Poemistic -

سنسیزلیک کوله یی کؤنلومده اسیر حسرت دن ساچینی یولور سئوگیمیز الهامیم دیکسینیر سئوگی سسیندن شعیر دفتریمه دولور سئوگیمیز ساچیندان گئجه لر شعیر هؤرورم سن گئدن یول لاردان کدر دریرَم هر گئجه یوخودا سنی گؤرورم آرزویا ، خیالا دالیر سئوگیمیز اینام دان قیریلان بیر گومان کیمی زیروه دن آیریلان بیر دومان کیمی غمینه سؤیکه نن بیر چوبان کیمی آیریلیق نغمه سین چالیر سئوگیمیز سؤزجوك لر دیلیمده قابار، قاباردی دؤزوم دن شعریمین ساچی اغاردی سنی هانسی دویغو منسیز آپاردی؟ بوغولوب جان وئریر اؤلور سئوگیمیز؟ #سیرداش ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

ازَلدن وورغونام بوتون دوغرویا اَیری‌ده بیر دنه قاشی سئویرم ایچی بوش بئیین‌لَر نه‌ییمه گرَک؟! درین دوشونجه‌لی باشی سئویرم کور آتی مین، کؤنده‌له‌نی چاپ گؤرَک نه‌یه لازیم کارا گلمَز مین دیلک؟! واختسیز درمان، یئرسیز دوعا نه گرک؟! یئرلی اولان دوز قارغیشی سئویرم زهلم گئدیر بوش وعده‌دن، قراردان حیاسیز اینساندان، وفاسیز یاردان کاریما گلمه‌یَن دؤولتدن، واردان دردیمه یارایان داشی سئویرم اوتانمازدان"سیرداش"عاغلی دایازدان ایلی بَد گتیرمیش سارالمیش یازدان قاش-قاباغین تؤکموش سویوق پاییزدان هردن گولومسه‌یَن قیشی سئویرم...! #سیرداش ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

هله اوباشدان‌سیز اوروجــام سنــه افطارلیق پاییم اول عؤمرومه جانیم قورومــوش طالعیـم اولسا عنعنــه آماندیـــــر گون اوزار یانار هر یانیم.. #سیرداش گون آیدین🖤 ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

هردن عصب‌لریم یئرینده اولمور، هئچ نه‌دن قان تؤکوب قادا سالیرام. قویوب قاباغیما یارالاریمی، اوستونه دوز سپیب دادا سالیرام. ساغ دئییل کؤنلومون بیر قاریشی دا، آلمیرام وئجیمه قاری-قیشی دا. خطٛریمی ایسته‌ین دوست-تانیشی دا، اؤزوم‌له برابر اودا سالیرام. اؤتوب آیریلیغین ایلیندن، اؤتوب بمیندن اوزاشیب* زیلیندن اؤتوب غریب دورنالارین دیلیندن اؤتوب داغلارا-داشلارا صدا سالیرام. بخت مندن همیشه آرالی کئچیب ایچیمدن او قدر یارالی کئچیب گؤز یاشیم «خزر»ی، «آرال»ی کئچیب ایچینده آدینا آدا سالیرام. آخشامدا-سحرده تک دئییلم کی، آغیدا-زهرده تک دئییلم کی، بو دؤنوک شهرده تک دئییلم کی، سنی بوتون گونو یادا سالیرام. #آیاز_آراباچی ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

کؤنلومو گؤینه‌دن خاطیره‌لردن گؤزومو کیمینله آچیم، هارداسان؟ نه قَدَر هؤنکوروم شئعیر دیلییله نه قدر سنینچون آجیم، هارداسان؟ دیلیم هئجا-هئجا آدیندا چاشیر منی سینه‌مده‌کی بو داغدان آشیر گؤز یاشیم گؤزومده کۆر کیمی داشیر باش آلیب هایانا قاچیم، هارداسان؟ بو سئودا تک اَل‌له آغلایا بیلمز قلم بو مکتوبو باغلایا بیلمز منی سَنین کیمی آغلایا بیلمز بلکه ده هئچ آنام، باجیم، هارداسان؟ گونشلی-بولودلو بیر خیال قوروم جانیمدا نَفَسیم، گؤزومده نوروم گَلیم، هانسی سؤزله سجده‌نه دوروم سولطانیم، کیرالیم، راجیم، هارداسان؟ کؤنول دفترینده بیر اَیری خططم بیر ییغین سومویم، بیر اوووج اَتم داغیلیب-تالانمیش بیر مملکتم تاختیم هایانداسان، تاجیم، هارداسان؟ سؤز: #آیاز_آراباچی سس: #جلال_ممدوو ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

ایستی‌یدی آنامین ال‌چؤره‌یی تک، یاپ یاپا بیلیرسن، یاپ او گونلری‌! کئچدی می، بیر داها ال یئتمه‌یه‌جک، تاپسان، سالام یئتیر، اؤپ او گونلری! او گون‌لر عؤمرومو سوپوردو، گئتدی، کؤنلومو یئریندن قوپاردی، گئتدی، آغاج آتیمی دا آپاردی، گئتدی، دی چاپ‌ کی چاپاسان، چاپ او گونلری! تاختا قیلینجیمی او گونه آسدیم، دردیمی، سئوگیمی او گونه سوسدوم. او گونو گؤرمه‌یه اوره‌ییم اسدی، گتیر قوجاغیما، هوپ او گونلری! سئویشدیک، گؤز دویدو، کؤنول دویمادی، اوچدوق آیاغیمیز یئره دَیمه‌دی. ائه، یئنه بورنومون اوجو گؤینه‌دی، آل، یارالاریما سپ او گونلری! او گون‌لر گون دئییل، بیرَر ایگیتدی، داش آتلاریمیزین بئلینده گئتدی، «گول»وموز‌ «پوچ» اولدو، الینده گئتدی، ایندی گل اوغولسان، تاپ او گونلری!... #ووقار_نعمت ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

صاباح گله‌جه‌یم دئدین نه صاباح گلدی، نه سن صاباح گلمه‌سه ده اولار! یئتر کی سن گله‌سن... #ووقار_نعمت ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

نه قاپیم‌دان، نه باجام‌دان آی گؤزَل نه ائویمدن، ساراییم‌دان کئچیرسن! گلیشینی، گئدیشینی سای گؤزَل مین آهیم‌دان، هاراییم‌دان کئچیرسن! نه اوتومدان، نه سویوم‌دان ایچمه‌دین نه اوبامدان، نه کؤیوم‌دن اوچما‌دین بیر یول گلیب کوچه‌میزدن کئچمه‌دین هر گون گلیب اوره‌ییم‌دن کئچیرسن! قیشی بوش وئر، هئچ یازیم دا کئچمه‌ییر دومانیم دا،  آیازیم دا  کئچمه‌ییر چؤرَک قالیر بوغازیم‌دا کئچمه‌ییر بوغازیم‌دا، چؤره‌ییم‌دن کئچیرسن! بوغازیم‌دا،چؤره‌ییم‌دن کئچیرسن!.. #ووقار_نعمت ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

آدیمی قلبيندن آتا بيلرسن، اوزاق آرزولارا چاتا بيلرسن، مندن گؤزلينی تاپا بيلرسن منيم تک سئوه‌نين اولمایاجاقدیر. عؤمرونه بيرسئوگی گلر، بيليرم. سنينله آغلایيب ، گولر بيليرم، کيمسه سئوینجينی بؤلر بيليرم، دردیندن اؤله‌نين اولمایاجاقدیر. بيرگون سؤنه‌جک‌دیر، بو اود، بو اوجاق، کدر یوواسيدیر بوش قالان قوجاق دیزینه باش قویوب یاتان اولاجاق، باشينا دؤنه‌نين اولمایاجاقدیر. سئوگی عذابيندان اوزاقسان هله، بير گون اریيه‌رسن سن گيله - گيله، یاناغيندان اؤپن تاپيلسا بئله، گؤز یاشی سيله‌نين اولمایاجاقدیر. #نوصرت_کسمنلی ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

ایناندیم سیزلره قلبیمی وئردیم دوغرو آختاریردیم، مین یالان گؤردوم سیزه آرخالاندیم، چوخالدی دردیم یالانچی دوستلاریم، نه دئییم سیزه!؟ شام کیمی یاندینیز، پروانه اولدوم قیش تک سویوندونوز، گول کیمی سولدوم سیزی دردلی گؤروب دیوانه اولدوم یالانچی دوستلاریم، نه دئییم سیزه!؟ گودازا نه قدر مردی وئردینیز! سئوینج ایسته‌ییردیم، دردی وئردینیز منه درد چکیلمیش سرگی وئردینیز یالانچی دوستلاریم، نه دئییم سیزه!؟ ملَک گؤرکمینده نادان اولدونوز «قادان آلیم» دئدیم، قادام اولدونوز من ائله بیلیردیم آدام اولدونوز یالانچی دوستلاریم، نه دئییم سیزه!؟ بیر مئیوه وئرمه‌دی بار آغاجینیز یاغدیردی اوستومه قار، آغاجینیز منیمچون حاضیرمیش دار آغاجینیز یالانچی دوستلاریم، نه دئییم سیزه!؟ #نوصرت_کسمنلی ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

گئدیشین گتیردی غمی، غصه نی قلبیم سئوه بیلمز داها کیمسه نی هر گئجه رویامدا گؤرورم سنی یوخومو آپارا بیلمه یه جک سن گئتدییین یوللارا حسرتله باخدیم دنیز تک کوکره ییب، چای کیمی آخدیم منیمله قالاجاق بو قارا بختیم بختیمی آپارا بیلمه یه جک سن گوناهین قارشینا چیخاجاق سنین تنهالیق قلبینی سیخاجاق سنین آهیم یاندیراجاق یاخاجاق سنی آهیمی آپارا بیلمه یه جک سن گؤزومون یاشینی سیلسم ده بئله سن سیز دردلی-دردلی گولسم ده بئله من سنین دردیندن اؤلسمده بئله روحومو آپارا بیلمه یه جک سن... #نوصرت_کسمنلی ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

سنی گؤزله‌یه‌جه‌یم، یالقیز جا بیر آدا کیمی... کی یئنی دن منی گؤروب؛ من‌ده یاشایاسان. او زامانا دک، پنجره‌لریم آغری چکه‌جک‌لر... #پابلو_نئرودا ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

من بیر گون اوفوق اولموشدوم، دومان چؤکدو دنیزه‌، گؤرونمه‌دیم. من بیر گون جیغیر اولموشدوم، گئدیب- گلن اولمادی، اوت باسدی اوستومو، گؤرونمه‌دیم...! #واقیف_صمداوغلو ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

اَلیمی اوزاتدیم سئوینجه ساری گؤردوم یوخ، آرادا کَدَر دایانیب آتامی سَسله‌دیم کؤمه‌یه گَلسین گؤردوم یوخ، آرادا قَبیر دایانیب اوز توتوب گئدیردیم آللاها طَرَف گؤردوم یوخ، آرادا عؤمور دایانیب... #واقیف_صمداوغلو سس: #آیتاج_ولی‌بی‌لی ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

بو دونیا نردیوان‌دی بو دونیا نردیوان‌دی قالخاندا مهریباندی ائننده نه یاماندی! گؤروشدوک پیلله‌لرده یولون یاریسیندا بیز او قالخیردی بو دم‌ده من ائنیردیم خبرسیز اونو آرزولارینا قالدیریردی نردیوان منی خاطیره‌لره ائندیریردی بو زامان بیریمیز گون‌چیخانا بیریمیز گون‌باتانا قالخا بیلمزدیم داها نه او گوج،نه او طاقت او دا ائنه بیلمزدی حاقلی،حاقسیز وئرمیشدی اؤز حؤکمونو طبیعت گرک یا دوشمه‌یه‌یدی بو گؤروش هئچ آرایا یا او اوّل گله‌یدی یا من سونرا دونیایا... #نریمان_حسن‌زاده ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

ائله دایانیرسان، ائله باخیرسان ائله بیل قارشیندا قورو بیر داشام ایپک ساچلارینی بیر واخت اوخشایان ائله بیل هارداسا من اولمامیشام. سنی دوستلاریملا، تانیشلاریملا من تانیش ائدردیم نه واختسا بیر- بیر ایندی  اؤزگه لری   یاد   احتراملا دئییرلر تانیش اول نه غریبه سن؟! یوخودا گؤرردین نه واختسا هر دم یولومو گؤزلردین یوللاردان اوزاق من سنین یوخوندان چیخیب گلمیشم بودا بیر یوخودور گَل تانیش اولاق. قولونا  گیرَردیم  بو  یادیندادیر؟ گئدردیک یولوموز ، آرزوموز شریک قولوم قوللارینین لاپ یانیندادیر توخونسا، بیز ایندی عوذر ایستئیه ریک هایاندا اولدومسا سحر یا آخشام آرادین سن منی ، گؤردون سن منی ایندی  گؤزلرینین   قاباغیندایام هایاندا دوروم کی گؤرسن منی ؟!. #نریمان_حسن_زاده ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

ائله ایسته‌ییرم قاییدام هردن گاه قهر، گاه غورور دیدیر باغریمی سنسیز دولو وورموش چینار کیمی‌یم حیرصیم قوپوب-دوشن یارپاقلاریمدی سؤز وار: "آغلایاندا اورک بوشالار" سنینچون هؤنکورمک، آغلاماق آسان سنین هئچ اولماسا تسکینلییین وار یاخشی کی، سن منه اوخشامامیسان ترسلیییم باشیما بیر بلا اولوب تپه‌دن-دیرناغا گوناهام ،شرم ائح... بو غورور دا بیر بهانه اولوب من کی ،کؤرپه‌لیکدن دیمه‌دوشرم... #واحید_عزیز ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

اوخشا ساچلاریمی، سَپیل روحوما سنه یاخین اولوم، دنیادان اوزاق قالدیر دابانینی ساریل بوینوما قوی سکوت دانیشسین، ایکیمیز سوساق بئله‌جه سئوینیم قوللارین اۆسته اؤزون اویات منی، سیلکه‌له منی اَیلندیر بو آخشام خوش اۆز له منی طالع عزیزله‌سین قوی هله منی دؤزوموم آزالیر هردن ائله بیل دۆشوب اَریییرم تزه قار کیمی سنین نوازشین معناسیز دگیل او چاتیر دادیما خلاصکار کیمی بعضاً بیر حیاسیز گیریر آرایا اؤزو گۆنده گزیر، مَکری کؤلگه‌ده نه سسیم نه اۆنوم یئتیر هارایا بیر حیات ایشیغی سنسن بلکه‌ ده ال‌لری شفا دیر مَلحَمی ایله نه دئییم اووسون وار بلکه جانیندا دنیانین اَن بؤیوک لُقمانی بئله معالجه ائتسه هئچدی یانیندا کیمسه دوداق بۆزوب هارداسا سسـسیز دئمه‌سین آی هارای، بوردا دا غم وار نه قَدَر گۆلونج‌دور نظریّه‌نیز من دنیا گؤرموشم اؤز تجربه‌م وار دؤیوش میدانی‌دیر قدیمدن حیات بعضاً یارالاییر، من ده انسانام طبیبسیز-درمانسیز سن منی ساغالت اَیلندیر خوش اۆزله منی بو آخشام سنه یاخین اولوم، دنیادان اوزاق قوی سکوت دانیشسین، ایکیمیز سوساق #نریمان_حسن‌زاده ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

طالع منه یار اولماسا، من نئيله‌یه بيللم؟ ذؤوقومجه نيگار اولماسا، من نئيله‌يه بيللم؟ بير آهو باخيشلى گؤز‌له چوخدان اسیرم آهێملا شیکار اولماسا، من نئيله‌يه بيللم؟ مئيخانه ده  همدم منه مئى جامى الينده بير لاله عوذار اولماسا، من نئيله‌يه بيللم؟ مردليكله، صداقتله گؤزل دوست يولوندا بير جان كى، نثار اولماسا، من نئيله‌يه بيللم؟ يوز ايل ياشاييب، بيرجه گون عؤمرومده فلكدن كاميمجا مودار اولماسا، من نئيله‌يه بيللم؟ من بير گول اوچون یالواریرام خاره همیشه گولدن او کنار اولماسا، من نئيله‌يه بيللم؟ مهپاره‌لرین جؤورونو چکمکلیگه "واحید" کؤنلومده قرار اولماسا، من نئيله‌يه بيللم؟.... #علی‌آغا_واحید ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯

بیلسن، گؤزلیم! سن نه قدر سئوگیلی جانسان، ظولم ائیله‌مه، قوی سؤیله‌مه‌سینلر «جان آلانسان» سولدورما او گول چؤهره‌نی، آلدانما رقیبه، اؤز قدرینی بیل کی، نه قدر ایندی جاوانسان. اغیاره اینانما، گؤزلیم! قورخورام اوندان، چوخ ساده‌سن، هر سؤز کی دئییرلر اینانانسان. گولدن ده، چیچکدن ده، گونشدن ده گؤزلسن، سن باغ ملاحت یئتیرن سرو روانسان. گؤردوم یئنه مین نازیله بیگانه‌یه باخدین، چوخ شوبهه‌یه سالدین منی، بیلدیم نیگارانسان. گؤر بیر نه گؤزللیکده یئتیرمیش سنی طالع! حسرت چکیر عالم سنه، مشهور جهانسان. «واحید!» بو قدر سنده کی وار عشق و محبّت- دونیا قوجالیب گئتسه، چتین سن قوجالانسان... #علی‌آغا_واحید ╭━━━ ◉ ✦ ◉ ━━━╮  │      @poemistic   🌱  │  ╰━━━ ◉ ✦ ◉ ━━━╯