أطباء امتياز مصر

المؤتمر السنوي لأطباء الامتياز والتكليف السنادي إن شاء الله هيبقى يوم 19/20 سبتمر . هيكون موجود نخبة من أفضل الدكاترة اللي موجودين عالساحة كل واحد فيهم له Talk زي دكتور علي حسيب https://www.facebook.com/share/p/1KHBUNpB3j/ ودكتورة شيرين غالب https://www.facebook.com/share/p/1KkK1zUTLF/ ودكتور أحمد محسن https://www.facebook.com/share/p/1CaVBMGXrt/ احجز مكانك دلوقتي من خلال لينك التقديم على المؤتمر: https://forms.gle/BYKcP9DByqZAqkjQA

لو مقدرناش نزود المكافأة ع الاقل نحاول نقلل العيوب والمساوئ غير الآدمية الل بتتعمل.. البوست دا دا عن الريكوستات والديرتي ونتمنى الكل يشارك فيه ويكتب ويقول اي موقف حصل معاه او اتطلب منه. https://www.facebook.com/share/1AwmSD151k/?mibextid=WC7FNe

طِبتم وطَابَت اعيادُكم برِفقة مَن تُحبّون، كل عام والفَرح يملئ قُلوبكم، نسأل الله أن يتقبّل طاعاتكم، ويجعل أفراحكم دائمة، وقلوبكم مطمئنة، وأيامكم عامرة بالرضا والعافية. تقبل الله منا ومنكم.♥️♥️ عيدكم مُبارك. ♥️♥️

ـــ : برامج التدريب في الخليج للطلاب زي إيه؟ Internship Observership في مستشفيات سعودية أو قطرية أو إماراتية. برنامج Mayo Clinic Student Observership (في فرع أبو ظبي مثلًا). في بعض الدول بيقبلوا فقط "Students"، فبعد التخرج بتفقد الأهلية. ـــ: برامج التبادل الخاصة بالجامعات والمؤسسات بعض الكليات عندها شراكات مع جامعات أوروبية، بتفتح لك شهر أو شهرين Training. فيه جمعيات طلابية بتعمل تبادل ثنائي (student-to-student exchange) على مستوى محلي أو دولي. خلاصة الكلام: كل دي فرص بتنتهي رسميًا لما تبقى “خريج” أو “GP” ومش طالب. فلو ناوي على: سيرة ذاتية قوية فرصة سفر دولية دخول على Match أو تدريب قوي بعد الامتياز لازم تدور ع الفرص دي وتتابع وتحاول واحنا اللي بتلاقيه قدامنا بننزله ليكم في تشانيل السفر أول بأول... ـثاانيا: انك تستثمر في نفسك ، وتخلق فرص عمل ومصدر دخل اضافي ليك ودا مش هيجيلك برضو وانت مكانك ،صحيح أننا حاولنا ولازلنا وهنحاول في زيادة المرتب الهزيل بتاعنا ولكن دا مش مبرر ابدا يخليك قاعد حاطط ايدك ع خدك ومستني الحسنة دي.. لا لازم تدور وتحاول ، غيرك بدأ يقدم محتوى على اليوتيوب وبيكبره، وغيرك بدأ في شرح مناهج الدفعات الأصغر أو اسعافات أو طورائ ، وغيرك بدأ في تسويق لبراند سواء طبي أو غير طبي ، وتانيين شغالين ف الماركتينج والدعايا.. وبلاش نغمة اصل انا داقتووور هشتغل الحاجات دي، نرجع لنقطة البداية انت فالامتياز وزي مادول سنتين حرية وفراغ فهما فترة معلقة لا انت طالب ولا بتتعامل ك دكتور ف بلاش حمية فالموضوع دا وبلاش تضيع سنتين ممكن جدا اذا اخدت بالأسباب وحسنت دخلك تعرف بعدهم تاخد خطوة ف جوازك مثلا او سفرك أو جهازك لو انتي في فيميل وتشيل حمل وضغط من على أهلك وتبدأ حياة الاستقلالية والاعتماد ع النفس.... وزي ما عملنا الكومينتي دا علشان نوصل صوتكم فبرضو هو موجود لدعمكم ودعم أفكاركم ومشاريعكم فمتتردوش ابدأ فإنكم تعرفونا وتبعتوا في جروب الامتياز واحنا هندعم بكل اللي نقدر عليه بحيث تستفيدوا وتنجحوا... وربنا يكتب لكم الخير ويوفقكم

بمناسبة انه خلاص الربع الأول من سنة أولى امتياز خلاص بينتهي ،دي فرصة كويسة إننا نقف مع نفسنا ونشوف احنا فين ؟ هل رسمنا طريق ووقفنا على أوله ولا احنا لسه ورا في مفترق كل الطرق ... الحقيقة انك لو بصيت حواليك أكيد هتلاقي كتير غيرك سلكوا طريق ومشوا فيه ..دا مش معناه ابدا انك متأخر لا انك زيهم وهتلحقهم ولكن مينفعش تقف مكانك أكتر من كدا... قلنا كتير وبنكررها الامتياز من بعد ما أصبح سنتين بدل سنة فخلاص بقى مينفعش يضيع ويعدي لأن سنتين دول عمر وفترة كبيرة جدا تكفي انك تعمل حاجات كتيرة ،وارد جدا جدا متلاقيش بعد كدا لا الرفاهية ولا الوقت انك انك تعملهم... طيب ايه اللي ممكن تعمله؟ ـاولا. : انك تمشي في طريق على جنب بحيث بعد كام شهر تكون اخدت خطوة وقطعت فيه شوط كبير لو عايز تسافر مثلا ،وعلشان متحملش نفسك ضغوطات فدور على كل مصادر مجانية متاحة للطريق دا بدل ما تكلف نفسك... وحاليا اللي متاح هو داتا كتيرة ل طريق يوسملي أمريكا زي اللي موجودة هنا ... وبرضو داتا ل بداية اللغة لغاية مستوى B2 في الألماني ودا كمان موجود هنا... قبل نهاية اول سنة تقدر تكون خلصت ستيب ع الأقل في طريق أمريكا أو مستوى في الألماني... طيب لو عايز حاجة تفيدك علميا ومستبعد السفر خالص فأنسب حاجة انك تبدأ فال MRCP خاصة بعد ما توافرت معظم المصادر المجانية ليها واللي نزلناها هنا... بشهادة كل الدكاترة الأكبر الزمالة البريطانية في الباطنة كنز حقيقي هيخليك افضل واقوى علميا خصوصا لو انت من محبين الباطنة ..... بالنسبة للجراحة فبرضو نفس الشئ ولكن لسه متوافرتش مصادرها المجانية ولكن الأكيد أنها هتتوفر وهننزلها علطول ... لو انت بالفعل بدأت في طريق من الطرق دي أثناء سنوات الكلية ف فيه حاجات ممكن تعملها فالامتياز هتكون اصعب بعد التخرج لو ملحقتهاش زي: لو ماشي في طريق أمريكا (USMLE): Electives/Clerkships في أمريكا: مش هتقدر تعملها بعد ما تتخرج في أغلب الجامعات الأمريكية. دي فرصتك الوحيدة تعمل clinical experience "hands-on" وأنت طالب. Externships وObserverships الدولية: هتكون Limited جدًا بعد التخرج، خصوصًا من غير فيزا طالب. Recommendation Letters (LORs): تقدر تجيب LORs من دكاترة كبار في أمريكا لو سافرت في الامتياز، وده بيفرق جامد في التقديم على Match. ولكن بعد التخرج عادي نجيبه برضو Research Internships: تقدر تروح تعمل بحث في مركز محترم في أمريكا وتاخد شهادة أو حتى تنشر ورقة تساعدك في CV. وطبعا فيه فرص عمل بس غالبا بتكون unpaid وبتشترط تكون مخلص ال ستيبس وليك كذا بابليكشن لو بريطانيا (PLAB / MRCP): UK Internship Programs / Clinical Attachments: في مستشفيات إنجلترا أو إيرلندا، الامتياز فرصة إنك تروح Training هناك قبل ما تتخرج. شهادات دعم ل-GMC Registration: فيه برامج بتطلب إنك تكون عملت تدريب أو ممارسة إكلينيكية كـ student في نظام بريطاني. فرص NHS Pathway & Hands-on experience: بتكون أسهل في الامتياز منها بعد التخرج عشان وضعك كطالب أضمن قانونيًا. ـ برامج التبادل الطلابي الدولي – IFMSA Exchange ودا هيحتاج له سرد ف بوست منفصل .. ـ : المنح والتدريب في منظمات طبية دولية (Global Health) مثال: WHO Internships (منظمة الصحة العالمية) MSF (أطباء بلا حدود) تدريب طلابي Global Health Corps (بعد التخرج) بعض المنح دي تطلب منك إنك تكون طالب أو امتياز، وبالتالي بتنتهي فرصتها بعد التخرج. ــ : دورات ومؤتمرات طبية عالمية لطلاب الامتياز زي إيه؟ دورات جراحية (Suturing – Basic Surgical Skills – Laparoscopy) مؤتمرات ISCOMS في هولندا – AMEE – ESMO – وغيرها. Summer Schools في أوروبا (بولندا، إيطاليا، سلوفاكيا...) بعضهم يقدم منح كاملة أو جزئية لو قدمت بدري كسنة امتياز.

شباب لو في أي دفعة في أي جامعة في مشاكل بتواجهه ومستعدين فعلا يتكبو عنها يخلو الليدر بتاعهم يتواصل معايا علي البوت وقناه التليجرام وصفحة الفيس مش هتتأخر انها تكتب عن أي مشكلة بتواجهكم وكمان هنوصل الموضوع للنقابه.

لو حد مميز بحاجه يقدر يضيفها أو يساعد باي طريقه يبعتلي علي البوت محتاجين ناس creative، content creator،memes creator

مساء الخير يا شباب معلش عارفين أننا غبنا عنكم فترة كبيرة بس كانت فترة زحمة علينا كلنا بداية امتياز وأعياد ، المهم إن شاء الله احنا هنرجع نتكلم تاني وننشر عن الموضوع بتاعنا ، وبدأنا ب أول خطوة رسمية وهو إنشاء رابطة أطباء الامتياز وهيعلن عنها ف اجتماع النقابة يوم الجمعة الجاية إن شاء الله محتاجين منكم متابعة ومجهود كبير الفترة الجاية علشان نعمل حاجة كويسة إن شاء الله Stay tuned

مساء الخير دا مش طابور عيش ولا حتي طابور سينما دول دكاترة وزمايلنا امتياز طب القصر العيني الزحمة دي مش لطلب العلم لا دول ناس نازلين مخصوص عشان يبصموا وبس لا عندهم شيفت .. ولا عندهم محاضرة يتعلموا منها ولا اي حاجة .. كل الحكايه انهم نازلين عشان البصمة وياريت بيبصموا ويمشوا لا دول بيستنوا ميعاد الانصراف .. عشان البصمة ياريت نكون صوتهم اللي مش مسموع الدكاتره دول لا ليهم تأمين علي حياتهم ولا ليهم مرتب يكفي احتياجاتهم وكمان بينزلوا شيفتات بيصرفوا فيها من جيوبهم وبعد كل دا مطالبين انهم ينزلوا عشان البصمة في ايام اصلا معندهمش فيها شغل حتي وقتهم كمان عايزين تاخدوا منهم طب دول يتعلموا امتي ولا يجيبوا فلوس امتي يصرفوا بيه علي المرمطه اللي بيشوفها في الشيفت ولا يجيبوا وجبه يسدوا بيها جوعهم مش معقول هيفضلوا سنتنين في المرمطة دي #امتياز_طب_قصر_العيني #الغاء_بصمة_الانصراف

تعديل : اخر يوم للحجز النهاردة ياشباب علشان النقابة بتستعجلنا في سرعة إرسال الأسماء لعمل الترتيبات اللازمة من تجهيز المكان والمقاعد والإفطار.

السلام عليكم ورحمه الله وبركاته إن شاء الله آخر موعد لتاكيد الحجز يوم الخميس إن شاء الله الافطار مجاني ولكن فيه خمسين جنيه جدية حجز وتسترد بعد الحضور إن شاء الله يوم الاحد 23 بنادي الأطباء البحر الاعظم الجيزة https://maps.app.goo.gl/gqCdRRXoQ4aKiqLj6 الحضور الساعه خامسه كل إللي مش عارف يحجز يقدر يتواصل مع البوت الحضور متاح للجميع الجامعات دي محتاجين ناس منها تيجي بنها طنطا دمياط المنوفيه حلوان المنيا اسوان بورسعيد السويس

السلام عليكم يا شباب إن شاء الله الافطار هيكون يوم الأحد القادم 23 في العنوان إللي إحنا بعتناه أقرب محطة مترو "أم المصرين" عشان تأكد الحجز بتاعك إنك هتيجي اليوم ده هنحتاج خمسين جنيه تأكيد حجز تسترد يوم الافطار إن شاء الله لمن حضر عشان تحجز وتأكد الحجز تتواصل مع الليدر إللي نزلنا أسمائهم فوق أو تتواصل مع البوت @medicalintern11_bot