7asaletna | حصالتنا

وَمَا تُنْفِقُوا مِنْ خَيْرٍ يُوَفَّ إِلَيْكُم #حصالتنا #لعلها_المنجية

السلام عليكم و رحمة الله و بركاته عساكم بخير يا شباب 🤍 الحمدلله تم بفضل الله و بفضل مساعدتكم الإنتهاء من صب الأرضية و هنبدأ في البند اللي 🎉بعده للحالة محتاجين همتكم معانا علشان نقدر نكمل الخير اللي بدأناه و نخلص الحالة على خير و نكون سبب في أمانهم 🤍 #حصالتنا #لعلها_المنجية

جمعة مباركة عليكم جميعًا يارب و متنسوش تصلّوا على النبي و تقرأوا الكهف🤍 حاليًا احنا بدأنا في الأرضيات بتاعت الحاله دي وهنشتغل السقف بعدها علطول بإذن الله متنسوش إن لسه باقي كتير للحاله ومحتاجين همتكم علي أد ما نقدر نحاول نخلصها بقدر الإمكان الشير بيفرق كتير لو مش في التبرع فأي شخص ممكن يشوف الاستويرز من عندكم ويحاول يساعد وتكون أنت سبب فيها 🤍 قال رسول الله ﷺ: "من نفس عن مؤمن كربة من كرب الدنيا، نفس الله عنه كربة من كرب يوم القيامة" #حصالتنا #لعلها_المنجية

مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً في مكانٍ ما قَرُب أو بَعُد في أسر كتيرة محتاجة مساعدة ، و المرة دي معانا واحده منهم بيتهم خالٍ من أساسيات الحياة و لكنه مغمور بالستر و الرضا ، فحابين نساعدهم و نوفر لهم أبسط حقوقهم في حياة آدمية 🤍 ياريت اللي يقدر يساعد ميتأخرش "و أحسنوا إن الله يحب المحسنين" ، و لو مش هتقدر تساعدهم ساهم معانا بالشير ممكن تكون سبب في سترهم ، في فرحتهم، في دعوة تفتحلك أسباب رحمة ، يمكن تكون سبب و الخير يوصل على ايدك 🤍 جمعتكم مباركة 🤍 #حصالتنا #لعلها_المنجية

"مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ" على قد ما تقدر خليك سبب في تفريج كرب غيرك✨ #حصالتنا #لعلها_المنجية

من فرج عن مسلم كربة من كرب الدنيا فرج الله عنه كربة من كرب يوم القيامة 🤍 شير كتير لو سمحتم علشان نقدر نساعدها 🤍 #حصالتنا #لعلها_المنجية

و ذكّر ، ياريت متنسوش حالة أختنا الفلسطينية يا شباب 🤍 "وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ" فكُلُّ امْرِئٍ في ظِلِّ صَدَقَتِهِ حَتَّى يُفْصَلَ بَيْنَ النَّاسِ اللي يقدر يساعد حتى لو بالشير ياريت ميتأخرش 🤍

حالتنا المرة دي من غزّة ♥️ همتكم معانا علشان نقدر نساعد إخواتنا و شير كتير ، لا تحقرنّ من المعروف شيئًا حقيقي كل مساعدة و لو بسيطة بتفرق ♥️ #حصالتنا #لعلها_المنجية

السلام عليكم ورحمة الله وبركاته محتاجين تبرع من الدم أي فصيلة بسرعة ، لو حد جاهز يبعت هنا @Saiedshalaby

🟢دلوقتي بقي متاح خاصية ال Direct Message وهي أنكم دلوقتي تقدروا تتواصلوا معانا لو احتاجتوا أي حاجة مننا .

السلام عليكم ورحمه الله وبركاته عساكم بخير جميعًا معانا 3 علب adport 1mg فاضلهم 13 يوم و يبقوا expired الدوا غالي و حرام يترمي على الأرض و محدش يستخدمه فلو في أي حد محتاجة مقتدر أو غير مقتدر يبعت على اليوزر نيم دا @Alaazidan1 #حصالتنا #لعلها_المنجية

السلام عليكم ورحمه الله وبركاته معذرةً اتأخرنا عليكم بس زي ما أنتم عارفين عيد بقى و زحمه و كده كل سنه و أنتم طيبين و بخير يارب ، ربنا يعود علينا الأيام المباركة دي بالخير و اليمن و البركات يارب دومًا في عفوٍ و عافية♥️🥳 الحمدلله كنا قد التحدي و قدرنا في يوم و نص نجمع و نعمل 90 وجبة إفطار ليوم عرفه بفضل الله سبحانه و تعالى أولًا ثم بفضل مساعدتكم ♥️ ربنا يتقبل منّا و منكم هذا العمل خالصًا لوجهه الكريم ، و يارب دومًا متجمعين في الخير ♥️ 🥰 #حصالتنا #لعلها_المنجية

بما إننا كمان فى الأشهر الحرم والعمل الصالح خلال الأشهر الحرم له مذاق مختلف و لأن الأجر فيها مضاعفٌ والثمنَ أكثر والعطاءَ من الله تعالى فيها غَزِيرٌ ، فاحنا تيم حصالتنا حبينا نحصد نصيبنا من أجور مضاعفة " والله يضاعف لمن يشاء" و لأن المسلم أخو المسلم فحبينا نشاركم أجر إفطار صائم و دا إفطار صائم يوم عرفه🤍 و قد قال صلى الله عليه وسلم "ما من يوم أكثر من أن يعتق الله فيه عبدًا من النار من يوم عرفه" والصدقة في اليوم دا تُضاعف أجرها لعظمة الزمان والمكان معًا علشان كده حبينا نشارككم الأجر ❤️

قال رسول الله ﷺ: “من فرَّج عن مسلم كربة من كرب الدنيا فرَّج الله عنه كربة من كرب يوم القيامة.” بنت فرحها قريب جدا في شهر ٧ ولسه ماجابتش الاساسيات والحاله الماديه صعبه والدها عامل وهي بتشتغل وعندها اخوات واحده منهم مخطوبه ومش قادره تجهز نفسها فحصنا الحاله كويس كدا واتاكدنا من كام حد ولقيناها فعلا مستحقه للمساعده فعايزين نجمع ليها اللي نقدر عليه بحيث اننا ننزل نجيب ليها اي حااجه من الاجهزه الكهربائيه

السلام عليكم ورحمة الله وبركاته عساكم بخير جميعاً بقالنا كتير منزلناش قوافل، وفي ناس فعلاً محتاجة، فقررنا سريعاً وبدون تردد نطلع قافلة، عملًا بقوله ﷺ: “أيما مسلمٍ كسا مسلمًا ثوبًا على عُري كساه اللهُ من خُضَرِ الجنَّةِ”. همتكم معانا نكثف الشير في كل مكان خلال أسبوع واحد نجمع كمية ملابس محترمة نفرح بيها أهلنا المحتاجين 🤍 أي حد معاه لبس يقدر يوصله لبلطو أو اسكراب أو يتواصل مع أي حد من عيلة حصالتنا، وإحنا هنوصله. حاجة بسيطة منك هتفرق كتير معاهم..❤️ افتح دولابك وشوف إيه اللي ممكن تفرّح بيه حد تاني. مستنيينكم 🥰

باب جديد من أبواب الخير 👀‼️ 🔴طلاب الفرقة التانية كلية طب بشري جامعة كفر الشيخ اتواصلوا معانا في حصالتنا علشان يعملوا صدقة جارية ليهم وللدكاترة بتوعهم وتشارك فيها الدفعة كاملة . 🔴وبناءا علي ذلك لقينا حالة لسيدة مطلقة ومعاها طفلين كانوا محتاجين مكان مهيأ للحياة يقعدوا فيه ، و أهل الخير عملوا لهم بيت بسيط بالطوب الأبيض بس ينقصه حاجة أساسية جداً وهي وصلة ميّة ، واحنا جايين بقا ندخل لهم مياة عشان يقدروا يعيشوا حياة كريمة ونخفف العبء عن الأم . 🔴وصلة المية هتكلف ٨٢٠٠ جنيه وده هدفنا نجمعه بإذن الله كل مساهمة منك هتفرق ولو بجنيه. 🔴شدوا الهمة ومتنسوش تشيروا في كل حتة وتتبرعوا ⚠️. 🟠يقول الله عز وجل:  "وَما تُنفِقوا مِن خَيرٍ فَلِأَنفُسِكُم وَما تُنفِقونَ إِلَّا ابتِغاءَ وَجهِ اللَّهِ وَما تُنفِقوا مِن خَيرٍ يُوَفَّ إِلَيكُم وَأَنتُم لا تُظلَمونَ".