طخاف

‏الصبح ياخذ وسعة آفاقه من السود الوساع ‏ليت المساء ياخذ من رموش العيون وطولها ‏الليل يطوي كل ذكرى عابرة طي الشراع ‏والذكريات اللي لها لذة تجي برجولها ‏انا لو اسامر شعاع النجمة أشعر ب إرتفاع ‏حتى لو اني فوق الارض احس نفسي حولها ‏لحدٍ يقول ان القناعه كنز والدنيا متاع ‏ما يقتنع قلبي من الاحلام لين ينولها ‏الترفه اللي همت فيها عن يقين وب إقتناع ‏ما تل قلبي من معاليقه سوى منتولها ‏ولا صار باقي للقصيد النخبوي طاري يذاع ‏أحب أزاول موهبة ربي مقابل زولها ‏وشلون ابنسى جرحها اللي صار وافض النزاع ‏في الليلة اللي تستعير شوي من مجدولها ‏عقلي يعاتبني يقول الحب ضاع الحب ضاع ‏وقلبي يقول ان المشاعر ما أنتهى مفعولها ‏اثر المحبة تضعف العشاق قدر المستطاع ‏العاشقين قلوبها متحكمه في عقولها ‏الكلمة اللي ما قدرت اقولها يوم الوداع ‏لو ترجع الايام فيني ما قدرت أقولها

‏تصاغرت الشعور اللي وصفته في شعور"أعجاب" ‏الين احسه بقلبي كبر .. ما ياسعه صبري ‏تجاهلتك لعلي فالتغابي بأشغل الأهداب ‏تجاهل غيرك و دار النظر لك رمشي الخدري ‏ ‏كثر ماينكر أحساسي حديث لساني الكذاب ‏كثر ما تأكد احساسي حوادث قلبي العذري ‏ياكم عليت صوتي بالكلام و قهقهات الناب ‏عشان أتوهه الجلاس عن دقات في صدري ‏ ‏و لا زال الهوى تقوى رياحه لين زال الباب ‏وشرع لك مواطن خافق ماهو على خبري ‏من الله و الله إني ما نويت وما حسبت حساب ‏" من الله و الله إني حيل حبيتك و انا مدري " ‏تمر بدنيتي وجهٍ يحسبونه مثل الأصحاب ‏و انا لامرني وجهك اغنيله " وطن عمري " ‏له الدقات في يديني و فـ عيوني له الترحاب ‏و في بالي تفاصيله قريرة بال ما تطري ‏ الا ياكذبة الصادق و الا يا نزوة التواب ‏الا ياغفلة العاقل و الا ياكسري وجبري ‏حفظتك سري الخافي عسى الله ما يجيب غياب ‏اخاف اقول احبك ما تحب وينكسر قدري

‏ذخرتك طلقةٍ ترمى بصدر الصاحب الكذاب ‏لعل سلاحي موجّه على صدري و شريانيّ ‏وقفت ووقفتي صلبه ، بعد ما صفّوا الأغراب ‏و جابوا لك حطب صدري و ولعت موقد أحزاني ‏و أنا ورب الفلق والناس والأحقاف والأحزاب ‏ما كنت أحسب حساب لساعةٍ يربط فيها لساني ‏أعاتب من؟ و الدنيا بخطاها ماعليها عتاب ‏مثل ما جابني درب الزعل .. لهناك ودّاني ‏هناك لوين؟ مدري بس أعرف إن الطريق غياب ‏غيابٍ كل ما طال الطريق ، تخف نيراني ‏كسرت الباب أبو مزلاج حزن ولا بقى لي باب ‏و دانيت الجفا حتى لو إني كنت ما أداني ‏فمان الله ، و اللي بيننا يبقى ليوم حساب ‏أخاف أسامحك يوم الحساب و أنجرح ثاني

‏يبين الغل والا ما يبين الغل انا رجال ‏اعرف المخطيه والمقديه واقدّر الخوّه ‏واعرف ان الليالي زايله وان الوفا لا زال ‏واعرف ان الحسد والكذب شر وفقدة مروّه ‏الا يالله بجاهك من غضبك وفتنة الدجّال ‏والا يالله بجاهك من تضيعافٍ بعد قوّه ‏خبيثين السراير لو يحطون القصار طوال ‏حصايلهم من الدنيا واهلها ذكرٍ امشوّه ‏خليط من النذاله والكراهية والاستغفال ‏مثلّث منت قادر توصفه لو انّك مفوّه ‏تبين في الوجيه الكلمه اللي ماتبي تنقال ‏يميّزها الضمير اللي مهوب يكيد ويموّه ‏وكيف الحال بلسان العدو ماهيب كيف الحال ‏تراها الميسم اللي مندفن في قاعة الدوّه ‏خليين المكارم يحسبون ان الكلام افعال ‏على غش الضعيف من الاوادم فيهم اجروّه ‏ترى المحروم من ربي عطاه الجاه والاموال ‏وعلى ما الله عطاه من المزايا ما شعم ضوّه ‏لا شفت اللي يعبد المال ينصحنا ببذل المال ‏تجنبت الكلام وقلت لا حول ولا قوّه ‏خذوني للشعيب اللي توطاه المسيل وسال ‏ولأنسام الصباح اللي غيومه تارسه جوّه ‏غريبات الليالي مالها وزنه ولا معدال ‏احسب انّي سلمت من الغثا واثر الغثا توّه

يا نفسي اللي ضايعه بين رايين ماودي أظهر لـ العرب كل خافي أنا الغريب اللي غريب من سنين وأنا القديم اللي قديم أختلافي تلعب بي الدنيا من يسار ويمين وأمشي على رمضى المقادير حافي إنسان وإنساني ضمير وحمر عين غامض مع العالم ولي قلب صافي طبيعي إني فيني الزين والشين لكن يكفي إني مع الناس وافي وجدي على الاحلام قبل الثلاثين كم فرصة عدت وماتت خلافي

‏الليالي موحشه والفكر متشتت وتايه ‏انتهت كل الحلول وعزلتي مخرج طواري ‏والله اني مرهق ومتعب بما فيه الكفايه ‏بس اقاوم قسوة الايام من خوف انكساري ‏الرضى والصبر واجب والفرج مطلب وغايه ‏والامل يحتاج عقل مولي وقلب انتحاري

‏فاقد فقد الأراضي للسّحاب الّلي مصبّه ‏يحيي الجرد القواحل لين ما تجري المساقي ‏أدري إن الميّت المؤمن منعّم عند ربّه ‏وأدري إن ما باقي غير الله المعبود باقي ‏بس أنا من الفقد مثل الّلي غدا في وسط غبّه ‏إنطفى نجم ونزف جرحٍ عطيب وجف ساقي ‏أذكره وأشتاق وأبكي وأحتضن قبره وأحبّه ‏والله إن ما أعظم منه ياكود فقده وإشتياقي

لاهنتو - عذوب

تبادل اشتراك و نشر || @n11ll_n https://t.me/shikha_511

https://t.me/iiiol1i حيّاكم نشر لـ 12 @iiiol11i

نشر - @YESF10