ဘဝမှာ ပင်ပန်းလာတဲ့အခါ ဟာသတွေ မပြောတော့ဘူး ငါ့အကြောင်း ငါပဲ တွေးဖြစ်တယ် ဒါလည်း ရယ်ရတာပဲ…။ #crd

နှစ်ယောက်အတူလျှောက်ရမဲ့လမ်းမှာ တစ်ယောက်တည်းလျှောက်ဖို့ရွေးချယ်ဖြစ်တဲ့အခါတိုင်း ကိုယ်ကအမြဲကျန်နေတတ်တာ။ အဲ့လိုကျန်နေခဲ့ရတဲ့အခါတိုင်း လိုအပ်လို့ပြန်လာရှာတဲ့အခါကျ ကိုယ်က အဲ့ဒီ့နေရာလေးမှာ ရှိမနေနိုင်တော့မှာပဲ စိုးရိမ်တာ။ တစ်ယောက်တည်းဖြစ်သွားတဲ့အခါ တစ်ယောက်ယောက်ကိုလိုက်မရှာတော့ပဲ ခြေဦးတည်ရာလျှောက်သွားဖြစ်မှာပါ။ အဲ့ဒီ့အခါကျ ကိုယ်တို့လမ်းတွေမတူတော့ဘူး ပြီးတော့ ပြန်ဆုံဖို့လဲမရှိတော့ဘူးပေါ့။ အဲ့နောက်မှာတော့ ပိုပိုပီးဝေးသွားမယ် ကတိတွေလဲမေ့သွားမယ် စကားတွေကိုလဲမေ့ထားလိုက်မယ် ပြီးရင် လူကိုပါမေ့ပြစ်လိုက်တော့မှာပါ။ 💌🕊️ 27.2.2026

မျက်နှာချင်းဆိုင်တောင် ကပ်လွဲခဲ့တယ် ဆိုကတည်း တော်ရုံလွဲ‌ချော်ခြင်းမှ မဟုတ်ဘဲကွယ် အရာရာ အဆင်ပြေနေအောင် ဘေးကပ်နေရတော့တာပဲ -ခန့်သွေးနီ ကမ္ဘာလွဲကြသူများ/၁

နေသားကျဖို့အချိန်တွေကို စောင့်ခဲ့ရင်း ပျက်စီးသွားတဲ့ ဘယ်အရာကများ အကောင်းအတိုင်း ပြန်ဖြစ်ဘူးလို့လဲ...။ ကျွန်တော်သိတဲ့ သဘာဝလွန်ဖြစ်ရပ်ဆိုတာ ကျကွဲခြင်း နဲ့ ကြေကွဲခြင်းပဲ ။ -စာတိုငဖြူ