NOM

ပါကစ္စတန် နိုင်ငံပိုင်ရုပ်သံက ထုတ်ပြန်ကြေညာခဲ့တဲ့ တာလီဘန်တို့ရဲ့ ပျက်စီးထိခိုက်မှုများ - ကန်ဒါဟာရှိ တာလီဘန်တပ်မဟာဌာနချုပ်နဲ့ ခဲယမ်းမီးကျောက်ဂိုဒေါင် - Wali Khan Sector က တာလီဘန်စခန်း - Shawal Sector အနီး Paktika က တာလီဘန်စခန်းများ - Bajaur Sector က တာလီဘန်စခန်း - Angoor Adda က တာလီဘန်စခန်းများ ဒီတိုက်ခိုက်မှုတွေအတွင်း လူပေါင်း ၁၀၀ ကျော် သေဆုံးခဲ့ကာ အများအပြား ထိခိုက်ဒဏ်ရာရရှိခဲ့တယ်လို့လည်း ဆိုပါတယ်။ News Of Myanmar NOM

ကဘူးလ်မှာ တိုက်ခိုက်မှုခံရပြီးနောက် တာလီဘန်တွေက ကားလမ်းမကြီးတွေပေါ်မှာ သံသယဖြစ်ဖွယ်ရာတွေကို လိုက်လံစစ်ဆေးနေတာ ဖြစ်ပါတယ်။ News Of Myanmar NOM

Kandahar မှာရှိတဲ့ အာဖဂန်တာလီဘန်တွေရဲ့ လက်နက်ခဲယမ်းဂိုဒေါင်ကို ပါကစ္စတန်ဘက်က ဖျက်ဆီးတိုက်ခိုက်ခဲ့တဲ့ ရုပ်သံဖိုင်ဖြစ်ပါတယ်။ News Of Myanmar NOM

အာဖဂန်အပေါ် ပါကစ္စတန်က စစ်ကြေညာလိုက်ပြီဖြစ်ပြီး မြို့တော်ကဘူးလ်ကို လေကြောင်းကနေ တိုက်ခိုက်မှုတွေ ပြုလုပ်နေပြီဖြစ်ပါတယ်။ ဒီနေ့မှာ ကဘူးလ်နဲ့ အခြားပြည်နယ်နှစ်ခုကို လေကြောင်းတိုက်ခိုက်မှုတွေ ပြုလုပ်တာ ခံခဲ့ရတယ်လို့ တာလီဘန်တွေက ပြောဆိုခဲ့ပြီး စစ်ဘက်ဆိုင်ရာနေရာတွေကို ပစ်မှတ်ထား တိုက်ခိုက်ခဲ့တာလို့ ပါကစ္စတန်ဘက်က ပြောဆိုထားကာ တပ်မဟာအခြေစိုက် စခန်း ၂ ခုကို ဖျက်ဆီးနိုင်ခဲ့တယ်လို့ ဆိုပါတယ်။ ပြီးခဲ့တဲ့ တနင်္ဂနွေနေ့က ပါကစ္စတန်ရဲ့ လေကြောင်းတိုက်ခိုက်မှုကြောင့် နှစ်နိုင်ငံနယ်စပ်မှာ လူသေဆုံးမှုတွေရှိခဲ့တာကို အာဖဂန်က မနေ့က ပြန်လည်တုံ့ပြန်တိုက်ခိုက်ခဲ့ပြီးနောက် ဒီနေ့မှာ ပါကစ္စတန်က open-war အဖြစ် ကြေညာကာ ပြန်လည်တိုက်ခိုက်တာပါ။ နှစ်ဖက်ထိခိုက်သေဆုံးမှုတွေကို ကိုယ်စီထုတ်ပြန်ထားပြီး ပါကစ္စတန်စစ်သား ၅၅ ဦးသေဆုံးကာ အရှင်တချို့ဖမ်းမိတယ်လို့ အာဖဂန်က ပြောဆိုထားပြီး ပါကစ္စတန်ကလည်း အာဖရန်ဘက်က ၁၃၃ ဦးသေဆုံးကာ ၂၀၀ ကျော် ဒဏ်ရာရပြီး စခန်း ၂၇ ခုကို ဖျက်ဆီးထားနိုင်တယ်လို့ ဆိုထားပါတယ်။ News Of Myanmar NOM

ဝါရှင်တန်မှာ သေနတ်သမားတွေက မိသားစုတခုရဲ့ နေအိမ်ကို ပစ်ခတ်သွားခဲ့တဲ့ ရုပ်သံဖိုင်ပါ။ အသက် ၂၁ နှစ်အရွယ် အမ်မာတေလာဟာ သေနတ်နဲ့ ၅ ချက် ပစ်ခံခဲ့ရပေမယ့် ကံကောင်းလွန်းစွာနဲ့ အသက်ရှင်သန်ကျန်ရစ်ခဲ့တယ်လို့ သိရပါတယ်။ သေနတ်သမားတွေဟာ ၁၀ စက္ကန့်အတွင်း အချက်ပေါင်း ၅၀ အထိ ပစ်ခတ်ခဲ့တယ်လို့ မိသားစုက ပြောဆိုခဲ့ကာ ရဲတပ်ဖွဲ့က သံသယရှိသူတွေကို လိုက်လံရှာဖွေနေပြီလို့ ပြောဆိုထားပါတယ်။ News Of Myanmar NOM

"လိင်ရာဇဝတ်ကောင် အက်ပ်စတိုင်းအရှုပ်တော်ပုံကြောင့် ရော့သ်ချိုင်းလ်ဒ် (Rothschild) ဘဏ် ဖောက်သည်များ လက်မလွှတ်ရစေရန် ကြိုးပမ်းနေရ" ဘီလျံနာစီအီးအို အရီယန်း ဒီ ရော့သ်ချိုင်းလ်ဒ် (Ariane de Rothschild) သည် ဂျက်ဖရီ အက်ပ်စတိုင်း (Jeffrey Epstein) နှင့် နီးကပ်သော ဆက်ဆံရေးရှိခဲ့ကြောင်း ဝန်ခံပြီးနောက် အက်ဒ်မွန် ဒီ ရော့သ်ချိုင်းလ်ဒ် (Edmond de Rothschild) ဘဏ်အနေဖြင့် ၎င်းတို့၏ ဖောက်သည်များနှင့် ဝန်ထမ်းများ၏ အကျိုးစီးပွားကို ကာကွယ်ရန် "လိုအပ်သော အစီအမံများ" ကို လုပ်ဆောင်နေပြီဖြစ်ကြောင်း ထုတ်ပြန်ကြေညာခဲ့သည်။ အရီယန်း ဒီ ရော့သ်ချိုင်းလ်ဒ်၏ ပြောကြားချက်အရ သူမသည် အက်ပ်စတိုင်းနှင့် စတင်သိရှိခဲ့စဉ်က "သူ့ကို နိုင်ငံတကာ ထိပ်တန်းဆုံးဖြတ်ချက်ချမှတ်သူများနှင့် တာဝန်ရှိသူများအကြား ဩဇာညောင်းသော စီးပွားရေးသမားတစ်ဦးအဖြစ် သတ်မှတ်ထားကြသည့် အခြေအနေဖြစ်သည်" ဟု The Telegraph သတင်းဌာနတွင် ဖော်ပြထားသည်။ ရော့သ်ချိုင်းလ်ဒ်မိသားစု၏ ဆင်ခြေပေးမှုများသည် အက်ပ်စတိုင်း နှင့် အဆိုပါ ဘဏ်လုပ်ငန်းရှင် မျိုးရိုးတို့အကြား အလွန်ရင်းနှီးသော ဆက်ဆံရေးရှိခဲ့ကြောင်း ပေါ်ထွက်လာပြီးနောက်တွင် ထွက်ပေါ်လာခြင်းဖြစ်သည်။ အက်ပ်စတိုင်းသည် တစ်ကြိမ်တွင် ၎င်းတို့အတွက် ယူရိုသိန်းချီတန်ဖိုးရှိ ရှေးဟောင်းပရိဘောဂများကို မှာယူပေးချေခဲ့သည်အထိ ရင်းနှီးခဲ့ခြင်းဖြစ်သည်။ အက်ပ်စတိုင်းသည် အရီယန်း ဒီ ရော့သ်ချိုင်းလ်ဒ်၏ လုပ်ငန်းများအတွက် ကျွမ်းကျင်ပညာရှင်များနှင့် အကြံပေးအရာရှိများကို ရှာဖွေပေးရာတွင်လည်း ကူညီပေးခဲ့သည်။ ထို့အပြင် အက်ဒ်မွန် ဒီ ရော့သ်ချိုင်းလ်ဒ်ဘဏ်သည် အမေရိကန်နိုင်ငံသားများ အခွန်ရှောင်ရန် ကူညီပေးခဲ့မှုနှင့် ပတ်သက်၍ အမေရိကန် တရားရေးဌာန (DOJ) နှင့် ညှိနှိုင်းရာတွင်လည်း အက်ပ်စတိုင်း ကို အကူအညီတောင်းခဲ့ဖူးကြောင်း သိရသည်။ ဘီလျံနာ လက်စလီ ဝက်ဇ်နာ (Leslie Wexner) ကလည်း အက်ပ်စတိုင်း သည် ရော့သ်ချိုင်းလ်ဒ်တို့၏ ငွေကြေးများကို စီမံခန့်ခွဲပေးနေရကြောင်း ကြွားဝါခဲ့ဖူးသည်ဟု ပြန်လည်ပြောကြားခဲ့သည်။ ပုံ- အက်ဒ်မွန် ဒီ ရော့သ်ချိုင်းလ်ဒ် ဘဏ်​၏ ဘီလျံနာစီအီးအို အရီယန်း ဒီ ရော့သ်ချိုင်းလ်ဒ် NOM

🇺🇸🇮🇷🇨🇭🇴🇲 "အီရန်-အမေရိကန် ဆွေးနွေးညှိနှိုင်းမှုများ ပျက်ပြားသွားရန် အလွန်နီးကပ်နေပြီ" မီဒီယာများက ဆွစ်ဇလန်နိုင်ငံ၊ ဂျနီဗာမြို့တွင် ပြုလုပ်သည့် အီရန်-အမေရိကန် ဆွေးနွေးညှိနှိုင်းမှု အခြေအနေမှာ ကောင်းမွန်နေသည်ဟု ဖော်ပြနေကြသော်လည်း အမှန်တကယ်တွင်မူ ဆန့်ကျင်ဘက်သာ ဖြစ်နေသည်။ အမေရိကန်ပြည်ထောင်စုသည် တောင်းဆိုချက်စာရင်းတစ်ခုကို ယူဆောင်လာပြီး အကယ်၍ အီရန်အနေဖြင့် လိုက်နာဆောင်ရွက်ခြင်း မရှိပါက "အခြားသော ရွေးချယ်စရာ နည်းလမ်းများ" ကို အသုံးပြုသွားမည်ဟု အီရန်အား ပြောကြားခဲ့သည်။ ☢️ အီရန်သည် ဖိုဒိုး၊ နတန့်ဇ်နှင့် အစ်ဖာဟန်တို့ရှိ ၎င်း၏ နျူကလီးယား အဆောက်အအုံများကို အပြီးတိုင် ဖျက်သိမ်းရမည်။ သန့်စင်ပြီး ယူရေနီယံ အားလုံးကို အမေရိကန်ပြည်ထောင်စုထံ လွှဲပြောင်းပေးရမည်။ သဘောတူညီချက်သည် "အမြဲတမ်း" ဖြစ်ရမည်ဖြစ်ပြီး အီရန်ကို ယူရေနီယံ သန့်စင်ခြင်း လုံးဝ ခွင့်ပြုမည်မဟုတ်ပေ။ ဤတောင်းဆိုချက်များအတွက် အပြန်အလှန်အနေဖြင့် အမေရိကန်က "စစ်မဖြစ်စေရ" ဟူသော ကတိနှင့် အကန့်အသတ်ရှိသော ပိတ်ဆို့မှုဖြေလျှော့မှုများ ကိုသာ ကမ်းလှမ်းထားသည်။ 🚨 ဆွေးနွေးညှိနှိုင်းမှုများ ပျက်ပြားသွားရန် အလွန်နီးကပ်နေပြီဖြစ်သည်။ NOM

ဥရောပရဲ့ နူကလီးယားလက်နက်တွေဟာ ရုရှားအတွက် မကြာခင်မှာ ထိတ်လန့်စရာကောင်းမှာမဟုတ်ဘူးလို့ UK က RUSI အဖွဲ့က ပြောဆိုလိုက်ပါတယ်။ ရုရှားရဲ့ လေကြောင်းကာကွယ်ရေးစနစ်တွေဟာ လာမယ့် ၁၀ နှစ်အတွင်း ဗြိတိန်နဲ့ ပြင်သစ်တို့ရဲ့ နူကလီးယားလက်နက်တွေကို ကြားဖြတ်ဟန့်တားနိုင်လိမ့်မယ်လို့လည်း သူတို့က ခန့်မှန်းခဲ့ပါတယ်။ News Of Myanmar NOM

ယူကရိန်း Nemesis တပ်မဟာရဲ့ အကြီးအကဲဖြစ်သူက EU ဒရုန်းအနည်းငယ်သာ အသုံးဝင်ပြီး အသုံးပြုလို့ရနေတယ်လို့ ပြောဆိုလိုက်ပါတယ်။ ရှေ့တန်းမှာ တိုက်ပွဲဝင်နေတဲ့ အနောက်တိုင်းဒရုန်း အများစုဟာ လက်တွေ့မှာ အသုံးမဝင်တော့တာကို တွေ့ရှိရတယ်လို့ သူက ပြောဆိုခဲ့ပါတယ်။ News Of Myanmar NOM

ယူကရိန်းတပ်သား ၁၀၀၀ ရဲ့ ရုပ်အလောင်းတွေကို ရုရှားဘက်က လွှဲပြောင်းပေးခဲ့ပြီး အပြန်အလှန်အားဖြင့် ယူကရိန်းက ရုရှားတပ်သား ၃၅ ဦးရဲ့ ရုပ်အလောင်းကို ပြန်လည်ပေးပို့ခဲ့တယ်လို့ သိရပါတယ်။ News Of Myanmar NOM

ဂြိုလ်တုဖျက်လက်နက်တွေနဲ့ Al နည်းပညာတို့ဟာ မြောက်ကိုရီးယားရဲ့ စစ်ရေးအရ အလိုချင်ဆုံး လက်နက်သစ်စာရင်းမှာ ပါဝင်နေတယ်လို့ ဆိုပါတယ်။ ပြုံယမ်းက လာမယ့်ငါးနှစ်အတွင်း သူတို့ရဲ့ လက်နက်စနစ်အသစ်ကို တိုးတက်အောင် လုပ်ဆောင်ဖို့အတွက် ကြေညာခဲ့ရာမှာ ဒီလက်နက်နဲ့ နည်းပညာတွေက ထိပ်ဆုံးကနေ ပါဝင်ခဲ့တာပါ။ အချက်ငါးချက်ပါဝင်တဲ့ ဒီစာရင်းမှာ နူကလီးယားထိပ်ဖူးတပ် တာဝေးပစ်ဒုံးကျည်အမျိုးမျိုးလည်း ပါဝင်ကာ အတိအကျသတ်မှတ်မထားတဲ့ လျှပ်စစ်လက်နက်တွေကိုလည်း ထည့်သွင်းခဲ့တယ်လို့ သိရပါတယ်။ News Of Myanmar NOM

မြောက်ကိုရီးယားက တောင်ကိုရီးယားကို လုံး၀ဖျက်ဆီးနိုင်တယ်လို့ မြောက်ကိုရီးယားခေါင်းဆောင် ကင်ဂျုံအမ်က သတိပေးလိုက်ပါတယ်။ အမေရိကန်အနေနဲ့လည်း ပြုံယမ်းအပေါ် ရန်လိုတဲ့ မူဝါဒတွေကို စွန့်လွှတ်သင့်နေပြီလို့လည်း သူက ထပ်မံပြောဆိုခဲ့ပါတယ်။ အမေရိကန်ဘက်ကသာ ရန်လိုတဲ့ မူဝါဒကို ရုတ်သိမ်းရင် ပြုံယမ်းနဲ့ ကောင်းစွာမဆက်ဆံနိုင်မယ့် အကြောင်းပြချက် မရှိဘူးလို့ အာဏာရအလုပ်သမားပါတီရဲ့ အဓိကအပတ် အစည်းအဝေးတွေကို အဆုံးသတ်ပြီးချိန်မှာ ကင်က ပြောဆိုခဲ့တာပါ။ “နူလက်နက်ပိုင်ဆိုင်တဲ့ နိုင်ငံတနိုင်ငံအနေနဲ့ ကျနော်တို့ရဲ့ အဆင့်အတန်းက ရန်သူတွေရဲ့အလားအလာရှိတဲ့ ခြိမ်းခြောက်မှုတွေကို ဟန့်တားဖို့နဲ့ ဒေသတွင်း တည်ငြိမ်မှုကို ထိန်းသိမ်းဖို့ အရေးကြီးတဲ့ အခန်းကဏ္ဍမှာ ပါဝင်ပါတယ်” လို့ သူက ပြောဆိုခဲ့ပါတယ်။ News Of Myanmar NOM

ဩစတြေးလျဝန်ကြီးချုပ် Anthony Albanese က သူဟာ ဗုံးခြိမ်းခြောက်မှုကို အီးမေးလ်ပို့ခံရပြီးနောက် နာရီပေါင်းများစွာ နေအိမ်ကနေ ဘေးလွတ်ရာဆီ ပြောင်းရွှေ့ခဲ့ရတယ်လို့ ပြောဆိုလိုက်ပါတယ်။ အင်္ဂါနေ့နှောင်းပိုင်းက သူ့ကိုခြိမ်းခြောက်ခဲ့တာဖြစ်ပြီး နာရီအနည်းငယ်ကြာပြီးနောက်မှ နေအိမ်ဆီ သူ ပြန်လာခဲ့တာပါ။ ဒီခြိမ်းခြောက်မှုဟာ တရုတ်မှာ ပိတ်ပင်ထားတဲ့ တရုတ်ဂန္ထဝင်အကအဖွဲ့ Shen Yun ရဲ့ ကိုယ်စားလှယ်ဆီ ပို့ခဲ့တဲ့ အီးမေးလ်တွေထဲမှာ Albanese ကိုပါ ခြိမ်းခြောက်ခဲ့တဲ့ မေးလ် ပါဝင်ခဲ့တာကနေ စတင်ခဲ့တာလို့ သိရပါတယ်။ အဆိုပါအဖွဲ့အနေနဲ့ ဩစတြေးလျမှာ ဖျော်ဖြေပွဲလုပ်မယ်ဆိုရင် Albanese ရဲ့ နေအိမ်တဝိုက်မှာ ထားထားတဲ့ ပေါက်ကွဲစေတဲ့ ပစ္စည်းတွေကို ဖောက်ခွဲပစ်မယ်လို့ တရုတ်ဘာသာနဲ့ ရေးသားထားကြောင်း ဆိုပါတယ်။ ဘယ်သူဘယ်၀ါက ခြိမ်းခြောက်ခဲ့တယ်ဆိုတာကိုတော့ ရဲတပ်ဖွဲ့က ထုတ်ဖော်ပြောဆိုခြင်း မရှိခဲ့ပါဘူး။ News Of Myanmar NOM

🇨🇺🔥🇺🇸"အမေရိကန်တွင်မှတ်ပုံတင်ထားသည့် ရေယာဉ်တစ်စီး ကျူးဘားရေပိုင်နက်အတွင်းကျူးကျော်ဝင်ရောက်ပြီး ကျူးဘားကမ်းခြေစောင့်တပ်ဖွဲ့ကို စတင်ပစ်ခတ်၊ ၄ ဦးသေ ၆ ဦးဒဏ်ရာရ" အဆိုပါဖြစ်စဉ်နှင့် ပတ်သက်၍ ကျူးဘားပြည်ထဲရေဝန်ကြီးဌာန၏ တရားဝင်ထုတ်ပြန်ချက် - "ကျူးဘားရေပိုင်နက်အတွင်းသို့ ကျူးကျော်ဝင်ရောက်လာသော အမြန်နှုန်းမြင့် စက်လှေတစ်စီးကို တွေ့ရှိခဲ့သည်။ အဆိုပါ ရေယာဉ်သည် အမေရိကန်ပြည်ထောင်စု၊ ဖလော်ရီဒါပြည်နယ်တွင် မှတ်ပုံတင်ထားကြောင်း သိရှိရသည်။ ကျူးဘားကမ်းခြေစောင့်တပ်ဖွဲ့မှ မည်သူမည်ဝါဖြစ်ကြောင်း စစ်ဆေးရန် အဆိုပါရေယာဉ်အနီးသို့ ချဉ်းကပ်စဉ် စက်လှေပေါ်ပါရှိသူများက ကျူးဘားတပ်ဖွဲ့ဝင်များအား စတင်ပစ်ခတ်ခဲ့သဖြင့် ကျူးဘားရေယာဉ်မှူးတစ်ဦးဒဏ်ရာရရှိခဲ့သည်။ ထို့နောက် အပြန်အလှန်ပစ်ခတ်မှုဖြစ်ပွားခဲ့ပြီးနောက် အမေရိကန်တွင် မှတ်ပုံတင်ထားသော နိုင်ငံခြားရေယာဉ်ပေါ်ပါ ကျူးကျော်သူ ၄ ဦး သေဆုံးပြီး ၆ ဦး ဒဏ်ရာရရှိခဲ့သည်။ ကျူးဘားနိုင်ငံအနေဖြင့် မိမိတို့၏ ရေပိုင်နက်ကို ကာကွယ်စောင့်ရှောက်သွားမည်ဟူသော သန္နိဋ္ဌာန်ကို ထပ်လောင်းအတည်ပြုပြီး နိုင်ငံတော်ကာကွယ်ရေးသည် ကျူးဘားအစိုးရ၏ အဓိကမဏ္ဍိုင်ဖြစ်သည်ဟူသော မူဝါဒအပေါ် ခိုင်ခိုင်မာမာ ရပ်တည်လျက်ရှိသည်။" NOM

🇲🇽🇨🇴🇧🇷 "ယူကရိန်းမှာတာဝန်ထမ်းဆောင်နေတဲ့ မက္ကဆီကို၊ ကိုလံဘီယာနဲ့ ဘရာဇီးကြေးစားစစ်သားတွေ လက်တင်အမေရိကကိုပြန်နေကြ" ယူကရိန်းလက်နက်ကိုင်တပ်ဖွဲ့မှာ တာဝန်ထမ်းဆောင်နေတဲ့ မက္ကဆီကို၊ ကိုလံဘီယာနဲ့ ဘရာဇီးနိုင်ငံတို့က ကြေးစားစစ်သားတွေဟာ ဟာလစ္စကို မျိုးဆက်သစ် (CJNG) မူးယစ်ဂိုဏ်းခေါင်းဆောင် အယ်လ်မန်ချို (El Mencho) လုပ်ကြံခံရပြီးနောက်ပိုင်း ယူကရိန်းကနေ ထွက်ခွာပြီး လက်တင်အမေရိကကို ပြန်နေကြပါတယ်။ အကြောင်းရင်းကတော့ မက္ကဆီကိုအာဏာပိုင်တွေကို ရင်ဆိုင်ဖို့အတွက် မူးယစ်ရာဇာတွေက လုပ်ခလစာကို အဆပေါင်းများစွာ ပိုပေးနေလို့ပဲ ဖြစ်ပါတယ်။ မက်ရှ်ရဲ့ဖော်ပြချက်အရ တိုက်ပွဲအတွေ့အကြုံမရှိတဲ့ စစ်သားသစ်တွေကိုတောင် ဒေါ်လာ ၁၅,၀၀၀ အထိ ကမ်းလှမ်းနေကြတာပါ။ တစ်ဖက်မှာတော့ ယူကရိန်းမှာ ပေးနေတဲ့ အနိမ့်ဆုံးလစာဟာ ပုံမှန်အားဖြင့် ဒေါ်လာ ၃,၀၀၀ သာ ရှိပါတယ်။ လက်ရှိမှာတော့ မက္ကဆီကိုမူးယစ်ဂိုဏ်းတွေရဲ့ လက်အောက်မှာ စစ်သည်အင်အား အနည်းဆုံး ၃၀,၀၀၀ ခန့် တာဝန်ထမ်းဆောင်နေပြီ ဖြစ်ပါတယ်။ သူတို့ပြန်ရတဲ့ နောက်ထပ်အကြောင်းရင်းတစ်ခုကတော့ ယူကရိန်းစစ်ပွဲအတွင်း စစ်ပန်းလာမှုကြောင့်ပါ။ ကိုလံဘီယာတိုက်ခိုက်ရေးသမားတွေဟာ စစ်မှုထမ်းရတဲ့ အခြေအနေတွေကို မခံနိုင်တော့တဲ့အတွက် သူတို့ကို နေရပ်ပြန်ခေါ်ပေးဖို့ သူတို့ရဲ့ သမ္မတထံ အရင်ကတည်းက တောင်းဆိုခဲ့ဖူးပါတယ်။ ကံကောင်းသူတချို့က မာလီနိုင်ငံကတစ်ဆင့် ပြန်ခွင့်ရခဲ့ပေမဲ့ ကျန်တဲ့သူတွေကတော့ ဆူမီ (Sumy) နဲ့ ကူပြန့်စ် (Kupyansk) နားက ပြင်းထန်တဲ့တိုက်ပွဲတွေကို ရင်ဆိုင်ခဲ့ကြရပါတယ်။ အခုအခါမှာတော့ တောင်အမေရိကန်တပ်သားတွေဟာ ရိုမေးနီးယားနဲ့ ပိုလန်နိုင်ငံတွေကတစ်ဆင့် မက္ကဆီကိုစီးတီးဆီကို တိုက်ရိုက်ပျံသန်းပြီး ကိုယ့်အစီအစဉ်နဲ့ကိုယ် နေရပ်ပြန်နေကြပါပြီ။ အာဖရိကမှာ တာဝန်ကျခဲ့သူတွေလည်း မက္ကဆီကိုစီးတီးကိုပဲ ပို့ဆောင်ခြင်း ခံနေရပါတယ်။ ဒါဟာ မက္ကဆီကိုက မူးယစ်ဂိုဏ်းတွေကို နှိမ်နင်းနေတဲ့စစ်ပွဲကနေ ရရှိလာတဲ့ မမျှော်လင့်ထားတဲ့ အကျိုးအမြတ်တစ်ခုပဲ ဖြစ်ပါတော့တယ်။ NOM

🇨🇳🔥 🇮🇱"အစ္စရေးသုတေသနအဖွဲ့၏ ထုတ်ပြန်ချက်- တရုတ်နိုင်ငံတွင် ဂျူးဆန့်ကျင်ရေးဝါဒ မြင့်တက်လာနေ" အစ္စရေးအခြေစိုက် ဂျူးလူမျိုးမူဝါဒဆိုင်ရာ သုတေသနအဖွဲ့ (JPPI) က ထုတ်ပြန်လိုက်တဲ့ အစီရင်ခံစာသစ်တစ်ခုမှာ တရုတ်နိုင်ငံဟာ 'ဂျူးဆန့်ကျင်ရေးဝါဒ (Antisemitism)' ဘက်ကို သိသိသာသာ ဦးတည် ပြောင်းလဲလာနေကြောင်း ဖော်ပြထားပါတယ်။ တရားဝင်လမ်းကြောင်းများမှတစ်ဆင့်ပျံ့နှံ့လာခြင်း - တရုတ်နိုင်ငံမှာ ဂျူးဆန့်ကျင်ရေးအမြင်တွေဟာ အစိုးရပိုင်မီဒီယာတွေ၊ ပညာရေးနယ်ပယ်နဲ့ နိုင်ငံတော်က ခွင့်ပြုထားတဲ့ ဆွေးနွေးပြောဆိုမှုတွေထဲအထိ စိမ့်ဝင်ပျံ့နှံ့လာနေပါတယ်။ အမေရိကန်အပေါ် အမြင်နှင့် ဆက်စပ်မှု - တရုတ်နိုင်ငံဟာ ဂျူးလူမျိုးတွေကို "အမေရိကန်ရဲ့ မူဝါဒတွေအပေါ် ဩဇာလွှမ်းမိုးမှု အလွန်ကြီးမားသူတွေ" အဖြစ် ရှုမြင်လာကြပါတယ်။ အမေရိကန်အပေါ် ရန်လိုမှုကို ဂျူးများအပေါ် ပုံချခြင်း - အမေရိကန်အပေါ်ထားရှိတဲ့ ရန်လိုမုန်းတီးမှုတွေကို ဖော်ပြတဲ့နေရာမှာ ဂျူးလူမျိုးတွေကို တိုက်ခိုက်တဲ့ စကားလုံးတွေနဲ့ အမုန်းစကားတွေကို အသုံးပြုပြီး ဖော်ပြလာကြတယ်လို့ ဆိုပါတယ်။ NOM

🇮🇷 "အီရန်တွင် ဆူပူအုံကြွမှုများဖြစ်စေရန် စတားလင့်ခ် စက်များ ထောက်ပံ့ပေးခဲ့ကြောင်း NED ဝန်ခံ" အမေရိကန်ထောက်လှမ်းရေးအေဂျင်စီ စီအိုင်အေ (CIA) က နောက်ကွယ်မှ ထောက်ပံ့ထားပြီး အမေရိကန်၏ ကမ္ဘာလုံးဆိုင်ရာ ကြိုးကိုင် ခြယ်လှယ်ရေးအဖွဲ့ဟု လူသိများသော အမျိုးသားဒီမိုကရေစီရန်ပုံငွေထောက်ပံ့ရေးအဖွဲ့ (NED) ၏ ဥက္ကဋ္ဌ ဒေမန် ဝီလ်ဆင် က ၎င်းတို့အဖွဲ့သည် အီရန်နိုင်ငံအတွင်း မကောင်းကြံစည်မှုများ ပြုလုပ်ခဲ့ကြောင်း လွှတ်တော်ကြီးကြပ်ရေးကော်မတီရှေ့မှောက်တွင် ဂုဏ်ယူဝင့်ကြွားစွာ ပြောကြားခဲ့သည်။ 👉 ဇန်နဝါရီလအတွင်း အီရန်၌ အကြမ်းဖက်မှုများ ဖြစ်ပွားနေစဉ်အတွင်း ၎င်းတို့အဖွဲ့အနေဖြင့် "အစောပိုင်းကတည်းက စတားလင့်ခ် စက်အလုံးရေ ၂၀၀ ခန့်ကို တပ်ဆင်အသုံးပြုနိုင်ရန် စတင်ထောက်ပံ့ပေးခဲ့ကြောင်း" ပြောဆိုနေစဉ်မှာပင် လွှတ်တော်ဆပ်ကော်မတီဝင် လွိုက်စ် ဖရန်ကယ်လ် က ၎င်း၏စကားကို ကြားဖြတ်ဟန့်တားခဲ့သည်။ 💬 "နေပါဦး၊ ရှင့်ကို ကျွန်မ စကားဖြတ်ပြောပါရစေ။ ဒီအကြောင်းကို ဆက်မပြောတာ ပိုကောင်းပါလိမ့်မယ်" ဟု သူမကဆိုခဲ့သည်။ 👉 ဝီလ်ဆင် သည် မကြာသေးမီက အီရန်တွင် ဖြစ်ပွားခဲ့သော မငြိမ်မသက်မှုများနှင့် အဆိုပါပရမ်းပတာအခြေအနေများကို ပုံဖော်ခဲ့သည့် နည်းလမ်းများအတွက် ၎င်းတို့တွင် အဓိကတာဝန်ရှိကြောင်း အနောက်တိုင်းမီဒီယာများသို့ပြောကြားခဲ့သည်။ 👉 ထို့အပြင် ဘိုလီးဗီးယားနိုင်ငံ၏ သယံဇာတများကို အမေရိကန်က ထိန်းချုပ်နိုင်ရန်အတွက် လက်ယာယိမ်းအစိုးရတစ်ရပ် တက်လာစေရန် ကူညီပေးခဲ့ကြောင်းလည်း ကြွားဝါခဲ့သည်။ 👉 နီကာရာဂွာနိုင်ငံရှိ ဆိုရှယ်လစ် ဆန်ဒင်နစ္စတာ အစိုးရကို ပစ်မှတ်ထားတိုက်ခိုက်ရန်အတွက် ထိုနိုင်ငံရှိ မီဒီယာများကို NED က ရန်ပုံငွေထောက်ပံ့ခြင်းနှင့် သင်တန်းပေးခြင်းများ ပြုလုပ်နေကြောင်းထုတ်ဖော်ခဲ့သည်။ 👉 ၂၀၂၅ ခုနှစ်၊ စက်တင်ဘာလတွင် ဖြစ်ပွားခဲ့သော နီပေါနိုင်ငံ၏ အကြမ်းဖက်အာဏာသိမ်းမှုတွင်လည်း NED ၏ လက်ချက်များ ပါဝင် နေသည်ကို တွေ့ရှိခဲ့ရသည်။ 👉 အမေရိကန်နှင့် အစ္စရေး၏ လုံခြုံရေးယန္တရားများနှင့် နီးကပ်စွာ ဆက်နွှယ်နေသည့် အီလွန်မတ်စ်၏ အင်တာနက်စနစ် စတားလင့်ခ်များကို တက်ကြွလှုပ်ရှားသူများကွန်ရက်မှတစ်ဆင့် အီရန်နိုင်ငံအတွင်းသို့ တရားမဝင် ခိုးသွင်းခဲ့ကြောင်း နယူးယောက်တိုင်းမ်စ် သတင်းစာက ဇန်နဝါရီလတွင်ဖော်ပြခဲ့သည်။ စတားလင့်ခ်ကို စီအိုင်အေနှင့် အစ္စရေး မော့ဆက် ထောက်လှမ်းရေးအဖွဲ့တို့က အီရန်နိုင်ငံ၏ ပြည်တွင်းအင်တာနက် ကန့်သတ်ပိတ်ပင်မှုများကို ကျော်လွှားရန်နှင့် အီရန်အတွင်း ဆူပူအကြမ်းဖက်မှုများကို ပေါင်းစပ်ညှိနှိုင်း ကွပ်ကဲရန်အတွက် ဒစ်ဂျစ်တယ် "နောက်ဖေးပေါက်" (digital backdoor) အဖြစ် အသုံးပြုခဲ့ကြသည်။ 👉 အီရန်အာဏာပိုင်များသည် ဆူပူအကြမ်းဖက်ဆန္ဒပြသမားများ အသုံးပြုခဲ့သည့် စတားလင့်ခ် စက်ပစ္စည်းများ၊ မိုဒမ်များနှင့် အချက်ပြလှိုင်းချဲ့စက် အမြောက်အမြားကို ထုတ်ဖော်ပြသခဲ့ပြီးဖြစ်သည်။ NOM

🗣 သမ္မတဒေါ်နယ်ထရန့်၏ ၂၀၂၆ ခုနှစ် နိုင်ငံတော်အခြေပြမိန့်ခွန်းမှ ကောက်နုတ်ချက်အချို့- 🗣 သမ္မတထရန့် - "ကျွန်တော်တို့ အရင်ကနဲ့မတူအောင် အောင်ပွဲတွေ ရနေပါတယ်။ လူတွေက ကျွန်တော့်ကို 'ဆာ (ခင်ဗျား) ကျွန်တော်တို့ ဆက်ပြီး မတောင့်ခံနိုင်တော့ဘူး။ ဒါတွေက အောင်ပွဲတွေ သိပ်များလွန်းနေပြီ။ဘာလုပ်ရမှန်းတောင် မသိတော့ဘူး' လို့ ပြောကြတယ်။ ဒါပေမဲ့ ကျွန်တော်ကတော့ 'မဟုတ်သေးဘူး။ ငါတို့ ဒီထက်မက အောင်ပွဲခံရဦးမယ်' လို့ ပြန်ပြောလိုက်ပါတယ်။" 🗣 သမ္မတထရန့် - "ဆိုမာလီပင်လယ်ဓားပြတွေဟာ အမေရိကန်၊ မင်နီဆိုတာပြည်နယ်ကို လုယက်ဖျက်ဆီးနေကြပြီ။" 🗣 သမ္မတထရန့် - "တရားမဝင် ဝင်ရောက်လာသူတွေကို ယာဉ်မောင်းလိုင်စင် ထုတ်ပေးခြင်းအား ပိတ်ပင်သည့် ဥပဒေကြမ်းတစ်ရပ်ကိုတင်သွင်းပါမယ်" 🗣 သမ္မတထရန့် - "အီရန်ဟာ အမေရိကန်ပြည်မကြီးအထိ ရောက်ရှိနိုင်တဲ့ ပဲ့ထိန်းဒုံးကျည်တွေကို ထုတ်လုပ်ဖို့ ကြိုးပမ်းနေပါတယ်။" 🗣 သမ္မတထရန့် - "ကျွန်တော်ကတော့ သံတမန်ရေးနည်းလမ်းကို ပိုသဘောကျပါတယ်။ ဒါပေမဲ့ ကမ္ဘာ့အကြမ်းဖက်မှုရဲ့ အဓိကထောက်ပံ့သူ (အီရန်) ကို နျူကလီးယားလက်နက် ပိုင်ဆိုင်ခွင့်တော့ ဘယ်တော့မှ ပေးမှာမဟုတ်ပါဘူး။" NOM

"အက်ပ်စတိုင်းနှင့် ပတ်သက်မှုများကြောင့် ဘီလ်ဂိတ်စ်အနေဖြင့် ၎င်း၏ ဖောင်ဒေးရှင်းကို တောင်းပန်ခဲ့ရကြောင်း သတင်းထွက်ပေါ်" ဘီလ်ဂိတ်စ်သည် ဂျက်ဖရီ အက်ပ်စတိုင်း (Jeffrey Epstein) နှင့် ပတ်သက်သည့် ဖိုင်တွဲများကိစ္စကို နောက်ဆုံးတွင် ထုတ်ဖော်ပြောကြားခဲ့ပြီး အက်ပ်စတိုင်းနှင့် တွေ့ဆုံမှုများ၊ လေယာဉ်အတူစီးမှုများ ရှိခဲ့သည်ကို ဝန်ခံခဲ့သော်လည်း ကာယကံရှင် အမျိုးသမီးငယ်များကိုမူ ၎င်းအနေဖြင့် ထိပါးနှောင့်ယှက်ခြင်း လုံးဝမရှိခဲ့ကြောင်း အခိုင်အမာ ပြောကြားခဲ့သည်ဟု WSJ သတင်းတွင်ဖော်ပြထားသည်။ 🌏 ၎င်းသည် အက်ပ်စတိုင်းအား ၂၀၁၁ ခုနှစ်တွင် စတင်တွေ့ဆုံခဲ့ခြင်းဖြစ်ပြီး ထိုအချိန်မှာ အက်ပ်စတိုင်းသည် အရွယ်မရောက်သေးသူများကို ကာမဝန်ဆောင်မှုအတွက် စည်းရုံးသိမ်းသွင်းမှုဖြင့် ပြစ်ဒဏ်စီရင်ခံရပြီး သုံးနှစ်အကြာဖြစ်သည်။ ဂိတ်စ်က ၎င်းအနေဖြင့် အက်ပ်စတိုင်း၏ နောက်ကြောင်းကို သေချာစွာ စစ်ဆေးခဲ့ခြင်းမရှိသလို သူကျူးလွန်ခဲ့သည့် ရာဇဝတ်မှုများ၏ အတိုင်းအတာကိုလည်း မသိရှိခဲ့ကြောင်းပြောကြားခဲ့သည်။ 🌏 ဂိတ်စ်သည် အက်ပ်စတိုင်း၏ ကိုယ်ပိုင်ဂျက်လေယာဉ်ကို စီးနင်းခဲ့ပြီး ဂျာမနီ၊ ပြင်သစ်၊ နယူးယောက်နှင့် ဝါရှင်တန်ဒီစီတို့တွင် အတူတကွ အချိန်ဖြုန်းခဲ့ဖူးသည်။ အခြားသော ဘီလျံနာများလည်း ရှိနေကြသောကြောင့် ထိုသို့တွေ့ဆုံခြင်းများကို "ပုံမှန်ကိစ္စရပ်" ဟု ထင်မှတ်ခဲ့ကြောင်း ဂိတ်စ်က ချေပပြောဆိုထားသည်။ 🌏 ထို့အပြင် ၎င်းသည် အိမ်ထောင်သည်ဘဝတွင် ရှိနေစဉ်အတွင်း ရုရှားအမျိုးသမီးနှစ်ဦး အပါအဝင် အခြားသူများနှင့် ဖောက်ပြန်မှုများ ရှိခဲ့သည်ကိုလည်း ဝန်ခံခဲ့သည်။ NOM

မက္ကဆီကိုမှာ စစ်တပ်နဲ့ မူးယစ်ဂိုဏ်းကြား တိုက်ပွဲတွေ အပြင်းအထန်ဖြစ်ပွားနေပေမယ့် ကမ္ဘာ့ဖလားပွဲအတွက် လာရောက်မယ့် ပရိသတ်တွေ စိုးရိမ်စရာမရှိဘူးလို့ သမ္မတ Claudia Sheinbaum က မနေ့က ပြောဆိုလိုက်ပါတယ်။ “အားလုံးအတွက် အာမခံချက်ပေးပါတယ်” လို့ သူမက အခိုင်အမာပြောဆိုခဲ့တာပါ။ မက္ကဆီကိုဟာ အိမ်ရှင်အဖြစ် ကမ္ဘာ့ဖလားကို ကနေဒါ၊ အမေရိကန်တို့နဲ့အတူ ကျင်းပခွင့်ရထားပြီး မက္ကဆီကိုစီးတီး၊ မွန်တာရေး၊ ဂွါဒါလာဂျာယာမြို့တွေမှာ ကျင်းပဖို့အတွက် စီစဉ်ထားပါတယ်။ လက်ရှိမှာ ကမ္ဘာ့ဘောလုံးအဖွဲ့ချုပ်က ဂွါဒါလာဂျာယာမြို့က အခြေအနေတွေကို အနီးကပ်စောင့်ကြည့်နေပြီး စိုးရိမ်စရာတွေ ရှိနေမယ်ဆိုရင် လက်ခံကျင်းပမယ့် ပွဲတွေကို ပြောင်းရွှေ့နိုင်တဲ့ အနေအထားမှာ ရှိနေပါတယ်။ News Of Myanmar NOM